ပွၚလ႕အဘဥဆိဥဂ့ၚ Pier Giorgio Frassati ဒီး Carlo Acutis အတႈအိဥလီၚတဲႈလ႕ပွၚပဏကဲအီၚ (Relics) သ့ဥတဖဥ ကဘဥတႈပဏဖ်ါထီဥအီၚလ႕ ၀့ႈရိမ့ၚ လ႕တႈဎူးဎီႈပဏကဲအီၚအဂီႈ ဖဲသူဥဘီဥသးစႈသ့ဥတဖဥအဎူလဘလံဥအကတီႈ ဖဲ လါဎူလံဥ ၂၈ သီ တုၚလ႕ လါအီၚကူး ၃ သီအတီႈပူၚအဂ့ႈ အိဥဖ်ါ၀ဲဖဲ worldyouthday.com လီတႈကစီဥအလံဏကဘ်ံးပၚအပူၚနဥ့လီၚ’

တႈဘါသရိဥတဖ်႕ဥ လ႕အမံၚမ့ႈ၀ဲ The Church of San Marcello al Corso ကကဲထီဥ၀ဲတႈလီႈလ႕ တႈစံးကတိၚပဏဖ်ါထီဥ ပွၚလ႕အဘဥဆိဥဂ့ၚသ့ဥတဖဥအံၚအဂ့ႈအက်ိၚယ တႈထုကဖဥ ဒီးတႈလုႈမံးဆါသ့ဥတဖဥ ဒီးလ႕ တႈဎူးဎီႈပဏကဲ သးစႈသ့ဥတဖဥအံၚ အတႈအိဥလီၚတဲႈသ့ဥတဖဥနဥ့လီၚ’

ပွၚတမွံၚသ့ဥတဖဥ ကဘဥတႈဒုးသ့ဥညါအီၚ ဒ္သိးအကကြဲးလီၚ၀ဲ အတႈထုကဖဥအတႈပညိဏသ့ဥတဖဥ ဒီးကဘဥတႈလဲၚစိဏအီၚဆူ ပွၚလ႕အဘဥဆိဥဂ့ၚ Carlo Acutis အတႈသြဥခိဥ အိဥလ႕ ကီႈအံဥတလံဥ ၀့ႈအစံဥစံဥနဥ့လီၚ’

ပွၚလ႕အဘဥဆိဥဂ့ၚ Blessed Frassati အနီႈခိမိႈပွႈ ကဘဥတႈစိဏဆွ႕အီၚ လ႕၀့ႈ Turin ဆူ၀့ႈရိမ့ၚ တႈဘါသရိဥတဖ်႕ဥလ႕အမံၚမ့ႈ၀ဲ Santa Maria Sopra Minerva လ႕တႈဎူးဎီႈပဏကဲအီၚအဂီႈနဥ့လီၚ’ ဒီး တႈစံးကတိၚပဏဖ်ါထီဥတႈဂ့ႈတႈက်ိၚယ တႈလုႈမံးဆါသ့ဥတဖဥ ကအိဥ၀ဲဖဲတႈလီႈအံၚနဥ့လီၚ’

ပွၚလ႕အဘဥဆိဥဂ့ၚခံဂၚလ႕ဏအံၚ ကဘဥတႈပဏထီဥအီၚဆူပွၚစီဆွံအလီႈ ဖဲလါစဲးပတ့ဘ႕ဥ ၇ သီအမုႈနံၚနဥ့လီၚ’

တႈပဏထီဥ ပွၚလ႕အဘဥဆိဥဂ့ၚ Carlo Acutis လ႕အမံၚဟူသဥဖ်ါ၀ဲ ဘဥဃးဒီးအတႈပဏလုႈဒိဥပွၚ့ဒိဥ၀ဲ ကိဥဘူဥစီဆွံ ဒီးမ့ႈစ့ႈ႕ီး ပွၚလ႕အတ့ထီဥ၀ဲ Online Exhibition ဘဥဃးဒီးကိဥဘူဥစီဆွံအတႈလီၚလးသ့ဥတဖဥ တဂၚအံၚ ဆူပွၚစီဆွံအလီႈ ကဘဥမ့ႈတ့ႈ၀ဲဖဲအပူၚကြံဏ လါအ့ျဇ့ ၂၇ သီအမုႈနံၚ ဘဥဆဥ မ့ႈလ႕ပႈပါဖရဥစ့း အသးသမူတအိဥလ႕ၚ၀ဲဖဲ လါအ့ျဖ့အကတီႈအဃိ တႈပဏထီဥသးစႈအံၚ ဆူပွၚစီဆွံအလီႈ ဘဥတႈသုးကြံဏအီၚဆူ စဲးပတ့ဘ႕ဥ ၇ သီအမုႈနံၚနဥ့လီၚ’

ပႈပါဖရဥစ့ ကူဥထီဥဖးလီၚ၀ဲစ့ႈကီး ဒ္သိးအကပဏထီဥ၀ဲ Frassati ဆူပွၚစီဆွံအလီႈ ဒ္အမံၚဟူသဥဖ်ါ၀ဲလ႕ အတႈဖံးတႈမၚတႈ ဘဥဃးဒီးခ့ပွၚအတႈဖံးတႈမၚ ဒီးလ႕အတႈသးကညီၚမၚစ႕ၚတႈသ့ဥတဖဥအဃိနဥ့လီၚ’

Body of Blessed Frassati and relic of Blessed Acutis will be in Rome for Jubilee  Vatican City (CNS)

USCCB    July 23, 2025