သီခါဃုဂၚ လ႕၀့ႈပသံဥလီႈက၀ီၚအပူၚ မၚလၚကပီၚ၀ဲ ဎူဘလံဥစ့ တႈကစီဥ

သီခါဃုဂၚလ႕ ၀့ႈပသံဥလီၚက၀ီၚအပူၚသ့ဥတဖဥ မၚလၚကပီၚ၀ဲ အတႈအိဥမူဖံးတႈမၚတႈဒ္သီခါသ့ဥတဖဥအသိး ပွဲၚထီဥ၀ဲ ၂၅ နံဥယ လ႕အမ့ႈ၀ဲတႈပဏဖ်ါထီဥ တႈသူဥဂ႕ႈသးက်႕ၚယ တႈဆိဥဂ့ၚ ဒီးတႈက်ဲးစ႕းသကိးတႈလ႕ တႈမုဏတႈခုဥအဂီႈနဥ့လီၚ’

တႈမၚကပီၚတႈအံၚ မ့ႈ၀ဲဖဲ လါဎႏူၚအါရံၚ ၃ သီယ လ႕ (ဟင္းသတ) သီခါလီႈက၀ီၚ ဒီးမ့ႈ၀ဲသီခါ ၁၉ ဂၚသ့ဥတဖဥယ ဒီးပွၚလ႕အပဏစီဆွံအသး (Religious) ဒီးတႈအိဥဖွိဥကရ႕ဖိ အါဒံအါဂၚ အတႈမၚလၚကပီၚဃုဏသကိးတႈနဥ့လီၚ’ သီခါဃုဂၚအံၚ ဘဥတႈပဏထီဥစု ဒုကဲထီဥအီၚလ႕သီခါ လ႕ကဥဒံဥနဲဥခေါလ္စ္ဘိဥ (ဖဲနဥ့အကတီႈမ့ႈ၀ဲ Bishop ခေါလ္စ္ဘိဥ) ဖဲလါအ့ျဖ့ ၁ သီယ ၂၀၀၁ အနံဥနဥ့လီၚ’

ဖဲအတႈစံဥတဲၚတဲလီၚတႈအပူၚ Fr. Firmin Soe Htun Kyaw စံး၀ဲလ႕ ဎူဘလံဥ တမ့ႈ၀ဲထဲ တႈမၚလၚမၚကပီၚ ပွၚတဂၚအတႈကဲထီဥလိဏထီဥဘဥဒီး မ့ႈ၀ဲဎြၚအတႈဆိဥဂ့ၚယ ဒ္သီခါသ့ဥတဖဥအံၚ သ့ဥညါ၀ဲဂ့ၚဂ့ၚဘဥဘဥလ႕ အ၀ဲသ့ဥ ဘဥတႈဃုထ႕ထီဥအီၚလ႕ဎြၚယ ဒီးတမ့ႈလ႕အ၀ဲသ့ဥ အတႈႀက႕းတႈဘဥအဃိဘဥဒီး မ့ႈ၀ဲလ႕ဎြၚအတႈသးကညီၚအပူၚအဂ့ႈ စံး၀ဲနဥ့လီၚ’ သီခါအတႈအိဥမူအတႈလဲၚက်ဲ မ့ႈတႈလ႕အအိဥ၀ဲဒီး တႈထဲးဂံႈထဲးဘါ ဂဲၚပ်ဳႈက်ဲးစ႕းတႈယ ဒီးမ့ႈ၀ဲတႈပဏဖ်ါထီဥ တႈသူဥဂ႕ႈသးက်႕ၚ လ႕တႈလ့ပစီသ့ဥတဖဥအက်ါနဥ့လီၚ’

သီခါဃုဂၚသ့ဥတဖဥမ့ႈ၀ဲ Fr Partick Zaw Lin Thant, Fr Bonaventure Tay Tay, Fr Gilbert Sune Sune, Fr Albert Aung Naing, Fr Bosco Saw Lar Htoo ဒီး Fr Albert Nyan Soe Nyein နဥ့လီၚ’

Fr Bosco Saw Lar Htoo အတႈတိႈထူမ့ႈ၀ဲ ဎြၚမ့ႈဎတႈအိဥတႈဆိးအလီႈ ဒီးပဏဖ်ါထီဥ၀ဲ တႈခီဥတႈရီဥတႈလ႕ အဘဥခီဖ်ိထံဥဘဥ၀ဲသ့ဥတဖဥယ ဒီးစံး၀ဲလ႕အတႈမၚန႕ၚတႈသ့ဥတဖဥ မ့ႈ၀ဲလ႕ ဎြၚအတႈဆိဥဂ့ၚအဃိနဥ့လီၚ’

Fr Albert Aung Naing အတႈတိႈထူမ့ႈ၀ဲ ပ်ံၚတႈတဂ့ၚ ဒီးပဏဖ်ါထီဥ၀ဲ အတႈပဏဒိဥဎူးဎီႈ၀ဲ ကိဥဘူဥစီဆွံ ဒီးအမိႈအတႈထုကဖဥတႈလ႕အဂီႈယ ဒီးစံး၀ဲလ႕ ပမ့ႈဟ့ဥလီၚပသး ဆူဎြၚအအိဥဒီး တႈခဲလ႕ဏကဲထီဥသ့၀ဲနဥ့လီၚ’

အတႈကတိၚစံးဘ်ဳးတႈလ႕ သီခါဃုဂၚလ႕ဏအခ႕ဥစးအပူၚ Fr Patrick Zaw Lin Thant စံးဘ်ဳး၀ဲ ပွၚလ႕အသိဥလိ ထုးစုနဲဥက်ဲတႈ ဖဲအ၀ဲသ့ဥအတႈမၚလိမၚဒိးအကတီႈယ ပွၚဘါဎြၚဖိသ့ဥတဖဥ အတႈဆီဥထြဲမၚစ႕ၚအ၀ဲသ့ဥယ ဒီးမိႈပႈသ့ဥတဖဥလ႕ အဟ့ဥမၚဘူဥအဖိခြါသ့ဥတဖဥ ဆူတႈအိဥဖွိဥကရ႕အအိဥနဥ့လီၚ’ စံးဘ်ဳး၀ဲ ကဥဒံဥနဲဥခေါလ္စ္ဘိဥ မ့ႈလ႕အပဏထီဥစု ဒုးကဲထီဥအ၀ဲသ့ဥလ႕ သီခါသ့ဥတဖဥအဃိနဥ့လီၚ’

Six Priests Mark 25 Years of Service in Pathein Citing Grace Amid Struggle