တႈမၚလၚကပီၚ တႈဆဲးက်ိးဒုးသ့ဥညါလိဏသးအဎူဘလံဥ တႈကစီဥ

တႈမၚလၚကပီၚ တႈဆဲးက်ိးဒုးသ့ဥညါလိဏသးအဎူဘလံဥ ဘဥတႈမၚအီၚလ႕ St Mary’s Cathedral တႈဘါသရိဏဖးဒိဥအပူၚ ဖဲ ၂၀၂၅ လါဎႏူၚအါရံၚ ၂၆ သီအမုႈနံၚယ ဒီးလ႕ St Joseph’s Catholic Major Seminary လ႕၀့ႈတကူဥ ဖဲဎႏူၚအါရံၚ ၂၅ သီအမုႈနံၚယ ဒီးလ႕ တႈသိဥလိဒုးကဲထီဥမိဒိဥအကေိ လ႕အမ့ႈ၀ဲ (St Francis Xavier Congregation) လ႕ Mayanchaung, ၀့ႈပသံဥ ဖဲလါဎႏူၚအါရံၚ ၂၄ သီအမုႈနံၚနဥ့လီၚ’

ကီႈပဎီၚ သီခါကရ႕ခိဥသ့ဥတဖဥအ၀ဲၚလီႈခိဥသ့ဥ ဘဥဃးဒီးတႈဆဲးက်ိးလိဏသးအရူ  (CBCM-OSC) အပွၚဒုးနဲဥတႈ Fr. Paulinus Myat Kyaing ဒီး ကြဲၚလ့လိၚတႈမ့ႈတႈတီကညီက်ိဏအ၀ဲက်ိၚ (RVA Sgaw Karen Service) အပွၚဒုးနဲဥတႈ Fr Saw Hubertယ ကရ႕ကရိထီဥ၀ဲ တႈမၚလၚမၚကပီၚ တႈဆဲးက်ိးဒုးသ့ဥညါလိဏသးအဎူဘလံဥ (The Jubilee of the World of Communications) နဥ့လီၚ’

၀့ႈတကူဥသီခါကရ႕ႈခိဥက်႕ႈ Cardinal Charles Bo ဒီးသီခါကရ႕ႈခိဥသ့ဥတဖဥယ သီဘူဥသီခါသ့ဥတဖဥယ ပွၚလ႕အပဏစီဆွံအသးအိဥဒီးအတႈအ႕ဥလီၚအီလီၚသ့ဥတဖဥယ တႈအိဥဖွိဥကရ႕ဖိသ့ဥတဖဥ အိဥဖွိဥရိဖွိဥသကိး၀ဲလ႕ ဎူဘလံဥအပဲႀတီအမဲဏညါ တခ်ဳလ႕ဎူဘလံဥအတႈလုႈမံးဆါစးထီဥဒ္၀ဲအကတီႈယ ဖဲဂီၚခီ ၈း၀၀ နဥရံဥ လ႕ St. Mary’s Cathedral တႈဘါသရိဏဖးဒိဥ ဖဲဎႏူၚအါရံၚ ၂၆ သီအမုႈနံၚနဥ့လီၚ’

ပွၚထုကဖဥသကိးဎူဘလံဥအတႈထုကဖဥ၀ံၚဒီး  ပွၚႏုဏလီၚသကိး၀ဲဆူ တႈဘါသရိဏအပူၚ ခီဖ်ိပဲႀတီစီဆွံယ ဒီးတႈလုႈမံးဆါဘဥတႈစးထီဥအီၚယ ဒီးကဥဒံဥနဲဥ Charles Bo တီခိဥရိဥမဲ၀ဲ ဎူဘလံဥအတႈလုႈမံးဆါနဥ့လီၚ’

