၀့ႈပသံဥတလးပ႕လီႈကဝီၚအိဥသ့ဥနီႈထီဥမၚလးကပီၚက့ၚဝဲတလးပ႕ John Gabriel တႈကစီဥ

ဖဲ ၂၀၂၅ လါ အီကူး ၁၄သီ ဂီၚခီ ၆ နဥရံဥအကတီႈ တႈအိဥဖွိဥကရ႕ဖိသ့ဥတဖဥ အဥဖွိဥရိဖွိဥသကိးဝဲလ႕ ကီႈပဎီၚ၀့ႈပသံဥ St.Peter Cathedral တႈဘါသရိဥဖးဒိဥအပူၚ လ႕တႈအိဥသ့ဥနီဥထီဥမၚလးကပီၚ Bp.John Gabriel လ႕အလဲပူၚကြံဏတ့ႈလံဟီဥခိဥခ်႕အတႈအိဥမူတဂ့ၚန႔ဥလီၚ. ပွၚဘါဎြၚဖိသ့ဥတဖဥ အိဥဖွိဥရိဖွိဥသကိးဝဲ တမ့ႈလ႕တႈသူဥအုဥသးအုဥအဂီႈဘဥဒီး မ့ႈဝဲလ႕တႈအိဥသ့ဥနီဥထီဥ စံးဘ်ဳးစံးဖွိဥက့ၚ တလးပ႕လ႕ အသံတ့ႈလံဝဲအိဥလံ ၃၁ နံဥတဂၚန႔ဥလီၚ.

Bp.Henry Eikhlein လုႈထီဥသဲတႈလုႈမံးဆါ ဃုဏဒီးသီခါလြံႈဂၚန႔ဥလီၚ. ပွၚဟဲအိဥဖွိဥရိဖိ ဘူဥဘါဃုဏသကိးတႈမ့ႈဝဲ St. Francis Xavier ဖံဝါသ့ဥတဖဥယ တပြဲဝါသ့ဥတဖဥ ဒီးပွၚဘါဎြၚဖိသ့ဥတဖဥ ဒ္သိးအကပဏဖ်ါထီဥဝဲအတႈဎူးဎီဥပဏကဲ လီႈကဝီၚအတလးပ႕လြံႈဂၚတဂၚန႔ဥလီၚ.

Bp.Henry Eikhlein စံးတဲႈတဲလီၚတႈလ႕ဘဥဃးဒီး Bp.John Gabriel အတႈအိဥမူအိဥဂဲၚဃုဏဒီး မုႈနံၚအလံၚတႈသးခူကစႈ ဖဲ (မးသဲ ၁၈း၂၁၊၁၉း၁)အပူၚန႔ဥလီၚ. တလးပ႕စံးဝဲ တလးပ႕ John Gabriel အတႈထူဥစုနဲက်ဲတႈ တမ့ႈဝဲလ႕အတႈဘဥဃးဒီး ဟီဥခိဥခ်႕ဘဥဒီး မ့မ့ႈတခီမ့ႈတႈလ႕အဘဥဃးဒီး ဎြၚအတႈကူဥသ့လီၚဂၚဒ္ စီၚပၚ Solomon လ႕အဃ့ထုကဖဥတႈဆူဎြၚအအိဥ ဒ္သိးအကဒိးန႔ႈဘဥဝဲတႈသ့ဥညါနႈပ႕ႈ ကဲခိဥကဲနႈဎြၚအပွၚကလုႈသ့ဥတဖဥလီၚ.

တလးပ႕စံးကဒီးဝဲ တႈအိဥဖွိဥကရ႕အပွၚကြႈသိအမ့ႈအတီသ့ဥတဖဥ တထူဥစုနဲဥက်ဲအဝဲသ့ဥအကစႈဒဥဝဲ အဂံႈအဘါဘဥဒီး မ့ႈဝဲလ႕တႈကူဥသ့လ႕ အဒိးန႔ႈဘဥဝဲလ႕ဎြၚအအိဥ ဒီးဘဥတႈထူစုနဲဥက်ဲၚအီၚလ႕ သးစီဆွံကစႈအဃိန႔ဥလီၚ.

Bp.John Gabriel ကဲခိဥကဲနႈဝဲအသိးဖိသ့ဥတဖဥ ဃုဏဒီးတႈကူဥသ့လ႕ဎြၚဟ့ဥလီၚအီၚ တႈကူဥသ့လ႕အထိဥလိၚတႈ လ႕အကဃုအဎႈတႈ ဒီးလ႕တႈလုႈအီဥအသိးကရ႕အပူၚန႔ဥလီၚ.

Bp.Henry Eikhlein အကြႈထံစိကမိဥတႈခံတပတီႈမ့ႈဝဲလ႕ တႈသးခူကစီဥအပူၚန႔ဥလီၚ. ဒီးစံးဝဲလ႕ တႈပ်ႈကြံဏလိဏသး မ့ႈဝဲတႈ၀ံတႈဎိၚဘဥဒီး မ့ႈဝဲတႈပ်ၚဖ်ဲး တႈပ်ႈကြံဏပွၚဂၚအတႈကမဥ မ့ႈတႈပူၚဖ်ဲးအမ့ႈအတီ တႈတကနဏဃုႈတႈပ်ႈကြံဏပွၚ ဂၚအတႈကမဥမ့ႈဝဲတႈစ႕ဃဏပွၚ လီၚဂ့ၚဝဲဒ္ပအိဥမူဝဲလ႕တႈသူဥဒိဥသးဖ်ိးဒီး တႈအိဥလီၚသဎႈသတြးအဃိဏပူၚန႔ဥလီၚ.

