တလးပ႕ အိဥဘွံးလံလ႕တႈမၚ Bishop Abraham Than တအိဥလ႕ၚ၀ဲ တႈကစီဥ
တလးပ႕ အိဥဘွံးလံလ႕တႈမၚ Bishop Abraham Than တအိဥလ႕ၚ၀ဲ တႈကစီဥ
ကီႈပဎီၚတႈအိဥဖွိဥကရ႕ အိဥ၀ဲဒီးတႈသးအုး ဒ္တလးပ႕ Abraham Than လ႕ (က်ိဳင္းတံု) တလးပ႕လီႈက၀ီၚ အသးသမူဟးထီဥကြံဏ၀ဲ မုဏမုဏခုဥခုဥအဃိနဥ့လီၚ’ တလးပ႕အသးသမူဟးထီဥကြံဏ၀ဲဖဲ ၂၀၂၅ လါအီကူး ၁၈ သီယ ဂီၚခီ ၆း၄၀ နဥရံဥအကတီႈနဥ့လီၚ’ ဖဲအသးသမူဟးထီဥ၀ဲအကတီႈ အသးအိဥ၀ဲ ၉၈ နံဥနဥ့လီၚ’
အတႈအိဥမူအဂ့ႈအက်ိၚဖုဏကိဏဖိ
အိဥဖ်ဲဥထီဥ၀ဲဖဲ ၁၉၂၇ လါစဲးပတ့ဘ႕ဥ ၂၁ သီနဥ့လီၚ’ ဘဥတႈပဏထီဥအီၚဆူ သီခါအလီႈ ဖဲ ၁၉၅၇ စဲးပတ့ဘ႕ဥ ၂၂ သီနဥ့လီၚ’ ဘဥတႈပဏလီၚအီၚ ဒ္သိးအကမ့ႈ၀ဲ တလးပ႕မၚစ႕ၚတႈ (Auxiliary Bishop) လ႕ (က်ိဳင္းတံု) လီႈက၀ီၚအဂီႈ ဖဲ ၁၉၆၈ လါဒံဥစ့ဘ႕ဥ ၁၉ သီအမုႈနံၚနဥ့လီၚ’ ဘဥတႈပဏထီဥအီၚဆူ တလးပ႕အလီႈ ဖဲ ၁၉၇၂ စဲးပတ့ဘ႕ဥ ၁၉ သီနဥ့လီၚ’ တခ်ဳးအအိဥဘွံး၀ဲလ႕တႈမၚ ဖဲ ၂၀၀၁ ဖဲအသးအိဥ ၇၄ နံဥအကတီႈ ဖံးတ့ႈမၚတ့ႈတႈဒ္ ပွၚကြႈသိလ႕အသူဥတီသးလိၚတဂၚအသိး အိဥ၀ဲဘူးထီဥ အနံဥ ၃၀ ဃဥဃဥနဥ့လီၚ’
ကီႈပဎီၚသီခါကရ႕ခိဥသ့ဥတဖဥ အခိဥအနႈ His Eminence Cardinal Charles Bo ပဏဖ်ါထီဥ၀ဲ အတႈသူဥအုးသးအုး ဒီးအတႈစံးဘ်ဳးစံးဖွိဥ တလးပ႕ Bishop Abraham Than မ့ႈလ႕အတႈဟ့ဥလီၚအသး လ႕တႈအိဥဖွိဥကရ႕အဂီႈ လ႕အနံဥအလါဎံဏ၀ဲအပူၚနဥ့လီၚ’
ကဥဒံဥနဲဥစံး၀ဲလ႕ တလးပ႕ Abraham Than ဒုးအိဥထီဥ၀ဲ Lashio တလးပ႕လီႈက၀ီၚ (Lashio Prefecture) ဖဲ ၁၉၇၆ လါအ့ျဖ့ ၉ သီအမုႈနံၚနဥ့လီၚ’
ဖဲကဥဒံဥနဲဥ ဘဥတႈပဏထီဥစု ဒုးကဲထီဥအီၚလ႕တလးပ႕အခါ Bisho Abraham Than မ့ႈ၀ဲပွၚလ႕ အပဏထီဥဃုဏစု ဖဲတႈမၚအသးအံၚအပူၚယ ဒီးအတႈဆီဥထြဲအီၚသ့ဥတဖဥ မ့ႈတႈလ႕အလုႈဒိဥပွၚ့ဒိဥ၀ဲအဂ့ႈ ကဥဒံဥနဲဥစံး၀ဲနဥ့လီၚ’
စးထီဥလ႕ ၁၉၈၅ တုၚလ႕အအိဥဘွံးလ႕တႈမၚအကတီႈ တလးပ႕အံၚ ဖံးတႈမၚတႈ လ႕တႈသူဥဆူဥသးဂဲၚအပူၚ ဃုဏဒီးအဒီပုႈ၀ဲႈလ႕အမ့ႈ ကီႈပဎီၚတလးပ႕သ့ဥတဖဥ လ႕အနံဥအါအလါအါ၀ဲအပူၚအဂ့ႈ ကဥဒံဥနဲဥစံး၀ဲနဥ့လီၚ’
