တႈမၚလၚကပီၚ ဎြ႔ကိ သီခါလီႈက၀ီၚ ပွဲၚထီဥ၀ဲ ၁၇၅ နံဥ တႈကစီဥ
တႈမၚလၚကပီၚ ဎြ႔ကိ သီခါလီႈက၀ီၚ ပွဲၚထီဥ၀ဲ ၁၇၅ နံဥ တႈကစီဥ
တႈမၚလၚကပီၚ (Ywegone) သီခါလီႈက၀ီၚ လ႕၀့ႈပသံဥတလးပ႕လီႈက၀ီၚအပူၚ မ့ႈ၀ဲဖဲ ၂၀၂၅ လါစဲးပတ့ဘ႕ဥ ၂၁ သီနဥ့လီၚ’ မ့ႈ၀ဲတႈမၚလၚကပီၚ သီခါလီႈက၀ီၚအံၚ အိဥ၀ဲပွဲၚထီဥ ၁၇၅ နံဥအဎူဘလံဥ လ႕တႈသူဥဖွံသးညီ ဒီးတႈစံးဘ်ဳးစံးဖွိဥက့ၚဎြၚ ဒိဥ၀ဲအါ၀ဲအပူၚနဥ့လီၚ’
တႈလုႈမံးဆါ လ႕အဘဥတႈလုႈထီဥအီၚလ႕ တႈသညဴးသပွႈအပူၚအံၚ ဘဥတႈတီခိဥရိဥမဲအီၚလ႕ ၀့ႈပသံဥတလးပ႕လီႈက၀ီၚအတလးပ႕ Bishop Henry Eikhlein လ႕သီခါ Fr. John Ko Ko ဒီး Fr. Peter Saw Ngwe လုႈထီဥဃုဏတႈလုႈမံးဆါ ဒီးပွၚလ႕အပဏစီဆွံအသး အိဥဒီးတႈအ႕ဥလီၚသးလီၚလီၚဆီဆီသ့ဥတဖဥယ တႈအိဥဖွိဥသရဥ/သရဥမုဥသ့ဥတဖဥ ဒီးပွၚဘါဎြၚဖိအါဒံအါဂၚသ့ဥတဖဥ မၚလၚကပီၚဃုဏတႈနဥ့လီၚ’
ဖဲတႈမၚအသးအံၚအပူၚ ဆ႕ကတီႈလ႕အဆိအခါ ပွၚစိဏဆွ႕တႈသးခုကစီဥ လ႕အတူႈဆါတ့ႈလံအသးသ့ဥတဖဥ ဒီးဖံဖုလ႕ပ်႕ၚ လ႕အဖိးဟုတူႈလိဏတႈသးခုကစီဥသ့ဥတဖဥ ဘဥတႈအိဥသ့ဥနီဥထီဥက့ၚအီၚယ ဒီးပွၚဘါဎြၚဖိဖဲဆ႕ကတီႈအခဲအံၚသ့ဥတဖဥ မၚသီထီဥက့ၚအသး ဒ္သိးအကစိဏဆွ႕ကဒီး တႈဟ့ဥသါသ့ဥတဖဥ ဆူခါဆူညါ အဂီႈနဥ့လီၚ’
During the Mass at the Ywegone parish 175 th Jubilee (Photo by RVA Pwo Karen)
ဖဲအတႈစံဥတဲၚတဲလီၚတႈအပူၚယ စံးဘ်ဳးစံးဖွိဥတႈ ဘဥဃးဒီး တႈစူႈတႈနဏအတႈလဲၚက်ဲနဥ့လီၚ’ မ႕နႈ့ဆီဥခံ၀ဲ ပွၚဘါဎြၚဖိသ့ဥတဖဥ ဒ္သိးအကပဏလုႈဒိဥပွၚ့ဒိဥ၀ဲ နီႈသးအတႈဟ့ဥသါ ဒီး စိဏဆွ႕ကဒီးအီၚဆူ စိၚလ႕အကဟဲတုၚ၀ဲအအိဥ အဂီႈနဥ့လီၚ’ တလးပ႕ကတိၚဆူဥထီဥတႈ ဒီးစံး၀ဲလ႕ တႈအိဥဖွိဥကရ႕ဖိ အတႈအိဥမူအတီအလိၚ ကဘဥအိဥသူဥလီၚအသးလ႕ တႈတီတႈလိၚယ ဒီးတႈမုဏတႈခုဥအဖီခိဥနဥ့လီၚ’ တႈမ့ႈတႈတီမ့ႈတအိဥဘဥဒီး တႈမုဏတႈခုဥတအိဥ၀ဲယ တႈမုဏတႈခုဥမ့ႈတအိဥဘဥဒီး တႈတီတႈလိၚ အိဥထီဥတသ့၀ဲဘဥအဂ့ႈ စံး၀ဲနဥ့လီၚ’ တႈမၚလၚမၚကပီၚတႈအံၚ အသုတဘဥမ့ႈ၀ဲထဲ တႈအိဥသ့ဥနီဥထီဥက့ၚ တႈလ႕အမ့ႈတ့ႈလံ၀ဲလ႕ ခါလ႕အပူၚကြံဏတ့ႈလံ၀ဲအပူၚဘဥဒီး မ့ႈတႈလ႕ ပွၚကဘဥမၚကဒီးတႈ လ႕ခါဆူညါ ဃုဏဒီးတႈအုဥသးလ႕ တႈသူဥတီသးလိၚအပူၚအဂ့ႈ တလးပ႕စံး၀ဲနဥ့လီၚ’
Bishop Henry is delivering the Homily
