တႈမၚကပီၚဟီဥခိဥဒီဖ်႕ဥကိိေသရဥtမုႈနံၚ မ့ႈ၀ဲလ႕  ၀႔ႈတကူဥတႈပ႕ ပွၚစီဆွံအီဥက႕ဥစ္စတ႔း တႈဘါသရိဏ

တႈမၚကပီၚဟီဥခိဥဒီဖ်႕ဥကိိေသရဥtမုႈနံၚ မ့ႈ၀ဲလ႕  ၀႔ႈတကူဥတႈပ႕ ပွၚစီဆွံအီဥက႕ဥစ္စတ႔း တႈဘါသရိဏယ ဖဲ ၂၀၂၄ လါအီၚကထိဘ႕ဥ ၅ သီအမုႈနံၚနဥ့လီၚ’

တႈမၚအသးအံၚ ဘဥတႈကရ႕ကရိထီဥအီၚလ႕ ၀႔ႈတကူဥလီႈက၀ီၚ တႈကူဥဘဥကူဥသ႔ အကမံးတံဥဒီး ၀႔ႈပကိး ရြ႔ဥဟ႔သဥ တီၚခ႕ဥသးကေိနဥ့လီၚ’ တႈမၚအသးအံၚ အိဥဒီးတႈပညိဏ ဒ္သိး တႈမၚလိကေိလ႕ ပွၚကဲးသလံးဖိ ဒုးအိဥထီဥအီၚဒီး တီခိဥရိဥမဲ၀ဲသ့ဥတဖဥ ကသ့သ့ဥညါလိဏအသး ဒီးဆဲးက်႕လိဏအသးတခါဒီးတခါ လ႕ခါဆူညါ တႈလဲၚထီဥလဲၚထီအဂီႈ နဥ့လီၚ’

ကဲးသလံးတႈအိဥဖွိဥကရ႕ဖိသ့ဥတဖဥ ဒုးအိဥထီဥ၀ဲ တႈမၚလိကေိ အသရဥသိဥလိတႈသ့ဥတဖဥ ဒီးပွၚဘဥမူဘဥဒါသ့ဥတဖဥ လီၚဆီဒဥတႈလ႕ Shwe Hin Thar Private Middle School, Flowers Hight School of North Dagon, Myat Pyinnyar School, Light English School, and Learning Center, Little Cocoon, Joseph University, LOUI Nursing Aide and Pharmacist AideTraining Center, Tamil Community College, Pyinyar San Yay Education Center, Mazzarello Vocational training centerလဲၚမၚဃုဏသကိးတႈ ဖဲတႈမၚအသးအံၚ နဥ့လီၚ’

တႈမၚလိကေိလ႕အလဲၚမၚဃုဏတႈအခ႕ဥစးသ့ဥတဖဥ ပဏဖ်ါထီဥ၀ဲ အတႈကြႈစိမုႈလႈတႈ ဒီးအတႈဖံးတႈမၚသ့ဥတဖဥ ခီဖ်ိ Power Point Presentation ဒီး Video Clip သ့ဥတဖဥ ဆူပွၚလ႕အလဲၚမၚဃုဏတႈသ့ဥတဖဥအအိဥနဥ့လီၚ’ တႈမၚကေိလ႕ အတသ့လဲၚမၚဃုဏတႈသ့ဥတဖဥ အိဥဒ္၀ဲအါဖ်႕ဥနဥ့လီၚ’

သရဥသ့ဥတဖဥ ၿက႕းလ႕အဘဥတႈဎူးဎီဥပဏကဲအီၚ လ႕ပွၚတစိၚဘဥတစိၚ မ့ႈတႈလ႕အကါဒိဥ၀ဲယ ဒီးသရဥသ့ဥတဖဥ လီၚဂဏဒ္မိႈပႈခံတပတီႈယ ဒီးသရဥသ့ဥတဖဥအတႈဘ်ဳးတႈဖွိဥ မ့ႈတႈလ႕ပထိဥအီၚဒြးအီၚတသ့တလ႕ဏ၀ဲအဂ့ႈယ Rev Fr Abraham Shwe Win လ႕အမ့ႈ ၀့ႈတကူဥလီႈက၀ီၚ တႈကူဥဘဥကူဥသ့အခီမံဥရွ႕ဥအပွၚဒုးနဲဥတႈ စံး၀ဲနဥ့လီၚ’ မိႈပႈသ့ဥတဖဥယ သရဥသိဥလိတႈသ့ဥတဖဥယ ပွၚကေိဖိသ့ဥတဖဥ ကဘဥဖံးဃုဏမၚဃုဏတႈဂ့ၚဂ့ၚဘဥဘဥယ ဒီးမိႈပႈသ့ဥတဖဥ မ့ႈ၀ဲသရဥအဆိကတ႕ႈသ့ဥတဖဥယ ဒီးသရဥအိဥ၀ဲခံကလုဏ ဒီးမ့ႈ၀ဲ မိႈပႈသ့ဥတဖဥ ဒီး သရဥသိဥလိတႈလ႕ကေိသ့ဥတဖဥအဂ့ႈ သီခါအံၚ စံး၀ဲနဥ့လီၚ’

