လ႕တႈစံးဘ်ဳးစံးဖွိဥဒီး တႈကြႈထံဆိကမိဥတႈအပူၚ ၀့ႈ Hpa-An တလးပ႕လီႈကဝီၚ အသီခါသ့ဥတဖဥ အိဥဖွိဥရိဖွိဥသကိးဖဲ ၂၀၂၅ လါဎူလံၚ ၉ သီ မုႈသ႕နံၚအမုႈနံၚ ဒ္သိး အကမၚလၚကပီၚဝဲ လီႈကဝီၚသီဘူဥသီခါသ့ဥတဖဥအဎူဘလံဥအဂီႈနဥ့လီၚ.

တႈမၚအသးအံၚမ့ႈဝဲဖဲ St. Francis Xavier’s တႈဘါသရိဏဖးဒိဥ ဒီး တလးပ႕ (၂) ဂၚ လ႕ Hpa-An လီႈကဝီၚအပူၚဒီး သီဘူဥသီခါ (၂၁) ဂၚသ့ဥတဖဥ မၚဃုဏသကိးတႈနဥ့လီၚ. ဖဲတနံၚအံၚအပူၚ ဂီၚခီတႈထုကဖဥယ တႈပ်ႈတႈကမဥသ့ဥတဖဥ၀ံၚအလီႈခံ တႈလုႈထီဥ တႈလုႈမံးဆါပိဏထြဲထီဥဝဲနဥ့လီၚ.

၀့ႈ Hpa-An တလးပ႕ Justin Saw Min Theid တီခိဥရိဏမဲလုႈထီဥဝဲတႈလုႈမံးဆါ ဃုဏဒီး တလးပ႕ Stanislaus Min Ko, ၀့ႈတကူဥသီခါကရ႕ခိဥမၚစ႕ၚတႈ Francis Than Htun လုႈထီဥဃုုဏသကိးတႈလုႈမံးဆါနဥ့လီၚ.

၀့ႈတကူဥသီခါကရ႕ခိဥမၚစ႕ၚတႈ Francis Than Htun မၚဝဲတႈစံဥတဲၚတဲလီၚတႈ၀ံၚဒီး မၚကဒီးဝဲ အတႈစံးတႈကတိၚတႈဆူ သီခါသ့ဥတဖဥအအိဥနဥ့လီၚ.

Rev. Fr. Ignatius Nyar Htoo မၚဝဲတႈကတိၚအိးထီဥတႈ ဖဲတႈမၚအသးအံၚနဥ့လီၚ. စံးဝဲလ႕ သီခါသ့ဥတဖဥအတႈအိဥဖွိဥရိဖွိဥအံၚ မ့ႈဝဲဒ္သိး တႈစံးဘ်ဴးစံးဖွိဥဎြၚ လ႕ တႈဆိဥဂ့ၚလ႕အဝဲသ့ဥ ဒိးနႈ့ဘဥတ့ႈလံဝဲသ့ဥတဖဥ စးထီဥလ႕အဝဲသ့ဥ ဘဥတႈဃု ထ႕ထီဥအီၚလ႕ သီခါဒီးလ႕ အဝဲသ့ဥကဲဝဲသီခါထီဘိအကတီႈနဥ့လီၚ.

Fr. Nyar Htoo စံးဝဲလ႕ သီဘူဥသီခါအလီႈအလၚတမ့ႈလ႕ ၾက႕းဒိးနႈ့ဝဲ အဃိယ ခိဥႏူဏဂ့ၚအဃိယ အိဥဒီးတႈသ့တႈဘဥအဃိနဥ့ဘဥဒီး မ့ႈလ႕ဎြၚအတႈအဲဥယ တႈသးကညီၚဒီး အတႈစီတႈဆွံအဃိအဂ့ႈ စံးဝဲနဥ့လီၚ.

ဖဲတႈမၚအသးအံၚအပူၚ Fr. Nyar Htoo ပဏဖ်ါထီဥဝဲလ႕ လါဎူလံၚ ၉ သီမ့ႈဝဲဒဥ Rev. Fr. Martinus Myint Soe လဲၚပူၚကြံဏဟီဥခိဥခ်႕တႈအိဥမူဆ႕က့ၚအလီႈ ပွဲၚထီဥဝဲ လြံႈနံဥ တနံဥနဥ့လီၚ.

