ဖဲတႈမၚလၚကပီၚ ပွၚစီဆွံနီႈတ့ရ့စါအမုႈနံၚအပူၚ ကဥဒံဥနဲဥစံး၀ဲဒ္သိး ပွၚကလဲၚပိဏထြဲ တႈစီတႈဆွံအက်ဲ တႈကစီဥ
ဖဲတႈမၚလၚကပီၚ ပွၚစီဆွံနီႈတ့ရ့စါအမုႈနံၚအပူၚ ကဥဒံဥနဲဥစံး၀ဲဒ္သိး ပွၚကလဲၚပိဏထြဲ တႈစီတႈဆွံအက်ဲ တႈကစီဥ
တႈအိဥဖွိဥကရ႕ဖိ လ႕ St.Teresa သီခါလီႈက၀ီၚ လ႕၀့ႈတကူဥယ Ahlone ကီႈဆဥ အပူၚသ့ဥတဖဥ မၚလၚကပီၚ၀ဲ သီခါလီႈက၀ီၚအံၚ အပွၚစီဆွံဖဲ ၂၀၂၅ လါအီးကထိဘ႕ဥ ၅ သီယ ဃုဏဒီးတႈလုႈမံးဆါ ဘဥတႈတီခိဥရိဥမဲ လုႈထီဥအီၚလ႕ ၀့ႈတကူဥသီခါကရ႕ခိဥက်႕ႈ ကဥဒံဥနဲဥ Charles Bo နဥ့လီၚ’
His Eminence Cardinal Charles Bo, Msgr. Andrea Ferrante and Msgr. Saw Francis at the Feast of St. Theresa Parish, Ahlone (Photo by RVA Sgaw Karen)
ပႈပါအခ႕ဥစး ဆူကီႈပဎီၚ Msgr. Andrea Ferrante ဃုဏဒီးသီခါတဘ်ဳးဂၚသ့ဥတဖဥ လုႈထီဥဃုဏသကိးတႈလုႈမံးဆါနဥ့လီၚ’
His Eminence Cardinal Charles Bo delivers homily at St Teresa Church feast (Photo by RVA Sgaw Karen)
ပွၚစီဆွံ ဖိသဥဎ့ဥရွဴးအနီႈတ့ရ့စါ လ႕အမ့ႈပွၚသိဥလိနဲဥလိတႈအိဥဖွိဥကရ႕ ဒီးသံ၀ဲဖဲအသးအိဥ ၂၄ နံဥ တဂၚအံၚ ဖဲအသးအိဥ ၁၇ နံဥအကတီႈ တဲ၀ဲအသီခါလ႕ အဆ႕ကဲထီဥ၀ဲ ပွၚစီဆွံဖးဒိဥတဂၚအဂ့ႈ ကဥဒံဥနဲဥစံး၀ဲနဥ့လီၚ’ စံးကဒီး၀ဲလ႕ ပကဘဥအိဥမူ၀ဲဆံးဎံဏလဲဥ တမ့ႈတႈလ႕အကါဒိဥ၀ဲဘဥဒီး တႈလ႕အကါဒိဥမ့ႈ၀ဲ မ့ႈပအိဥမူ၀ဲဒ္လဲဥဒ္လဲဥ နဥ့လီၚ’ ပဏဖ်ါထီဥ၀ဲ ပွၚစီဆွံနီႈတ့ရ့စါ ဒ္အမ့ႈ ပွၚစီဆွံလ႕အဟူးဂဲၚဖံးမၚတႈ ဆူဥဆူဥကလဲဏတဂၚ လ႕အဃ့ထုကဖဥကဒီးတႈလ႕ ဟီဥခိဥအဂီႈ ဒ္အစံးတ့ႈလံ၀ဲအသိး ဎကသူဎဲ ဎတႈအိဥလ႕မူခိဥ လ႕တႈမၚတႈအဂ့ၚသ့ဥတဖဥ လ႕ဟီဥခိဥအဂီႈနဥ့လီၚ’ ကဥဒံဥနဲဥစံး၀ဲလ႕ ပွၚစီဆွံအံၚ အတႈဒိးနႈ့ဘဥ၀ဲလီႈဒိဥလၚထီ မ့ႈလ႕အသနၚ့အသးလ႕ဎြၚ ဒ္ဖိသဥလ႕အအိဥပူၚဖ်ဲးဒီးတႈဒဲးဘးတဂၚ အသိးနဥ့လီၚ’
