တႈမုႈလႈ ဘ႕ဥထူဥဖ်ိကြံဏတႈသြဥခိဥလံ တႈသြဥခိဥလံ

ဎြၚပကစႈ နႈဟူလံပတႈဃ့ကညး ဒီးႏုႈလီၚ၀ဲဆူ ပတႈအိဥမူအပူၚ ဒီးဒုးမူပွၚနဥ့လီၚ’

ရိမ့ၚ ၆း၃”၁၁ယ  လူၚကဥ ၂၄း၁”၁၂

ဒီပုႈ၀ဲခဲလ႕ဏ လ႕တႈအဲဥအီၚသ့ဥဧ႕”

Happy Easter မ္ပဥစကါ ကမ့ႈ၀ဲတႈဆိဥဂ့ၚဖးဒိဥ လ႕သုဂီႈနဥ့တက့ႈ

မုႈတနံၚအံၚ မ့ႈမုႈနံၚဖးဒိဥ လ႕တႈမုႈလႈအဂီႈနဥ့လီၚ’ လ႕တႈဎါဘ်ါကြံဏတႈအဂီႈ မ့ႈမုႈနံၚဖးဒိဥနဥ့လီၚ’ တမ့ႈလ႕ ပအိဥဒဥ၀ဲလ႕ တႈသူဥအုးသးအုးအပူၚဘဥဒီး လ႕တႈနးတႈဖွီဥအပူၚ ပဒိးနႈ့ဘဥတႈသ့စီ၀ံၚ ပအိဥဖ်ဲဥထီဥက့ၚကဒီး လ႕တႈဂဲၚဆ႕ထ႕ဥသမူထီဥက့ၚ အမ့ႈအူလဥအပူၚ နဥ့လီၚ’ တႈဒုးတႈဎၚယ ပွၚဘဥပဏတ့ႈကြံဏတႈအိဥတႈဆိးအလီႈယ န’ဆ႕ဥတႈတတ႕ႈတနါ အတႈမၚဟးဂီၚတႈသ့ဥတဖဥယ ဒီးလ႕တႈသူဥအုးသးအုးအတခ်ါသ့ဥတဖဥအဖီလဏအပူၚယ တႈကလုႈလ႕ပကိးပသူထီဥ၀ဲ လ႕တႈသူဥဒူသးဒူအပူၚမ့ႈ၀ဲ ”လ႕ႈဖးဒိဥလ႕အမ့ႈတႈသြဥခိဥအပဲႀတီ ဘဥတႈသုးကြံဏအီၚလံ’ ကစႈဎ့ဥရွဴးခရံဏသမူထီဥက့ၚလံ’ ပတႈမုႈလႈသ့ဥတဖဥ အိဥမူဒ္၀ဲအဖ႕မုႈနဥ့လီၚ’

၁”ဎြၚနႈဟူတႈယ ထံဥတႈယ ဒီးဟဲလီၚ၀ဲနဥ့လီၚ’

