ဒီးလ႕မုႈနံၚအံၚအပူၚ လံဏတႈသးခုကစီဥ လ႕ပဖးအီၚ လ႕ပတႈကြႈထံဆိကမိဥတႈအဂီႈ မ့ႈ၀ဲဖဲ လူၚကဥ  ၁၄း၂၅”၃၃ နဥ့လီၚ’

ပွၚတဂၚဂၚ မ့ႈဟဲဆူဎအိဥ ဒီးအသးတဟ့ဘဥအမိႈဒီးအပႈယ ဒီးအဖိအမါယ ဒီးအဒီပုႈ၀ဲႈမုဥယ အဒီပုႈ၀ဲႈခြါယ ဒီးအသးသမူဒဥ၀ဲစ့ႈကီးဘဥဒီးယ ကဲထီဥဎပ်ဲႈဎဘီဥတသ့ဘဥ (လူၚကဥ ၁၄း၂၅)’

ပသုတဘဥလူၚမၚထြဲတႈ ဒ္တႈကတိၚအခီပညီဟဲ၀ဲလိၚလိၚအသိးဘဥနဥ့လီၚ’ အနီႈနီႈတခီ ပကဘဥမ့ႈပွၚသ့ဥတဖဥ လ႕အစိဏဆွ႕ ဒီးရၚလီၚသကိး တႈအဲဥတႈကြံနဥ့လီၚ’ ပမ့ႈသ့ဥနီဥထီဥက့ၚ ကစႈဎ့ဥရွဴးခရံဏအတႈကတိၚဒိလ႕အမ့ႈ၀ဲ ပွၚရွမၚရံဖိလ႕အဂ့ၚအတႈဂ့ႈယ မ့တမ့ႈယ ပမ့ႈကြႈထံဆိကမိဥ ကစႈဎ့ဥရွဴးအတႈဘါထုကဖဥ လ႕အမ့ႈ၀ဲအိဥလ႕မူခိဥတႈထုကဖဥအခါ ပကထံဥသ့ဥညါနႈပ႕ႈ၀ဲလ႕ ပ၀ဲသ့ဥတဖဥ ပကဲထီဥ၀ဲ ဒူဥဖိထ႕ဖိလ႕အဒိဥ၀ဲတခါအပူၚ ဒီးပ၀ဲခဲလ႕ဏသ့ဥတဖဥ ပမ့ႈ၀ဲဒီပုႈ၀ဲႈသ့ဥတဖဥနဥ့လီၚ’ အဃိယ ပကဘဥအဲဥကြံ၀ဲ ဒူဥဖိထ႕ဖိ လ႕အဘူးအတံႈဒီးပွၚသ့ဥတဖဥနဥ့လီၚ’ မၚကဒီးတဘ်ီ မးသဲ ၂၅း၄၅ စံးကဒီး၀ဲ ဎစံးဘဥတဲဘဥသုတီတီအံၚ မ့ႈသုတမၚဘဥပွၚလ႕အဆံးကတ႕ႈ လ႕ပွၚတဖဥအံၚအက်ါဒီးယ မ့ႈသုတမၚဘဥဎၚဘဥလီၚ’