တႈလုႈမံးဆါအံၚအပူၚ သီခါလ႕အလဲၚပူၚကြံဏတ့ႈလံ ဟီဥခိဥခ်႕တႈအိဥမူဒ္အမ့ႈ Fr. Eugene Nay Htoo ဒီး Fr. Paschal Tha Lun သ့ဥတဖဥ စ့ႈကိီးနဥ့လီၚ. ဖဲတႈလုႈမံးဆါအံၚအပူၚ ပွၚဃ့ထုကဖဥနႈ့ဝဲဒဥလ႕ သီဘူဥသီခါခဲလ႕ဏသ့ဥတဖဥ လ႕ဆ႕ကတီႈလ႕အပူၚကြံဏမ့ႈဂ့ၚယ ဆ႕ကတီႈခဲအံၚသ့ဥတဖဥမ့ႈဂ့ၚယ ပွၚသ့ဥတဖဥလ႕ အတီခိဥရိဏမဲ မၚတႈလ႕တႈပနီဥစီဆွံသ့ဥတဖဥအဂီႈယ လ႕အထုးစုနဲဥက်ဲတႈအိဥဖွိဥ ကရ႕ဖိ ဒီးမၚတႈခ့တႈပွၚအတႈမၚ ဃုဏဒီးပွၚလ႕အဘဥကြႈဆ႕ဥမဲဏတႈဆူးတႈဆါဒီး တႈသူဥဟးဂီၚသးဟးဂီၚသ့ဥတဖဥနဥ့လီၚ.

လ႕အတႈစံဥတဲၚတဲလီၚတႈအပူၚ သီခါကရ႕ခိဥ Francis Than Htun ပဏဖ်ါထီဥ ဝဲ ဎူဘလံဥအခီပညီ လီၚဆီဒဥတႈ လ႕အမ့ႈဝဲ ကီႈပဎီၚအတႈအိဥသးနဥ့လီၚ.

ပဏဖ်ါထီဥဝဲ Msgr. Andrea Ferrante အတႈကတိၚဒီးစံးဝဲလ႕ သးစီဆွံကစႈ အတႈထုးစုနဲဥက်ဲတႈဒီး ပႈပါအတႈသိဥလိနဲဥလိတႈသ့ဥတဖဥ မ့ႈတႈလ႕အခီပညီ ဒိဥနႈ့                                                                                                       တႈမၚလၚကပီၚတႈဎိဎိနဥ့လီၚ.

ဖဲတႈအိဥဖွိဥရိဖွိဥလ႕ တႈထုကဖဥဒီးတႈလုႈမံးဆါ ဒီးတႈရ႔လိဏမုႈလိဏသးအကတီႈအခါ တလးပ႕ ပဏဖ်ါထီဥဝဲ တႈသံကြႈတခါလ႕အမ့ႈဝဲ တႈဘါသရိဏသ့ဥတဖဥ ဘဥတႈမၚ ဟးဂူႈဟးဂီၚကြံဏအီၚအကတီႈ ဒီးဖဲသီခါကရ႕ခိဥဒီးသီခါသ့ဥတဖဥ တသ့အိဥဝဲလ႕ လီႈကဝီၚသ့ဥတဖဥအပူၚအခါ. ဖဲတႈထီဒူဥဒါ လိဏသးဒီး တႈဘဥဂံႈဂုဏလိဏသးယ တႈအိဥ အသးကီခဲဝဲအခါ ပကသ့မၚလၚကပီၚသကိးဝဲဎူဘလံဥဒ္လဲဥ.

စံးဆ႕က့ၚဝဲလ႕ တႈမၚလၚကပီၚဎူဘလံဥအခီပညီမ့ႈဝဲလ႕ တႈဒုးဟူထီဥသါလီၚ ဎြၚအတႈဂ့ၚတႈဝါ ကိးမုႈနံၚဒဲးနဥ့လီၚ. ဒီးမၚလၚကပီၚအီၚလ႕ကိးမုႈနံၚဒဲးပတႈအိဥမူအပူၚ လ႕ဎြၚအတႈဆိဥဂ့ၚ ဒီးလဲၚကဒီးဆူညါလ႕တႈမုႈလႈအပူၚနဥ့လီၚ. အအံၚမ့ႈဝဲ ဎူပလံဥအခီပညီအလီၚတံႈလီၚဆဲးအဂ့ႈ တလးပ႕စံးဝဲနဥ့လီၚ.

တႈမၚလၚကပီၚ ဎူကလံဥတမ့ႈဝဲထဲလ႕ တႈဘါသရိဏဖိဒီး တႈဘါသရိဏဖးဒိဥသ့ဥတဖဥ အပူၚဘဥ. တႈဘါသရိဏမ့ႈတအိဥဘဥမ့ႈဂ့ၚ ပသ့စံးထီဥပၾတ႕ၚဎြၚဒီးပသ့စံးဘ်ဴးစံးဖွိဥဎြၚ လ႕ တႈလီၚပ်ီအပူၚ မ့တမ့ႈ လ႕သ့ဥခီဥထံးသ့ဥတဖဥစ့ႈကီးသ့ဝဲနဥ့လီၚ. ပသ့အုဥပသး လ႕ဎြၚ ဘဥဃးဒီးဎြၚအတႈဂ့ၚတႈဝါအဂ့ႈ ဖဲလ႕တႈကီတႈခဲသ့ဥတဖဥ အက်ါ စ့ႈကီးနဥ့လီၚ.