လ႕လံဏစီဆွံတ႕တဘ့ဥအပူၚ ပနႈဟူဘဥ၀ဲ တႈပဏဖ်ါထီဥ ပွၚအံးစရ့လးဖိသ့ဥတဖဥ အတႈနးတႈဖွီဥအဂ့ႈနဥ့လီၚ’ ဎြၚလ႕အလီၚထူူလီၚဎိဏစံး၀ဲယ ဎထံဥဘဥ ပွၚကလုဏသ့ဥတဖဥအတႈနးတႈဖွီဥ”””ဎနႈဟူ၀ဲအတႈဟီဥတႈဎ႕ၚ”””ဎဟဲလီၚဎဲဒ္သိးဎကအုဥက့ၚခီဥက့ၚအီၚ”နဥ့လီၚ’ စးထီဥလ႕မ့ႈအူလဥ ဖဲစီၚမိၚရွ႔ဘဥတႈကိးထီဥအီၚ တုၚလ႕ထူဥစုညါလ႕အဘဥအိဥဒီးခရံဏကစႈအသြံဥဒဥလဲဥ ကစႈဎြၚ တပဏကပၚကြံဏအမဲဏယ တႈမ့ႈတႈတီအံၚ အိဥဖ်ါ၀ဲလ႕လံဏစီဆွံအပူၚနဥ့လီၚ’ ကစႈဎြၚ နႈဟူ၀ဲပွၚဖွီဥဖိဎဏဖိသ့ဥတဖဥ အတႈဟီဥတႈဎ႕ၚအကလုႈနဥ့လီၚ’ ထံဥဘဥ၀ဲပွၚလ႕ အဘဥတႈဎီႈတံႈဆီဥသနံးအီၚသ့ဥတဖဥ အတႈနးတႈဖွီဥနဥ့လီၚ’ ထံဥဘဥ၀ဲမဲဏထံလ႕ အဎြၚလီၚ၀ဲလ႕ ပထံပကီႈအပူၚ လ႕အအိဥပွဲၚဒီးတႈဘဥဒိဘဥထံးသ့ဥတဖဥနဥ့လီၚ’ အအံၚ ဟမ့ႈ၀ဲပဥစကါအတႈဒိဥတႈဎိဏနဥ့လီၚ’ ကစႈဎြၚ ကိးထီဥက့ၚပွၚလ႕ အတူႈဘဥတႈနးတႈဖွီဥသ့ဥတဖဥ ဆူတႈပူၚဖ်ဲးအအိဥနဥ့လီၚ’

တမ့ႈလ႕ပကစႈဎြၚ ဆ့ဥနီၚ၀ဲလ႕ လ႕ပွၚကညီသ့ဥတဖဥ အတႈတူႈဘဥတႈအဖီခိဥဘဥ နဥ့လီၚ’ တမ့ႈလ႕ကစႈဎြၚ တကနဏဃုဏပွၚဒီး အိဥဎံၚ၀ဲလ႕တႈလီႈအဎံၚဘဥနဥ့လီၚ’ မ့ႈပွၚလ႕အစံဥလီၚ၀ဲလ႕မ့ႈအူစ့ႈကီးနဥ့လီၚ’ လဲဲၚလီၚ၀ဲဆူ တႈသူအုးသးအုး ဒီးတႈဘဥဂံႈဂူႈအစ့ႈကီးနဥ့လီၚ’ လဲဲၚလီၚ၀ဲဆူ တႈသူအုးသးအုး ဒီးတႈဘဥဂံႈဂူႈအပူၚ ဒီးဟဲစိဏ၀ဲတႈပူၚဖ်ဲး ဒီးတႈမုဏတႈခုဥနဥ့လီၚ’ မ့ႈအဟဲစိဏ၀ဲဒ္လဲဥ’ ဟဲတုၚ၀ဲဆူပအိဥ ဒ္အမ့ႈ၀ဲ အ့ၚမၚႏူၚအ့လး ဎြၚလ႕အအိဥဒီးပွၚ ကစႈဎ့ဥရွဴးခရံဏနဥ့လီၚ’ တမ့ႈလ႕အဟဲအိဥသကိးပွၚ ဎိဎိဘဥနဥ့လီၚ’ မ့ႈ၀ဲဒ္သိးအကတူႈ၀ဲတႈနးတႈဖွီဥနဥ့လီၚ’ ဖဲကစႈဎ့ဥရွဴးခရံဏအမဲဏထံလီၚ၀ဲအခါ ကစႈဎြၚအမဲဏထံလီၚ၀ဲစ့ႈကီးနဥ့လီၚ’ ဖဲကစႈဎ့ဥရွဴးခရံဏ အသြံဥဒီးအကပ႕ၚဎြၚလီၚ၀ဲအခါ ကစႈဎြၚအသြံဥဒီးအကပ႕ၚ ဎြၚလီၚ၀ဲနဥ့လီၚ’ ဖဲကစႈဎ့ဥရွဴးခရံဏ ဘဥတႈဟ့ဥလီၚကြံဏအီၚလ႕ က်ဲကဘ်ံးကဘ်ဥအပူၚအခါယ ဖဲအဘဥတႈညိကြံဏအီၚအခါယ ဖဲအဘဥတႈတီႈအီၚဖ့်အီၚ ဒီးဘဥတႈမၚသံကြံဏအီၚအခါ ကစႈဎြၚအနီႈကစႈဒဥ၀ဲကိးပသူထီဥ၀ဲ” ကစႈဧ႕ယ ကစႈဧ႕ယ ဘဥမႏုလ႕ နလဲၚသဒဥဎၚလဲဥ”နဥ့လီၚ’