မၚကဒီးတဘ်ီ” ဖဲလ႕ပဒူဥဖိထ႕ဖိအပူၚ ဒူဥဖိထ႕ဖိသ့ဥတဖဥ အသးကအိဥ၀ဲ ဒ္သိးပကမၚဃုဏတႈဒီးအီၚယ တႈလ႕အလီၚဘဥဎိဏ၀ဲသ့ဥတဖဥယ တႈလ႕အတအိဥဒီးတႈတီတႈလိၚသ့ဥတဖဥယ တႈလ႕အတအိဥဒီးတႈအဲဥတႈကြံ သ့ဥတဖဥအခါ ပကဘဥညိကြံဏ ဒူဥဖိထ႕ဖိသ့ဥတဖဥအံၚ လ႕တႈသူဥတမုဏသးတမုဏ၀ဲအပူၚနဥ့လီၚ’ ဖဲတႈတီတႈလိၚတအိဥ၀ဲလ႕ တႈဖံးလီႈမၚလီႈအခါယ ဖဲအ၀ဲသ့ဥ မၚဟးဂီၚ၀ဲ တႈဃူတႈဖိး လ႕က်ဲတဘိ မ့တမ့ႈ အဂၚတဘိအခါ ပတဘဥဟ့ဥဂံႈဟ့ဥဘါပွၚသ့ဥတဖဥအံၚဘဥနဥ့လီၚ’ ပမ့ႈဟ့ဥဂံႈဟ့ဥဘါ အ၀ဲသ့ဥ တႈကူဥထီဥဖးလီၚတႈ ဒီးအတႈဖံးတႈမၚတႈသ့ဥတဖဥဒီး တမ့ႈလ႕ ပအဲဥကြံအ၀ဲသ့ဥလ႕ၚဘဥ နဥ့လီၚ’ ဖဲပႀတီဃဥ ပွၚသ့ဥတဖဥအံၚ အတႈဖံးတႈမၚတႈ လ႕အဒူဥခ်႕လိဏအသးဒီး သကဲးပ၀ဏလ႕အဂ့ၚ၀ဲသ့ဥတဖဥအခါယ ဖဲပတဟ့ဥဂံႈဟ့ဥဘါ ပွၚသ့ဥတဖဥအံၚ အတႈဖံးတႈမၚတႈ လ႕အတမ့ႈ၀ဲဒ္ အကဘဥမ့ႈ၀ဲအသိးအခါ မ့ႈ၀ဲပတႈကြႈဆိကမိဥတႈလ႕ အ၀ဲသ့ဥ အတႈဂ့ၚတႈ၀ါအဂီႈ ဒ္သိးအကလဲလိဏကြံဏက့ၚအသး အဂီႈနဥ့လီၚ’ (ကစံးတႈ့မၚလ႕အမ့ႈ၀ဲ ပတႈသူဥဟ့သးဟ့ ပဒူဥဖိထ႕ဖိသ့ဥတဖဥနဥ့လီၚ)’

မၚကဒီးတဘ်ီ ပွၚတနီၚနီၚ ပဏဖ်ါထီဥအတႈအဲဥတႈကြံ ပွၚအဂၚသ့ဥတဖဥ ဒိဥ၀ဲအါ၀ဲဘဥဆဥ မ့မ့ႈလ႕အကစႈဒဥ၀ဲအဒူဥဖိထ႕ဖိသ့ဥတဖဥတခီ ပဏ၀ဲဒ္ ဒုဥဒါသ့ဥတဖဥနဥ့လီၚ’ အိဥဎံၚ၀ဲဒီးအဒူဥဖိထ႕ဖိသ့ဥတဖဥနဥ့လီၚ’ ကစႈဎ့ဥရွဴးခရံဏ တမိႈနႈ့သးလီၚ၀ဲ ဒ္သိး ပကဘဥမၚတႈဒ္အံၚဘဥနဥ့လီၚ’

ပွၚလ႕အလဲၚပိဏထြဲ ကစႈဎ့ဥရွဴးခရံဏအခံ အမ့ႈအတီသ့ဥတဖဥ မ့ႈ၀ဲပွၚသ့ဥတဖဥလ႕ အႏုဏလီၚ၀ဲဆူ ဒူဥဖိထ႕ဖိဖးဒိဥတခါ လ႕အမ့ႈ၀ဲ တႈအိဥဖွိဥကရ႕အပူၚအဃိ ကဘဥထံဥ၀ဲ ပွၚကိးဂၚဒဲး လ႕အမ့ႈ၀ဲ အဒီပုႈ၀ဲႈမုဥ အဒီပုႈ၀ဲႈခြါသ့ဥတဖဥနဥ့လီၚ’ အကစႈဒဥ၀ဲအဘူးအတံႈ အဒူဥဖိထ႕ဖိမ့ႈဂ့ၚယ ပွၚအဂၚသ့ဥတဖဥမ့ႈဂ့ၚ ခဲလ႕ဏခဲလ႕ဏ မ့ႈ၀ဲကရ႕ကရိလ႕အဒိဥ၀ဲတခါ အဒူဥဖိထ႕ဖိသ့ဥတဖဥနဥ့လီၚ’ ပွၚတဂၚဂၚ အတႈလိဏဘဥတႈ မ့ႈဟဲအိဥထီဥ၀ဲအခါ မ့ႈ၀ဲတႈဂ့ႈလ႕အဘဥဃးဒီး ဒူဥဖိထ႕ဖိသ့ဥတဖဥနဥ့လီၚ’

