တႈဂုႈက်ဲးစ႕းကိးမံၚဒဲးအပူၚ တႈမၚန႕ၚအိဥထီဥဝဲတသ့ဘဥ ဘဥဆဥသနဏက့ တႈမၚန႕ၚကိးမံၚဒဲးအပူၚ တႈဂုႈက်ဲးစ႕ၚကဘဥအိဥဝဲန႔ဥလီၚ
တႈဂုႈက်ဲးစ႕းကိးမံၚဒဲးအပူၚ တႈမၚန႕ၚအိဥထီဥဝဲတသ့ဘဥ ဘဥဆဥသနဏက့ တႈမၚန႕ၚကိးမံၚဒဲးအပူၚ တႈဂုႈက်ဲးစ႕ၚကဘဥအိဥဝဲန႔ဥလီၚ.
လ႕ပွၚတဂၚအတႈအိဥမူအပူၚ ပစံးပဝဲသ့လ႕တႈအဂ့ၚအတ႕ႈဒီး တႈအအ႕ကတ႕ႈမ့ႈစ့ႈကီးဝဲ အတႈဂုႈက်ဲးစ႕ၚတႈန႔ဥလီၚ. တႈဂုႈက်ဲးစ႕းမ့ႈအိဥဒီးပွၚဒီး တႈမၚန႕ၚကအိဥထီဥဝဲန႔ဥလီၚ.
ပတႈထံဥသ့ဥညါလ႕အမ့ႈဝဲ ပမ့ႈဂုႈက်ဲးစ႕ၚဒီး ပကမၚန႔ႈဘဥတႈအဘ်ဴးအံၚ
တဘ်ီဘ်ီ တႈထံဥသ့ဥတဖဥအံၚကဲထီဥဝဲ တႈသးဆံးလီၚသးယ တႈလီၚဘွံးလီၚတီၚ အိဥထီဥဝဲသ့ဥတဖဥန႔ဥလီၚ. အဒိကေိဖိတဂၚဂုႈက်ဲးစ႕းလံဏတုၚမုႈနၚဒဥလဲဥဘဥဆဥ
ဖဲအတုၚတႈဒိးစဲးအလီႈဒီး တႈသံကြႈသ့ဥတဖဥ တဘဥလီႈအသးဒီးဂုႈက်ဲးစ႕းတ့ႈဝဲ သ့ဥတဖဥယ တႈဒိးစဲးအမးသ့ဥတဖဥမ့ႈတဂ့ၚဘဥအခါ တႈသူဥတမံသးတမုႈဟဲအိဥထီဥဒီး ပွၚတဘ်ီဃီန႔ဥလီၚ.
တႈလ႕ပဂုႈက်ဲးစ႕းတ့ႈလံသ့ဥတဖဥ ပတူႈဘဥလ႕အခီပညီတအိဥလ႕ၚဘဥန႔ဥလီၚ. အနီႈနီႈတခီ တႈအဝဲန႔ဥတမ့ႈတအနီႈကီႈဘဥ. မ့ႈလ႕ပတနႈပ႕ႈလီၚတံႈလီၚဆဲး တႈဂုႈက်ဲးစ႕းအခီပညီဘဥန႔ဥလီၚ. ပတႈဂုႈက်ဲးစ႕းန႔ဥ တမ့ႈထဲလ႕ ပကန႔ႈဘဥတႈအဘ်ဴး တခါဧိၚဘဥ. မ့ႈစ့ႈကီးပတႈခီဖ်ိထံဥဘဥတႈသ့ဥတဖဥယ တႈမၚလိသ့ဥတဖဥယ ပနီႈကစႈတႈသ့တႈဘဥဟဲအိဥထီဥဒီးပွၚန႔ဥလီၚ.
လ႕ပတႈအိဥမူအပူၚ တႈလ႕ပဂုႈက်ဲးစ႕းသ့ဥတဖဥ ကဘဥဟဲကဲထီဥဒီးပွၚခဲလ႕ဏန႔ဥ တအိဥဝဲဘဥ. တဘ်ီဘ်ီ တႈလ႕ပဂုႈက်ဲးစ႕းဒိဥထဲလဲဏဘဥဆဥ တကဟဲထီဥန႔ႈပွၚဘဥန႔ဥ အိဥဝဲစ့ႈကီးလီၚ. တႈလ႕ပတမုႈလႈပဏသ့ဥတဖဥဒီး တႈလ႕ပႀတီဆ႕တန႔ႈဘဥသ့ဥတဖဥ ဟဲအိဥထီဥသ့ဝဲစ့ႈကီးန႔ဥလီၚ.
လ႕တႈန႔ဥအဃိ တႈလ႕ပဂုႈက်ဲးစ႕းသ့ဥတဖဥ ပတဘဥကြႈစိပဏစ႕ၚတႈအဆ႕သ့ဥတဖဥ ဘဥ. တႈဖံးတႈမၚလ႕ ပမၚခဲအံၚသ့ဥတဖဥ ပကဘဥဂုႈက်ဲးစ႕းမၚဝဲလ႕ အဂ့ၚကတ႕ႈန႔ဥလီၚ. ဒ္န႔ဥဒီး ပမ့ႈဘဥသဂ႕ႈဒီးတႈလီၚထုးဘဥဆဥသနဏက့ ပတအိဥဝဲဒီးတႈသူဥဟးဂီၚ သးဟးဂီၚဘဥ. ပကထံဥန႔ႈက့ၚတႈလ႕အဘ်ဴးအဖွိဥအိဥလ႕ပဂီႈသ့ဥတဖဥန႔ဥလီၚ. တႈလ႕အရ႔ဒိဥကတ႕ႈမ့ႈဝဲဒဥ ပကဘဥဟံးဝဲတႈမၚလိလ႕ တႈကီတႈခဲအပူၚဒ္လဲဥဒ္လဲဥဒီး ပကဘဥလဲၚဆူညါဒ္လဲဥဒ္လဲဥန႔ဥလီၚ.
