တႈသူဥက့ဥသးကါ

ပွၚလ႕အသူဥက့ဥသးကါတႈလ႕ပွၚဂၚအဖီခိဥ မ့ႈဝဲဒဥပွၚလ႕အတနဏလီၚအသးဘဥလီၚ. မ့မ့ႈလ႕အနီႈကစႈတခီ တႈသ့တႈဘဥလ႕အအိဥဒီးအီၚသ့ဥတဖဥ အတနဏလီၚအသး ဘဥဒီး လ႕ပွၚဂၚအတႈသ့တႈဘဥအဖီခိဥထုးထီဥဝဲတႈသံကြႈဒီး ဃုထံဥဝဲပွၚဂၚ အတႈကမဥန႔ဥလီၚ. ပွၚလ႕အသူဥတမံသးတမံလီၚအသးန႔ဥ အတႈအိဥမူအပူၚ တႈသ့တႈဘဥလ႕အိဥဒီးအီၚ သ့ဥတဖဥယ အတႈဂုႈက်ဲးစ႕းမၚန႕ၚတႈသ့ဥတဖဥအဖီခိဥ အသူဥတမံသးတမုႈဝဲဘဥဒီး တအဲဥဒိးထံဥဘဥသးလ႕ပွၚဂၚအတႈလဲၚထီဥလဲၚထီအိဥထီဥ ဝဲဘဥန႔ဥလီၚ. ပကဘဥအိဥဒီးတႈသးစ႕ႈဆ႕လ႕ ပတႈအိဥမူအတႈလဲၚက်ဲအပူၚဒီး ပွၚဂၚအတႈအိဥမူအတႈလဲၚက်ဲ ပွၚဂၚလဲၚဒ္လဲဥဒ္လဲဥန႔ဥ ပတဘဥကြႈဆ႕ဥမဲဏဘဥ ပမ့ႈအိဥဒီး ကြႈဆ႕ဥမဲဏလ႕ ပွၚဂၚအတႈအိဥ္မူအတႈလဲၚက်ဲဒ္လဲဥဒ္လဲဥန႔ဥ ပကလီၚဃံဏဝဲ လ႕ပတႈအိဥမူအတႈလဲၚက်ဲအပူၚဒီး ပကမ့ႈဝဲပွၚဆဲးလဲၚဆူမဲဏညါတသ့လ႕ၚဘဥတဂၚလီၚ.

ပွၚလ႕အမၚလ႕ဏဂီၚအနီႈကစႈအတႈဆ႕ကတီႈ ခီဖ်ိလ႕အထံဥပွၚဂၚအတႈကမဥယ အပဏထီဥတႈကမဥလ႕ ပွၚဂၚအဖီခိဥထီဘိ လ႕အသးပူၚခီဖ်ိလ႕အိဥဝဲထဲ ကဟ့ဥပွၚဂၚ တႈကီတႈခဲအဃိ တဂၚန႔ဥ မ့ႈဝဲပွၚလ႕အမၚလ႕ဏဂီၚတႈဆ႕ကတီႈ ကလီကလီတဂၚန႔ဥလီၚ. ပွၚလ႕အမၚလီၚမဥအနီႈကစႈအလီႈဒီး ပွၚလ႕အသးအုးလ႕ပွၚဂၚကဒိးန႔ႈအလီႈတဂၚန႔ဥ ဆ႕ကတီႈဖဲအထံဥဝဲပွၚလ႕တႈသ့တႈဘဥအိဥလ႕ပွဲၚ လ႕အကထီဥအလီႈတဂၚအခါ အိဥဝဲဒီးတႈသူဥဘဥဎိဥသးဘဥဎိဥဒီး အလီႈလီၚမဥကြံဏဝဲန႔ဥလီၚ.

တႈသူဥက့ဥသးကါအိဥလ႕ပွၚဂၚအဖီခိဥန႔ဥ မ့ႈဒဥတႈမၚကီမၚခဲလီၚက့ၚနီႈကစႈန႔ဥလီၚ. ပသ့ဥညါလ႕တႈတဂ့ၚဘဥဆဥသနဏက့ ဒ္ပမ့ႈပွၚဟီဥခိဥဖိအသိး တဘ်ီဘ်ီ တႈသူဥက့ဥသးကါ အိဥထီဥဒီးပွၚစ့ႈကီးန႔ဥလီၚ. ပကဘဥဂုႈက်ဲးစ႕းပ႕ၚပသးဒ္သိး ပတႈသူဥက့ဥသးကါသ့ဥတဖဥ သုတအိဥထီဥလ႕ပွၚအဖီခိဥဘဥအဂီႈန႔ဥလီၚ. ပကဘဥ ပဏဒိဥပဏကဲလီၚပနီႈကစႈပသးန႔ဥလီၚ. ပွၚလ႕အသူဥတဘ်႕သးတဘ်႕လ႕ပဖီခိဥသ့ဥတဖဥ ပတဘဥပဏလ႕ပသးပူၚတဂ့ၚ. ပနီႈကစႈသနဏက့ ပတဘဥအိဥဒီး တႈသူဥုက့ဥသးကါလ႕ ပွၚဂၚအဖီခိဥတဂ့ၚ. ပကဘဥနဏလီၚပနီႈကစႈပသးယ ပကဘဥသူဥမံသးမံလီၚပနီႈကစႈ ပတႈအိဥသးယ တႈဆ႕ကတီႈလ႕အအိဥဒီးပွၚသ့ဥတဖဥ ပကဘဥသုဝဲဂ့ၚဂ့ၚဘဥဘဥန႔ဥလီၚ. ပမ့ႈအိဥလ႕ပနီႈကစႈပလီႈဂ့ၚဂ့ၚဘဥဘဥန႔ဥ တႈသူဥဖွံသးညီဒီးတႈလဲၚထီဥလဲၚထီ သ့ဥတဖဥ ကအိဥထီဥဝဲဒီးပွၚန႔ဥလီၚ.