မ႕န႔ႈဆီဥခံဝဲပွၚလ႕အဟဲအိဥဖွိဥရိဖွိဥဝဲဒ္အမ့ႈ ပွၚဘါဎြၚဖိသီဘူဥသီခါယ ဖံဝါယတပြဲဝါတဖဥ ဒ္သိးအကလုႈပီဥထြဲဝဲခိဥနႈသ့ဥတဖဥ ဒိဂ့ၚတဲႈဘဥန႔ဥလီၚ. စံးကဒီးဝဲဒ္သိးပွၚကပ်ႈကြံဏသး ဒ္န႔ဥဒီးကသ့အိဥမူဝဲဒ္ဎြၚအအိဥဝဲအသိးန႔ဥလီၚ.

ဖဲတႈလုႈမံးဆါ၀ံၚအလီႈခံ သီဘူဥသီခါ ဖံဝါတပြဲဝါဒီးပွၚဘါဎြၚဖိသ့ဥတဖဥ အသုးဘူးသးစု Bp.John Gabriel အတႈသြဥခိဥန႔ဥလီၚ. ပွၚဟဲအိဥဖွိဥရိဖွိဥသ့ဥတဖဥစူးလိၚအခိဥ Bp.Henry Eikhlein မၚဝဲအတႈထုကဖဥဒီး တႈအိဥသ့ဥနီဥထီဥက့ၚ တလးပ႕လ႕အလဲၚပူၚကြံဏတ့ႈလံဟီဥခိဥတဂၚအံၚအတႈဘ်ဳးတႈဖွိဥသ့ဥတဖဥ အိဥသ့ဥနီဥမၚလးကပီၚဝဲတလးပ႕အတႈအိဥမူအိဥဂဲၚ ဒ္အဟ့ဥလီၚအသးသမူလ႕ဏလ႕ဏဆ့ဆ့ ဆူဎြၚအအိဥဒီးအတႈအိဥဖွိဥကရ႕အအိဥလီၚ.

တလးပ႕ John Gabriel အိဥဖ်ဲဥထီဥဝဲဖဲ ၁၉၃၈ လါ ဖ့ဘူဥအါရံဥ ၇ သီလ႕ U Gabriel ဒီး Bibiana Daw Nan Byit အဒီပုႈဝဲခြံဂၚအကါ မ့ႈဝဲဒဥပွၚအဆံးကတ႕ႈတဂၚန႔ဥလီၚ.

ဒ္အဒိကနႈအတုႈလိဏဝဲဎြၚအတႈကိးအသိး ဘဥတႈပဏထီဥအီဥဆူသီခါအလီႈအလၚ ဖဲ ၁၉၆၄ လါအ့ဖဲး ၉သီန႔ဥလီၚ. တႈပဏလီၚအီၚဒ္သိးအကမ့ႈဝဲဒဥ ၀့ႈပသံဥတလးပ႕လီႈကဝီၚ တလးပ႕မၚစ႕ၚတႈ ဖဲ ၁၉၈၈ လါ January 30 အမုႈနံၚဘဥတႈပဏဃုထ႕ထီဥအီၚစု တလးပ႕အလီႈအလၚဖဲ ၁၉၈၈ လါ အ့ဖဥ ၇သီယ ဘဥတႈပဏလီၚအီၚဒ္သိးအကမ့ႈဝဲ Coadjuto Bishop ဖဲ၁၉၈၉ လါ December ၇သီန႔ဥလီၚ. ဖဲ ၁၉၉၂ လါ February ၂၂သီအမုႈနံၚ ကဲထီဥဝဲ၀့ႈပသံဥတလးပ႕လီႈကဝီၚ အတလးပ႕လြံႈဂၚတဂၚန႔ဥလီၚ.

Bp.John Gabriel ဘဥတႈသ့ဥနီဥထီဥအီၚဒ္သိးအမ့ႈဝဲ ပွၚကြႈသိလ႕အဟ့ဥလီၚ အသးအနီႈနီႈလ႕သီကရ႕သ့ဥတဖဥအနီႈသး ထီဥထီထီဥသးန႔ႈဘ်ဳးန႔ဥဖွိဥအဂီႈန႔ဥလီၚ.

အတႈတီခိဥရိဥမဲကဲခိဥကဲနႈဖဲဒဥ တလးပ႕လီႈကဝီၚ မ့ႈဝဲခံနံဥတခီ၀ံၚအလီႈခံ ဖဲ ၁၉၉၉ လါအီကူး ၁၄ အမုႈနံၚ ဘဥတႈကိးက့ၚအီၚဆူမူခိဥဘီမုႈလီၚ.

အတႈဂ့ၚပ်ဳးက်ဲးစ႕းတႈပွၚကြႈသိတဂၚ၀ံၚအလီႈခံ တႈဘိဥထီဥဖးထီဥသ့ဥတဖဥတထံဥဘဥဝဲဘဥဆဥ  အတႈကဲခိဥကဲနႈလ႕တႈကူဥသ့ ဒီးအတႈစူႈတႈနႈဒိဥဝဲအပူၚ ဘဥတႈသ့ဥနီဥထီဥအီၚ ဖဲအသ့တ့ႈလံဝဲအလီႈခံ ၃၁နံဥ ဆ႕က့ၚအလီႈမုႈနံၚအံၚဘဥတႈသ့ဥနီဥထီဥအီၚလ႕၀ံႈပသံဥတႈအိဥဖွိဥကရ႕အသူဥအသးထီဘိန႔ဥလီၚ.