သးစႈသ့ဥတဖဥအတႈဟူးတႈဂဲၚ ဒုးကပီၚထီဥက့ၚ၀ဲ မါဒလ့တလးပ႕လီႈက၀ီၚတႈကစီဥ

ကဲးသလံးသူဥဘီဥသးစႈ လ႕မါဒလ့လီႈက၀ီၚဖးဒိဥအပူၚသ့ဥတဖဥ စးထီဥကဒီး ကိးလါဘ့ဥဒဲးတႈအိဥဖွိဥ ဒီးတႈလုႈမံးဆါသ့ဥတဖဥ ဒီးမၚသီထီဥက့ၚကဒီး အတႈအ႕ဥလီၚအီလီၚ ဒ္သိးအကမၚဆူဥထီဥ နီႈသးအတႈဒိဥထီဥထီထီဥ ဒီးသးစႈသ့ဥတဖဥအတႈကဲခိဥကဲနႈတႈ လ႕လီႈက၀ီၚဖးဒိဥအပူၚနဥ့လီၚ’

ကိးလါဘ့ဥဒဲး သးစႈသ့ဥတဖဥအတႈဟူးဂဲၚဖံးမၚတႈ ဆိကတီႈကြံဏအသးဖဲ ၂၀၂၄ လါနိ၀့ဘ႕ဥလံၚလံၚ မ့ႈလ႕တႈဂ့ႈလ႕အလီၚဆီ၀ဲသ့ဥတဖဥအဃိနဥ့လီၚ’

ခီဖ်ိလ႕သီခါ Rev. Fr. Alphones Aung Ko Latt အတႈပ႕ဆွ႕တႈအဖီလဏအပူၚယ မါဒလ့လီႈက၀ီၚဖးဒိဥ သူဥဘီဥသးစႈသ့ဥတဖဥအခီမံဥရွ႕ဥ စးထီဥက့ၚကဒီး အတႈဟူးဂဲၚဖံးမၚတႈသ့ဥတဖဥ ဒ္အညီႏုႈ၀ဲအသိး မ့ႈ၀ဲဃုဏဒီးတႈလုႈမံးဆါလီၚလီၚဆီဆီဖဲ ၂၀၂၅ လါမ့ၚ ၁၁ သီ အမုႈနံၚနဥ့လီၚ’ တႈအိဥဖွိဥရိဖွိဥအံၚ အိဥ၀ဲဒီးအတႈပညိဏ ဒ္သိးအကမၚဆူဥထီဥက့ၚ တႈစိဏဆွ႕တႈသးခုကစီဥအတႈသူဥဆူဥသးဂဲၚနဥ့လီၚ’

Fr Alphonse ကတိၚဆူဥထီဥ၀ဲ သူဥဘီဥသးစႈသ့ဥတဖဥ အသန႕ဥလ႕အကါဒိဥ၀ဲ လ႕တႈအိဥဖွိဥကရ႕အပူၚ ဒီးလ႕ကရ႕ကရိအပူၚ ဒီးစံး၀ဲလ႕ သူဥဘီဥသးစႈသ့ဥတဖဥ အတႈမၚဃးလိဏအသး မ့ႈတႈလါအကါဒိဥ၀ဲယ ဒီးပွၚကဘဥဟ့ဥသးစႈသ့ဥတဖဥလ႕ တႈလီႈတႈက်ဲယ ဒီးကဘဥသ့ဥညါလီၚက့ၚ တႈလီၚတိဏလီၚဆီ လ႕တႈဘူဥတႈဘါအပူၚ ဒီးလ႕ထံကီႈအပူၚနဥ့လီၚ’ ခိဥနႈလ႕အဂ့ၚ၀ဲ လ႕မုႈမဆါတနံၚအံၚသ့ဥတဖဥ မ့ႈပွၚလ႕အလုႈဒိဥထီဥ ခိဥနႈလ႕ခါဆူညါသ့ဥတဖဥအဂ့ႈ စံး၀ဲနဥ့လီၚ’

ကတိၚဟ့ဥဆူဥထီဥ၀ဲ တႈဖံးဃုဏမၚဃုဏတႈလ႕ တႈကဲခိဥကဲနႈလ႕ တႈအိဥကရ႕အပူၚ ဒီးသူဥဘီဥသးစႈသ့ဥတဖဥအဘ႕ဥစ႕ၚယ ဒီးပဏဖ်ါထီဥ၀ဲတႈမုႈလႈလ႕ အမ့ႈ၀ဲ ပကဘဥအိဥ၀ဲဒီး သးစႈသ့ဥတဖဥ အတႈကဲခိဥကဲနႈတႈလ႕ တႈအိဥဖွိဥကရ႕အဂီႈယ လ႕ထံကီႈအဂီႈယ ဒီးလ႕ဒူဥဖိထ႕ဖိသ့ဥတဖဥအဂီႈနဥ့လီၚ’

လ႕တႈအ႕ဥလီၚတူႈလိဏ ကီႈပဎီၚသူဥဘီဥသးစႈသ့ဥတဖဥ အတႈဘဥဂ့ႈလိဏဘွီလိဏအသးသ့ဥတဖဥအပူၚယ Fr Alphones ပဏဖ်ါထီဥက့ၚကဒီး ပႈပါဖရဥစ့း အတႈကတိၚလ႕အမ့ႈ၀ဲ” လ႕တႈအိဥမူအပူၚ ပသုတဘဥအိဥ၀ဲဒီး တႈသူဥဟးဂီၚသးဟးဂီၚဘဥနဥ့လီၚ’ ဎြၚအိဥဒီးအတႈကူဥထီဥဖးလီၚ လ႕ပဂီႈအဂ့ႈ စံး၀ဲနဥ့လီၚ’ မ႕နႈ့ဆီဥခံ၀ဲ သးစႈသ့ဥတဖဥ ဒ္သိးအကဟ့ဥလီၚအသးဆူဎြၚအအိဥ ဒီးက်ဲးစ႕းအိဥမူသကိး ဃုဏဒီးတႈမုႈလႈ အဂီႈနဥ့လီၚ’ သးစႈသ့ဥတဖဥ ပဏဖ်ါထီဥက့ၚ၀ဲ တႈဂ့ႈတႈက်ိၚ ဘဥဃးဒီးတႈမၚသီထီဥက့ၚသး ဒီးတႈပညိဏနဥ့လီၚ’

