မုႈတနံၚအံၚ ပမၚလၚမၚကပီၚ သးစီဆွံကစႈဟဲလီၚ၀ဲအမုႈနံၚ ဒီးမ့ႈ၀ဲ Easter အဆ႕ကတီႈယ Easter Season ကတ႕ႈ၀ဲအမုႈနံၚနဥ့လီၚ’ လံဏဖးတ႕တတီၚ မ့ႈ၀ဲဖဲ ပွၚတႈမ႕ဖိအမၚတႈ ၂း၁”၁၁ ဒီးမ့ႈ၀ဲ သးစီဆွံကစႈ ဟဲလီၚ၀ဲဒ္လဲဥဒ္လဲဥ အဂ့ႈနဥ့လီၚ’

သးစီဆွံကစႈဟဲလီၚ၀ဲအမုႈနံၚအံၚ ပစံး၀ဲလ႕ တႈအိဥဖွိဥကရ႕ ဟဲအိဥဖ်ဲဥထီဥ၀ဲအမုႈနံၚ  နဥ့လီၚ’

”မ့ႈ၀ဲအတႈဟဲလီၚ၀ဲဆူ မုႈကနီၚနီႈမၚရံ ဒီးပွၚတႈမ႕ဖိသ့ဥတဖဥအဖီခိဥ ဒ္မ့ဥအူလဥအက့ႈအဂီၚ ဒ္တႈအပ့်ၚတဖဥအသိးနဥ့လီၚ’ ဖဲသးစီဆွံကစႈဟဲလီၚ၀ံၚအလီႈခံ”ပွၚတႈမ႕ဖိလ႕အအိဥဒီးတႈပ်ံၚတႈဖုးတႈသ့ဥတဖဥ လဲလိဏကြံဏအသး ဆူပွၚလ႕အစံဥတဲၚတဲလီၚတႈ ဒီးစိဏဆွ႕တႈသးခုကစီဥ လ႕တႈသူဥဒူးသးဒူအပူၚယ ဒီးဒိးနႈ့ဘဥသကိး၀ဲ တႈဆိဥဂ့ၚလီၚလီၚဆီဆီ ဘဥဃးဒီးတႈစံးတႈကတိၚတႈ နဥ့လီၚ’ ”ပွၚလ႕အနႈဟူဘဥ၀ဲ ပွၚတႈမ႕ဖိသ့ဥတဖဥ အတႈစံးတႈကတိၚသ့ဥတဖဥ ခီဖ်ိထံဥဘဥ၀ဲ သးစီဆွံကစႈအတႈဆိဥဂ့ၚ မ့ႈလ႕အ၀ဲသ့ဥနႈဟူဘဥ၀ဲ စီၚပ့းတရူး အတႈစံးတႈကတိၚတႈလ႕ ပ့်ၚအဂၚ (အခီပညီ နႈဟူဘဥ၀ဲလ႕ အ၀ဲသ့ဥ အကစႈဒဥ၀ဲအက်ိဏ) သ့ဥတဖဥအဃိနဥ့လီၚ’ ”၀ံၚဒီး လ႕အဆိအခါ ပွၚခရံဏဖိသ့ဥတဖဥ ကဲထီဥပွၚအုဥအသးလ႕ အအိဥဒီးတႈစိတႈကမီၚ ဒီး လ႕တႈသူဥဒူသးဒူအပူၚ ကဲထီဥ၀ဲပွၚတူႈသံအသးလ႕ အတႈစူႈတႈနဏအဃိ လ႕ခရံဏကစႈအဂီႈနဥ့လီၚ’

၁။ (တံၚသကိးသ့ဥဧ႕) သးစီဆွံကစႈ ဒုးကဲထီဥပွၚ ဒ္သိးပကမ့ႈ၀ဲတႈလုႈဟံဥ လ႕ဎြၚအတႈအိဥတႈဆိးတႈအဂီႈ (၁ ကရံဥသူး ၃း၁၆) နဥ့လီၚ’

 သးစီဆွံကစႈယ မ့ႈပွၚလ႕အဟ့ဥဂံႈဟ့ဥဘါပွၚယ ဒ္သိးပကဒုးဆ႕ႀတီဆ႕ တႈလ့တႈပစီ

 ဒီးကဲထီဥသကိးပွၚအုဥအသးလ႕ခရံဏကစႈအဂီႈ ခီဖ်ိပတႈအိဥမူဒ္ဎြၚဖိဎြၚလံၚအသိး လ႕တႈဖ်ါဆဲးဖ်ိအပူၚ နဥ့လီၚ’ ခီဖ်ိတႈသ့စီအတႈပနီဥစီဆွံအဃိ ဒုးကဲထီဥပွၚလ႕ဎြၚဖိဎြၚလံၚယ

