မ့ႈလ႕ AI အတႈမၚတႈကဘ်ံးကဘ်ဥသ့ဥတဖဥအဃိ ဖိဒံဖိသဥသ့ဥဒီးသးစႈသ့ဥတဖဥ ဘဥတႈမၚဘဥဒိဆါအီၚအဂ့ႈ ပႈပါစံး၀ဲ တႈကစီဥ

ပႈပါလ့ဥအိဥ ကတိၚပလီႈတႈ ဒီးစံး၀ဲလ႕ သူဥဘီဥသးစႈ ဒီးဖိဒံဖိသဥသ့ဥတဖဥ ဘဥတႈမၚဘဥဒိဆါအီၚသ့၀ဲ မ့ႈလ႕ AI အဃိယ တႈကြႈထြဲကဟုကဎဏသးစႈသ့ဥတဖဥအသူးအသ့ဥ အသုတဘဥဆံးလီၚစွၚလီၚ၀ဲဘဥဒီး ပွၚလိဏဘဥ၀ဲ တႈသိဥလိနဲဥလိတႈ လ႕တႈပဏလုႈပဏပွၚ့ ဖိသဥဒီးသးစႈသ့ဥတဖဥအသူးအသ့ဥ ဖဲ AI အဆ႕ကတီႈအံၚနဥ့လီၚ’

ပႈပါအတႈစံးကတိၚတႈဒ္အံၚ မ့ႈ၀ဲဖဲ ၂၀၂၅ လါနိ၀့ဘ႕ဥ ၁၃ သီ မုႈလြံႈနံၚ ဖဲတႈအိဥဖွိဥတ႕ဥပီဥလိဏသး ဘဥဃးဒီး AI အတႈဂ့ႈအပူၚနဥ့လီၚ’

ဒ္ပွၚထံဥသ့ဥညါ၀ဲလ႕ AI သ့လဲလိဏကြံဏတႈ အါမံၚအါမေိ လ႕ကိးမုႈနံၚဒဲးပတႈအိဥမူအပူၚယ လ႕အမ့ႈ၀ဲဃုဏဒီး တႈကူဥဘဥကူဥသ့အသိးယ တႈမၚသူဥဖွံသးညီပွၚဒီး တႈကဟုကဎဏကြႈထြဲဖိသဥသ့ဥတဖဥ ကဲထီဥ၀ဲတႈဂ့ႈလ႕ အဒုးအိဥထီဥတႈသံကြႈလ႕အကါဒိဥ၀ဲသ့ဥတဖဥ လီၚဆီဒဥတႈ လ႕အဘဥဃးဒီး တႈကဟုကဎဏ သးစႈသ့ဥတဖဥ အသူးသ့ဥလၚကပီၚ ဒီးအတႈနႈ့ဘ်ဳးသ့ဥတဖဥအဂီႈအဂ့ႈ စံး၀ဲနဥ့လီၚ’

မိႈပႈဒီး ပွၚလ႕အသိဥလိနဲဥလိ သးစႈဒီးဖိဒံဖိသဥသ့ဥတဖဥ ကဘဥပဏအသး ဒီး တႈအပီးအလီသ့ဥတဖဥ ကဘဥအိဥထီဥ၀ဲလ႕ တႈထုးစုနဲဥက်ဲ သးစႈသ့ဥတဖဥ အတႈသူ၀ဲ တႈဖိတႈလံၚလ႕အလဲၚထီဥလဲၚထီ၀ဲသ့ဥတဖဥအံၚ ဂ့ၚဂ့ၚဘဥဘဥအဂီႈနဥ့လီၚ’

ထံကီႈပဒိဥသ့ဥတဖဥ ဒီး ဘီမုႈအါဘ့ဥကရ႕ကရိသ့ဥတဖဥ အိဥ၀ဲဒီးမူဒါ ဒ္သိး အကပဏလီၚတႈသိဥတႈသီ လ႕အကဟုကဎဏ သးစႈသ့ဥတဖဥအသူးအသ့ဥ ဖဲ AI အစိၚ ခ့ခါခဲအံၚအဂ့ႈ ပႈပါစံး၀ဲနဥ့လီၚ’

တႈပဏလီၚတႈသိဥတႈသီ လ႕အဘဥဃးဒီးတႈကြႈထြဲကဟုကဎဏ ဖိသဥဒီးသးစႈသ့ဥတဖဥအသူးအသ့ဥ တမ့ႈတႈလ႕အလ႕ပွဲၚလံ၀ဲဘဥဒီး ပွၚလိဥဘဥ၀ဲ တႈသိဥလိနဲဥလိတႈလ႕အမ့ႈ Digital Education အဂ့ႈ ပႈပါစံး၀ဲနဥ့လီၚ’

တႈလ႕ပွၚလိဥဘဥအီၚသပွႈကတ႕ႈ မ့ႈ၀ဲ ပွၚလ႕အဒိးနႈ့ဘဥလံ၀ဲ တႈမၚလိမၚဒိးအ၀ဲသ့ဥ ဂ့ၚဂ့ၚဘဥဘဥသ့ဥတဖဥ လ႕အဘဥတႈဆီဥထြဲမၚစ႕ၚအီၚလ႕ တႈဖံးဃုဏမၚဃုဏသကိးတႈသ့ဥတဖဥ ကဘဥသိဥလိနဲဥလိ ဒုးနႈပ႕ႈတႈ ကိးမုႈနံၚဒဲးအဂ့ႈ စံး၀ဲနဥ့လီၚ’

ပႈပါစံး၀ဲယ လ႕တႈကြႈထြဲပ႕ဆွ႕ ပွၚကညီအတႈခီဥထံးခီဥဘိယ ကဘဥတႈထုးစုနဲဥက်ဲအီၚလ႕ တႈပဏကဲပွၚကညီအသူးအသ့ဥ ဒ္အမ့ႈ တႈလုႈတႈပွၚ့ လ႕အဘဥဃးဒီးတႈအခီဥထံးနဥ့လီၚ’

ပွၚမ့ႈသူ၀ဲ တႈသ့တႈဘဥသ့ဥတဖဥအံၚ လ႕တႈကူဥဘဥကူဥသ့အဂီႈယ လ႕သကဲးပ၀ဏအဂီႈ ဒီးလ႕အအိဥဒီးတႈဟံးနႈ့မူဒါဂ့ၚဂ့ၚဘဥဘဥအပူၚဒီး AI အံၚ ကမ့ႈတႈလ႕ အဆီဥထြဲမၚစ႕ၚတႈ လ႕ပွၚကညီၚအတႈအိဥမူအိဥဂဲၚ အတႈဒိဥထီဥထီထီဥအဂီႈ လီၚဆီဒဥတႈလ႕ ဖိဒံဖိသဥသ့ဥတဖဥ ဒီး သူဥဘီဥသးစႈသ့ဥတဖဥအဂီႈ ဒီးတမ့ႈလ႕ၚ၀ဲ တႈဘဥဎိဏတမံၚလ႕ၚဘဥအဂ့ႈ ပႈပါစံး၀ဲနဥ့လီၚ’

 Pope Leo XIV: Children and adolescents are vulnerable to AI manipulation    Vatican News  November 13, 2025