Louisa Ma Phu Pya Soneယ လ႕အမ့ႈ သးစႈအခိဥလ႕ (အမရပူရ) စီၚပ့းတရူးတႈဘါသရိဏလီႈက၀ီၚ ပဏဖ်ါထီဥ၀ဲ ကိးလါဘ့ဥဒဲး တႈအိဥဖွိဥထံဥလိဏသး အတႈတုၚလီၚ၀ဲလီၚ၀ဲ လ႕တႈလဲလိဏတႈအဂီႈ နဥ့လီၚ’

တႈအိဥဖွိဥရိဖွိဥသ့ဥတဖဥအံၚ မ့ႈတအိဥ၀ဲဒီးယ သးစႈသ့ဥတဖဥ ကဘူဥဘါဃုတႈဎိဎိ လ႕တႈလုႈမံးဆါအပူၚ ဒီးတႈဒိဥထီဥထီထီဥတအိဥ၀ဲဘဥနဥ့လီၚ’ တႈမၚအသးအံၚ မၚစ႕ၚပွၚ ဒ္သိး ပကဆဲးက်ိးလိဏပသးယ ပကဟ့ဥနီၚလီၚလိဏပသးယ ပကထုကဖဥဃုဏသကိးတႈယ ဒီးမၚလိမၚဒိးပသး လ႕တဂၚဒီးတဂၚအအိဥယ တုၚဒဥလဲဥ သးစႈလ႕အမဲဏဆွး၀ဲသ့ဥတဖဥ ကကဲထီဥပွၚလ႕ အနဏလီၚက့ၚအသး ဒီးကသ့စံးတႈကတိၚတႈ ဒီးကကဲခိဥကဲနႈတႈအဂ့ႈ သးစႈအံၚ စံး၀ဲနဥ့လီၤၚ’

Ko Tun Aung Myint လ႕အမ့ႈ မါဒလ့လီႈက၀ီၚ သးစႈအခီမံဥရွ႕ဥ အကရ႕ဖိတဂၚ ပဏဖ်ါထီဥတႈလီၚလီၚဆီဆီ ဘဥဃးဒီး တႈဖံးတႈမၚတႈလ႕အအိဥဒီး တႈထံဥစိတႈသ့ဥတဖဥနဥ့လီၚ’

သးစႈသ့ဥတဖဥ အတႈပဏဖွိဥဃုဏလိဏအသး မၚဆူဥထီဥ၀ဲတႈစူႈတႈနဏဒီး ကရ႕ကရိအတႈစ႕ဃဥလိဏအသးယ ဒီးဆ႕ထံဥဘဥ၀ဲသးစႈသ့ဥတဖဥ အတႈဟူးဂဲၚဖံးမၚတႈလ႕ တႈအိဥဖွိဥကရ႕အပူၚယ မ့ႈလ႕တႈအံၚအဃိ ဃ့ကညး၀ဲ တႈအိဥဖွိဥကရ႕ခိဥနႈသ့ဥတဖဥ ဒီးမိႈပႈသ့ဥတဖဥ ဒ္သိးအကအိဥဒီးတႈနဏနႈ့သးစႈသ့ဥတဖဥယ သနၚ့အသးလ႕အ၀ဲသ့ဥယ ဒီးဒုးမၚနႈ့အ၀ဲသ့ဥလ႕ တႈလီႈတႈက်ဲယ ဒီးဒုးမၚဘဥဃးအ၀ဲသ့ဥ လ႕တႈအိဥဖွိဥကရ႕ အတႈဖံးတႈမၚသ့ဥတဖဥအပူၚအဂီႈယ Tin Aung Myint စံး၀ဲနဥ့လီၚ’

စံးကဒီး၀ဲလ႕ အစူႈနဏ၀ဲ သူဥဘီဥသးစႈသ့ဥတဖဥ ဒီးအ၀ဲသ့ဥအတႈသ့တႈဘဥသ့ဥတဖဥနဥ့လီၚ’ ပွၚကဘဥသူ၀ဲ တႈသ့တႈဘဥသ့ဥတဖဥအံၚ လ႕တႈအိဥဖွိဥကရ႕ ဒီး ပွၚကမ်႕ႈဖိသ့ဥတဖဥ အတႈနႈ့ဘ်ဳးနႈ့ဖွိဥအဂီႈယ ဒ္နဥ့ဒီး မါဒလ့လီႈက၀ီၚဖးဒိဥ သူဥဘီဥသးစႈသ့ဥတဖဥ အတႈဟူးတႈဂဲၚ ဖံးတႈမၚတႈ ကကဲထီဥ၀ဲ တႈစူႈတႈနဏယ တႈဃူလိဏဖိးလိဏသးယ ဒီးတႈမုႈလႈ အတႈပနီဥမ့ဥအူ လ႕ခါဆူညါတႈအိဥဖွိဥကရ႕ ဒီးထံကီႈအဂီႈအဂ့ႈ စံးကဒီး၀ဲနဥ့လီၚ’

Youth Movement Rekindled in Mandalay Archdiocese: A New Era of Mission and Unity. Credit -RVA Myanmar Service- May 19, 2025