က်ဲးစ႕း၀ဲဒ္သိးအကဒိးနႈ့ဘဥ၀ဲ တႈမၚစ႕ၚ ခီဖ်ိအတႈကြဲမုဏ၀ဲ သီခါတဘ်ဳးဂၚ လ႕၀့ႈတကူဥတလးပ႕လီႈက၀ီၚဖးဒိဥအပူၚ ဒီးတႈလီၚဘွံးလီၚတီၚတအိဥ၀ဲအပူၚ က်ဲးစ႕းဒုးအိဥထီဥ၀ဲ တႈအိဥဖွိဥကရ႕အလီႈက၀ီၚဖိသ့ဥတဖဥ လ႕ (က်ိဳင္းတံု) လီႈက၀ီၚဖးဒိဥအပူၚအဂ့ႈ ကဥဒံဥနဲဥစံး၀ဲနဥ့လီၚ’
စံးကဒီး၀ဲလ႕ (က်ိဳင္းတံု) တလးပ႕လီႈက၀ီၚ ဒီးကီႈပဎီၚဒီဘ့ဥတႈအိဥဖွိဥကရ႕ စံးဘ်ဳးစံးဖွိဥ၀ဲ Bishop Abraham Than မ့ႈလ႕အဖံးတ့ႈမၚတ့ႈတႈလ႕ တႈကြႈဆိကမိဥလီၚတႈလ႕ အကစႈဒဥ၀ဲအဂီႈတအိဥ၀ဲအပူၚ ဃုဏဒီးပႈအတႈအဲဥအဃိနဥ့လီၚ’
တႈပဏလီၚတလးပ႕ Abraham Than မ့ႈ၀ဲဖဲ နီႈမၚရံအသးဂ့ၚစီဆွံတႈဘါသရိဏ (Immaculate Heart of Mary Cathedral) လ႕ (က်ိဳင္းတံု) မ့ႈ၀ဲဖဲ ၂၀၂၅ လါအီကူး ၂၂ သီ မုႈဎဲႈနံၚယ ဂီၚခီ ၁၀း၀၀ နဥရံဥနဥ့လီၚ’
ကဥဒံဥနဲဥခေါလ္စ္ဘိဥ ဆ႕လဲၚဒီး ပဏဖ်ါထီဥအတႈဎူးဎီႈပဏကဲ ဒီးစံးဘ်ဳးစံးဖွိဥ အတံၚသကိး ဒီးပွၚလ႕အဆီဥထြဲမၚစ႕ၚအီၚ Bishop Abraham Than ဘဥဆဥ မ့ႈလ႕ အအိဥဒီးတႈဖံးတႈမၚအတႈရဲဥတႈက်ဲ ဒ္သိးအကလဲၚထီဥတႈအိဥဖွိဥလ႕၀့ႈရိမ့ၚ လ႕အပ်ဲပူၚအသးတသ့၀ဲတခါအဃိ တသ့လဲၚ၀ဲဆူ တႈပဏလီၚတလးပ႕အတႈမၚအသးအပူၚအဂ့ႈ စံး၀ဲလ႕တႈသူဥအုးသးအုးအပူၚနဥ့လီၚ’
Bishop Abraham Than ကဘဥတႈသ့ဥနီဥထီဥအီၚ ဒ္အမ့ႈပွၚကြႈသိလ႕အဟ့ဥလီၚအသး လ႕ဏလ႕ဏဆ့ဆ့ယ မ့ႈစ့ႈကီးပွၚလ႕အဒုးအိဥထီဥ ကရ႕ကရိသ့ဥတဖဥယ မ့ႈစ့ႈကီးတႈပနီၤဥတမံၚလ႕ တႈဃူတႈဖိးအဂီႈယ လ႕တႈအိဥဖွိဥကရ႕လ႕ (က်ိဳင္းတံု) လီႈက၀ီၚ ဒီးလ႕ကီႈပဎီၚဒီဘ့ဥအဂီႈနဥ့လီၚ’
တႈပဏလီၚတလးပ႕ Abraham Than မ့ႈ၀ဲဖဲ နီႈမၚရံအသးဂ့ၚစီဆွံတႈဘါသရိဏ (Immaculate Heart of Mary Cathedral) လ႕ (က်ိဳင္းတံု) မ့ႈ၀ဲဖဲ ၂၀၂၅ လါအီကူး ၂၂ သီ မုႈဎဲႈနံၚယ ဂီၚခီ ၁၀း၀၀ နဥရံဥနဥ့လီၚ’
Myanmar Church Mourns Loss of Bishop Emeritus Abraham Than of Kengtung at 98
