တႈအဲဥလ႕အမ့ႈအတီန႔ဥ တႈမႏုလဲဥ (၅.၁၂.၂၄)
တႈအဲဥလ႕အမ့ႈအတီန႔ဥ မ့ႈတႈမႏုလဲဥ
တႈအဲဥ န႔ဥပစံးဝဲ အခီပညီသ့ဝဲ အကကလုဏကလုဏ ပွၚအါဂၚ နႈပ႕ႈဒီး ဟံဃဏဝဲ အခီပညီ တဒ္သိးလိဏအသးဘဥလီၚ. တနီၚနီၚစံးဝဲ တႈအဲဥမ့ႈဝဲ တႈမၚစ႕ၚလိဏသးယ တနီၚနီၚစံးဝဲ တႈအဲဥမ့ႈဝဲ တႈလ႕မၚမုဏပွၚသး တႈလ႕အိဥဒီးတႈကဟုကဝဏလီၚ. ပွၚအါဂၚတႈထံဥအါမေိ အဃိ ဘဥဃးတႈအဲဥတခါအံၚ အခီပညီစ့ႈကီး ကနႈပ႕ႈဝဲအါမေိ လီၚ. တႈအဲဥန႔ဥ အိဥဝဲ တႈအဲဥတီဒီး တႈအဲဥလီန႔ဥလီၚ. ပွၚလ႕အိဥဒီးတႈအဲဥလ႕ အမ့ႈအတီန႔ဥ အိဥဝဲဒီး တႈဒိသူဥဒိသးလ႕ ပွၚဂၚအဖီခိဥဒီး မ့မ့ႈလ႕ တႈအဲဥလီန႔ဥ မ့ႈဝဲပွၚလ႕ အတႈပဏကဲ တအိဥအတႈဒိသူဥဒိသးဒီး တႈဆီဥလီၚသးတအိဥ တဂၚလီၚ.
ပွၚလ႕အိဥဒီးတႈအဲဥလ႕ အမ့ႈအတီန႔ဥ တအဲဥဝဲ ပွၚကညီတဂၚ ညီညီဘဥဒီး မ့ႈဆ႕တဲဏလီၚသးလ႕ ကအဲဥဝဲပွၚတဂၚန႔ဥ လူၚဃုသ့ဥညါဝဲ ပွၚလ႕ ကအဲဥဝဲတဂၚ အဂ့ႈလီၚတံႈလီၚဆဲး ၀ံၚမဥ စံးဖ်ါဝဲတႈအဲဥအဂ့ႈ န႔ဥလီၚ. မ့ႈဝဲပွၚလ႕ တအဲဥတႈ ညီညီဘဥတဂၚဒီး အဲဥဝဲမ့ႈ၀ံၚစ့ႈကီး တသးပ့ၚနီဥ တပ်ႈအစု နီတဘ်ီဘဥ တဂၚလီၚ. လ႕အတႈအဲဥအဃိ ဟ့ဥလီၚဝဲ အသးသမူစ့ႈကီး တႈဃ႕ တအိဥဒီးအီၚဘဥလီၚ. ပွၚလ႕အိဥဒီးတႈအဲဥ အမ့ႈအတီန႔ဥ အိဥဝဲဒီး တႈပဏလုႈပဏပ့ွၚယ တႈစူႈတႈနဏယ တႈကဟူကဎဏလ႕ ပွၚလ႕အအဲဥဝဲတဂၚအဖီခိဥဒိး ဒီး အိဥစ့ႈကီးဝဲဒီး တႈနႈပ႕ႈလ႕ အတႈအဲဥတီအဖီခိဥ ထီဘိန႔ဥလီၚ. တႈအဲဥလ႕အမ့ႈအတီန႔ဥ မၚမုဏဝဲပွၚသးဒီး မၚကဲထီဥတႈလဲၚထီဥလဲၚထီလ႕ ပွၚဒီတႈအဲဥတီအဘ႕ဥစ႕ၚ တကးဒ္ဘဥ လ႕ဟံဥဖိဃီဖိ သ့ဥတဖဥအပူၚ န႔ဥလီၚ.