တႈမၚလၚကပီၚတႈအံၚ မ့ႈ၀ဲတႈအိဥသ့ဥနီဥထီဥက့ၚ တႈအိဥဖွိဥကရ႕အတႈစူႈတႈနဏ အတႈလဲၚတုၚ၀ဲဆူ တႈလိီႈအံၚအပူၚနဥ့လီၚ’ လ႕အဆိအခါယ ဘဥတႈသ့ဥညါအီၚဒ္ Kone Haung အသ၀ီ ဖဲ ၁၈၅၀ အနံဥနဥ့လီၚ’ တၚသဥအဆိကတ႕ႈ ဘဥတႈသူဥလီၚအီၚလ႕ ကီႈ (ျပင္သစ္) အသီခါ Fr. George D Carolli ဒီးတႈအိဥဖွိဥသရဥ Hilary U Kyar Phwa နဥ့လီၚ’ အ၀ဲသ့ဥအတႈစံဥတဲၚတဲလီၚတႈ လဲလိဏကြံဏ ပွၚ Buddha ဖိ U Thar Yin ဒီးအဒူဥဖိထ႕ဖိသ့ဥတဖဥနဥ့လီၚ’
ဖဲ Fr. D. Carolli တအိဥလ႕ၚ၀ဲအကတီႈယ တႈအိဥဖွိဥသရဥ Saya Kyar Phwa ကြႈထြဲ၀ဲ ကရ႕ကရိနဥ့လီၚ’ သ၀ီအံၚ ဘဥတႈသ့ဥညါအီၚဒ္အမ့ႈ၀ဲ Ywegone အသ၀ီ ဒ္တႈလဲၚထီဥလဲၚထီအိဥထီဥ၀ဲအသိးနဥ့လီၚ’ တႈအိဥဖွိဥကရ႕ဖိဖဲတႈလီႈအံၚ ဘဥခီဖ်ိထံဥဘဥ၀ဲ တႈကီတႈခဲတဘ်ဳးခါ ဃုဏဒီး အတႈဘါသရိဥ ဘဥတႈဒြဲဥအူထီဥကြံဏအီၚ ဖဲဟီဥခိဥခ်႕တႈဒုးဖးဒိဥခံဘ်ီတဘ်ီ ဒီး ထံဂၚကီႈဂၚအပွၚစိဏဆွ႕တႈသးခုကစီဥသ့ဥတဖဥ ဘဥတႈဒုးဟးထီဥကြံဏအီၚဖဲ ၁၉၆၉ အနံဥနဥ့လီၚ’
တႈကီတႈခဲအိဥ၀ဲဘဥဆဥ တႈစူႈတႈနဏ အိဥဂ႕ႈဆိးက်႕ၚ၀ဲနဥ့လီၚ’ တႈဘါသရိဥအသီ ဘဥတႈတ့ထီဥအီၚဖဲ ၁၉၆၀ အနံဥ လ႕ St. Francis Xavier အကရ႕ဖိ Sister Teresa ဒီးလ႕ခံ ဎ့ဥရွဴးသးဂ့ၚစီဆွံတႈဘါသရိဥတဖ်႕ဥ ဘဥတႈတ့ထီဥအီၚလ႕ Fr. Benjamin Kyaw Lwin ဒီးဘဥတႈဆိဥဂ့ၚအီၚ လ႕တႈသညဴးသပွႈအပူၚလ႕ Bishop Charles Bo အခဲအံၚမ့ႈ၀ဲ ကဥဒံဥနဲဥ Charles Bo နဥ့လီၚ’ သီခါလီႈက၀ီၚအံၚ ဂုၚထီဥပသီထီဥ၀ဲ ဒ္ကရ႕ကရိသ့ဥတဖဥ ဒ္အမ့ႈ Legion of Mary ဒီး St. Vincent De Paul ဒီး သးစႈကရ႕သ့ဥတဖဥ အိဥထီဥ၀ဲအသိးနဥ့လီၚ’
Faithful attended the Mass at the Ywegone 175th Jubilee (Photo by RVA Pwo Karen)
ဖဲတႈလီႈအံၚအပူၚ Fr. Mark Sein Win ကဲထီဥ၀ဲသီခါအဆိကတ႕ႈဖဲ ၁၉၈၅ယ ဒီးလ႕ခံ ကဲထီဥက့ၚ တႈလီႈတႈက်ဲအံၚအသီခါ နဥ့လီၚ’ ဆ႕ကတီႈအခဲအံၚ Fr. John Ko Ko မ့ႈ၀ဲတႈလီႈတႈက်ဲအံၚအသီခါ စးထီဥဖဲ ၂၀၁၉ အနံဥနဥ့လီၚ’
တႈမၚလၚကပီၚ သီခါလီၤႈက၀ီၚအံၚ ပွဲၚထီဥအနံဥ ၁၀၀ မ့ႈ၀ဲဖဲ ၁၉၈၀ အနံဥ လါအ့ျဖ့အပူၚနဥ့လီၚ’
Ywegone Parish Celebrates 175 Years of Faith, Honors Legacy of Missionaries and Ancestors
