တႈမၚဆူဥထီဥ တႈဃူတႈဖိးဒီးတႈမၚတႈခ့တႈပွၚအတႈမၚ မ့ႈ၀ဲလ႕ (က်ိဳင္းတံု) တလးပ႕လီႈက၀ီၚအပူၚ တႈကစီဥ

လ႕တလးပ႕ Bishop John Saw Yaw Han အတႈထုးစုနဲဥက်ဲအဖီလဏအပူၚ တႈအိဥဖွိဥကရ႕ဖိလ႕ (က်ိဳင္းတံု) တလးပ႕လီႈက၀ီၚအပူၚသ့ဥတဖဥ မၚလၚကပီၚဆိတႈ တခ်ဳးလ႕ခရံဏအိဥဖ်ဲဥဟဲတုၚဒ္၀ဲအကတီႈ ဖဲ၂၀၂၅ လါဒံဥစ့ဘ႕ဥ ၂၀ သီ ဖဲ Immaculate Heart of Mary Cathedral တႈဘါသရိဏအိဥ၀ဲတႈလီႈနဥ့လီၚ’

တႈမၚလၚကပီၚတႈ လ႕အအိဥဒီးအခိဥတီလ႕အမ့ႈ၀ဲ တႈဟ့ဥလီၚ တႈဖံးဃုဏမၚဃုဏသကိးတႈ အတႈလုႈတႈပွၚ့ ဒ္အမ့ႈ၀ဲခရံဏအိဥဖ်ဲဥအတႈဟ့ဥ (Giving the Values of Teamwork as a Christmas Gift)ယ ဘဥတႈကရ႕ကရိထီဥအီၚလ႕ လီႈက၀ီၚအသီခါ Fr. Stephen Ah No နဥ့လီၚ’ တႈမၚလၚကပီၚတႈအံၚ အတႈပညိဏမ့ႈ၀ဲဒ္သိး ပွၚကအိဥခိးသဂ႕ႈ ခရံဏအိဥဖ်ဲဥ ခီဖ်ိတႈဖံးဃုဏမၚဃုဏသကိးတႈ လ႕အမ့ႈ၀ဲဃုဏဒီး တႈျပ႕လိဏသး ဘဥဃးဒီးတႈတ့ထီဥခရံဏအိဥဖ်ဲဥအဟံဥ ဒီးတႈျပ႕လိဏသးလ႕ တႈဃုထံဥနဥ့တႈလ႕အဒ္သိးလိဏအသး လ႕အဘဥဃးဒီး တႈမုႈလႈအဎူဘလံဥ အတႈသး၀ံဥနဥ့လီၚ’

ပွၚကမ်႕ႈဖိသ့ဥတဖဥ ဘဥတႈနီၚဖးအီၚ ႏြံဖုယ ဒီးမ့ႈ၀ဲလ႕ တႈမၚလိကေိသ့ဥတဖဥ ဒီးလ႕အဘူးအတံႈ သီခါလီႈက၀ီၚ ပွၚမၚဃုဏသကိးတႈလ႕တႈအိဥဖွိဥကရ႕အပူၚသ့ဥတဖဥ နဥ့လီၚ’

အတႈကတိၚတႈဆူ ပွၚမၚလၚကပီၚဃုဏတႈသ့ဥတဖဥအအိဥအပူၚ Bishop John Saw Yaw Han စံး၀ဲလ႕ တႈမၚအသးအံၚ အခီပညီဒိဥ၀ဲအါနဥ့ တႈမၚလၚမၚကပီၚတႈနဥ့လီၚ’ မ့ႈ၀ဲတႈပဏဖ်ါထီဥ ဖိဒံဖိသဥသ့ဥတဖဥယ သူဥဘီဥသးစႈသ့ဥတဖဥယ ဒီးပွၚလ႕အဒိဥတုဏခိဥပွဲၚတ့ႈလံ၀ဲသ့ဥတဖဥ အတႈသ့တႈဘဥ ဒီးမ့ႈစ့ႈကီးတႈမၚဆူဥထီဥ တႈသ့တႈဘဥသ့ဥတဖဥအဂ့ႈ စံး၀ဲနဥ့လီၚ’

လ႕နဥ့အမဲဏညါ စံး၀ဲလ႕ တႈဖံးဃုဏမၚဃုဏသကိးတႈအံၚ သိဥလိနဲဥလိပွၚလ႕ တႈဖံးဃုဏမၚဃုဏတႈအကါဒိဥ၀ဲယ အိဥဒီးတႈသူဥစူၚသးစူၚယ ဒီးတႈထံဥနႈ့တႈဂံႈတႈဘါလ႕ တႈဃူလိဏဖိးလိဏသးအပူၚယ ဒီးမ႕နႈ့ဆီဥခံ၀ဲဒ္သိး ပွၚကစိဏဆွ႕ကဒီး တႈဃူလိဏဖိးလိဏသးယ တႈဒိကနဥလိဏသးယ တႈနႈပ႕ႈလိဏသး လ႕တစိၚသးတႈအိဥမူအိဥဂဲၚအပူၚ ဒ္အမ့ႈ တႈအုဥသး ဘဥဃးဒီးတႈနႈ့ဘ်ဳးနႈ့ဖွိဥလ႕ တႈဖံးဃုဏမၚဃုဏတႈ လ႕ပွၚခဲလ႕ဏ အတႈနႈ့ဘ်ဳးနႈ့ဖွိဥအဂီႈနဥ့လီၚ’

တႈမၚလၚကပီၚတႈလ႕အမ့ႈ၀ဲခံသီအတီႈပူၚအံၚ မ့ႈ၀ဲဃုဏဒီး ကလုဏဒူဥအလီၚဆီ၀ဲသ့ဥတဖဥ အတႈဂဲၚကလံဏနဥ့လီၚ’ ဖဲလါဒံဥစ့ဘ႕ဥ ၂၁ သီ မုႈနၚခီအကတီႈ မ့ႈ၀ဲတႈဟ့ဥလီၚခိဥဖး ဆူပွၚလ႕အဒိးနႈ့ဘဥခိဥဖးသ့ဥတဖဥအအိဥနဥ့လီၚ’ တႈမၚအသးအံၚ မ့ႈ၀ဲတႈအိဥကတဲႈကတီၚခရံဏအိဥဖ်ဲဥ ခီဖ်ိ တႈအိဥဖွိဥဖံးဃုဏ္မၚဃုဏတႈ လ႕တႈဃူတႈဖိး ဒီးလ႕တႈသူဥဖွံသးညီအပူၚနဥ့လီၚ’

Diocese of Keng Tung Celebrates Pre Christmas Festivities with Emphasis on Unity and Service