ခီဖ်ိတႈဟ့ဥဆူဥထီဥနီႈသးစီဆွံအတႈပနီဥစီဆွံအဃိ ဒုးကဲထၤီဥပွၚလ႕ ခရံဏအပွၚသုးဖိ

ဒ္သိးပမ့ႈ ပွၚလ႕အကဟုကဎဏပတႈစူႈတႈနဏအဂီႈယ ခီဖ်ိတႈပ်ႈကြံဏတႈကမဥအတႈပနီဥစီဆွံအဃိယ ပ်ႈကြံဏနႈ့ပတႈကမဥ ဒီးမၚဃူလိဏဖိးလိဏက့ၚပွၚဒီးဎြၚယ

ခီဖ်ိလ႕ တႈလုႈမံးဆါ ဒီးလ႕ကိဥဘူဥစီဆွံအပူၚယ လုႈအီဥလုႈအီပနီႈသးယ

ခီဖ်ိလ႕တႈဒိးနႈ့သီခါအလီႈအလၚ ဒီးလ႕တႈတ့တႈဖ်ီအတႈပနီဥစီအဃိ ဒုးကဲထီဥ၀ဲတႈအိဥဖွိဥကရ႕ လ႕အအိဥဒီးတႈစီတႈဆွံအဂီႈယ

လ႕နဥ့အမဲဏညါ ထုးစုနဲဥက်ဲ၀ဲတႈအိဥဖွိဥကရ႕ ဒီးဒုးသ့ဥနီဥထီဥပွၚ ဘဥဃးဒီး ခရံဏအတႈသိဥလိနဲဥလိတႈသ့ဥတဖဥတီတီလိၚလိၚယ  လ႕နဥ့အမဲဏညါ ဒိကနဥပတႈထုကဖဥတႈဆူအအိဥယ မၚစ႕ၚပွၚဒ္သိးပကထုကဖဥတႈယ ကတိၚတႈဒီးပွၚ လီၚဆီဒဥတႈ ခီဖ်ိဎြၚအကလုႈကထါ လ႕လံဏစီဆွံအပူၚနဥ့လီၚ’

ဖဲသးစီဆွံကစႈဟဲလီၚ၀ဲအမုႈနံၚအပူၚ အပ်ဲဥအဘီဥသ့ဥတဖဥ ဒိးနႈ့သကိး၀ဲတႈစိတႈကမီၚ ဘဥဃးဒီး တႈဆဲးက်ိးလိဏသးနဥ့လီၚ’ အ၀ဲသ့ဥအတႈဘိးဘဥသ့ဥညါတႈသ့ဥတဖဥ ဘဥတႈနႈဟူအီၚ ဒီးဘဥတႈနႈပ႕ႈအီၚလ႕ပွၚခဲလ႕ဏယ တဒ္သိးလ႕ၚဒီးတႈစံးတႈကတိၚ တဒ္သိးလိဏသး အတႈႀတီဃဥတႈ ဒ္လ႕ဘၚဘ့းလး အကတီႈအသိးလ႕ၚဘဥနဥ့လီၚ’ မ့ႈ၀ဲဆ႕ကတီႈလ႕ ခရံဏအတႈသးခုကစီဥ မ့ႈ၀ဲလ႕ပွၚခဲလ႕ဏအဂီႈ ဒီးဘဥတႈနႈပ႕ႈအီၚလ႕ ပွၚခဲလ႕ဏနဥ့လီၚ’ ခီဖ်ိလ႕သးစီဆွံကစႈအဃိ ဎြၚအတႈဘိးဘဥသ့ဥညါတႈ လဲၚတုၚ၀ဲဆူ ပွၚကိးဂၚဒဲးအသူဥအသးအပူၚနဥ့လီၚ’