ပဏဖ်ါထီဥဝဲ ပႈပါဖရဥစ့း ဎူဘလံဥအတႈဂ့ႈမိႈပွႈလ႕အမ့ႈဝဲ တႈလဲၚဃုဏသကိးတႈလ႕ တႈမုႈလႈအပူၚ တလးပ႕ဒုးသ့ဥနီဥထီဥဝဲစ့ႈကီးဟီဥခိဥဒီဘ့ဥ တႈလ့တႈပစီတႈကီတႈခဲ လီၚဆီဒဥတႈ COVID 19 တႈတတ႕ဏတနါယ မုႈက်ိၚဝဲၚကြႈအတႈကီတႈခဲယ တႈဒုးတႈဎၚ ဒီး တႈတတ႕ဏတနါ သ့ဥတဖဥနဥ့လီၚ.

ပဏဖ်ါထီဥက့ၚကဒီးဝဲ ပႈပါအတႈကြဲမုႈတႈ လ႕အမ့ႈဝဲပကဘဥအိဥမူဝဲလ႕ တႈမုႈလႈအပူၚ ဒ္လဲဥဒ္လဲဥအဂ့ႈနဥ့လီၚ. ဖဲတႈကြႈထံဆိကမိဥ သီဘူဥသီခါသ့ဥတဖဥအတႈအိဥမူအပူၚ သီခါကရ႕ခိဥ FrancisThan Htun ပဏဖ်ါထီဥဝဲ တႈဂ့ႈသ႕မံၚလ႕အမ့ႈဝဲ ကစႈဎြၚအတႈ ကိးဝဲသီဘူဥသီခါ ဒီးသီဘူဥသီခါသ့ဥတဖဥအတႈဘဥကြႈဆ႕ဥမဲဏတႈကီတႈခဲ ဒီးလ႕ခံ ဎြၚဒုးဟ့ဥသါဝဲသီခါသ့ဥတဖဥလ႕ခိဥသလုဏနဥ့လီၚ.

တႈလုႈမံးဆါ၀ံၚအလီႈခံ သီခါကရ႕ခိဥ FrancisThan Htun ကတိၚကဒီးတႈဆူ သီဘူဥ သီခါသ့ဥတဖဥအအိဥနဥ့လီၚ.

ကတိၚတႈလီၚလီၚဆီဆီဘဥဃးဒီး ပႈပါဖရဥစ့းအတႈပဏသူဥပဏသးအတႈအိဥမူအိဥဂဲၚအဂ့ႈ လ႕ဘဥဃးဒီးတႈသူဥအိဥသးအိဥယ တႈသူဥကညီၚသးကညီၚတႈယ တႈကြႈထြဲကဟုကဎဏ တႈဘဥတ့ယ တႈကြႈထြဲကဟုကဎဏပွၚဖွီဥဖိဎဏဖိယ ပွၚလ႕အလီႈအက်ဲတအိဥလ႕ၚဝဲလ႕ အကစႈဒဥဝဲအထံအကီႈအပူၚ ဒီးပွၚလ႕လူၚက်ဲးစ႕းကြႈဃုတႈမုႈတႈခုဥဒီးတႈတီတႈလိၚ နဥ့လီၚ.

ဒ္တႈကြႈထြဲကဟုကဎဏတႈအခိဥအဃ႕ၚအသိး ဖဲတႈမၚအသးအံၚအပူၚ တႈသူဥလီၚ သ့ဥထူဥအတႈရဲဥလီၚက်ဲၚလီၚ ပိဏထြဲထီဥဝဲနဥ့လီၚ.

ဖဲဟါလီၚခီ ၂း၀၀ နဥရံဥအကတီႈ သီခါကရ႕ခိဥသ့ဥတဖဥယ သီခါသ့ဥတဖဥ လဲၚဝဲဆူ  (ၿမိဳင္ကေလး) လ႕အအိဥဎံၚဒီး Hpa-An သ႕မံၚလဏဃဥဃဥ ဆူတႈလီႈလ႕အလဲဏအထီ အိဥဝဲ ခံအ့က႕ဥဃဥဃဥတခါအအိဥနဥ့လီၚ.

ဖဲတႈလီႈအံၚအပူၚ အဝဲသ့ဥသူဥလီၚဝဲတႈသဥထူဥခဲလ႕ဏ ၁၅၀ မ့ႈဝဲ တိႈရဥ့ထူဥယ  သခိးထူဥယ မဏကူးထူဥယ ပနီက်ဲထူဥယ ဃီၚထူဥယ ပႏြဲႈထူဥယ သဥကပ႕ၚထူဥ သ့ဥတဖဥနဥ့ လီၚ. တႈသူဥလီၚသ့ဥထူဥအံၚ မ့ႈဝဲတႈပနီဥတမံၚ လ႕တႈမၚလၚကပီၚသီဘူဥသီခါသ့ဥတဖဥ အဎူဘလံဥ တဘ်ီဃီမ့ႈဝဲဒ္ ပႈပါဖရဥစ့း အတႈမ႕ဆီဥခံဝဲဒဥဒ္သိးပွၚကကြႈထြဲ တႈဘဥတ့သ့ဥတဖဥအဂီႈနဥ့လီၚ.