Brother Joseph Aung လ႕အမ့ႈ ပွၚဘဥမူဘဥဒါလ႕ De Lasalle Brothers အကရ႕ စံးကတိၚတႈ ဘဥဃးဒီး ကဲးသလံးတႈအိဥဖွိဥကရ႕ အတႈကူဥဘဥကူဥသ့အဂ့ႈနဥ့လီၚ’ စံးကဒီး၀ဲယ တႈလီၚဆီလိဏသးလ႕ တႈအိဥဖွိဥကရ႕အတႈသိဥလိနဲဥလိတႈ ဒီးတႈမၚလိကေိအဂုဏအဂၚသ့ဥတဖဥအဘ႕ဥစ႕ၚ နဥ့လီၚ’ တႈအိဥဖွိဥကရ႕အတႈကူဥဘဥကူဥသ့ တမ့ႈထဲလ႕ အရၚလီၚ၀ဲတႈသ့ဥညါနႈပ႕ႈဘဥဒီး မ့ႈတႈကူဥဘဥကူဥသ့ လ႕အလဲလိဏကြံဏပွၚတဂၚ အတႈအိဥအသးယ ဒီးဒ္ပွၚသိဥလိနဲဥလိတႈ လ႕အဘဥဃးဒီးနီႈခိဒီးနီႈသးအသိး ပအိဥ၀ဲဒီးတႈစိတႈကမီၚ ဒ္သိးပမၚဒိဥထီဥ တႈသူဥကညီၚသးကညီၚအတႈခ်ံတႈသဥယ ဒိးမၚဆူဥထီဥတႈတီတႈလိၚယ တႈဆီဥလီၚသးယဒီးတႈမၚတႈခ့တႈပွၚအတႈမၚလ႕ ပွၚခရံဏဖိအတႈကူဥဘဥကူဥသ့အသးကံဥပူၚအဂ့ႈ စံးကဒီး၀ဲနဥ့လီၚ’ လ႕နဥ့အမဲဏညါ ပဖွံလီၚ၀ဲ တႈမုႈလႈယ တႈသ့ဥညါနႈပ႕ႈ ဒီးတႈလဲလိဏကြံဏပသးအခ်ံအသဥ လ႕ပွၚကေိဖိသ့ဥတဖဥအတႈအိဥမူအိဥဂဲဲၚအပူၚ အဂ့ႈ Brother အံၚ စံးကဒီး၀ဲနဥ့လီၚ’

ပွၚခရံဏဖိအတႈမၚလိကေိသ့ဥတဖဥ ဘဥတႈဟံးနႈ့ဆူဥအီၚလ႕ ကီႈပဎီၚအထံကီႈပဒိဥ စးထီဥဖဲ ၁၉၆၅ အနံဥနဥ့လီၚ’

ဖဲအတႈပဏဖ်ါထီဥ၀ဲ သရဥသ့ဥတဖဥအလုႈအပွၚ့အပူၚ Saya Gyi U Lay Maung လ႕အမ့ႈ ILBC အပွၚပ႕ဆွ႕ရဲဥက်ဲၚတႈ ပဏဖ်ါထီဥ၀ဲ တႈဂ့ႈမိႈပွႈလ႕အကဘဥအိဥဒီးသရဥသ့ဥတဖဥလ႕အမ့ႈ၀ဲ တႈသူဥတီသးလိၚယ တႈသူဥကညီၚသးကညီၚတႈယ တႈဟ့ဥလီၚသးလ႕ တႈဃုသ့ဥညါမၚလိတႈ လ႕တစိၚညါတႈအိဥမူအပူၚယ တႈပဏကဲတႈလီၚဆီလိဏသးသ့ဥတဖဥယ တႈသူဥစူၚသးစူဏယ တႈသးအိဥဃုသ့ဥညါတႈ ဒီးတႈဆိကမိဥတႈလီၚတံႈလီၚဆဲးယ တႈဖံးဃုဏမၚဃုဏတႈ ဒီးတႈမၚဘဥဃးလိဏသးဒီးကရ႕ကရိယ တႈသ့ဥညါဒီးတူႈလိဏဟံးနႈ့မူဒါ ဒီးတႈကဲထီဥဒိဂ့ၚတဲႈဘဥလ႕ သရဥသ့ဥတဖဥအဂီႈယ တႈဂ့ႈသ့ဥတဖဥအံၚနဥ့လီၚ’