ဒီးတဘ်ီဃီ တႈအဲဥတႈကြံ စးထီဥအိဥထီဥ၀ဲလ႕ ဟံဥပူၚနဥ့လီၚ’ မ့ႈ၀ဲ တႈမ့ႈတႈတီတမံၚနဥ့လီၚ’ ဘဥဆဥယ တႈအဲဥတႈကြံအံၚ တမ့ႈလ႕ အကဘဥအိဥဒဥ၀ဲထဲလ႕ဟံဥပူၚဘဥဒီး ကဘဥလဲၚတုၚ၀ဲဆူ တႈလီႈလ႕အဎံၚ၀ဲအအိဥ စ့ႈကီးနဥ့လီၚ’ တဘ်ီဘ်ီ ဒူဥဖိထ႕ဖိအတႈဆ႕မုႈလႈတႈသ့ဥတဖဥ ကဲထီဥ၀ဲ တႈခီဥတႈရီဥတႈ လ႕ပဂီႈနဥ့လီၚ’

ကစႈဎ့ဥရွဴးခရံဏ အတႈသိဥလိနဲဥလိ၀ဲတႈအဲဥတႈကြံအဂ့ႈအက်ိၚအံၚ ကဘဥမ့ႈ၀ဲဒ္သိး မုႈတနံၚအံၚ ပထံဥဘဥ၀ဲလ႕ လံဏဖးခံတီၚတတီၚ ဖဲဖံၚလ့မိဥ ၉”၁၀၊ ၁၂”၁၇ အပူၚအသိးနဥ့လီၚ’ ဖဲအဘဥတႈဖီဥဃဥအီၚ ဒီးဘဥအိဥ၀ဲလ႕ဃိဏပူၚအကတီႈယ စီၚပီလူး ကြဲးလီၚ၀ဲလံဏပရ႕ ဆူပွၚလ႕အဖံးဃုဏမၚဃုဏတႈဒီးအီၚ စီၚဖံၚလ့မိဥအအိဥနဥ့လီၚ’ မ့ႈ၀ဲဒ္သိး စီၚဖံၚလ့မိဥ ကတူႈလိဏက့ၚ စီၚအီးနၚ့စံမူး မ့ႈလ႕အမၚကမဥတႈ့လံတႈတမံၚမံၚအဃိ ဘဥတႈတကနဏဃုဏအီၚတဂၚ နဥ့လီၚ’ လ႕အတႈအဲဥတႈကြံအီၚ ဒိဥ၀ဲအါ၀ဲအပူၚ စီၚပီလူးစံး၀ဲ ဎဃ့ကညးနၚလ႕ ဎဖိ စီၚအီးနၚ့စံမူး လ႕ဎထီဥဖိအီၚ လ႕ဎဘဥတႈစ႕ဃဥအပူၚနဥ့အဂီႈလီၚ’ အ၀ဲဒဥနဥ့ ဎမ႕အက့ၚက့ၚဆူနအိဥလီၚ’ တမ့ႈလ႕ၚဘဥဒ္ကုႈအသိးဘဥ’ မ့ႈလ႕ကုႈအဖီခိဥယ ဒီပုႈ၀ဲႈလ႕အဘဥတႈအဲဥအီၚ လီၚ’ မ့ၚသးဒ္နဥ့ဒီး နမ့ႈပဏဎၚလ႕ ပွၚနႈ့ဃုဏတႈဒီးနၚဒီးယ တူႈလိဏအီၚဒ္ဎၚအသိးတက့ႈ’

အအံၚ မ့ႈ၀ဲတႈပ်ႈကြံဏပွၚဂၚအတႈကမဥနဥ့လီၚ’ စီၚအီးနၚ့စံမူး မၚတ့ႈလံ၀ဲတႈကမဥတမံၚမံၚနဥ့လီၚ’ ဘဥဆဥယ မ့ႈလ႕အတႈလဲလိဏကြံဏအသးယ ဒီးအခဲအံၚ ကဲထီဥက့ၚလံ၀ဲ ပွၚလ႕အသီတဂၚလံအဃိယ ကဲထီဥ၀ဲပွၚတဂၚလ႕ ပွၚနဏနႈ့အီၚသ့၀ဲနဥ့လီၚ’ လ႕နဥ့အမဲဏညါယ ကဲထီဥကဒီးပွၚခရံဏဖိတဂၚအဃိ ပကစံးတ့ႈမၚလ႕ အကဲထီဥ၀ဲ စီၚဖံၚလ့မိဥ အဒီပုႈ၀ဲႈတဂၚနဥ့လီၚ’

