၀့ႈတကူဥတလးပ႕လီႈက၀ီၚ မၚလၚကပီၚ၀ဲ ဎြၚအကလုႈကထါအဎူဘလံဥ တႈကစီဥ
၀့ႈတကူဥတလးပ႕လီႈက၀ီၚ မၚလၚကပီၚ၀ဲ ဎြၚအကလုႈကထါအဎူဘလံဥ တႈကစီဥ
၀့ႈတကူဥတလးပ႕လီႈက၀ီၚဖးဒိဥ လံဏစီဆွံအ၀ဲၚက်ိၚ (Biblical Ministry) မၚလၚကပီၚ၀ဲ ဎြၚအကလုႈကထါအဎူဘလံဥ လ႕တႈသညဴးသပွႈအပူၚ ဖဲ ၂၀၂၅ လါအီးကထိဘ႕ဥ ၁၁ သီယ မုႈဎဲႈနံၚယ ဖဲဎ့ဥရွဴးသးဂ့ၚစီဆွံတႈဘါသရိဥ လ႕၀့ႈ Hmawbi အိဥလ႕ ၀့ႈတကူဥတလးပ႕လီႈက၀ီၚဖးဒိဥအပူၚနဥ့လီၚ’ သီဘူဥသီခါသ့ဥတဖဥယ ပွၚဘါဎြၚဖိလ႕ တလးပ႕လီႈက၀ီၚဖးဒိဥအပူၚသ့ဥတဖဥ သ့ဥနီဥမၚလၚမၚကပီၚ၀ဲ လံဏစီဆွံ မ့ႈတႈလ႕အကါဒိဥ၀ဲလ႕ တႈအိဥဖွိဥကရ႕ဖိသ့ဥတဖဥ အတႈအိဥမူအိဥဂဲၚ ဒီးလ႕တႈအိဥဖွိဥကရ႕အတႈဖံးတႈမၚအပူၚနဥ့လီၚ’ ဖဲတႈမၚအသးအံၚအပူၚ မ့ႈ၀ဲဃုဏဒီးတႈလုႈမံးဆါယ တႈပဏထီဥလံဏစီဆွံလ႕တႈလီႈစီဆွံအဖီခိဥယ ဒီးတႈပဏဖ်ါထီဥက့ၚ တႈရၚလီၚတႈသးခုကစီဥ အတႈဖံးတႈမၚသ့ဥတဖဥနဥ့လီၚ’
တႈမၚလၚကပီၚတႈအံၚ ဘဥတႈစးထီဥအီၚဒီး တႈလုႈမံးဆါ လ႕အဘဥတႈတီခိဥရိဥမဲ လုႈထီဥအီၚလ႕ ၀့ႈတကူဥသီခါကရ႕ခိဥမၚစ႕ၚတႈ Bishop Raymond Wai Lin Htun နဥ့လီၚ’
ဖဲအတႈစံဥတဲၚတဲလီၚတႈအပူၚ စံး၀ဲလ႕ တႈအိဥဖွိဥကရ႕ဖိကိးဂၚဒဲး အသုတဘဥမ့ႈ၀ဲထဲ အဖး၀ဲလံဏစီဆွံဘဥဒီး ကဘဥစံဥတဲၚတဲလီၚ၀ဲ ဒီးကဘဥအုဥအသး လ႕အဘဥဃးဒီး ဎြၚအကလုႈကထါနဥ့လီၚ’ ဒ္ခရံဏအတႈကတိၚလ႕အမ့ႈ၀ဲ လဲၚဆူဟီဥခိဥဒီဘ့ဥ ဒီးစံဥတဲၚတဲလီၚတႈသးခုကစီဥတက့ႈ”အသိး တလးပ႕စံး၀ဲလ႕ ပွၚလ႕အဒိးနႈ့လံတႈသ့စီကိးဂၚဒဲး ဘဥတႈဟ့ဥလီၚအီၚမူဒါ လ႕အကဘဥစံဥတဲၚတဲလီၚတႈသးခုကစီဥ နဥ့လီၚ’
တလးပ႕စံး၀ဲလ႕ တႈပဏထီဥလံဏစီဆွံ လ႕တႈလီႈစီဆွံအဖီခိဥ ဒီး၀ံၚလံ ဘဥဒီးယ ပကဘဥပဏထီဥအီၤၚ လ႕ပသူဥပသးအတႈလီႈအဖီခိဥနဥ့လီၚ’ ပမ့ႈအိဥဒီးသရဥလ႕အသိဥလိပွၚ လံဏစီဆွံအဂ့ႈအက်ိၚဒီး ပကအိဥ၀ဲဒီးပွၚစူႈပွၚနဏဖိသ့ဥတဖဥနဥ့လီၚ’ ပမ့ႈအိဥမူထြဲ၀ဲဒ္ ဎြၚအကလုႈကထါအိဥ၀ဲအသိးဒီး အဂံႈကစဲၚလီၚအသး ဒီးကဖ်ိထီဥသဥထီဥ၀ဲအဂ့ႈ စံး၀ဲနဥ့လီၚ’
