ဟီဥခိဥဒီဘ့ဥသီခါကရ႕ႈခိဥသ့ဥတဖဥ ကဘဥစးထီဥ၀ဲ တလးပ႕လီႈက၀ီၚအဆံးနိး လ႕အကစႈဒဥ၀ဲအထံအကီႈအပူၚအဂ့ႈ ကဥဒံဥနဲဥခေါလ္စ္ဘိဥစံး၀ဲ တႈကစီဥ
ဟီဥခိဥဒီဘ့ဥသီခါကရ႕ႈခိဥသ့ဥတဖဥ ကဘဥစးထီဥ၀ဲ တလးပ႕လီႈက၀ီၚအဆံးနိး လ႕အကစႈဒဥ၀ဲအထံအကီႈအပူၚအဂ့ႈ ကဥဒံဥနဲဥခေါလ္စ္ဘိဥစံး၀ဲ တႈကစီဥ
တလးပ႕လီႈက၀ီၚအဆံနိး (Diocesan Synods) သ့ဥတဖဥယ မ့ႈ၀ဲတႈအပီးအလီလ႕အအိဥဒီးတႈတုၚလီၚ၀ီလီၚ ဒ္သိးပွၚကတ့ဘွီထီဥ တႈအိဥဖွိဥကရ႕ လ႕ကစႈဒဥ၀ဲအထံလီႈကီႈပူၚသ့ဥတဖဥ ကသ့ဒုးအိဥထီဥ၀ဲအတႈထံဥ ဒီးအတႈဖံးတႈမၚတႈသ့ဥတဖဥအဂ့ႈယကီႈမိႈပွႈအ့ရွ႕ဥသီခါကရ႕ႈခိဥသ့ဥတဖဥအကရ႕ (FABC)အခိဥအနႈ ၀့ႈတကူဥသီခါကရ႕ႈခိဥက်႕ဥကဥဒံဥနဲဥခေါလ္စ္ဘိဥ စံး၀ဲနဥ့လီၚ’
ကဥဒံဥနဲဥစံး၀ဲလ႕ တႈလဲၚဃုဏသကိးတႈ လ႕တလးပ႕လီႈက၀ီၚအပတီႈအံၚ တမ့ႈ၀ဲတႈလ႕အသီ၀ဲခဲအံၚ လ႕တႈအိဥဖွိဥကရ႕အပူၚဘဥနဥ့လီၚ’ စးထီဥလ႕အကဲထီဥသီခါကရ႕ခိဥ ဖဲ ၁၉၉၀ အနံဥအကတီႈယ တႈလ႕အထုးနႈ့အသးတမံၚမ့ႈ၀ဲ Diocesan Synodယ ဒီးဖဲအမ့ႈ၀ဲသီခါကရ႕ႈခိဥအကတီႈယ မၚတ့ႈလံ၀ဲတလးပ႕လီႈက၀ီၚသ့ဥတဖဥအဆံနိး (Diocesan Synod) လြံဥဘ်ီယ ဖဲ ၁၉၉၂ယ ၁၉၉၆ ယ ၂၀၀၄ ဒီးဖဲ ၂၀၁၄ အနံဥသ့ဥတဖဥအပူၚအဂ့ႈ စံး၀ဲနဥ့လီၚ’
ဖဲအလဲၚခီဖ်ိထံဥဘဥ၀ဲ တလးပ႕လီႈက၀ီၚအဆံနိး ဖဲအပူၚကြံဏအါနဥ့အနံဥ ၂၀ အကတီႈယ ကဥဒံဥနဲဥခေါလ္စ္ဘိဥ လ႕အသးအိဥလံ ၇၅ နံဥတဂၚအံၚ စံး၀ဲလ႕ တႈထ႕ဖွိဥတႈဟ့ဥကူဥဟ့ဥဖး လ႕ပွၚထူစံဥမၚခုးဖိသ့ဥတဖဥယ လ႕ဒူဖိသ၀ီဖိသ့ဥတဖဥယ လ႕သီခါလီႈက၀ီၚသ့ဥတဖဥယ လ႕ပွၚမၚတႈဖိသ့ဥတဖဥယ လ႕ဖံ၀ါတပြဲ၀ါသ့ဥတဖဥယ ဒီးလ႕သီခါလီႈက၀ီၚ ပွၚဘါဎြၚဖိသ့ဥတဖဥအအိဥယ မ့ႈတႈလ႕အလုႈဒိဥပွၚ့ဒိဥ၀ဲအဂ့ႈ စံး၀ဲနဥ့လီၚ’
ကဥဒံဥနဲဥစံး၀ဲယ တႈပဏဖ်ါထီဥတႈ လ႕အဟဲအိဥထီဥ၀ဲလ႕ တႈအိဥဖွိဥတ႕ဥပီဥလိဏသးဒီးတႈအိဥဖွိဥကရ႕ဖိ လ႕တလးပ႕လီႈက၀ီၚသ့ဥတဖဥအပူၚယ ကဲထီဥ၀ဲတႈဆီဥထြဲမၚစ႕ၚ လ႕အဂ႕ႈ၀ဲက်႕ၚ၀ဲ လ႕ကီႈပဎီၚတႈအိဥဖွိဥကရ႕အပူၚအဂ့ႈနဥ့လီၚ’
