ကဲးသလံးတႈအိဥဖွိဥကရ႕စီဆွံအတႈသိဥတႈသီစီဆွံ
ခံဘ့ဥတဘ့ဥ
အပတီႈ (၁)
တႈအ႕ဥလီၚအီလီၚတႈစူႈတႈနဏအဂ့ႈ
(က) ပစူႈပနႈဝဲလီၚ.
၁. ပွၚကညီန႔ဥ ဟဲဝဲဒဥလ႕မတၚအအိဥယ ဒီးကလဲၚဆူမတၚအအိဥန႔ဥလဲဥ.
ပွၚကညီန႔ဥ ဟဲဝဲဒဥလ႕ဎြၚအအိဥယ ဒီးကဘဥက့ၚကဒါက့ၚဝဲဒဥဆူဎြၚအအိဥ န႔ဥလီၚ.
၂. တႈသူဥဖွံသးညီလ႕အမ့ႈအတီန႔ဥ မတၚဟ့ဥသ့ဝဲဒဥန႔ဥလဲဥ.
တႈသူဥဖွံသးညီလ႕ အမ့ႈအတီန႔ဥ ထဲကစႈဎြၚတဂၚဧိၚဟ့ဥသ့ဝဲဒဥန႔ဥလီၚ.
၃. ပွၚလ႕အတ့လီၚပဏလီၚတႈခဲလ႕ဏခဲဆ့ယ ဒီးပွၚလ႕အဒုးအိဥထီဥတႈခဲလ႕ဏခဲဆ့အဂံႈခီဥထံး
ခီဥဘိန႔ဥ မ့ႈမတၚတဂၚန႔ဥလဲဥ.
ပွၚလ႕အတ့လီၚပဏလီၚတႈခဲလ႕ဏခဲဆ့ဒီး ပွၚလ႕အဒုးအိဥထီဥတႈခဲလ႕ဏလဲဆ့အဂံႈ
ခီဥထံးခီဥဘိန႔ဥ မ့ႈဒဥဎြၚန႔ဥလီၚ.
၄. ပႈကစႈဎြၚန႔ဥ မ့ႈဝဲဒဥတႈမႏုၚန႔ဥလဲဥ.
ပႈကစႈဎြၚန႔ဥမ့ႈဝဲဒဥ တႈဖံးတႈမၚလ႕ အမ့ႈဝဲတႈတ့လီၚပဏလီၚတႈခဲလ႕ဏခဲဆ့ဒီး
တႈအံးက့ၚကြႈက့ၚတႈလ႕ တႈအဲဥတႈကြံအပူၚန႔ဥလီၚ.
၅. ဖိဎြၚန႔ဥမ့ႈဝဲဒဥ တႈဖံးတႈမၚမႏုၚန႔ဥလဲဥ.
ဖိဎြၚန႔ဥစံဥတဲၚတဲလီၚဝဲ တႈသးခုကစီဥယ ဒီးလ႕အကဒုးပူၚဖ်ဲးပွၚလ႕ တႈဒဲးဘးအကုႈ
အပွၚအဂီႈယ မၚဝဲတႈအုဥက့ၚခီဥက့ၚအတႈဖံးတႈမၚ ခီဖ်ိလ႕အတႈတူႈသံအသးလ႕
ထူဥစုညါအလိၚန႔ဥလီၚ.
၆. သးစီဆွံဎြၚန႔ဥ မၚဝဲဒဥ တႈဖံးတႈမၚမႏုၚန႔ဥလဲဥ.
သးစီဆွံဎြၚန႔ဥ မၚဝဲဒဥ တႈဖံးတႈမၚလ႕အမ့ႈဝဲ တႈအိဥဖွိဥကရ႕စီဆွံကအိဥစံဏအိဥ
က်႕ၚအိဥမူအိဥဂဲၚဆူညါယ ဒီးကစီဆွံဝဲအဂီႈန႔ဥလီၚ.
၇. ဒ္သိးကဒိးန႔ႈဘဥ တႈမူအထူအဎိဏအဂီႈယ ပကဘဥမၚဒ္လဲဥ.
ကဘဥသ့ဥညါဎြၚယ ကဘဥအဲဥကြံဎြၚယ ဒီးကဘဥဒိကနဥဒီး ပိဏထြဲကစႈဎြၚအတႈ
အဲဥဒိးသ့ဥတဖဥန႔ဥလီၚ.
၈. လ႕နီႈခိဒီးသးသမူအထူအဎိဏခံမံၚအက်ါ တႈလ႕အကါဒိဥအါန႔ႈတက့ႈန႔ဥ မ့ႈလ႕လဲဥ
တမံၚန႔ဥလဲဥ.
လ႕နီႈခိဒီးသးသမူအထူအဎိဏခံမံၚအက်ါ တႈလ႕အကါဒိဥအါန႔ႈတက့ႈန႔ဥ မ့ႈဝဲသးသမူ
အထူအဎိဏန႔ဥလီၚ.
၉. တႈလ႕အကါဒိဥကတ႕ႈလ႕ ပွၚဟီဥခိဥဖိတဖဥအဂီႈန႔ဥ မ့ႈတႈမႏုၚန႔ဥလဲဥ.
တႈလ႕အကါဒိဥကတ႕ႈလ႕ ပွၚဟီဥခိဥဖိတဖဥအဂီႈန႔ဥ မ့ႈဝဲဒဥကစႈဎြၚန႔ဥလီၚ.
