ပတႈစူႈတႈနဏအဂ့ႈမိႈပွႈ လ႕ပွၚတႈမ႕ဖိသ့ဥတဖဥပဏဖွိဥ၀ဲအံၚ မ့ႈ၀ဲတႈဂ့ႈမိႈပွႈလ႕ ပတႈစူႈတႈနဏအဂီႈ အိဥလံ၀ဲလ႕ပ်႕ၚလံၚလံၚ စးထီၤဥလ႕ တႈအိဥဖွိဥကရ႕အဆိအခါ အကတီႈနဥ့လီၚ’ မ့ႈ၀ဲပတႈစူႈတႈနဏ အတႈဂ့ႈမိႈပွၚသ့ဥတဖဥ လ႕အဘဥတႈပဏဖွိဥအီၚယ ဒီးအဂံႈစဲၚလီၚအသး လ႕ပွၚတႈမ႕ဖိသ့ဥတဖဥ အတႈလီၚစ႕ၚလီၚသြဲဥအပူၚနဥ့လီၚ’

ပတႈစူႈတႈနဏအဂ့ႈမိႈပွႈ လ႕ပွၚတႈမ႕ဖိသ့ဥတဖဥပဏဖွိဥ၀ဲအံၚ မ့ႈ၀ဲတႈနဲဥက်ဲ လ႕ပွၚစူႈပွၚနဏဖိသ့ဥတဖဥအဂီႈ (ပကိးအီၚလ႕ Latin အက်ိဏ Credo- ဒီးလ႕ကိးလၚ၀ါအက်ိဏမ့ႈ၀ဲ The Creed) ဒီးလ႕ကညီက်ိဏအခီပညီမ့ႈ၀ဲ ဎစူႈဎနဏဎဲ နဥ့လီၚ’ ဖဲပမၚ၀ဲတႈထုကဖဥအံၚ တဘ်ီလႈလႈအခါ မ့ႈ၀ဲပတႈအ႕ဥလီၚအီလီၚ၀ဲလ႕ ပစူႈပနဏတႈလ႕ နီႈကစႈသ႕ဂၚ ဎြၚတဂၚဃီအပူၚ”လ႕အမ့ႈ” ပႈကစႈယ ဖိကစႈ ဒီးသးစီဆွံကစႈနဥ့လီၚ’ ပတႈစူႈတႈနဏအတႈဂ့ႈမိႈပွႈသ့ဥတဖဥအံၚ မၚစ႕ၚပွၚဒ္သိး ပကသ့ကြႈထံဆိကမိဥ နီႈကစႈသ႕ဂၚ ဎြၚတဂၚဃီ အတႈဃူလိဏဖိးလိဏအသး အိဥ၀ဲဒီးတဂၚလ႕အတႈဖံးတႈမၚ တဂၚလ႕အတႈဖံးတႈမၚ အဂ့ႈနဥ့လီၚ’

ပႈကစႈယ ဖိကစႈ ဒီးသးစီဆွံကစႈ ဖံးဃုဏမၚဃုဏသကိးတႈ လ႕တႈဃူတႈဖိးအပူၚနဥ့လီၚ’ ထုးစုနဲဥက်ဲပွၚ ဒ္သိးပကအိဥမူဒ္ ဎြၚအတႈတီတႈလိၚ ဒီးအတႈကူဥထီဥဖးလီၚတႈ အိဥ၀ဲအသိးနဥ့လီၚ’ ဒ္နဥ့ဒီးကြဲမုဏပွၚ ဒ္သိးပကအိဥဃူအိဥဖိးဒီးအီၚ နဥ့လီၚ’

လ႕လံဏတႈသးခုကစီဥအပူၚယ ကစႈဎ့ဥရွဴးခရံဏ အ႕ဥလီၚအီလီၚပွၚ သးစီဆွံကစႈ လ႕အကထုးစုနဲဥက်ဲပွၚ လ႕တႈတီတႈလိၚခဲလ႕ဏသ့ဥတဖဥအပူၚနဥ့လီၚ’ အအံၚ မ့ႈ၀ဲအတႈဒုးသ့ဥညါပွၚလ႕ ဎြၚမုႈလႈ၀ဲ ဒ္သိးပကသ့ဥညါ ဒီးနႈပ႕ႈ တႈဘဥအသးဒ္လဲဥဒ္လဲဥနဥ့လီၚ’ သးစီဆွံကစႈ ဘဥတႈဟ့ဥလီၚအီၚဆူပအိဥ ဒ္သိးအကမၚစ႕ၚပွၚ ဒ္သိးပကသ့အိဥမူ၀ဲဒ္ ဎြၚအတႈကူဥထီဥဖးလီၚ အိဥ၀ဲအသိးနဥ့လီၚ’

