ကဥဒံဥနဲဥခေါလ္စ္ဘိဥ မၚလၚကပီၚ၀ဲ အိဥဖ်ဲဥအမုႈနံၚ ၇၇ နံဥ ဆ႕က့ၚအလီႈ တႈကစီဥ
ကဥဒံဥနဲဥခေါလ္စ္ဘိဥ မၚလၚကပီၚ၀ဲ အိဥဖ်ဲဥအမုႈနံၚ ၇၇ နံဥ ဆ႕က့ၚအလီႈ တႈကစီဥ
၀့ႈတကူဥသီခါကရ႕ခိဥက်႕ႈ ကဥဒံဥနဲၚခေါလ္စ္ဘိဥ မၚလၚကပီၚ၀ဲ ၇၇ နံဥ အိဥဖ်ဲဥအမုႈနံၚဆ႕က့ၚအလီႈ ဃုဏဒီးတႈလုႈမံးဆါ လ႕ ၀့ႈတကူဥ St. Mary’s Cathedral တႈဘါသရိဥဖးဒိဥ ဖဲ ၂၀၂၅ လါအီးကထိဘ႕ဥ ၂၉ သီနဥ့လီၚ’ ကဥဒံဥနဲဥတီခိဥရိဥမဲ လုႈထီဥ၀ဲတႈလုႈမံးဆါဖဲ ဟါလီၚခီ ၅း၀၀ နဥရံဥယ ဖဲသီဘူဥသီခါအါဒံအါဂၚ ဒီးတႈအိဥဖွိဥကရ႕ဖိသ့ဥတဖဥ ဘူဥဘါ မၚလၚကပီၚဃုဏတႈနဥ့လီၚ’
တႈအိဥဖွိဥကရ႕ ပွၚလ႕အအိဥဒီးလီႈဒိဥလၚထီ ဒ္အမ့ႈ ပႈပါအခ႕ဥစး Msgr. Andrea Ferrante, သီခါကရ႕ခိဥမၚစ႕ၚတႈသ့ဥတဖဥ ဒ္အမ့ႈ Bishop Noel Saw Naw Aye ဒီး Bishop Raymond Wai Lin Htun ဒီး Pyay တလးပ႕လီႈက၀ီၚအတလးပ႕ Bishop Peter Tin Wai လုႈထီဥဃုဏသကိးတႈလုႈမံးဆါနဥ့လီၚ’ သီဘူဥသီခါအါဒံအါဂၚယ ဃုဏဒီးတႈသိဥလိဒုးကဲထီဥသီခါကေိဖိ အါနဥ့အဂၚ ၁၀၀ သ့ဥတဖဥယ ပိဏမုဥပိဏခြါလ႕အပဏစီဆွံအသး အိဥဒီးတႈအ႕ဥလီၚအီလီၚအလီၚဆီ၀ဲသ့ဥတဖဥ မၚလၚကပီၚဃုဏတႈနဥ့လီၚ’
ဖဲအတႈစံဥတဲၚတဲလီၚတႈအပူၚယ Msgr. Saw Francis လ႕အမ့ႈ၀ဲ St. Mary Cathedral တႈဘါသရိဥအသီခါ စံး၀ဲလ႕ တႈမၚအသးအံၚ မ့ႈတႈလ႕အခီပညီဒိဥ၀ဲအါနဥ့ တႈလဲၚခီဖ်ိနံဥလါသ့ဥတဖဥနဥ့လီၚ’ တႈစူႈတႈနဏ လဲလိဏကြံဏတႈဆ႕ကတီႈဆူတႈဆိဥဂ့ၚ ဒီးသးသမူအလုႈအပွၚ့ ဘဥတႈထိဥအီၚဒြးအီၚ ခီဖ်ိတႈအဲဥတႈကြံ ဒီးတႈဟ့ဥလီၚသးဆူဎြၚဒီးအပွၚကလုဏသ့ဥတဖဥအအိဥအဂ့ႈ စံး၀ဲနဥ့လီၚ’ ဂံႈထီဥဒြးထီဥ၀ဲ ကဥဒံဥနဲဥအတႈဖံးတႈမၚတႈ လ႕အအိဥဒီးအနံဥအဆံသ့ဥတဖဥအပူၚ Msgr. Saw Francis စံး၀ဲလ႕ ကဥဒံဥနဲဥစံးဆ႕က့ၚ၀ဲ ဎြၚအတႈကိး လ႕တႈမၚတႈခ့တႈပွၚအတႈမၚ ဒီးတႈအဲဥကြံတႈအိဥဖွိဥကရ႕အဂီႈနဥ့လီၚ’
