တႈအိဥသ့ဥနီဥထီဥ မၚလၚကပီၚ တႈသးခုကစီဥအတႈမၚ လ႕ Online အဖီခိဥ ပွဲၚထီဥအနံဥ ၁၀ တႈကစီဥ
တႈအိဥသ့ဥနီဥထီဥ မၚလၚကပီၚ တႈသးခုကစီဥအတႈမၚ လ႕ Online အဖီခိဥ ပွဲၚထီဥအနံဥ ၁၀ တႈကစီဥ
တႈအိဥဖွိဥကရ႕အပွၚမၚတႈဖိခံဖု လ႕ (Online) အဖီခိဥ မၚလၚကပီၚ၀ဲအတႈမၚတႈ ပွဲၚထီဥအနံဥ ၁၀ လ႕ (ကခ်င္) အကရ႕ကရိအပူၚယ ဃုဏဒီးတႈစံးဘ်ဳးစံးဖွိဥအတႈလုႈမံးဆါ လ႕ St. Columban တႈဘါသရိဥ လ႕၀့ႈမေံးကေံနါယ မ့ႈ၀ဲဖဲ ၂၀၂၅ လါအီးကထိဘ႕ဥ ၂၅ သီအမုႈနံၚနဥ့လီၚ’
တႈမၚလၚမၚကပီၚတႈအံၚ မ့ႈ၀ဲတႈအိဥဖွိဥကရ႕ဖိ အဂၚ ၂၀၀ ဃဥဃဥ လ႕အဘူးအတံႈသီခါလီႈက၀ီၚသ့ဥတဖဥ အတႈမၚဃုဏသကိးတႈ ဒ္အမ့ႈ၀ဲတႈမၚလၚကပီၚ St. Peter တႈထုကဖဥတႈအကရ႕ ဒီး RVA Kachin Service WeChat Group သ့ဥတဖဥ အတႈမၚ၀ဲခ့ပွၚအတႈမၚ ပွဲၚထီဥအနံဥ ၁၀ အသိးနဥ့လီၚ’ တႈလုႈမံးဆါအံၚ ဘဥတႈတီခိဥရိဥမဲလုႈထီဥအီၚလ႕ Bishop John Mung Ngawn La Sam ဖဲသီခါအဂၚ ၁၀ သ့ဥတဖဥအတႈလုႈထီဥဃုဏသကိးတႈလုႈမံးဆါယ မ့ႈ၀ဲဒီး RVA Kachin, Lisu ဒီး Rawang သ့ဥတဖဥ အတႈဘူဥဘါမၚဃုဏသကိးတႈနဥ့လီၚ’
ဖဲအတႈစံဥတဲၚတဲလီၚတႈအပူၚ Bishop John Mung Ngawn La Sam ဟ့ဥဂံႈဟ့ဥဘါ၀ဲ Media အတႈဖံးတႈမၚ ဒ္အမ့ႈ၀ဲ တႈအကါဒိဥ၀ဲလ႕ တႈအိဥဖွိဥကရ႕အတႈဖံးတႈမၚအပူၚနဥ့လီၚ’
ဖဲတႈလုႈမံးဆါ၀ံၚအလီႈခံ ပွၚလ႕အမၚလၚကပီၚဃုဏတႈသ့ဥတဖဥ အိဥဖွိဥရိဖွိဥ အိဥသ့ဥနီဥထီဥက့ၚ၀ဲတႈစံဥစိၚတဲစိၚ ဒီးပွၚမၚတႈခံဖုအံၚ အတႈဖံးတႈမၚ တုၚလီၚ၀ီလီၚ၀ဲ ဒ္လဲဥဒ္လဲဥအဂ့ႈနဥ့လီၚ’ ကရ႕ကရိခံဖုအံၚ ဘဥတႈဒုးအိဥထီဥအီၚဖဲ ၂၀၁၅ လ႕ Miss Mary Hkawn Hkawn ဒ္သိးအကသ့မၚတႈလ႕ (ကခ်င္) ကလုဏဒူဥ လ႕အအိဥ၀ဲလ႕ဟီဥခိဥခ်႕တႈလီႈအါပူၚအဂီႈယ လီၚဆီဒဥတႈလ႕ ပွၚလ႕အအိဥ၀ဲလ႕ သရူးကီႈဆ႕သ့ဥတဖဥ အဂီႈနဥ့လီၚ’