၂၀၂၅ ဎူဘလံဥအနံဥအဂီႈ တႈကတိၚမိႈပွႈလ႕ တႈဒီသူဥပဏသးအဂီႈ (Motto) မ့ႈ၀ဲ တႈလဲၚဃုဏသကိးတႈလ႕ တႈမုႈလႈအပူၚ (Pilgrims of Hope) နဥ့လီၚ’ Bishop Maurice Nyunt Wai လ႕အမ့ႈတ့ႈလံ၀ဲ CBCM-OSC အပွၚပ႕ၚလီႈဆ့ဥနီၚ စံဥတဲၚတဲလီၚတႈနဥ့လီၚ’

ဒုးနဲဥဖ်ါထီဥ၀ဲတႈကြဲးအသး ဒ္ Nehemiah 8:1-10 ဒီးစံး၀ဲယ ခီဖ်ိပတႈဖးသကိး Torah အသိးယ Ezra ပဏဖ်ါထီဥ၀ဲ တႈမုႈလႈအမဲဏထံမဲဏနိ လ႕ခ်ါအဖီခိဥ ဒ္အတႈမုႈလႈ အိဥထီဥ၀ဲလ႕အသူဥအသးအပူၚနဥ့လီၚ’ ခီဖ်ိအတႈဒိကနဥ၀ဲ Torah အသိးယ ပွၚအံးစရ့လးဖိသ့ဥတဖဥ အမဲဏထံမဲဏနိဎြၚ၀ဲ ပွၚဒီးတႈမုႈလႈနဥ့လီၚ’ အအံၚမ့ႈ၀ဲ တႈသူဥဖွံသးညီအမဲဏထံမဲဏနိယ ဒ္ပစံးတႈအသိးယ တႈမုႈလႈအမဲဏထံမဲဏနိ လ႕ခ်ါအဖီခိဥနဥ့လီၚ’ ဒီးတႈမုႈလႈအံၚ တ့ဘွီထီဥက့ၚ၀ဲ ၀့ႈစီဆွံ လ႕ခ်ါနဥ့လီၚ’

လ႕တႈကြႈထံဆိကမိဥတႈဖဲ လူၚကဥ ၁း၁”၄၊  ၄း၁၄”၂၁ အသိးယ သီခါကရ႕ႈခိဥစံး၀ဲလ႕ ကစႈဎ့ဥရွဴးခရံဏဖး၀ဲ ၀ံဎရွါဎၚအတႈတဲဆိပဏစ႕ၚတႈ ဘဥဃးဒီးမ့ၚရွံဎၚအဂ့ႈ ဒီးစံး၀ဲလ႕ ၀ံအတႈတဲဆိတႈ လ႕ပွဲၚ၀ဲလ႕ မုႈနံၚအံၚအပူၚနဥ့လီၚ’ ဒ္သိးတႈမုႈလႈအံၚ ကလ႕ထီဥပွဲၚထီဥ၀ဲအဂီႈယ ကစႈခရံဏ ဘဥတႈလဲၚစိဏအီၚ ဒ္တႈလုႈသိဖိ ဒ္သိးအကဘဥတႈမၚသံကြံဏအီၚ ဒီးသံ၀ဲလ႕ထူဥစုညါအလိၚနဥ့လီၚ’

Bishop Maurice ကတိၚဆူဥထီဥ၀ဲ စီၚပီလူးအတႈသိဥလိနဲဥလိတႈ လ႕ တ႕ကရံဥသူး ၁၂း၁၂”၃၀  ဘဥဃးဒီးပနီႈခိမိႈပွႈအက့အခီသ့ဥတဖဥ ဒ္အမ့ႈတႈလ႕အဘဥဃးဒီး တႈဆဲးက်ိးလိဏသးအဂ့ႈနဥ့လီၚ’ စံး၀ဲလ႕ ပနီႈခိမိႈပွႈအက့အခီသ့ဥတဖဥ ဆဲးက်ိးလိဏအသး တခါဒီးတခါနဥ့လီၚ’ အအံၚမ့ႈ၀ဲတႈပနီဥ လ႕အဘဥဃးဒီးတႈဆဲးက်ိးလိဏပသးနဥ့လီၚ’ ပဆဲးက်ိးလိဏပသးဒီးပွၚအဂၚ လ႕ပ၀ဲသ့ဥပတႈနႈ့ဘ်ဳးနႈ့ဖွိဥအဂီႈ ဒီးလ႕ ပွၚကိးဂၚဒဲးအတႈနႈ့ဘ်ဳးအဂီႈနဥ့လီၚ’