ကီႈပဎီၚတလးပ႕သ့ဥတဖဥအကရ႕ယ အိဥ၀ဲဒီးကရ႕ဖိ ၂၂ ဂၚယ လ႕ကဥဒံဥနဲဥခေါလ္စ္ဘိဥ တီခိဥရိဥမဲအီၚ နဥ့လီၚ’ ဖဲနံဥအံၚအဆိအခါအကတီႈယ ကီႈအ့ရွ႕ဥသီခါကရ႕ႈခိဥသ့ဥတဖဥအကရ႕ယ မၚ၀ဲတႈအိဥဖွိဥတဲသကိးတႈ (Workshop) တမံၚယ ဖဲထံလီႈကီၚပူၚအတလးပ႕ ၂၈ ဂၚယ လ႕ထံကီႈ ၁၇ ဘ့ဥအပူၚသ့ဥတဖဥယ မၚသကိး၀ဲလ႕ ကီႈကေီႈတဲႈအ၀့ႈဒိဥ Bangkok ဖဲ ၂၀၂၄ လါအီကူး ၅ သီတုၚလ႕ ၈ သီ အကတီႈနဥ့လီၚ’
ဖဲတႈအိဥဖွိဥတဲသကိးတႈအပူၚယ ပွၚစံးကတိၚလိဏသးယ ဘဥဃးဒီးပွၚလိဥဘဥသကိး၀ဲ တႈဃူတႈဖိး ဒီးတႈဘဥလိဏဖိးဒ့လိဏသး ဒ္အမ့ႈတႈအကါဒိဥကတ႕ႈလ႕ တႈအိဥဖွိဥကရ႕အတႈဒိဥထီဥထီထီဥ၀ဲအဂီႈယ ဖဲပွၚခရံဏဖိသ့ဥတဖဥအိဥစွၚ၀ဲ တႈလီႈတႈက်ဲအပူၚနဥ့လီၚ’
တႈအိဥဖွိဥကရ႕ဘဥကြႈဆ႕ဥမဲဏ၀ဲ တႈခီဥတႈရီဥတႈလ႕ ကီႈအ့ရွ႕ဥအပူၚ အိဥ၀ဲဘဥဆဥယ တႈအိဥကရ႕အတႈစံးကတိၚလိဏသး ဖဲလါအီးကထိဘ႕ဥအပူၚ ကမ့ႈ၀ဲတႈခြဲးတႈဎဏ လ႕အလုႈဒိဥပွၚ့ဒိဥ၀ဲယ ဒီးကဒုးမၚနႈ့ပွၚ တႈမၚသီထီဥက့ၚတႈ လ႕သီခါလီႈက၀ီၚအပူၚအဂ့ႈယ ကဥဒံဥနဲဥစံး၀ဲနဥ့လီၚ’
ကီႈအ့ရွ႕ဥသီခါကရ႕ႈခိဥသ့ဥတဖဥ အိဥ၀ဲဒီးအတႈဖံးတႈမၚလ႕ အတညီတဘွါ၀ဲယ လ႕တႈထုးစုနဲဥက်ဲတႈအိဥဖွိဥကရ႕လ႕ ကီႈအ့ရွ႕ဥ ဆူတႈလဲၚဃုဏသကိးတႈအတႈဖံးတႈမၚ (Synodal Mission) အပူၚယ ခီဖ်ိတႈတူႈလိဏပဏလီၚ ပိဏမုဥသ့ဥတဖဥယ သူဥဘီဥသးစႈသ့ဥတဖဥယ ပွၚဖွီဥဖိဎဏဖိ ဒီးပွၚလ႕အဘဥတႈတကနဏဃုဏအီၚသ့ဥတဖဥယ ပွၚသုးလီႈသုးက်ဲသ့ဥတဖဥယ လ႕သီခါလီႈက၀ီၚအပတီႈနဥ့လီၚ’
တႈလဲၚဃုဏသကိးတႈအက်ိၚအက်ဲ (Synodal Process) အံၚယ ဒုးအိဥထီဥ၀ဲဂံႈသဟီဥအသီယ ဒီးတႈမုႈလႈလ႕ ခါဆူညါအဂီႈ ဒီးတႈအိဥဖွိဥကရ႕လ႕ ကီႈအ့ရွ႕ဥအပူၚအံၚ ပဏလီၚအသး ဒ္သိးအကတ့ဘွီထီဥတႈအိဥဖွိဥကရ႕ လ႕အဖ႕နုဏ၀ဲပွၚကိးဂၚဒဲး ဒီးဒိကနဥပွၚကိးဂၚဒဲးအဂ့ႈ ကဥဒံဥနဲဥစံး၀ဲနဥ့လီၚ’
တႈလ႕ပွၚထံဥသ့ဥညါဒီး ဒိးနႈ့ဘဥအီၚလ႕ တႈအိဥဖွိဥတ႕ဥပီဥလိဏသး လ႕တႈလဲၚဃုဏသကိးတႈအဖီခိဥအပူၚယ မ့ႈ၀ဲတႈထဲးဂံႈထဲးဘါ မၚကဒီးတႈ လ႕တႈအိဥဖွိဥကရ႕အပူၚအဂ့ႈ ကဥဒံဥနဲဥစံးတႈဆူ ပွၚကြဲးလံဏတႈကစီဥသ့ဥတဖဥအအိဥ ဖဲ လါအီးကထိဘ႕ဥ ၁၇ သီအမုႈနံၚနဥ့လီၚ’
Cardinal Bo Bishops worldwide should implement diocesan synods in home Countries -EWTN Vatican- 2024-10-18