၂”ကစႈဎ့ဥရွဴးခရံဏ ဟဲႏုႈလီၚ၀ဲဆူ ပတႈပူၚလီႈသ့ဥတဖဥအပူၚနဥ့လီၚ’

ပမ့ႈကြႈကဒါက့ၚ ပတႈခီဖ်ိတ့ႈလံတႈသ့ဥတဖဥဒီး လီၚဂဏဒ္သိး ပလဲၚပိဏထြဲ၀ဲ ထူဥစုညါအက်ဲ လ႕အကတ႕ႈတအိဥ၀ဲအသိးနဥ့လီၚ’ ပွၚတဂၚစံး၀ဲ”တႈကီၚသူဥကီၚသးအဆ႕ကတီႈလ႕ကီႈပဎီၚအပူၚ တမ့ႈထဲအနံၚအသီ ၄၀ ဘဥဒီး မ့ႈ၀ဲ ၃၆၅ သီနဥ့လီၚ’ တႈကီတႈခဲအကလုဏကလုဏ လ႕ပခီဖ်ိထံဥဘဥအီၚသ့ဥတဖဥ တမ့ႈတႈလ႕ပနႈပ႕ႈအီၚသ့ဥတဖဥဘဥ နဥ့လီၚ’ လ႕တႈကီၚသူဥကီၚသးအကတီႈအံၚအပူၚ ပကြႈထံဆိကမိဥ၀ဲ ခရံဏအတႈနးတႈဖွီဥသ့ဥတဖဥနဥ့လီၚ’ လ႕ပ၀ဲသ့ဥ ပတႈသူဥကႈသးလီၚ၀ဲသ့ဥတဖဥအပူၚ ကစႈဎ့ဥရွဴးခရံဏ တမ့ႈ၀ဲပွၚစံဥညီဥကြီႈတဂၚဘဥဒီး လီၚဂဏဒ္ပွၚလ႕အအိဥဃုဏဒီး ပွၚလ႕အလဲၚဃုဏတႈဒီးပွၚလ႕ အဘဥဒိဘဥထံး၀ဲတဂၚအသိးနဥ့လီၚ’ ကစႈအိဥ၀ဲဒီးမုႈကမဲ လ႕အဘဥအိဥသဎုႈသတြၚ၀ဲ အတႈခံးတႈနၚအပူၚနဥ့လီၚ’ ဃ့ႈမွံဟးဖ်ိး၀ဲ ဃုဏဒီးဖိဒံဖိသဥလ႕ အဘဥဃ့ႈမွံးဟးဖ်ိ၀ဲသ့ဥတဖဥနဥ့လီၚ’ ခ်ံးလီၚအခီဥလ႕ ပွၚလ႕အကြႈထြဲပွၚဆူးပွၚဆါယ ဒီးဖံ၀ါသ့ဥတဖဥအကပၚနဥ့လီၚ’ တပဏတ့ႈကြံဏဖိလံၚသ့ဥတဖဥဘဥဒီး အိဥဃုဏ၀ဲဒီးပွၚကြႈသိသီခါသ့ဥတဖဥနဥ့လီၚ’ ဖဲန’ဆ႕ဥတႈတတ႕ႈတနါ လ႕အမ့ႈ၀ဲဟီဥခိဥဟူးဖးဒိဥ ဒုးအိဥထီဥ၀ဲတႈနးတႈဖွီဥ ဒိဥဒိဥအါအါလ႕ပဂီႈအခါ လီၚဂဏဒ္ တႈသံဒီးတႈနးတႈဖွီဥသ့ဥတဖဥ ပပဏလီၚဖးအီၚတသ့၀ဲအသိးဘဥနဥ့လီၚ’

