တႈမၚလၚကပီၚ တႈဘါသရိဥလ႕ ခိခိဥသ၀ီပူၚ ဃုဏဒီးဖံဖုလ႕ညါသ့ဥတဖဥ တႈကစီဥ

တႈဘါသရိဥဖိ အိဥလ႕၀့ႈပသံဥလီႈက၀ီၚဖးဒိဥအပူၚ ဘဥတႈမၚလၚမၚကပီၚအီၚ ဒ္အအိဥသူဥလီၚအသး ပွဲၚထီဥ ၂၅ နံဥ ဒ္အအိဥဒီးအမံၚအသဥလ႕အမ့ႈ၀ဲ နီႈမၚရံဘဥတႈဒ႕ထီဥအီၚ ပူၚဖ်ဲးဒီးတႈဒဲးဘး အသိးနဥ့လီၚ’

တႈမၚလၚကပီၚတႈအံၚ မ့ႈ၀ဲလ႕ ၀့ႈပသံဥလီႈက၀ီၚဖးဒိဥ က်ိဳက္လတ္သီခါအတႈပ႕ (စာျဖဴစု) အသ၀ီ ဖဲလါဒံဥစ့ဘ႕ဥ ၈ သီယ ဒီးတႈမၚလၚကပီၚတႈအတႈလုႈမံးဆါ ဘဥတႈတီခိဥရိဥမဲလုႈထီဥအီၚလ႕ ၀့ႈပသံဥလီႈက၀ီၚအတလးပ႕ Bishop Henry Eikhlein ဖဲသီခါ ၂၄ ဂၚယ ဒီးပွးလ႕အအိဥဒီးအတႈအ႕ဥလီၚအီလီၚအလီၚဆီ၀ဲ (Religious) သ့ဥတဖဥ ဒီးတႈအိဥဖွိဥကရ႕ဖိဂီႈမုႈသ့ဥတဖဥ ဘူဥဘါမၚဃုဏသကိးတႈနဥ့လီၚ’

ဖဲအတႈစံဥတဲၚတဲလီၚတႈအပူၚယ တလးပ႕ Henry အိဥသ့ဥနီဥထီဥက့ၚ၀ဲ ပွၚလ႕ညါလ႕အဒုးအိဥထီဥကရ႕ကရိဖဲတႈလီႈအံၚအပူၚ ဒီးစံး၀ဲလ႕ ပွၚသ့ဥတဖဥအံၚ ထံဥဆိပဏစ႕ၚတႈယ ဒီးမၚတ့ႈလံ၀ဲတႈဆ႕တဲႈတႈလ႕အကီ၀ဲ ဖဲဆ႕ကတီႈလ႕အကီ၀ဲခဲ၀ဲအကတီႈယ ဒီးမၚတ့ႈတႈလ႕ တႈသူဥဒူသးဒူအပူၚအဂ့ႈ စံး၀ဲနဥ့လီၚ’

ဒုးသ့ဥနီဥထီဥက့ၚ၀ဲ ပွၚကမ်႕ႈဖိသ့ဥတဖဥလ႕ သီဘူဥသီခါသ့ဥတဖဥ ဒီးပွၚလ႕အအိဥဒီးတႈအ႕ဥလီၚအီလီၚ လီၚလီၚဆီဆီ (Religious) လ႕အကဲထီဥ၀ဲဖဲတႈလီႈအံၚအပူၚသ့ဥတဖဥ ဒီးစံး၀ဲလ႕ အမ့ႈ၀ဲဎြၚအတႈဆိဥဂ့ၚ လ႕အအိဥဖ်ါ၀ဲလ႕ပွၚအါဂၚအမဲဏညါ ဒီးမ႕နႈ့ဆီဥခံတႈဒ္သိး ပွၚကကတဲႈကတီၚကဒီးတႈလ႕ ခါဆူညါအဂီႈနဥ့လီၚ’

ဒ္အမ့ႈမုႈနံၚလ႕ တႈမၚလၚမၚကပီၚ နီႈမၚရံအသိး တလးပ႕စံး၀ဲလ႕ နီႈမၚရံမ့ႈတအိဥဒီး ခရံဏအတႈဟဲအိဥဖ်ဲဥထီဥ ကဲထီဥတသ့၀ဲဘဥနဥ့လီၚ’

ဖဲအဆိအခါ တႈဘါသရိဥအံၚ မ့ႈဒဥ၀ဲလ႕ တႈဎိဎိဖိအပူၚနဥ့လီၚ’ ဖဲ ၁၉၉၈ ဒီး ၁၉၉၉ အတီႈပူၚယ ဘဥတႈတ့ဘွီထီဥက့ၚအီၚလ႕သ့ဥယ ဒ္ Fr. Vincent Mahn Thu Hlaing အတႈထုးစုနဲဥက်ဲအသိးနဥ့လီၚ’

တႈတ့ဘွီထီဥတႈဘါသရိဥအတႈမၚ ၀ံၚ၀ဲဖဲ Fr. Mathias Saw San Win ပ႕တႈအဆ႕ကတီႈ ဒီးမ့ႈ၀ဲဖဲ အနံဥ ၂၀၀၀ လါဒံဥစ့ဘ႕ဥ ၈ သီအမုႈနံၚယ ဒီးတႈဘါသရိဥအံၚ ဘဥတႈပဏစီဆွံအီၚလ႕ Bishop Charles Bo (ခဲအံၚ Cardinal Charles Bo) ဖဲသီခါအဂၚ ၄၀ သ့ဥတဖဥ ဘူဥဘါထုကဖဥ မၚလၚကပီၚဃုဏတႈအပူၚနဥ့လီၚ’

အအံၚယ မ့ႈ၀ဲတႈမၚလၚကပီၚနီႈမၚရံ ဒီးတဘ်ီဃီမ့ႈ၀ဲယ တႈမၚလၚကပီၚ ပွၚလ႕ပ်႕ၚသ့ဥတဖဥ အတႈစူႈတႈနဏ လ႕အဒုးအိဥထီဥတႈဘါသရိဥနဥ့လီၚ’

Rural Church Celebrates 25 Years, Honoring Ancestors   Difficult Decision