ပဏဖ်ါထီဥ၀ဲ ဆ႕ကတီႈလ႕အအိဥဖ်ါ၀ဲဒ္ တႈလီၚတိဏလီၚဆီ လ႕ကဥဒံဥနဲဥအတႈအိဥမူအပူၚ သ့ဥတဖဥနဥ့လီၚ’ ဒီးမ့ႈ၀ဲ” ဖဲအိဥဖ်ဲဥထီဥ၀ံၚ ၇ သီအမုႈနံၚ ဒိးနႈ့၀ဲတႈသ့စီယ ဒီးဖဲအသးအိဥ ၁၇ နံဥအကတီႈ ႏုဏလီၚ၀ဲဆူ Salesian အကရ႕ကရိအပူၚယ ဒိးနႈ့ဘဥ၀ဲသီခါအလီႈအလၚ ဖဲအသးအိဥ၀ဲ ၂၇ နံဥအကတီႈယ ဒီးဘဥတႈပဏထီဥအီၚဆူတလးပ႕အလီႈ ဖဲအသးအိဥ၀ဲ ၃၇ နံဥအကတီႈနဥ့လီၚ’ ဘဥတႈပဏလီၚအီၚ ဒ္သိးအကကဲထီဥ ၀့ႈပသံဥအတလးပ႕ ဖဲအသးအိဥ၀ဲ ၄၇ နံဥအကတီႈယ ဒီးကဲထီဥကဒီးတလးပ႕လ႕ ၀့ႈတကူဥလီႈက၀ီၚဖးဒိဥအဂီႈ ဖဲအသးအိဥ၀ဲ ၅၇ နံဥအကတီႈယ ၀ံၚဒီး ဘဥတႈဒုးမၚနႈ့အီၚလီႈဒိဥလၚထီဥ ဒ္သိးအကမ့ႈ၀ဲကဥဒံဥနဲဥ ဖဲအသးအိဥ၀ဲ ၆၇ နံဥအကတီႈနဥ့လီၚ’
Msgr. Andrea Ferrante လ႕အမ့ႈ၀ဲပႈပါအခ႕ဥစး လဲၚစိဏဆွ႕၀ဲ တႈဆ႕ဂ့ၚဆ႕၀ါလ႕၀့ႈရိမ့ၚယ ပႈပါအတႈထုကဖဥ ဆ႕ဂ့ၚဆ႕၀ါတႈသ့ဥတဖဥယ ဒီးကတိၚပဏဖ်ါထီဥ၀ဲ ကဥဒံဥနဲဥအတႈဟ့ဥလီၚအသး လ႕အတႈကဲခိဥကဲနႈတႈဒ္ ပွၚကြႈသိတဂၚအသိး လ႕ကီႈပဎီၚအပူၚနဥ့လီၚ’ ပဏဖ်ါထီဥ၀ဲ ကဥဒံဥနဲဥအတႈအိဥမူ ဒ္အမ့ႈ တႈဟ့ဥအလီၚဆီ၀ဲလ႕ဎြၚယ ဒီးစံး၀ဲလ႕ အိဥဖ်ဲဥအမုႈနံၚ ကိးမုႈနံၚဒဲး မ့ႈ၀ဲတႈအိးထီဥလံၚကဘ်ံးပၚအသီ လ႕တႈစူႈတႈနဏ ဒီးတႈမၚတႈခ့တႈပွၚအတႈမၚအဂီႈနဥ့လီၚ’
ကဥဒံဥနဲဥခေါလ္စ္ဘိဥ စံးဘ်ဳးစံးဖွိဥက့ၚတႈ မ့ႈလ႕ တႈကတိၚပဏဒိဥပဏထီဥအီၚ ဒီးတႈထုကဖဥလ႕အဂီႈအဃိနဥ့လီၚ’ စံး၀ဲလ႕ အဖိသဥအကတီႈ ပဏဖွိဥ၀ဲကိဥပွၚ့ လ႕အကစႈဒဥ၀ဲအဂီႈ ဒီးဖဲအိဥဘွံးနံၚဟဲတုၚ၀ဲအကတီႈ ဖ႕ႏုဏ၀ဲလ႕ တႈဘါသရိဥ ပွၚထ႕ဖွိဥတႈမၚဘူဥအပူၚ ဒီးထုကဖဥ၀ဲ ဒ္သိးအကကဲထီဥ၀ဲ သီခါတဂၚနဥ့လီၚ’ စံးကဒီး၀ဲယ” ဒ္အကြႈကဒါက့ၚ ဆ႕ကတီႈလ႕အပူၚကြံဏ၀ဲအသိး ထံဥဘဥက့ၚ၀ဲလ႕ အဒိးနႈ့ဘဥ၀ဲတႈဆိဥဂ့ၚသ့ဥတဖဥ အါနဥ့အဃ့ထုကဖဥတ့ႈလံ၀ဲနဥ့လီၚ’
စံး၀ဲဒ္သိးယ” ပွၚသုတဆိကမိဥဆံး တႈဟ့ဥမၚဘူဥတႈလ႕အဆံး၀ဲသ့ဥတဖဥ လ႕တႈသူဥဘဥသးသ့အပူၚတဂ့ၚ ဒီး စံး၀ဲလ႕တႈကြႈထြဲမၚစ႕ၚ ပွၚအဂၚ မ့ႈတႈလ႕အကါဒိဥ၀ဲနဥ့လီၚ’
လ႕ခံကတ႕ႈ ဃ့ကညး၀ဲဒ္သိး ပွၚကထုကဖဥကဒီးတႈလ႕အကစႈဒဥ၀ဲအဂီႈယ လ႕တႈအိဥဖွိဥကရ႕အဂီႈယ ဒီးလ႕ထံကီႈအဂီႈ ဒ္အခီဖ်ိထံဥဘဥ၀ဲ တႈဂ့ႈကီအကလုဏကလုဏအသိးနဥ့လီၚ’
Myanmar Cardinal Celebrates 77th Birthday with Solemn Mass in Yangon