အိဥသ့ဥနီဥထီဥက့ၚ၀ဲ ပႈပါဖရဥစ့း အတႈဘိးဘဥသ့ဥညါတႈ ဖဲ ၅၉ ဘ်ီတဘ်ီ ဟီဥခိဥဒီဘ့ဥ တႈဆဲးက်ိးလိဏသးအမုႈနံၚအပူၚယ သီခါကရ႕ခိဥ Maurice ပဏဖ်ါထီဥက့ၚကဒီး ပႈပါအတႈကတိၚလ႕အမ့ႈ၀ဲယ မုႈမဆါတနံၚအံၚ တႈဆဲးက်ိးဒုးသ့ဥညါလိဏသးအတႈမၚ တဒုးအိဥထီဥ၀ဲတႈမုႈလႈဘဥဒီး မ့မ့ႈတခီ ဒုးအိဥထီဥ၀ဲတႈပ်ံၚတႈဖုး ဒီးတႈသူဥဟးဂီၚသးဟးဂီၚယ တႈစူႈကမဥနဏကမဥတႈယ ဒီးတႈသူဥဟ့သးဟ့လိဏသးနဥ့လီၚ’

Msgr. Andrea Ferrante, လ႕အမ့ႈပႈပါအခ႕ဥစး ဆူကီႈပဎီၚအအိဥယ စံး၀ဲလ႕ တႈဆဲးက်ိးဒုးသ့ဥညါလိဏသးယ အိဥဒီးတႈဖံးတႈမၚလ႕အကါဒိဥ၀ဲ လ႕တႈတ့ဘွီထီဥ ပွၚကညီသ့ဥတဖဥအတႈရ့လိဏအသး ဒီးလ႕တႈနႈပ႕ႈ တႈစံဥစိၚတဲစိၚလ႕အပူၚကြံဏယ တႈဂ့ႈတႈက်ိၚလ႕ခ့ခါခဲအံၚယ ခါဆူညါတႈဂ့ႈသ့ဥတဖဥနဥ့လီၚ’

Msgr. Andrea ဟ့ဥဂံႈဟ့ဥဘါတႈဒီးစံး၀ဲလ႕ ဎူဘလံဥ မ့ႈ၀ဲတႈခြဲးတႈဎဏ ဒ္သိးပကစးထီဥ ကြႈထံဆိကမိဥက့ၚကဒီး ပတႈအိဥမူအိဥဂဲၚ ဒ္သိးပကနႈပ႕ႈ၀ဲတႈဂ့ႈ ဘဥဃးဒီး ပလဲၚဆူတႈလီႈဖဲလဲဥပူၚလဲဥ ဒီးပတႈဖံးတႈမၚ ဒ္ပွၚဆဲးက်ိးတႈသ့ဥတဖဥအသိး မ့ႈ၀ဲဒ္လဲဥဒ္လဲဥနဥ့လီၚ’ အခီပညီ ပစးထီဥသကိးပတႈလဲၚဃုဏတႈ ခီဖ်ိပတႈလဲၚႏုဏလီၚ၀ဲဆူ ပဲႀတီစီဆွံယ မ့ႈ၀ဲတႈပနီဥလ႕ ပတႈထံဥလိဏပသးဒီး ပကစႈခရံဏ လ႕အစံး၀ဲလ႕ယ ဎမ့ႈက်ဲစ႕ၚ (ပဲႀတီ)ယ မတၚတဂၚလႈလႈ မ့ႈလဲၚႏုဏလီၚ၀ဲ ခီဖ်ိလ႕ဎၚဒီး ကဘဥတႈအုဥက့ၚခီဥက့ၚအီၚနဥ့လီၚ’

