ကဥဒံဥနဲဥခေါလ္စ္ဘိဥ အတႈပဏဖ်ါထီဥတႈ ဖဲအလုႈထီဥတႈလုႈမံးဆါ လ႕ Vatican အကတီၤႈ တႈကစီဥ

တႈရိဥဖွိဥဃူဖိး ကဘဥမ့ႈ၀ဲတႈပဏဖွိဥဃူဖိးလိဏသးဒီး ပွၚဖွီဥဖိဎဏဖိ ဒီးပွၚလ႕အဘဥတႈမၚအ႕မၚနးအီၚသ့ဥတဖဥနဥ့လီၚ’ တႈအိဥဖွိဥကရ႕ လ႕အမ့ႈ၀ဲသီဘူဥသီခါယ ပွၚလ႕အပဏစီဆွံအသး ဒီးပွၚဎိဎိသ့ဥတဖဥ ကဘဥဒုးအိဥထီဥ၀ဲအတႈစံးတႈကတိၚတႈ ဒ္၀ံသ့ဥတဖဥအသိး ဆူဟီဥခိဥခ်႕ လ႕မုႈတနံၚအံၚယ ဒ္သိးပွၚဖွီဥဖိဎဏဖိ ဒီးပွၚလ႕အဘဥတႈဎီႈတံႈဆီဥသနံးအီၚသ့ဥတဖဥ အသုတဘဥတႈသးပ့းနီဥကြံဏအီၚအဂီႈဘဥဒီး ဒ္သိးပွၚကကဟုကဎဏ ပွၚကညီအတႈခြဲးတႈဎဏယ တႈဘူဥတႈဘါအတႈသဘ့် ဒီးပွၚကညီအသူးသ့ဥလၚကပီၚအဂီႈယ ဘဥဆဥယ ပွၚကဘဥမၚလီၚတံႈတႈ ဒ္သိး ပွၚဖွီဥဖိဎဏဖိသ့ဥတဖဥ ဒီးပွၚလ႕အဘဥတႈမၚအ႕မၚနးအီၚသ့ဥတဖဥ အသုတဘဥတႈပဏအီၚဒ္ ပွၚလ႕အတူႈဘဥတႈဎိဎိသ့ဥတဖဥအသိးဘဥဒီး ႀက႕းလ႕အဘဥတႈဟ့ဥစိဟ့ဥကမီၚအီၚ ဒ္သိးအကသ့စံးကတိၚတႈ လ႕အ၀ဲသ့ဥအကစႈဒဥ၀ဲအဂီႈယ ဒ္သိးအ၀ဲသ့ဥအတႈဟဲ၀ံ ကလဲလိဏကြံဏအသးအဂီႈယ ဒီးဒ္သိးကဘဥတႈဒုးမၚနႈ့အီၚ တႈစုလီႈခီဥခိဥသ့ဥတဖဥ ဒ္သိးအကသ့တ့ဘွီထီဥ၀ဲ ဟီဥခိဥခ်႕အတႈဂ့ၚထီဥ၀ဲအဂီႈနဥ့လီၚ’

တႈဖ်ါဆဲးဖ်ိဒီး တႈသ့ဟံးမူဒါ

တႈအိဥဖွိဥကရ႕အတႈသိဥလိနဲဥလိိတႈ ဘဥဃးဒီးပွၚကညီဂ့ႈ၀ီ သိဥလိ၀ဲလ႕ တႈခြဲးတႈဎဏကိးမံၚဒဲး အိဥ၀ဲဒီးမူဒါသ့ဥတဖဥနဥ့လီၚ’ ပွၚကညီၚအတႈရ့လိဏအသးကိးခါဒဲးယ အိဥ၀ဲဒီးတႈခြဲးတႈဎဏ ဒီးမူဒါသ့ဥတဖဥနဥ့လီၚ’ လံဏစီၚမိၚရွ႔တ႕တဘ့ဥ ပဏဖ်ါထီဥ၀ဲ မိႈဒိဥပႈဒိဥအဆိကတ႕ႈခံဂၚယ မၚ၀ဲခ့်သဒံး ဒ္သိးအကဒိးနႈ့ဘဥ၀ဲ တႈခြဲးတႈဎဏ ဒီးသးပ့းနီဥ၀ဲ မူဒါသ့ဥတဖဥ လ႕အကဘဥမၚ၀ဲဆူ တႈတ့ကစႈအအိဥနဥ့လီၚ’ ဖဲတဎံဏဒ္၀ဲအကတီႈယ တႈအိဥဖွိဥကရ႕အပူၚ တႈဖ်ါဆဲးဖ်ိတအိဥ၀ဲ ဒီးတႈဟံးနႈ့မူဒါတအိဥ၀ဲ လီၚဆီဒဥတႈလ႕ က်ိဏစ့အတႈဂ့ႈတႈက်ိၚ ဒီးလ႕တႈမၚ၀ဲဖိဒံဖိသဥသ့ဥတဖဥ ဒ္လဲဥဒ္လဲဥနဥ့လီၚ’ မိႈဒိဥပႈဒိဥအဆိကတ႕ႈခံဂၚ ပဏခူသူဥအသးလ႕ဎြၚအမဲဏညါ ဒီးဟးဆွဲး၀ဲတႈဖ်ါဆဲးဖ်ိနဥ့လီၚ’ ဘဥဆဥယ တသ့ဟးပူၚအသးလ႕ တႈမဲဏဆွးဘဥနဥ့လီၚ’