His Eminence Cardinal Charles Bo delivers the Homily of the life of St Teresa (Photo by RVA Sgaw Karen)
လီၚဂဏဒ္ဖိသဥအခီပညီ အိဥလ႕ပွဲၚဒီးတႈစီတႈဆွံယ သနၚ့သးလ႕ဎြၚယ အိဥပူၚဖ်ဲးဒီးတႈသူဥက့ႈသးကါယ ပူၚဖ်ဲးဒီးတႈမၚဆ႕က့ၚပွၚအဂၚအဂ့ႈ ကဥဒံဥနဲဥစံး၀ဲနဥ့လီၚ’ ဖဲအထုကဖဥတႈအကတီႈ ပွၚစီဆွံနီႈတ့ရ့စါ မံသပ့ၚဘဥအသး ဒီးပဏဖ်ါထီဥ၀ဲဆူ သီခါလ႕အဒိကနဥအတႈကမဥတဂၚအခါ စံး၀ဲသီခါအံၚလ႕ အတႈမံသပ့ၚဘဥအသးအံၚ လီၚဂဏဒ္ ဖိသဥတဂၚ မံဘဥအသးလ႕ အပႈအစုဒုဥလိၚယ မ့ႈတႈလ႕အဘဥသူဥဘဥသးဎြၚ နဥ့လီၚ’
ကဥဒံဥနဲဥမ႕နႈ့ဆီဥခံ၀ဲ တႈအိဥဖွိဥကရ႕ဖိသ့ဥတဖဥ ဒ္သိးအကအိဥမူဒ္ ပွၚစီဆွံအံၚ အဒိဂ့ၚတဲႈဘဥ အိဥဖ်ါ၀ဲအသိးနဥ့လီၚ’ ပတအိဥဖ်ဲဥထီဥ၀ဲဒ္ပွၚစီဆွံတဘ်ီဃီဘဥဆဥယ ပမ့ႈတူႈလိဏ တႈအိဥမူအတႈကီတႈခဲသ့ဥတဖဥ လ႕တႈသူဥဖွံသးညီအပူၚ ဒ္ပွၚစီဆွံနီႈတ့ရ့စါအသိးဒီး ပတႈအိဥမူ ကလဲၚတုၚ၀ဲဆူ တႈစီတႈဆွံအအိဥယ ဒီးစံးကဒီး၀ဲလ႕ ပွၚစီဆွံ ဎိၚဟဥပီလူခံဂၚတဂၚ စံး၀ဲလ႕ ပသုတဘဥပ်ံၚ၀ဲလ႕ ပကကဲထီဥပွၚစီဆွံဘဥနဥလီၚ’
The faithful listen to the homily attentively during the Eucharistic Celebration at the feast of St. Theresa (Photo by RVA Sgaw Karen)
Msgr. Andrea တခီစံး၀ဲလ႕ ပႈပါလ့ဥအိဥ လဲၚဃုဏတႈဒီး ပ၀ဲသ့ဥတဖဥ ဖဲလ႕တႈကီတႈခဲအကတီႈအံၚ ဒီးကတိၚဟ့ဥဂံႈဟ့ဥဘါပွၚ ဒ္သိးပကလဲၚတႈဒ္ တႈမုႈလႈအပွၚလဲၚတႈဖိသ့ဥတဖဥနဥ့လီၚ’