လံဏဖးခံတီၚတတီၚအပူၚ စီၚပီလူးစံး၀ဲလ႕ ပွၚလ႕အဒိးနႈ့တႈသ့စီလ႕ ခရံဏအတႈနးတႈဖွီဥဒီးအတႈသံ၀ဲအပူၚသ့ဥတဖဥ ကဒိးနႈ့ဘဥသကိးတႈသ့စီအီၚလ႕ ကစႈအတႈဂဲၚဆ႕ထ႕ဥသမူထီဥက့ၚအပူၚအဂ့ႈ အိဥဖ်ါ၀ဲလ႕ စီၚပီၚလူးကြဲးနႈ့ပွၚရိမ့ႈဖိသ့ဥတဖဥ အလံဏပရ႕အပူၚနဥ့လီၚ’ အအံၚ မ့ႈ၀ဲပတႈစူႈတႈနဏနဥ့လီၚ’ မ့ႈ၀ဲတႈဃံတႈလၚလ႕ ပတႈစူႈတႈနဏအဂီႈအသိး မ့ႈတႈလ႕ပနႈပ႕ႈအီၚကီ၀ဲစ့ႈကီးနဥ့လီၚ’ တႈအုဥက့ၚခီဥက့ၚဟီဥခိဥ အိဥလ႕ပွဲၚဒီးတႈဘဥဒိဘဥထံးသ့ဥတဖဥနဥ့လီၚ’ ခီဖ်ိလ႕တႈဘဥဒိသ့ဥတဖဥအံၚအပူၚ ပဘဥတႈဎါဘ်ါကြံဏပွၚနဥ့လီၚ’ (၀ံဎရွါဎၚ ၅၃း၅)

လ႕လံဏတႈသးခုကစီဥအပူၚယ မူခိဥကလူး လ႕အလဲၚတုၚ၀ဲဆူတႈသြဥခိဥ ဒီးစံးတႈဆူပိဏမုဥသ့ဥတဖဥအအိဥမ့ႈ၀ဲ”ဘဥမႏုလ႕ သုဃုပွၚလ႕အမူ၀ဲတဂၚ လ႕ပွၚသံသ့ဥတဖဥအိဥ၀ဲတႈလီႈနဥ့လဲဥ’ ကစႈ တအိဥ၀ဲဖဲတႈလီႈအံၚအပူၚဘဥယ သမူထီဥက့ၚလံ နဥ့လီၚ’ (လူၚကဥ ၂၄း၅”၆)

Easter မ့ႈ၀ဲတႈမၚကတ႕ႈကြံဏတႈသံ အမုႈနံၚယ မ့ႈ၀ဲတႈအိဥမူအဂီၚထ႕ဥသ႕ ဖုးသံနီဥထီဥအသး အမုႈနံၚနဥ့လီၚ’ ကစႈဎ့ဥရွဴးခရံဏအတႈဂဲၚဆ႕ထ႕ဥသမူထီဥက့ၚလ႕တႈသံအံၚ တမ့ႈထဲလ႕ တႈစိတႈကမီၚအတႈပနီဥတမံၚဘဥဒီး မ့ႈစ့ႈကီးတႈပ႕ႈဆ႕တမံၚနဥ့လီၚ’ တမ့ႈထဲလ႕ လ႕ႈဖးဒိဥသုးကြံဏအသး လ႕တႈသြဥခိဥဘဥဒီး မ့ႈ၀ဲအတႈသ့ဥဖးကြံဏဘ်ဲးဘ်ဲးဘ်ီးဘ်ီးနဥ့လီၚ’ တႈသြဥခိဥ တသ့ကးတံႈဃဥ၀ဲ တႈအဲဥတႈကြံဘဥနဥ့လီၚ’  တႈခံးတႈနၚ တသ့ႀတီဃဥ၀ဲတႈကပီၚဘဥနဥ့လီၚ’ ပအဲဥဒီးဒုးမၚနႈ့ တႈကစီဥအံၚ ဆူပွၚကီႈပဎီၚဖိကိးဂၚဒဲးနဥ့လီၚ’ ပွၚလ႕အသူဥကႈသးလီၚသ့ဥတဖဥ ပွၚလ႕အဘဥအိဥ၀ဲလ႕ တႈပ်ံၚတႈဖုးဃ႕၀ဲအဖီလဏသ့ဥတဖဥ အအိဥယ ကစႈဎ့ဥရွဴးခရံဏစံး၀ဲ”

