ပႈပါဖရဥစ့းထုးထီဥရၚလီၚဝဲ အတႈထုကဖဥအတႈပညိဥလ႕ ၂၀၂၅ လါမၚရွးအဂီႈ န႔ဥ လီၚ. ကြဲမုႈပွၚကိးဂၚဒဲး ဒ္သိးပကထုကဖဥသကိးတႈလ႕ ဒူဥဖိထ႕ဖိလ႕အတူႈဘဥ တႈကီတႈခဲသ့ဥတဖဥအဂီႈန႔ဥလီၚ. ပႈပါအ႕ဥလီၚတူႈလိဏဝဲလ႕ ဒူဥဖိထ႕ဖိလ႕အအိဥဒီးတႈလ႕တႈပွဲၚ တအိဥဝဲနီတခါဘဥနဥ့လီၚ’  ဘဥဆဥ ပမ့ႈပ်ႈကြံဏပဒူဥဖိထ႕ဖိအတႈကမဥဒီး ပကဃုထံဥန႔ႈဘဥ တႈမုႈတႈခုဥအဂ့ႈ စံး၀ဲန႔ဥလီၚ.

ပႈပါဖရဥစ့းအတႈထုကဖဥအတႈပညိဥ လ႕လါမၚရွးအဂီႈ မ့ႈဝဲလ႕ ဒူဥဖိထ႕ဖိလ႕ အတူႈဘဥ တႈကီတႈခဲသ့ဥတဖဥအဂီႈန႔ဥလီၚ.

ပဝဲသ့ဥတဖဥကိးဂၚဒဲး ပမုႈလႈဝဲလ႕ဒူဥဖိထ႕ဖိလ႕ အအိဥဒီးတႈလ႕တႈပွဲၚန႔ဥလီၚ. ဘဥဆဥဒူဥဖိထ႕ဖိလ႕ အကအိဥဒီးတႈလ႕တႈပွဲၚ တအိဥဝဲဘဥန႔ဥလီၚ. ဒူဥဖိထ႕ဖိကိးဒူဥစုဏစုဏ အိဥဝဲဒီးတႈဂံႈစႈဘါစႈသ့ဥတဖဥအသိး အိဥဝဲစ့ႈကီးဒီးတႈသူဥဖွံသးညီယ ဒီးဒူဥဖိထ႕ဖိကိးဂၚဒဲး အိဥဝဲဒီးအတႈလီၚဆီလိဏသးအဃိ မ့ႈတႈလ႕အရ႔ဒိဥဝဲအဂ့ႈ ပႈပါစံး၀ဲန႔ဥလီၚ.

ပႈပါဖရဥစ့းကဒူးကဒ့ဥတႈ ခဲအံၚခဲအံၚလ႕ တႈလီၚဆီလိဏသးသ့ဥတဖဥကဲထီဥတႈတဘဥ လိဏဖိးဒ့လိဏသးအဃိန႔ဥလီၚ. ပႈပါကတိၚဆူဥထီဥတႈဒီးစံး၀ဲလ႕ ကသံဥဖီဥလ႕အဂ့ႈကတ႕ႈလ႕ ဒူဥဖိထ႕ဖိလ႕အတူႈဘဥတႈကီတႈခဲသ့ဥတဖဥအဂီႈ မ့ႈဝဲတႈပ်ႈကြံဏလိဏသးယ တႈပ်ႈကြံဏတဂၚဒီးတဂၚအတႈကမဥသ့ဥတဖဥန႔ဥလီၚ. ကစႈဎြၚပ်ႈကြံဏပဝဲသ့ဥပတႈကမဥတဘိဎူဥဃီယ ဒီးကစႈဎြၚအတႈသူဥစူၚသးစူၚတႈ စ့ႈကီးအကတ႕ႈတအိဥဝဲဘဥအဂ့ႈ စံး၀ဲန႔ဥလီၚ. ပႈပါဒုးသ့ဥနီဥထီဥပွၚလ႕ ကစႈအတႈပ်ႈ ပတႈကမဥသ့ဥတဖဥဒီး ဒုးမၚနႈ့ ပွၚတႈစးထီဥက့ၚကဒီးတႈလ႕အသီသ့ဥတဖဥန႔ဥလီၚ.

တဂၚဒီးတဂၚ တႈပ်ႈကြံဏလိဏပသး လ႕တဂၚဒီးတဂၚ အတႈကမဥယ မၚသီထီဥက့ၚဒူဥဖိထ႕ဖိတဘိဎူဏဃီဒီး ဟ့ဥပွၚတႈမုႈလႈလ႕ ခါဆူညါန႔ဥလီၚ. ကစႈအတႈဘ်ဴးတႈဖွိဥသ့ဥတဖဥ ဟ့ဥဂံႈဟ့ဥဘါပွၚ ဒ္သိးပကပ်ႈကြံဏပွၚဂၚအတႈကမဥန႔ဥလီၚ. ဟဲစိဏန႔ႈပွၚတႈမုႈတႈခုဥ ဒီးမၚပူၚမၚဖ်ဲးပွၚဒီးတႈသူဥအုးသးအုးဒီး တႈသူဥထီီဥသးဟ့အဂ့ႈ ပႈပါစံးဝဲန႔ဥလီၚ.

ပႈပါဖရဥစံးဝဲဒ္သိး ပကထုကဖဥသကိးနႈ့တႈလ႕ ဒူဥဖိထ႕ဖိလ႕အလီၚမုႈလီၚဖးသ့ဥတဖဥ  ကဃုထံဥန႔ႈက့ၚတႈကူဆါဎါဘ်ါအသးလ႕ တႈပ်ႈကြံဏလိဏတႈကမဥလ႕ တႈလီၚဆီလိဏသးသ့ဥတဖဥအက်ါန႔ဥလီၚ.