Rev Fr Mercian Thet Kyaw လ႕အမ့ႈ ၀့ႈတကူဥတလးပ႕လီႈက၀ီၚ သးစႈအကရ႕ အပွၚဒုးနဲဥတႈ ဒီးမ့ႈစ့ႈကီး St Augustine တႈဘါသရိဏအသီခါ စံး၀ဲလ႕ သကဲးပ၀ဏ ဒီးတႈလူၚပိဏထြဲဒိကနဥ တႈသိဥတႈသီ မ့ႈတႈလ႕အကါဒိဥ၀ဲသ့ဥတဖဥအဂ့ႈနဥ့လီၚ’ ကေိဖိလ႕အတႈမၚလိ၀ံၚ ဒီးသ့ကြႈထြဲပ႕လီၚက့ၚအသးသ့ဥတဖဥ မ့ႈပွၚလ႕အလုႈဒိဥပွၚ့ဒိဥ၀ဲယ ဒီးတႈတကနဏဃုဏတႈသိဥတႈသီ မ့ႈ၀ဲတႈမၚစွၚလီၚ ပွၚကညီအလုႈအပွၚ့ယ ဒီးပွၚလ႕အအိဥဒီးတႈပဏကဲတႈသိဥတႈသီ ကမ့ႈပွၚလ႕ အကအိဥဒီးတႈကဲထီဥလိဏထီဥလ႕အတႈအိဥမူအပူၚယ ဒီးတႈဒိကနဥလူၚပိဏထြဲတႈသိဥတႈသီ သ့ဒုးလဲၚတုၚပွၚဆူပတႈပညိဏအိဥ၀ဲတႈလီႈယ ဒီးတႈမၚလိကေိသ့ဥတဖဥ ကဘဥကတဲႈကတီၚ၀ဲ ပွၚကေိဖိ ဒ္သိးအကအိဥမူ၀ဲဒီးသကဲးပ၀ဏလ႕အဂ့ၚယ အိဥဒီးတႈဎူးဎီႈပဏကဲတႈသိဥတႈသီ အဂ့ႈယ သီခါအံၚ စံး၀ဲနဥ့လီၚ’ မုႈတနံၚအံၚ ကေိသ့ဥတဖဥ အါတက့ႈ က်ဲးစ႕းဃုမၚနႈ့ဒဥ က်ိဥစ့အတႈနႈ့ဘ်ဳးနဥ့ဖွိဥအဂ့ႈ စံးကဒီး၀ဲနဥ့လီၚ’

ဖဲတႈမၚအသးအံၚအပူၚ သရဥ/ သရဥမုဥလ႕ အသးအိဥလံ၀ဲ ၇၀ နံဥ ဒီးဆူအဖီခိဥသ့ဥတဖဥ ဘဥတႈမၚလၚမၚကပီၚအီၚ လီၚလီၚဆီဆီနဥ့လီၚ’ အါနဥ့ပွၚအဂၚ ၂၀၀ သ့ဥတဖဥ လဲၚမၚဃုဏသကိးတႈ ဖဲမုႈနံၚအံၚတႈမၚအသးအပူၚနဥ့လီၚ’

တႈမၚအသးအံၚ ဘဥတႈမၚကတ႕ႈကြံဏအီၚလ႕ တႈလုႈမံးဆါ လ႕အဘဥတီခိဥရိဥမဲ ဒီးလုႈထီဥအီၚလ႕ ၀့ႈတကူဥ သီခါကရ႕ခိဥမၚစ႕ၚတႈ Bishop Noel Saw Naw Aye နဥ့လီၚ’

တႈကစီဥ။    ။ RVA Sgaw Karen Service