”ဎအိဥဒီးသုလီၚ ပ်ံၚတႈတဂ့ၚ

”ကစႈဎြၚတဟ့ဥလီၚနႈ့ပွၚ သးလ႕အအိဥဒီးတႈပ်ံၚတႈဖုးဘဥဒီး ၊ ဟ့ဥလီၚပွၚတႈစိတႈကမီၚယ တႈအဲဥတႈကြံ ဒီးတႈသ့ဥညါနႈပ႕ႈလ႕အစီဆွံ၀ဲနဥ့လီၚ’

”ဖဲအစံးကတိၚတႈဆူ ပွၚလ႕အဘဥတႈဎီႈတံႈအီၚ လ႕တႈတတီတလိၚအဖီလဏအခါ စံး၀ဲ”ဎတသးပ့ၚနီႈကြံဏနၚဘဥ

”ပိဏမုဥလ႕အဒ႕ဃဥအဖိ မ့ႈသးပ့ၚနီဥကြံဏအဖိလ႕အဟ႕ဖ႕ပူၚဒဥလဲဥ”ဎတသးပ့ၚနီဥနၚဘဥဒီး ဎကြဲးဃဥနမံၚလ႕ဎစုညါသးအပူၚ နဥ့လီၚ’

၃”ဎူဘလံဥအခီပညီ”ဎြၚအတႈတိဏက်ဲၚလ႕ တႈတ့ဘွီထီဥက့ၚတႈအဂီႈ

အအံၚ မ့ႈ၀ဲတႈမုႈလႈအနံဥနဥ့လီၚ’  ဎူဘလံဥအနံဥသ့ဥတဖဥ မ့ႈ၀ဲနံဥလ႕ဎြၚအတႈဆိဥဂ့ၚ အိဥလ႕ပွဲၚ၀ဲနံဥနဥ့လီၚ’ လံဏစီဆွံအဆ႕လ႕ အပဏပနီႈ၀ဲဎူဘလံဥအနံဥမ့ႈ၀ဲ (၀တ္ျပဳရာက်မ္း ၂၅း၁၀) နဥ့လီၚ’ (      )’

အနီႈနီႈတခီ ဎူဘလံဥမ့ႈ၀ဲ ကစႈဎြၚပ်ဲ၀ဲဒ္သိး ပွၚကမၚလၚမၚကပီၚ တႈဂ့ႈမိႈပွႈသ့ဥတဖဥ လ႕အဘဥဃးဒီး ပွၚကညီဂ့ႈ၀ီနဥ့လီၚ’ ပွၚကဘဥပ်ဲပူၚပွၚလ႕ တႈဒ့ဥတႈကမဥယ ပွၚကဘဥမၚဂ့ၚထီဥက့ၚဟီဥခိဥယ ပွၚကဘဥပ်ဲပူၚကုႈသ့ဥတဖဥယ တႈသ့ဥတဖဥအံၚနဥ့လီၚ’

ဖဲကစႈဎ့ဥရွဴးခရံဏဟဲ၀ဲအခါ ဎူဘလံဥ တမ့ႈလ႕ၚ၀ဲ တႈပဏလီၚနံဥဎိဎိဘဥဒီး မ့ႈ၀ဲတႈမၚလၚကပီၚတႈ အလီၚထူလီၚဎိဏနဥ့လီၚ’ လူၚကဥ ၄း၁၈ စံး၀ဲ” (    )’

လ႕ကီႈပဎီၚထံဖိကီႈဖိသ့ဥတဖဥအဂီႈ ဎူဘလံဥ တမ့ႈလ႕ၚ၀ဲ နံဥလ႕အဘဥတႈပဏပနီႈအီၚဘဥဒီး၊ ကဲထီဥ၀ဲခရံဏအနီႈကစႈဒဥ၀ဲနဥ့လီၚ’ ကစႈဎ့ဥရွဴးခရံဏအနီႈကစႈဒဥ၀ဲ ကပဏဖ်ါထီၤဥ၀ဲ တႈတီတႈလိၚနဥ့လီၚ’ ကပဏဒိဥပဏထီ၀ဲ ပွၚဖွီဥဖိဎဏဖိသ့ဥတဖဥနဥ့လီၚ’ ကက့ၚမၚဂ့ၚထီဥက့ၚ၀ဲ တႈဘဥတ့ခဲလ႕ဏသ့ဥတဖဥနဥ့လီၚ’ ဖဲတႈမုုႈလႈအဎူဘလံဥအနံဥအပူၚ ပကဘဥကိးပသူထီဥ၀ဲစ့ႈကီးနဥ့လီၚ’