တႈအိဥဖွိဥကရ႕ဖိသ့ဥတဖဥ လိဥဘဥ၀ဲ တႈအိဥဖွိဥကရ႕ လ႕အအိဥဒီးတႈဖ်ါဆဲးဖ်ိ လ႕အတႈဖံးတႈမၚအတႈရဲဥတႈက်ဲၚအပူၚ နဥ့လီၚ’ ဖဲနံဥကဎၚဖွိဥလ႕အပူၚကြံဏတ့ႈလံ၀ဲအပူၚ တႈအိဥဖွိဥကရ႕ မ့ႈတ့ႈလံ၀ဲဒိဂ့ၚတဲႈဘဥ လ႕သကဲးပ၀ဏအဂီႈနဥ့လီၚ’ ဖဲတႈအိဥဖွိဥကရ႕ဖိသ့ဥတဖဥ သ့ဥညါဘဥ၀ဲလ႕ တႈဖ်ါဆဲးဖ်ိ ဒီးတႈဟံးနႈ့မူဒါသ့့ဥတဖဥတအိဥလ႕ၚ၀ဲအခါ တႈအိဥဖွိဥကရ႕အတႈလုႈတႈပွၚ့ ဘဥဃးဒီးသကဲးပ၀ဏ ဘဥတႈမၚဘဥဒိဘဥထံးအီၚနဥ့လီၚ’ ဒိတဂ့ၚတဲႈတဘဥ လ႕အမၚဘဥဒိတႈအိဥဖွိဥကရ႕ယ အိဥဖ်ါဒဥ၀ဲထဲစွၚကိဏဖိ ဘဥဆဥ လ႕ဟီဥခိဥခ်႕တႈလီႈအါပူၚ ဒုးကဲထီဥ၀ဲတႈမဲဏဆွးလ႕ တႈအိဥဖွိဥကရ႕အဂီႈနဥ့လီၚ’ တႈဖ်ါဆဲးဖ်ိဒီး တႈဟံးနႈ့မူဒါ ကဘဥမ့ႈတႈလ႕ ပွၚကဘဥမၚအီၚလ႕အခ့် ဒ္သိးတႈအိဥဖွိဥကရ႕ ကဒိးနႈ့ဘဥက့ၚ တႈနဏနႈ့အီၚ ဒီးသကဲးပ၀ဏလ႕အဂ့ၚ၀ဲသ့ဥတဖဥအဂီႈအဂ့ႈ ကဥဒံဥနဲဥစံး၀ဲနဥ့လီၚ’

ကစႈဎ့ဥရွဴးခရံဏပဏဖ်ါထီဥ၀ဲ တႈကတိၚဒိ ဖဲအစံး၀ဲ သ့ဥလ႕အဂ့ၚ သဥထီဥ၀ဲသ့ဥသဥလ႕အဂ့ၚ ဒီးသ့ဥလ႕အတဂ့ၚ သဥထီဥ၀ဲ သ့ဥသဥလ႕အတဂ့ၚ၀ဲသ့ဥတဖဥနဥ့လီၚ’ တႈအိဥဖွိဥကရ႕ ကဘဥအုဥအသး ဘဥဃးဒီးတႈအိဥမူအိဥဂဲၚ လ႕အလဲလိဏကြံဏအသးနဥ့လီၚ’ တႈအိဥဖွိဥကရ႕ ဘဥတႈဒုးအိဥထီဥအီၚ ဒ္သိးအကသူဥလီၚ၀ဲ ဎြၚအဘီအမုႈ ဒီးဘဥတႈသမံသမိးအီၚ ခီဖ်ိလ႕ဎြၚဖိဎြၚလံၚသ့ဥတဖဥနဥ့လီၚ’ တႈအိဥဖွိဥကရ႕လ႕အစံဥတဲၚတဲလီၚတႈ ဒီးအတႈမၚဃူလိဏဖိးလိဏက့ၚတႈယ လိဥဘဥ၀ဲတႈကြႈသမံသမိးက့ၚတႈထီဘိယ မ့ႈလ႕ခရံဏကစႈမ့ႈ၀ဲ က်ဲယ တႈမ့ႈတႈတီ ဒီးတႈမူအဃိနဥ့လီၚ’ မ့ႈလ႕တႈအံၚအဃိ တႈအိဥဖွိဥကရ႕ ကဘဥဟံးနႈ့၀ဲမူဒါ လ႕အဖိအလံၚ ဒီးလ႕ဎြၚအဂီႈအဂ့ႈ ကဥဒံဥနဲဥ ခေါလ္စ္ဘိဥ စံး၀ဲနဥ့လီၚ’