ကရ႕တခါလ႕အမံၚမ့ႈ၀ဲ St. Peter’s Catholic Online Prayer Group ဘဥတႈဒုးအိဥထီဥအီၚဖဲ ၂၀၁၅ လါဎူလံဥ ၂၄ သီယ ဒ္သိးအကသ့ဆီဥထြဲမၚစ႕ၚတႈလ႕ တႈလုႈအီဥနီႈသးအဂီႈယ လီၚဆီဒဥတႈ ပွၚလ႕အတသ့လဲၚထီဥဘူဥဘါတႈလ႕ တႈဘါသရိဥသ့ဥတဖဥအဂီႈနဥ့လီၚ’ ကရ႕အံၚ အိဥဒီးတႈပညိဏလ႕ တႈကရ႕ကရိထီဥ တႈဘူဥဘါထုကဖဥဃုဏသကိးတႈယ တႈထုးစုနဲဥက်ဲသူဥဘီဥသးစႈသ့ဥတဖဥယ တႈမၚဆူဥထီဥတႈ ဒ္သိးပွၚကသူ၀ဲ Internet အါထီၤဥဒီးအါထီဥ၀ဲအဂီႈယ ဒီးတႈသိဥလိဥထူကလုႈဎြၚကထါ ဖဲနံၚသဘ့်သ့ဥတဖဥအပူၚနဥ့လီၚ’
ကရ႕အဂၚတခါလ႕အမ့ႈ၀ဲ RVA Kachin WeChat Group ဘဥတႈဒုးအိဥထီဥအီၚဖဲ ၂၀၁၅ လါအီးကထိဘ႕ဥ ၂၅ သီနဥ့လီၚ’ မ့ႈတႈလ႕အဒုးမၚနႈ့ ပွၚကမ်႕ႈဖိသ့ဥတဖဥလ႕ တႈအိဥဖွိဥကရ႕အတႈကစီဥ ဖဲပွၚသူ၀ဲ Facebook တသ့၀ဲတႈလီႈသ့ဥတဖဥနဥ့လီၚ’ ကရ႕အံၚအတႈဖံးတႈမၚမ့ႈ၀ဲ တႈဖးလံဏစီဆွံအဆ႕ကိးမုႈနံၚဒဲးယ တႈဆဲးက်ိးလိဏသးတဘ်ီဃီဒီး RVA အရူယ မ့ႈ၀ဲဃုဏဒီးတႈဒုးသ့ဥညါက့ၚ ဟံဥဖိဃီဖိလ႕ အ၀ဲသ့ဥအဖိအလံၚ ဒီးဒူဥဖိထ႕ဖိလ႕အလီၚမဥကြံဏ၀ဲသ့ဥတဖဥ အတႈအိဥ၀ဲဖဲလဲဥဖဲလဲဥ အဂ့ႈနဥ့လီၚ’
ပွၚလ႕အမၚတ့ႈလံတႈဒ္ RVA Kachin Service Coordinator ဒီး Program Director လ႕ ၀့ႈ Manila အရူယ Fr. Bernard Dashi Tang Ji, စံး၀ဲလ႕ RVA Kachin Service WeChat အကရ႕ ဘဥတႈဒုးအိဥထီဥအီၚလ႕ တႈအိဥဖွိဥကရ႕အတႈဖံးတႈမၚ (Missionary Work) အဂီႈနဥ့လီၚ’
တႈမၚလၚကပီၚတႈအံၚ ကတ႕ႈ၀ဲ ခီဖ်ိတႈဟ့ဥဘ်ဳးဆ႕က့ၚ ပွၚလ႕အဖံးတ့ႈမၚတ့ႈတႈ ဖဲဆ႕ကတီႈလ႕အပူၚကြံဏတ့ႈလံ၀ဲအနံဥ ၁၀ အတီႈပူၚနဥ့လီၚ’
Catholic Online Ministries Mark a Decade of Digital Evangelization