လံဏဖးခံတီၚတတီၚ လ႕အမ့ႈ၀ဲဖဲ ရိမ့ၚ ၅း၁”၅ ပဏဖ်ါထီဥနႈ့ပွၚ သးစီဆွံကစႈ အတႈဖံးတႈမၚတႈ လ႕ပတႈအိဥမူအိဥဂဲၚအပူၚနဥ့လီၚ’ စီၚပီလူးစံး၀ဲလ႕ သးစီဆွံလ႕ တႈဟ့ဥလီၚအီၚပွၚနဥ့ ဂႈလီၚဎြၚအတႈအဲဥတႈကြံ လ႕ပသးကံႈပူၚလီၚ’ အခီပညီယ သးစီဆွံကစႈ အိဥဒီးပွၚထီဘိယ မၚစ႕ၚပွၚဒ္သိး ပကသ့ကြႈဆ႕ဥမဲဏ တႈခီဥတႈရီဥတႈသ့ဥတဖဥယ ဒီးဒိဥထီဥထီထီဥသကိးလ႕ တႈမုႈလႈအပူၚ အဂီႈနဥ့လီၚ’ သးစီဆွံကစႈ မ့ႈပွၚမၚစ႕ၚပွၚယ ပွၚလ႕အထုးစုနဲဥက်ဲပွၚယ ဆီဥထြဲမၚစ႕ၚပွၚလ႕ ပတႈဖံးတႈမၚတႈ ခဲလ႕ဏသ့ဥတဖဥအပူၚနဥ့လီၚ’

လံဏဖးတ႕တတီၚ လ႕အမ့ႈ၀ဲဖဲ ကတိၚဒိ ၈း၂၂”၃၁ ပဏဖ်ါထီႈ၀ဲ ဎြၚအတႈကူဥသ့အဂ့ႈ ဒီးအတႈတ့လီၚဟီဥခိဥအဂ့ႈနဥ့လီၚ’ တႈကူဥသ့ မ့ႈတႈလ႕အဘဥဃးဒီး ဎြၚအတႈတီတႈလိၚယ ပဏဖ်ါထီဥနႈ့ပွၚလ႕ တႈမ့ႈတႈတီ မ့ႈတႈလ႕အအိဥဒီးဎြၚ လ႕အခီဥထံးလံၚလံၚနဥ့လီၚ’

သးစီဆွံကစႈယ လ႕အမ့ႈ၀ဲသးလ႕အဘဥဃးဒီးတႈမ့ႈတႈတီအံၚယ ဟ့ဥလီၚကဒီးပွၚအတႈကူဥသ့ နဥ့လီၚ’ ဒီးတႈကူဥသ့အံၚ မၚစ႕ၚပွၚ ဒ္သိးပကနႈပ႕ႈ၀ဲလ႕ တႈအိဥမူလ႕တႈတီတလိၚအပူၚ မ့ႈ၀ဲတႈအိဥမူလ႕ အဘဥလိဏဖိးဒ့လိဏအသး ဃူလိဏဖိးလိဏအသးဒီးဎြၚနဥလီၚ’

ပဘဥတႈကြဲမုဏပွၚ ဒ္သိးပကဒိကနဥ သးစီဆွံကစႈ ဒီးပ်ဲအီၚဒ္သိး အကထုးစုနဲဥက်ဲ ပတႈဖံးတႈမၚတႈသ့ဥတဖဥယ ဒီးပတႈဆ႕တဲႈတႈသ့ဥတဖဥအဂီႈနဥ့လီၚ’ ခီဖ်ိပတႈလူၚပိဏထြဲသးစီဆံွကစႈအဃိ ပသ့အိဥမူ၀ဲလ႕လ႕ပွဲၚပွဲၚ ဒီးဟ့ဥနီၚလီၚသကိး ဎြၚအတႈတီတႈလိၚ ဆူပွၚဂၚအအိဥနဥ့လီၚ’ ပကဘဥအိးထီဥပသးဆူ သးစီဆွံကစႈအအိဥ ဒီးက်ဲးစ႕းဃုထံဥနႈ့ ဎြၚအတႈမ့ႈတႈတီ လ႕ပတႈဖံးတႈမၚတႈ ခဲလ႕ဏသ့ဥတဖဥအပူၚနဥ့လီၚ’

