Benedictine အကရ႕ အိဥထီဥ၀ဲလ႕ ကီႈပဎီၚအပူၚ တႈကစီဥ
Benedictine အကရ႕ အိဥထီဥ၀ဲလ႕ ကီႈပဎီၚအပူၚ တႈကစီဥ
Benedictine အကရ႕အကေိ St Joseph’s Benedictine Monastery မၚလၚကပီၚ၀ဲ ပွၚလ႕အဒုးအိဥထီဥကရ႕အံၚ လ႕အမ့ႈ စီၚဘဲနး (ဒ္) တိဥလိဥမ့ႈအံဥ (St. Bernard Tolomei) ဖဲ ၂၀၂၅ လါအီကူး ၁၉ သီယ ဒီးမ့ႈ၀ဲတႈမၚလၚမၚကပီၚတႈအံၚ အဆိကတ႕ႈတဘ်ီ လ႕ကီႈပဎီၚအပူၚနဥ့လီၚ’
တႈလုႈထီဥတႈလုႈမံးဆါ လ႕တႈသညဴးသပွႈအပူၚ မ့ႈ၀ဲဖဲ Inya အသ၀ီ အိဥလ႕ မါဒလ့တလးပ႕လီႈက၀ီၚဖးဒိဥအပူၚယ ဒီးဘဥတႈတီခိဥရိဥမဲအီၚလ႕ သီခါကရ႕ခိဥ Archbishop Marco Tin Winယ ဒ္အမ့ႈ ပွၚလ႕အပ်ဲအိဥထီဥ၀ဲကရ႕အံၚ အဆိကတ႕ႈ လ႕ကီႈပဎီၚအပူၚနဥ့လီၚ’
ဖဲအတႈစံဥတဲၚတဲလီၚတႈအပူၚ တလးပ႕ Marco စံး၀ဲယ ဖဲ ၂၀၁၃ အနံဥအခိဥအဃ႕ၚအကတီႈယ စးထီဥ၀ဲ တႈကြႈထံဆိကမိဥတႈဖးဎိဏ (Meditation) ဆူတႈအိဥဖွိဥကရ႕ဖိသ့ဥတဖဥအအိဥယ ဒီးဖဲ ၂၀၁၄ အနံဥအပူၚ လဲၚ၀ဲဆူ ၀့ႈမါဒလ့ယ Taunggyi ဒီးဆူ ၀့ႈတကူဥ ဒီးစးထီဥဒုးအိဥထီဥ၀ဲ တႈကြႈထံဆိကမိဥတႈဖးဎိဏ (Meditation) ဒီးလ႕ Benedictine အရသ့း ( Benedictine Monks) သ့ဥတဖဥ အတႈမၚဃုဏသကိးတႈအပူၚနဥ့လီၚ’
သီခါ Fr Jonah လ႕အမ့ႈ Benedictine အသီခါ မ့ႈပွၚလ႕အဟ့ဥလီၚအသး လ႕ကရ႕အံၚ အတႈဖံးတႈမၚအဂီႈနဥ့လီၚ’ မၚလိ၀ဲပဎီၚက်ိဏလ႕၀့ႈတကူဥ ႏြံလါယ ဒီးလ႕သီခါလ႕ မါဒလ့သ့ဥတဖဥ အတႈဆီဥထြဲမၚစ႕ၚတႈအပူၚ သ့ဃုထံဥနႈ့၀ဲ ဟိဥခိဥတႈလီႈတခါ ဖဲ Benedictine အကရ႕ အတႈလီႈတႈက်ဲအဆိကတ႕ႈတခါ ကအိဥထီဥ၀ဲအဂီႈနဥ့လီၚ’
