Little Way အကရ႕ကရိ မၚလၚကပီၚ၀ဲ အတႈအိဥသူဥလီၚအသး ပွဲၚထီဥ ၂၅ နံဥ တႈကစီဥ
Little Way အကရ႕ကရိ မၚလၚကပီၚ၀ဲ အတႈအိဥသူဥလီၚအသး ပွဲၚထီဥ ၂၅ နံဥ တႈကစီဥ
ကရ႕တခါလ႕အမံၚမ့ႈ၀ဲ Little Way Missionary of St. Therese Association (L.W.M.T) မၚလၚကပီၚ၀ဲ ကရ႕အံၚ အတႈမၚ၀ဲခ့ပွၚအတႈမၚ ပွဲၚထီဥ ၂၅ နံဥယ ဃုဏဒီးတႈစံးဘ်ဳးစံးဖွိဥတႈလုႈမံးဆါယ ဒီးပဏဖ်ါထီဥ၀ဲ အကရ႕အံၚ အတႈဂုၚထီဥပသီထီဥ၀ဲလ႕ ထံလီႈကီႈပူၚ ဆူထံဂၚကီႈဂၚ နဥ့လီၚ’
တႈလုႈမံးဆါ မ့ႈ၀ဲဖဲ ၂၀၂၅ လါအီးကထိဘ႕ဥ ၁၁ သီယ လ႕ (Aungpan) သီခါအတႈပ႕ အိဥလ႕ (Taunggyi) တလးပ႕လီႈက၀ီၚဖးဒိဥအပူၚယ ဒီးဘဥတႈတီခိဥရိဥမဲအီၚလ႕ တလးပ႕ဖးဒိဥ Archbishop Basilio Athai နဥ့လီၚ’ဒ္သိးအကဖံးတႈမၚတႈလ႕ ထံဂၚကီႈဂၚ အဂီႈနဥ့လီၚ’
ဖဲအတႈစံဥတဲၚတဲလီၚတႈအပူၚ တလးပ႕ Archbishop Athai စံးဘ်ဳးစံးဖွိဥ၀ဲကရ႕အံၚ ဒီးစံး၀ဲလ႕ ကရ႕အံၚ ဖဲအဆိအခါ ဘဥတႈသ့ဥညါဒဥအီၚလ႕ ကီႈပဎီၚအပူၚ ဘဥဆဥ ဆ႕ကတီႈအခဲအံၚ ဘဥတႈသ့ဥညါအီၚ တမ့ႈထဲလ႕ကီႈပဎီၚအပူၚဘဥဒီး မ့ႈစ့ႈကီးလ႕ထံဂၚကီႈဂၚ တုၚဒဥလဲဥ ကရ႕အံၚ သ့ဆွ႕လီၚ၀ဲ အသီခါသ့ဥတဖဥ ဒ္သိးအကသ့ဖံးတႈမၚတႈလ႕ ထံဂၚကီႈဂၚအဂီႈနဥ့လီၚ’ စံး၀ဲလ႕ယ တႈအဲဥတႈကြံ တမ့ႈလ႕ ပွၚသ့ထိဥအီၚဒြးအီၚ ခီဖ်ိပွၚဒိဥပွၚဆံး ဒ္လဲဥဒ္လဲဥဘဥနဥ့လီၚ’ ပွၚမ့ႈဟ့ဥလီၚတႈအဲဥတႈကြံအါ၀ဲဒီး ကဒိဥထီဥထီထီဥအါ၀ဲယ ပွၚမ့ႈဒိးနႈ့ဘဥက့ၚတႈအါ၀ဲဒီး တႈအိဥမူအိဥဂဲၚ ကလ႕ထီဥပွဲၚထီဥအါ၀ဲအဂ့ႈ စံး၀ဲနဥ့လီၚ’