”ပွၚလ႕အဘဥတႈဖီဥဃဥအီၚသ့ဥတဖဥ တမ့ႈလ႕အကဘဥတႈဖီဥဃဥအီၚ လီၚထူလီၚဎိဏဘဥ

”ပွၚလ႕အဘဥတႈဎီႈတံႈဆီဥသနံးအီၚသ့ဥတဖဥ တမ့ႈလ႕ အကဘဥတႈမၚနးမၚဖွီဥအီၚ လီၚထူလီၚဎိဏဘဥ

”ပွၚလ႕လီႈခံကတ႕ႈသ့ဥတဖဥ ကဘဥမ့ႈ၀ဲပွၚလ႕အဆိကတ႕ႈ၊ ပွၚလ႕အသူဥဂ့ၚသး၀ါ၀ဲသ့ဥတဖဥ ကပ႕ဘဥတႈလီႈတႈက်ဲ (ဟီဥခိဥ) နဥ့လီၚ’

တႈကိးပသူထီဥအံၚ တမ့ႈ၀ဲတႈဆိကမိဥဎိဎိဘဥဒီး မ့ႈ၀ဲဘီမုႈလ႕ အကဟဲတုၚ၀ဲသပွႈကတ႕ႈနဥ့လီၚ’ အအံၚမ့ႈ၀ဲ ပထံဖိကီႈဖိသ့ဥတဖဥ အတႈမုႈလႈအဎူဘလံဥနဥ့လီၚ’

၄”တႈအိဥဖွိဥကရ႕ မ့ႈတႈလ႕အဘဥတႈတ့ဘွီထီဥအီၚဒီး ပွၚလ႕အအိဥဒီးတႈမုႈလႈသ့ဥတဖဥနဥ့လီၚ’

ရိၚမ့ၚ ၈း၁၁ (             )

တႈအိဥဖွိဥကရ႕လ႕ ပထံပကီႈအပူၚ ကဘဥဖုးသံနီႈထီဥက့ၚ၀ဲနဥ့လီၚ’ တမ့ႈလ႕တႈသူဥဟးဂီၚသးဟးဂီၚအပူၚဘဥဒီး ကဘဥမ့ႈ၀ဲလ႕တႈအုဥပသးအပူၚနဥ့လီၚ’ တမ့ႈလ႕တႈသူဥကႈသးလီၚအပူၚဘဥဒီး ကဘဥမ့ႈ၀ဲလ႕ တႈဂဲၚဆ႕ထ႕ဥသမူထီဥက့ၚဒီးတႈမုႈလႈ အတႈစိတႈကမီၚအပူၚနဥ့လီၚ’

ပ၀ဲသ့ဥတဖဥ”

တမ့ႈလ႕ ပဘဥတႈစူးကြံဏညိကြံဏအီၚဘဥဒီး” ပမ့ႈပွၚသ့ဥတဖဥလ႕ အဘဥတႈဖွဴအီၚလ႕သိနဥ့လီၚ’

ပတမ့ႈ၀ဲ ပွၚလ႕အဘဥတႈဖီႈနဥ့အီၚဘဥဒီး ပမ့ႈပွၚသ့ဥတဖဥလ႕ အဒိးနႈ့ဘဥ ခိဥသလုဏနဥ့လီၚ’ ပတမ့ႈပွၚလ႕ အအိဥဒီးတႈသူဥအုးသးအုးဘဥဒီး ပမ့ႈပွၚသ့ဥတဖဥလ႕ အဒုးဟူထီဥသါလီၚ တႈသးခုအကစီဥ