ခီဖ်ိထံဥဘဥ၀ဲတႈဂ့ႈကီသ့ဥတဖဥ ဘဥဆဥ ကရ႕အံၚ တမ့ႈထဲလ႕အသ့သူဥလီၚအသးဘဥဒီး ဂုၚထီဥပသီထီဥ၀ဲစ့ႈကီးနဥ့လီၚ’ ဆ႕ကတီႈအခဲအံၚ ရသ့းလ႕ ထံလီႈကီႈပူၚ အိဥထီဥလံ၀ဲခံဂၚ ဒီးကရ႕အံၚအဖံ၀ါ အိဥထီဥ၀ဲခံဂၚလံ အမဲဏညါယ ကေိဖိဒီး ပွၚလ႕အပဏလီၚအသး ဒ္သိးအကကဲထီဥကရ႕ဖိသ့ဥတဖဥ အိဥထီဥ၀ဲနဥ့လီၚ’ တလးပ႕ခိဥက်႕ႈ Archbishop Marco စံးဘ်ဳးစံးဖွိဥ၀ဲသီခါ Fr Jonah မ့ႈလ႕အသူဥလီၚ၀ဲ Benedictine အကရ႕အခ်ံ လ႕ကီႈပဎီၚအပူၚအဃိနဥ့လီၚ’
မ႕နႈ့ဆီဥခံ၀ဲတႈအိဥဖွိဥကရ႕ဖိသ့ဥတဖဥ ဒ္သိး အကဃ့ထုကဖဥနႈ့တႈလ႕ ပွၚစိဏဆွ႕တႈသးခုကစီဥ လီၚဆီဒဥတႈလ႕ Benedictine အကရ႕ဖိသ့ဥတဖဥအဂီႈ ဒ္သိးကရ႕အံၚ အတႈဖံးတႈမၚတႈ ကအိဥထီဥ၀ဲဒီးအခ်ံအသဥသ့ဥတဖဥ လ႕ပထံပကီႈအပူၚ အဂီႈနဥ့လီၚ’
Benedictine အသီခါ Fr Jonah ပဏဖ်ါထီဥ၀ဲအတႈကြႈစိမုႈလႈတႈ လ႕ခါဆူညါ ဒီးစံး၀ဲလ႕ အတႈမံမီဥ တမ့ႈထဲလ႕ ကရ႕အံၚ ကဒိဥထီဥအါထီဥ၀ဲဘဥဒီး ပဏလီၚအသးဒ္သိး အကဟ့ဥလီၚအသး လ႕ပထံပကီႈ ပွၚကမ်႕ႈဖိလ႕အတူႈဘဥတႈသ့ဥတဖဥအဂီႈနဥ့လီ၊’
ဒ္တႈအခ်ံလီၚတဲႈဆူဟီဥခိဥလိၚယ ဟးဂီၚ၀ဲယ ဒီးမဲထီဥ၀ံၚ ဒုးအိဥထီဥ၀ဲသးသမူအသီအသိးယ သးအိဥဟ့ဥလီၚအသးလ႕ဏလ႕ဏဆ့ဆ့ ဒ္သိးကရ႕အံၚ ကဒိဥထီဥ၀ဲယ ကဘိဥထီဥဖးထီဥ၀ဲ ဒီးကဖ်ိထီဥသဥထီဥ၀ဲ လ႕ပွၚကမ်႕ႈဖိသ့ဥတဖဥအဂီႈအဂ့ႈ စံး၀ဲနဥ့လီၚ’
တႈမၚလၚမၚကပီၚတႈအံၚ တမ့ႈထဲ တႈဘူဥထီဥဘါထီဥအတႈရဲဥလီၚက်ဲၚလီၚဎိဎိဘဥဒီး မ့ႈ၀ဲ Benedictine အလုႈအလႈသ့ဥတဖဥလ႕အမ့ႈ တႈထုကဖဥတႈယ တႈဖံးတႈမၚတႈ ဒီးတႈအိဥမူလ႕ကရ႕ကရိအပူၚ သ့ဥတဖဥ အိဥသူဥလီၚအသး လ႕ပထံပကီႈအပူၚနဥ့လီၚ’
The seed of Benedictine Spirituality planted in Myanmar soil
