ပွၚကီႈပဎီၚဖိ Claretian အကရ႕သီခါ မၚဝဲတႈစံးဘ်ဳးစံးဖွိဥတႈလုႈမံးဆါတႈကစီဥ

Fr. Dominic Aung San Htay မ့ႈဝဲကီႈပဎီၚဖိယ မ့ႈစ့ႈကီးပွၚလ႕အကဲထီဥ Claretian အကရ႕သီခါ မၚဝဲတႈစံးဘ်ဳးစံးဖွိဥအတႈလုႈမံးဆါဖဲ ၂၀၂၅ လါဎူၚ ၁၆ သီ ဂီၚခီ ၇း၀၀ နဥရံဥ လ႕ St. Joseph တႈဘါဎြၚသရိဥယ လ႕သဎဲးခေီယ ၀့ႈပသံဥတလးပ႕ လီႈကဝီၚန႔ဥလီၚ.
ဖဲအတႈစံဥတဲၚတဲလီၚတႈအပူၚ စံးဝဲယ တမ့ႈလ႕အကစႈဒဥ၀ဲအတႈဂ့ၚတႈ၀ါအဃိဘဥဒီး စံးဘ်ဳးစံးဖွိဥဎြၚ မ့ႈလ႕ဎြၚအတႈလၚ တႈကပီၚဒီး အတႈသးကညီၚတႈအဃိန႔ဥလီၚ.
တႈမၚအသးအံၚ မ့ႈ၀ဲဃုဏဒီး အမိႈဒီးအပႈ ဒိးတ့ဒိးဖ်ီအသးပွဲၚထီဥအနံဥ (၄၀) ဆ႕က့ၚအလီႈ အကတီႈန႔ဥလီၚ.

Fr. Edward လ႕အမ့ႈဝဲ Claretian အကရ႕ပွၚကီႈဎီၚဖိသီခါခံဂၚတဂၚ ဖးဖ်ါထီဥဝဲ တႈပဏလုႈဒိဥပွၚ့ဒိဥအလံဏန႔ဥလီၚ.
Fr. Dominic စံးဝဲလ႕ တႈကဲထီဥသီခါ တမ့ႈတႈလ႕အဘီဥဝဲညီဝဲဘဥဒီး ဘဥသူဝဲ တႈဆ႕ကတီႈ (၁၇) နံဥနဥ့လီၚ.

လဲၚႏုဏလီၚဝဲဆူ (မရမ္းငခ်ာင္း) တႈဒုးကဲထီဥသီခါကေိလ႕၀့ႈပသံဥတလးပ႕လီႈကဝီၚ ဘဥဆဥယ ဎြၚကိးအီၚဒ္သိးအကလဲၚဆူ ကီႈ Philippines ၀့ႈ Manila ဒ္သိးအကကဲထီဥဝဲဒဥ Claretian အကရ႕ဖိတဂၚအဂီႈန႔ဥလီၚ.
Bishop Robert Gaa ပဏထီဥအစု ဒုးကဲထီဥအီၚလ႕သီခါ လ႕ကီႈ Philippines ၀့ႈ Manilaယ Quezon City, နီႈမၚရံအသးဂ့ၚစီဆွံတႈဘါသရိဏ ဖဲ ၂၀၂၅ လါမ့ၚ ၃၁ သီ ဂီၚခီ ၈း၃၀ အကတီႈန႔ဥလီၚ.
Fr. Dominic Aung San Htay မ့ႈဝဲ Claretian အကရ႕ဖိ ပွၚကီႈပဎီၚဖိသ႕ဂၚတဂၚ န႔ဥလီၚ.

Fr. Francisco Saw Jimmy Htwe မ့ႈဝဲ Claretian အကရ႕ဖိသီခါအဆိကတ႕ႈတဂၚ ဒီးဘဥတႈဒုးကဲအီၚလ႕သီခါ လ႕တလးပ႕ Leo M. Dalmao လ႕နီႈမၚရံအသးဂ့ၚစီဆွံ တႈဘါသရိဏ လ႕ကီႈ Philippines, Quezon City ဖဲ ၂၀၂၂ လါဎူလံၚ ၁၆ သီန႔ဥလီၚ.
Claretian ပွၚစိဏဆွ႕တႈသးခုကစီဥအကရ႕ ဘဥတႈသ့ဥညါအီၚဒ္အမ့ႈဝဲ နီႈမၚရံအသးဂ့ၚစီဆွံအဖိခြါသ့ဥတဖဥန႔ဥလီၚ.
ပွၚစီဆွံ Anthony Mary Claret ဒုးအိဥထီဥဝဲ Claretian အကရ႕ ဖဲ ၁၈၄၉ လါဎူလံၚ ၁၆ သီ လ႕ကီႈ Spain န႔ဥလီၚ.
ဆ႕ကတီႈခဲအံၚအကရ႕ဖိအိဥဝဲအဂၚ သ႕ကထိ လ႕အမ့ႈဝဲသီဘူဥသီခါသ့ဥတဖဥယ တပြဲဝါသ့ဥတဖဥယ ပွၚမၚလိတႈကေိဖိသ့ဥတဖဥန႔ဥလီၚ.
Claretian အကရ႕အတႈဖံးတႈမၚမ့ႈဝဲ တႈစိဏဆွ႕တႈသးခုကစီဥန႔ဥလီၚ. ဒီးမ့ႈဝဲတႈစံဥတဲၚတဲလီၚတႈယ တႈဖံးတႈမၚလ႕သီခါလီႈကဝီၚအပူၚ ဒီးမၚတႈလ႕တႈကူဥဘဥကူဥသ့အဂီႈယ တႈဒုးအိဥထီဥတႈယ ဒီးပွၚဂ့ႈဝီတႈတီတႈလိၚန႔ဥလီၚ.
ပွၚသ့ဥတဖဥအံၚ ဖံးတႈမၚတႈလ႕ ခိခိဥသဝီပူၚယ တႈထုးထီဥလံဏဧိၚလဲဏဧိၚယ တႈစံးကတိၚ တ႕ဥပီဥလိဏသးဒီး တႈဘူဥတႈဘါအဂုႈအဂၚသ့ဥတဖဥယ ဒီးစံးကတိၚတႈလ႕ တႈမုဏတႈခုဥဒီးပွၚကညီအတႈခြဲးတႈဎဏအဂီႈန႔ဥလီၚ.