ဒ္နဥ့ဒီးယ ဎြၚအပွၚကလုဏ တမ့ႈလ႕ၚ၀ဲထဲတခါဧိၚလ႕ၚဘဥဒီး ပွၚခဲလ႕ဏသ့ဥတဖဥ မ့ႈ၀ဲဎြၚဖိဎြၚလံၚ ဎြၚအပွၚကလုဏ ဒီးပွၚခဲလ႕ဏသ့ဥတဖဥ ဘဥတႈကိးအီၚ ဘဥတႈကြဲမုဏအီၚ ဆူဎြၚအဘီအမုႈအပူၚနဥ့လီၚ’

သးစီဆွံကစႈယ မ့ႈ၀ဲတႈအခီဥထံးခီဥဘိ လ႕တႈဆိဥဂ့ၚဆိဥ၀ါ (ဎြၚအတႈဟ့ဥဘ်ဳး) အလီၚဆီ၀ဲသ့ဥတဖဥ ဒ္တႈအိဥဖွိဥကရ႕ဖိ တဂၚဘဥတဂၚ သ့ဥတဖဥ ဒိးနႈ့ဘဥ၀ဲအသိးနဥ့လီၚ’ သးစီဆွံကစႈယ မ့ႈပွၚလ႕အထုးဖွိဥ၀ဥဖွိဥ ဎြၚဖိဎြၚလံၚသ့ဥတဖဥ ဆူကရ႕ကရိတခါဃီအပူၚနဥ့လီၚ’ ဘဥဆဥယ ဎြၚအတႈဆိဥဂ့ၚ လ႕အတဒ္သိးလိဏအသး အါအါဂီႈဂီႈသ့ဥတဖဥ အိဥ၀ဲလ႕ကရ႕ဖိသ့ဥတဖဥအက်ါနဥ့လီၚ’ ပဘဥသ့ဥညါနႈပ႕ႈသကိး၀ဲလ႕ ဎြၚအတႈဆိဥဂ့ၚ (ဒီးတႈသ့တႈဘဥ) လ႕ပဒိးနႈ့ဘဥ၀ဲ လ႕အအိဥဒီးပွၚသ့ဥတဖဥ တမ့ႈ၀ဲလ႕ ပကစႈဒဥ၀ဲ ထဲတဂၚဧိၚအဂီႈဘဥနဥ့လီၚ’ မ့ႈ၀ဲတႈဆိဥဂ့ၚ ဒီးတႈသ့တႈဘဥလ႕ ပ၀ဲသ့ဥ တဂၚဘဥတဂၚ ပကဘဥသူအီၚ လ႕ကရ႕ကရိ အတႈလိဏဘဥတႈ ဒီး အတႈနႈ့ဘ်ဳးနႈ့ဖွိဥအဂီႈနဥ့လီၚ’ ပကဘဥဖံးဃုဏမၚဃုဏတႈယ ပကဘဥသူ၀ဲတႈဆိဥဂ့ၚ လ႕အအိဥဒီးပွၚသ့ဥတဖဥယ လ႕တႈတ့ဘွီထီဥပကရ႕ကရိအဂီႈနဥ့လီၚ’

ပ၀ဲသ့ဥ ပမ့ႈ၀ဲပွၚအါဂၚသ့ဥတဖဥ ဘဥဆဥ ခီဖ်ိလ႕ သးစီဆွံကစႈအတႈဖံးတႈမၚတႈအဃိ ပလီၚဂဏဒ္သိး နီႈခိထဲတဂၚဧိၚနဥ့လီၚ’ အနီႈနီႈတခီ ပမ့ႈ၀ဲခရံဏကစႈ အနီႈခိမိႈပွႈနဥ့လီၚ’ ဒ္နီႈခိ အိဥဒီးအက့အခီအလီၚဆီ၀ဲသ့ဥတဖဥ အိဥဒီးအတႈဖံးတႈမၚ လ႕အလီၚဆီလိဏအသးသ့ဥတဖဥ သနဥက့ မ့ႈတႈသ့ဥတဖဥလ႕ အဖံးတႈမၚတႈ ဃူဃူဖိးဖိး လ႕နီႈခိဒီဂၚ အတႈနႈ့ဘ်ဳးနႈ့ဖွိဥအဂီႈအသိး ခရံဏအနီႈခိမိႈပွႈ လ႕အမ့ႈပ၀ဲသ့ဥတဖဥ ပကဘဥဆီဥထြဲ ပကရ႕ကရိ အတႈအိဥမူအိဥဂဲၚ ဒီးအတႈဖံးတႈမၚတႈ သ့ဥတဖဥနဥ့လီၚ’