ပဏဖ်ါထီဥ၀ဲတႈဂ့ႈသ႕မံၚသ႕မေိ လ႕အမ့ႈ၀ဲ ပကဘဥသူဥလီၚတႈယ ပကဘဥလုႈဒိဥထီဥအီၚ ဒီးပကဘဥအိဥမူထြဲ၀ဲ ထူကလုႈဎြၚကထါနဥ့လီၚ’ စံး၀ဲလ႕ နီႈမၚရံ မ့ႈ၀ဲဒိဂ့ၚတဲႈဘဥနဥ့လီၚ’ တလးပ႕စံး၀ဲလ႕ ဎြၚအကလုႈကထါ မ့ႈ၀ဲခရံဏအနီႈကစႈဒဥ၀ဲ ဒီးပကဘဥစိဏဆွ႕အီၚ လ႕ပသူဥပသးပူၚ ဒီးစိဏဆွ႕စ့ႈကီးအီၤၚဆူ ပွၚဂၚအအိဥအဂ့ႈ သီခါကရ႕ခိဥ Raymond စံး၀ဲနဥ့လီၚ’
ဖဲတႈလုႈမံးဆါ၀ံၚအလၤီႈခံ တႈပဏထီဥလံဏစီဆွံ ဆူလီႈပစိဏအဖီခိဥ ပိဏထြဲထီဥ၀ဲနဥ့လီၚ’ ဖဲဂီၚခီ ၁၀း၀၀ နဥရံဥအကတီႈ တလးပ႕ Raymond စိဏ၀ဲလံဏစီဆွံ ဃုဏဒီးတႈလဲၚဖးထီ လ႕အမ့ႈ၀ဲဃုဏဒီးတႈဂဲၚကလံဏ ဆူလီႈပစိဏ အိဥ၀ဲတႈလီႈနဥ့လီၚ’ တႈပဏထီဥလံဏစီဆွံလ႕ လီႈပစိဏအဖီခိဥအံၚ မ့ႈ၀ဲတႈပနီဥတမံၚ လ႕အဘဥဃးဒီး တႈအိဥဖွိဥကရ႕အတႈစိတႈကမီၚ ဒီး တႈအိဥဖွိဥကရ႕အသးကံဥပူၚနဥ့လီၚ’
တလးပ႕စံးကဒီး၀ဲလ႕ ဎြၚအကလုႈကထါ မ့ႈတႈလ႕အမူ၀ဲ ဒီးဟူးဂဲၚဖံးတႈမၚတႈယ ဒီးသ့လဲလိဏကြံဏပသူဥပသးနဥ့လီၚ’ စံး၀ဲလ႕ ပွၚစီဆွံစီၚ Augustine ဒီး ပွၚစီဆွံ Francis Assisi သ့ဥတဖဥ လဲလိဏကြံဏအသး မ့ႈလ႕ဎြၚအကလုႈကထါအဃိနဥ့လီၚ’ လ႕နဥ့အမဲဏညါ ဒုးသ့ဥနီဥထီဥက့ၚ၀ဲ ပွၚစီဆွံ Jerome အတႈကတိၚလ႕အမ့ႈ၀ဲ တႈညိကြံဏလံဏစီဆွံ မ့ႈ၀ဲတႈညိကြံဏခရံဏကစႈနဥ့လီၚ’
တႈသ့ဥညါနႈပ႕ႈလံဏစီဆွံ မ့ႈ၀ဲတႈသ့ဥညါနႈပ႕ႈ ခရံဏကစႈယ ဒီးဎြၚအကလုႈကထါ ကဘဥမ့ႈ၀ဲ ပတႈစူႈတႈနဏ ဒီးတႈရၚလီၚတႈသးခုကစီဥအတႈခီဥထံးအဂ့ႈ တလးပ႕စံး၀ဲနဥ့လီၚ’
Fr. George Shwe Htun ပဏဖ်ါထီဥ၀ဲ တလးပ႕လီႈက၀ီၚအပူၚ တႈဟူးဂဲၚဖံးတႈမၚတႈ ဘဥဃးဒီး လံဏစီဆွံ (Biblical Ministry) နဥ့လီၚ’
Yangon Archdiocese Celebrates Feast of St. Jerome and The Word of God Jubilee