ဎူဘလံဥအကတီႈအံၚ မၚစ႕ၚပွၚဒ္သိး ပကနႈပ႕ႈ ဒီးသ့ဥနီဥထီဥက့ၚပ၀ဲလ႕ ပတမ့ႈ၀ဲထဲတဂၚဧိၚဘဥဒီးယ ပဘဥတႈတ့လီၚပွၚ ဒ္သိးပကလဲၚဃုဏသကိးတႈနဥ့လီၚ’ ခီဖ်ိပတႈဖံးတႈမၚတႈသ့ဥတဖဥအပူၚယ ပသ့ဒုးလဲၚထီဥလဲၚထီ ပတႈသ့တႈဘဥလ႕အဒုးကဲထီဥတႈသ့၀ဲသ့ဥတဖဥ ဒ္သိးပကဆဲးက်ိးဒုးသ့ဥညါ တႈမုႈလႈယ ဒီးဒုးအိဥထီဥတႈအက်ိၚအက်ဲ ဒ္သိးပကသ့ဒုးသ့ဥညါပွၚအဂၚ ဒီးရၚလီၚအီၚအဂီႈအဂ့ႈယ Msgr. Andrea စံး၀ဲနဥ့လီၚ’

တႈမၚလၚကပီၚ တႈဆဲးက်ိးလိဏသးအဎူဘလံဥ မ့ႈ၀ဲဖဲ Mayanchaung, ၀့ႈပသံဥတလးပ႕လီႈက၀ီၚအပူၚယ ဖဲ လါဎႏူၚအါရံၚ ၂၄ သီအမုႈနံၚယ ဃုဏဒီး Francis Xavier ဖံ၀ါအကရ႕ဖိသ့ဥတဖဥ ဒီးတႈသိဥလိဒုးကဲထီဥသီခါကေိဖိသ့ဥတဖဥယ ဒီးတႈမၚအသးအံၚ ဘဥတႈတီခိဥရိဥမဲအီၚလ႕ CBCM-OSC နဥ့လီၚ’ ဖဲတႈမၚအသးအံၚအပူၚယ တလးပ႕ Maurice Nyunt Wai သိဥလိနဲဥလိတႈ ဘဥဃးဒီး သကဲးပ၀းလ႕အဘဥထြဲလိဏအသးဒီး တႈက်ိးလိဏသးယ ဒီး Mr. Jonnie Aung Phyo Mon သိဥလိနဲဥလိ၀ဲ တႈတ့ထီဥတႈဂ့ႈတႈက်ိၚလ႕ ပွၚအါဂၚကထံဥသ့ဥညါနႈဟူဘဥ၀ဲအဂီႈ လ႕အမ့ႈ Digital Content Production အဂ့ႈနဥ့လီၚ’

တႈမၚလၚမၚကပီၚတႈ အတႈရဲဥလီၚက်ဲၚလီၚ ဒ္လ႕၀့ႈပသံဥသ့ဥတဖဥ ဘဥတႈမၚက့ၚကဒီးအီၚလ႕ တႈမၚလၚကပီၚ တႈဆဲးက်ိးလိဏသးအဎူဘလံဥ လ႕ St. Joseph’ Catholic Major Seminay လ႕၀့ႈတကူဥ ဃုဏဒီးတႈသိဥလိဒုးကဲထီဥသီခါကေိဖိသ့ဥတဖဥ ဖဲဎႏူၚအါရံၚ ၂၅ သီအမုႈနံၚနဥ့လီၚ’

Myanmar     Jubilee of the World of Communications celebrated