ပွၚလ႕အဒုးအိဥထီဥဃုဏကရ႕အံၚ လ႕အမ့ႈ၀ဲ Archbishop လ႕အအိဥဘွံးလံလ႕တႈမၚ Nicholas Mang Thang အိဥသ့ဥနီဥထီဥက့ၚ၀ဲ အတႈဒုးအိဥထီဥ၀ဲကရ႕အံၚ လ႕အဆိအခါ ဒ္လဲဥဒ္လဲဥနဥ့လီၚ’ စံး၀ဲလ႕ ကရ႕အံၚအမံၚ ဘဥတႈဟံးနႈ့အီၚလ႕ ပွၚစီဆွံနီႈတ့ရ့စါအမံၚယ မ့ႈလ႕ဖံ၀ါလ႕ကရ႕အံၚသ့ဥတဖဥ သိဥလိနဲဥလိထူကလုႈဎြၚကထါယ ဆီဥထြဲမၚစ႕ၚ၀ဲဖိသဥသ့ဥတဖဥအတႈကူဥဘဥကူဥသ့ယ ဒီးကြႈထြဲမၚစ႕ၚတႈလ႕ သီခါလီႈက၀ီၚ ပွၚဘါဎြၚဖိသ့ဥတဖဥအက်ါနဥ့လီၚ’ လ႕ခံ ကရ႕အံၚ အိဥထီဥ၀ဲဃုဏဒီး ပိဏခြါကရ႕ဖိ လ႕အမ့ႈ၀ဲသီခါသ့ဥတဖဥ ဒ္သိးအကသ့ဆီဥထြဲ တႈအိဥဖွိဥကရ႕ အတႈဖံးတႈမၚအဂီႈနဥ့လီၚ’
လ႕တႈပဏသးကဖ႕လ႕ဒီး တႈမၚသီထီဥက့ၚတႈအ႕ဥလီၚအီလီၚအပူၚယ ပွၚလ႕အထုးစုနဲဥက်ဲတႈ သီခါ Fr. Thomas Mazio စံး၀ဲလ႕ ကရ႕အံၚ ဂုၚထီဥပသီထီဥ၀ဲ တုၚလ႕ထံကီႈအံၚအခ်႕ယ အိဥဒီးတႈပညိဏလ႕ အကလဲလိဏကြံဏတႈဖံးတႈမၚလ႕အမ့ႈ၀ဲ ဎိဎိဖိသ့ဥတဖဥ ဆူတႈဖံးတႈမၚလ႕အဒိဥ၀ဲထီ၀ဲသ့ဥတဖဥအဂီႈနဥ့လီၚ’
ဖဲအပူၚကြံဏ ၂၅ နံဥအတီႈပူၚ ကရ႕အံၚအသီခါ အိဥထီဥ၀ဲ ၂၅ ဂၚယ ဒီးမ့ႈ၀ဲတႈဆိဥဂ့ၚလ႕ တႈအိဥဖွိဥကရ႕အဂီႈအဂ့ႈ ဘဥတႈဘိးဘဥသ့ဥညါအီၚနဥ့လီၚ’
၂၅ နံဥဎူဘလံဥအံၚ တမ့ႈထဲလ႕ တႈမၚလၚကပီၚ တႈစူႈတႈနဏဒီး တႈမၚတႈလ႕ဎြၚအဘီအမုႈအဂီႈဘဥဒီး မ့ႈစ့ႈကီး ကရ႕ဖိသ့ဥတဖဥ အတႈပဏလီၚသး မၚသီထီဥက့ၚအတႈအ႕ဥလီၚအီလီၚ ဒ္သိးအကရၚလီၚကဒီး ဎြၚအတႈအဲဥ ခီဖ်ိ တႈအိဥမူ ဖံးတႈမၚတႈလ႕ တႈဆီဥလီၚသး ဒီးတႈဟ့ဥလီၚသး လ႕ဏလ႕ဏဆ့ဆ့အပူၚနဥ့လီၚ’
Little Way Association Marks 25 Years of Missionary Service with Silver Jubilee