နီႈကစႈသ႕ဂၚဎြၚတဂၚဃီယ မၚစ႕ၚပွၚဒ္သိး ပကနႈပ႕ႈ၀ဲလ႕ ပႈကစႈယ ဖိကစႈ ဒီးသးစီဆွံကစႈ အဘ႕ဥစ႕ၚ တႈဆဲးက်ိးလိဏသးနဥ့လီၚ’ ကစႈဎ့ဥရွဴးခရံဏစံး၀ဲယ ကဎဲႈတႈလ႕အအိဥဒီးပႈကစႈဎြၚ မ့ႈတႈလ႕အဘဥဃးဒီးဖိကစႈနဥ့လီၚ’ အအံၚ မ့ႈ၀ဲတႈဒုးနႈပ႕ႈပွၚလ႕ တႈဃူတႈဖိး ဒီးတႈဟံးနႈ့ဃုဏ ဒိးနႈ့ဃုဏ၀ဲ မူဒါ တႈဖံးတႈမၚ (Mission) နဥ့လီၚ’ ဖံးဃုဏမၚဃုဏသကိးတႈ လ႕လ႕ပွဲၚပွဲၚ ဒီးဒုးနႈပ႕ႈပွၚလ႕ တႈဃူလိဏဖိးလိဏသး ကဘဥမ့ႈ၀ဲ ဒ္လဲဥဒ္လဲဥအဂ့ႈနဥ့လီၚ’

နီႈကစႈသ႕ဂၚဎြၚတဂၚဃီ အိဥဃူအိဥဖိးလိဏအသးလ႕ အ၀ဲသ့ဥအတႈဖံးတႈမၚတႈ အတႈပညိဏသ့ဥတဖဥအပူၚနဥ့လီၚ’ ဖဲကစႈဎ့ဥရွဴးခရံဏ ဟဲလီၚ၀ဲအခါ မၚတႈဒ္တႈဘဥ ပႈကစႈဎြၚအသး အသိးနဥ့လီၚ’ ဖဲသးစီဆွံကစႈ ဟဲလီၚ၀ဲအခါ မ့ႈ၀ဲလ႕အကဖံးကဒီးမၚကဒီး ကစႈဎ့ဥရွဴးခရံဏအတႈဖံးတႈမၚနဥ့လီၚ’ မ့ႈ၀ဲတႈဒုးနႈပ႕ႈပွၚလ႕ တႈဃူလိဏဖိးလိဏသးအံၚ ဘ်းစဲလိဏအသး ဘူးဘူးတံႈတံႈ အဂ့ႈနဥ့လီၚ’

ဒ္နဥ့ဒီးယ ပ၀ဲသ့ဥတဖဥစ့ႈကီး ပကဘဥမ့ႈပွၚသ့ဥတဖဥလ႕ အဖံးဃုဏမၚဃုဏတႈ လ႕တႈအဲဥတႈကြံအပူၚ ဒီးလ႕ပတႈပညိဏသ့ဥတဖဥအဂီႈနဥ့လီၚ’ ဒ္ပႈ ဒီးဖိ ဒီးသးစီဆွံ ဖံးဃုဏမၚဃုဏသကိးတႈ လ႕တႈကိးမံၚဒဲးအပူၚအသိး ပကဘဥဟ့ဥနီၚလီၚဃုဏသကိး တႈဆိဥဂ့ၚ ဒီးတႈသ့တႈဘဥ လ႕အအိဥဒီးပွၚသ့ဥတဖဥ ဃုဏဒီးပွၚအဂၚသ့ဥတဖဥနဥ့လီၚ’ ဒ္နဥ့ဒီး ပကရ႕ကရိအဂံႈအဘါကဆူဥထီဥ၀ဲ ဒီးကကဲထီဥတႈမၚစ႕ၚလ႕ တႈမၚလ႕မၚပွဲၚ ဎြၚအတႈဖံးတႈမၚ (God’s Mission) နဥ့လီၚ’

နီႈကစႈသ႕ဂၚဎြၚတဂၚဃီအံၚ မ့ႈ၀ဲဒိဂ့ၚတဲႈဘဥလ႕ပ၀ဲသ့ဥအဂီႈနဥ့လီၚ’ ပဘဥတႈကြဲမုဏပွၚ ဒ္သိး ပကအိဥမူသကိးလ႕ တႈဘဥလိဏဖိးဒ့လိဏသး တဂၚဒီးတဂၚယ ဒ္နီႈကစႈသ႕ဂၚဎြၚတဂၚဃီ အိဥဃူအိဥဖိးလိဏအသး အသိးနဥ့လီၚ’ ဒ္နဥ့ဒီးယ ပကသ့ပဏဖ်ါထီဥ ဎြၚအတႈအဲဥ ဒီးအတႈဃူတႈဖိး လ႕ဟီဥခိဥအမဲဏညါနဥ့လီၚ’

မ္ကစႈဎြၚဆိဥဂ့ၚဘဥသု ထီဘိနဥ့တက့ႈ