ပဘဥသးဟ့လီၚက့ၚပသးသမူ အခီပညီကမ့ႈ၀ဲဒ္လဲဥ’ အနီႈနီႈတခီယ ကစႈဎ့ဥရွဴးခရံဏလိဥဘဥ၀ဲ ဒ္သိးပကအိဥမူအိဥဂဲၚ၀ဲ လ႕တႈတီတႈလိၚ ဒီးတႈအဲဥတႈကြံဏအဖီခိဥ နဥ့လီၚ’ ပတႈအိဥမူအံၚ ကဘဥအိဥပူၚဖ်ဲး၀ဲဒီး သးလ႕အအိဥစ႕ဘူးဒီးတႈဟီဥခိဥခ်႕သ့ဥတဖဥယ တႈသးလီသးကြံသ့ဥတဖဥယ တႈဆ႕မုႈလႈတႈဒိဥဒိဥအါအါသ့ဥတဖဥယ တႈပ်ံၚတႈဖုး ဒီးတႈသူဥကိႈသးဂီၚသ့တဖဥနဥ့လီၚ’ တႈသ့ဥတဖဥအံၚ သ့ႏုဏလီၚ၀ဲဆူပတႈအိဥမူအိဥဂဲၚအပူၚ ဒီးအဂံႈစဲၚလီၚအသးလ႕ ပတႈအိဥမူအပူၚ သ့၀ဲနဥ့လီၚ’ ဘဥဆဥယ ပကဘဥမ့ႈပွၚသ့ဥတဖဥ လ႕အအိဥမူလ႕တႈသဘ့် အမ့ႈအတီအပူၚနဥ့လီၚ’

ကဎဲႈတႈလ႕ အမၚဆံးလီၚစွၚလီၚ တႈမ့ႈတႈတီအံၚ အလုႈအပွၚ့အခါ ပကဘဥသူဥဟ့သးဟ့၀ဲ တႈသ့ဥတဖဥအံၚနဥ့လီၚ’ အအံၚ မ့ႈ၀ဲတႈသးဟ့လီၚပသး အခီပညီနဥ့လီၚ’ မ့ႈပအိဥကတဲႈကတီၚလံပသး လ႕တႈဂ့ႈအံၚအဂီႈလံဧါ’

ပွၚအါဒံအါဂၚသ့ဥတဖဥ လဲၚပိဏထြဲ၀ဲ ကစႈဎ့ဥရွဴးခရံဏအခံနဥ့လီၚ’ ဘဥဆဥယ မ့ႈတ့ႈလံပွၚသ့ဥတဖဥလ႕ အသူဥဟ့အသးဟ့၀ဲ သးလ႕အအိဥစ႕ဘူးအသးဒီး တႈဟီဥခိဥခ်႕သ့ဥတဖဥအဖ႕မုႈဒ္လီၚဧါ’ မ့ႈအနႈပ႕ႈလံ၀ဲ တႈအိဥမူအိဥဂဲၚအခီပညီ သပွႈကတ႕ႈလံဧါ’ မ့တမ့ႈဘဥဒီး ကလီၚဂဏဒ္ ပွၚတဂၚ မ့တမ့ႈ သုးခိဥတဂၚ လ႕အလဲၚထီဥဆူ တႈဒုးပ်ီလံ ဘဥဆဥ လ႕တႈဒုးလိဏသးဒီးဒုဥဒါအဂီႈ တအိဥကတဲႈကတီၚအသးနီတမံၚဘဥတဂၚနဥ့လီၚ’ ပွၚလ႕အကတ့ထီဥတ႕းဖးဒိဥတဂၚ မ့ႈလ႕အတအိဥကတဲႈကတီၚတႈ ဘဥဃးဒီးတႈလ႕ဏတႈစ့ၚယ တအိဥလ႕ပွဲၚ၀ဲဒီးတႈဖိတႈလံၚအခါယ လ႕ခံ ကဒိးနႈ့ဘဥ၀ဲ ပွၚအဂၚသ့ဥတဖဥ အတႈနံၚက၀ဲႈပ်ီႈကဒီအီၚယ တႈကတိၚဒုဥဒြဲဥအီၚသ့ဥတဖဥနဥ့လီၚ’

မ္ကစႈဎြၚဆိဥဂ့ၚဘဥသု ထီဘိနဥ့တက့ႈ’