Msgr. Andrea စံး၀ဲလ႕ ပွၚစီဆွံနီႈတ့ရ့စါအတႈအိဥမူအိဥဂဲၚ မ့ႈတႈလ႕အကြဲမုဏပွၚ ဒ္သိးပကထံဥနႈ့က့ၚ တႈစူႈတႈနဏအတႈဃံတႈလၚယ ဒီးစံး၀ဲ တႈစူႈတႈနဏ တႈသနၚ့သးလ႕ဎြၚ မ့ႈတႈလ႕အနဲဥပွၚက်ဲ ဆူတႈအဲဥတႈကြံအအိဥယ ဒီးခီဖ်ိပတႈသနၚ့ပသးလ႕တႈစူႈတႈနဏအပူၚအဃိ တႈဆိဥဂ့ၚအထံမူ ဎြၚလီၚ၀ဲဆူပတႈအိဥမူအိဥဂဲၚအပူၚအဂ့ႈ စံး၀ဲနဥ့လီၚ’
Msgr. Andrea Ferrante delivers a speech at the feast of St Teresa (Photo by RVA Sgaw Karen)
ဒီးတႈသနၚ့ပသး လ႕တႈစူႈတႈနဏအပူၚအံၚ မၚပူၚဖ်ဲး၀ဲ တႈအိဥဖွိဥကရ႕ဖိသ့ဥတဖဥလ႕ တႈပ်ံၚတႈဖုးယ တႈဂံႈထီဥဒြးထီဥတႈလ႕အဘဥဃးဒီးခါဆူညါသ့ဥတဖဥယ မၚပူၚဖ်ဲးပွၚလ႕တႈသူဥကိႈသးဂီၚလ႕ခါဆူညါအဂီႈယ မၚပူၚဖ်ဲးပွၚလ႕တႈဘဥဎိဏတႈလ႕ တႈမုဏတႈခုဥကဟးထီဥ၀ဲလ႕ပအိဥအဂ့ႈ စံး၀ဲနဥ့လီၚ’ စံးကဒီး၀ဲလ႕ ပွၚစီဆွံနီႈတ့ရ့စါ ဟူးဂဲၚဖံးမၚတႈ အါနဥ့ခါလ႕အပူၚကြံဏ လ႕မုႈတနံၚအံၚ တႈအိဥဖွိဥကရ႕အပူၚနဥ့လီၚ’
အးလီၚ၀ဲတႈအိဥဖွိဥကရ႕ဖိလ႕လီႈက၀ီၚအံၚအပူၚ ဆူပွၚစီဆွံအံၚ အတႈဃ့ကညးစ႕ၚတႈအပူၚ ဒ္သိးအ၀ဲသ့ဥ ကကဲထီဥ၀ဲလ႕ႈလ႕အမူ၀ဲသ့ဥတဖဥ လ႕တႈအိဥဖွိဥကရ႕အတႈဖံးတႈမၚအဂီႈယ ဒီးဒ္သိးအကမ့ႈ၀ဲ ပွၚအုဥအသးလ႕ တႈစူႈတႈနဏယ တႈမုႈလႈ ဒီးတႈအဲဥတႈကြံအဂီႈနဥ့လီၚ’
Rev. Fr. Paulinus Myat Kyaing, Parish Priest of St. Teresa Church (Photo by RVA Sgaw Karen)
လီႈက၀ီၚအသီခါ Fr. Paulinus Myat Kyaing ကတိၚစံးဘ်ဳးစံးဖွိဥတႈဆူ ပွၚလ႕အဆီဥထြဲမၚစ႕ၚတႈ ဒ္သိးတႈမၚလၚမၚကပီၚတႈအံၚ ကကဲထီဥ၀ဲဂ့ၚဂ့ၚဘဥဘဥအဂီႈနဥ့လီၚ’ ဒုးသ့ဥညါ၀ဲ တႈမၚဂ့ၚမၚသီထီဥက့ၚ တႈဘါသရိဥအတႈဖံးတႈမၚသ့ဥတဖဥ ဒီးဒုးသ့ဥညါစ့ႈကီး၀ဲလ႕ တႈဘါရိဥအံၚ ကပွဲၚထီဥ၀ဲအနံဥ ၁၀၀ ဖဲ ၂၀၂၇ အနံဥနဥ့လီၚ’
Myanmar Cardinal Celebrates Feast of St. Teresa, Urges Faithful to Embrace Path to Holiness
