တနံဥအတီႈပူၚ သ႕ႏြံတႏြံအိဥဘွံးနံၚ လါဎႏူၚအါရံၚ ၂၅ သီ ၂၀၂၆ယ မးသဲ (၄း ၁၂-၂၃)

တဲဘဥဃဥ တႈပီႈဎႈလီၚက့ၚသးယ တဲဘဥဃဥမူခိဥဘီမုႈယ ဒီးတဲဝဲဒဥမူခိဥဘီမုႈဟဲတုၚလ႕ ပဂီႈထံးလံယ အိဥဘူးဒီးပွၚလံ ဒီးပီႈဎႈလီၚက့ၚသးယ ဒီးလ႕ခံခါတခါန႔ဥတဲ ကစႈဎ့ဥရႉးကြဲဝဲ ဒဥ ပွၚတႈမ႕ဖိသ့ဥတဖဥ လ႕အမ့ႈဝဲဒဥ စီၚပ့ဥၾတဴး ဟဲပိဏဎခံတက့ႈ. တႈအခီဥထံးတပတီႈ ပကဆိကမိဥလ႕အဘဥဃးဒီး (Repentance) တႈပီႈဎႈလီၚက့ၚသး, တႈပီႈဎႈလီၚက့ၚ သး တမ့ႈထဲတႈဎိဎိတခါလ႕ ပတုႈဘဥတမုဏဘဥပသးတမုဏဘဥလ႕ ပတႈတဂ့ၚတဝါ ဘဥအဖီခိဥ ထဲတခါဒ္ဘဥ မ့ႈဝဲဒဥ တႈဆီတလဲပတႈအိဥမူအတႈလဲၚက်ဲ တႈဆိကမိဥ ဆိကမးသ့ဥတဖဥန႔ဥလီၚ. (It is said changes everyday life) ကိးမုႈနံၚဒဲးပတႈ လဲၚတႈက့ၚ တႈဆိကမိဥကုႈထီဥဖးလီၚတႈသ့ဥတဖဥ ပကဘဥဆီတလဲကြံဏအီၚန႔ဥလီၚ. အဃိန႔ဥ မ့ႈဝဲဒဥတႈဆိကမိဥလ႕ အဆီတလဲကြံဏအသးတုၚ အဂ့ၚတကပၚန႔ဥလီၚ. အဃိန႔ဥ ပတဲလ႕ (Repentance) တႈပီႈဎႈလီၚက့ၚသးန႔ဥလီၚ. ခံတထံဥလ႕အမ့ႈဝဲ ဎြၚအဘီ အမုႈန႔ဥအိဥဝဲဲဖဲလဲဥယ တမ့ႈဝဲဒဥတႈလီႈတႈက်ဲတခါဘဥ. မ့ႈဝဲဒဥကစႈဎ့ဥရႉးခရံဏ ကစႈဎြၚအတႈ ဒိဥစိလ႕ပပူၚ, ကစႈဎြၚအတႈပ႕လ႕ပပူၚယ (It is the rain get rule of God) ပမ့ႈတဲ လ႕မူခိဥဘီမုႈတခါန႔ႈ တမ့ႈတႈလီႈလ႕အဎံၚ လ႕အမံၚလဥလ႕အကထိ ဘဥ, မ့ႈဒဥတႈလ႕ ဎြၚအတႈဆိအတႈကမီဥ အိဥဝဲလ႕ပပူၚယအိဥလ႕ပက်ါန႔ဥလီၚ. ဎြၚအဘီအမုႈဟဲတုၚဝဲလံယ ဘူးကတုၚဝဲလံ တႈတခါန႔ဥအခီိပညီဒ္လဲဥန႔ဥ မ့ႈဝဲဒဥကစႈဎြၚ အဘီအမုႈန႔ဥ အိဥဝဲဒဥဖဲအံၚန႔ဥလီၚ. အဃိန႔ဥ (Repentance Prepare ourself) ပီႈဎႈလီႈက့ၚပသးဒီးကတဲဏကတီၚပသး ကစႈဎ့ဥရႉးခရံဏအဘီအမုႈ ဎြၚအဘီအမုႈန႔ဥ အိဥဘူးဒီးပွၚလံ, အိဥဖဲဖဲအံၚလံ. ဆီတလဲပသးဒီး တုႈလိဏက့ၚဎြၚအက်ဲလ႕ပသးပူၚန႔ဥ တ က့ႈ. တႈဆီတလဲပတႈတဂ့ၚတဝါ ပလဲၚက်ဲခဲလ႕ဏန႔ဥ ဆီတလဲက့ၚအီၚဒီး က့ၚပိဏက့ၚဎြၚအခံ, က့ၚဃဏကဒါက့ၚသးဆူဎြၚအအိဥန႔ဥ မ့ႈဝဲဒဥပတဲလ႕ (Repentance) န႔ဥလီၚ. ခဲကနံဥ အံၚ ပလဲၚတုၚတႈလီႈဖဲလဲဥ ပအိဥဖဲလဲဥ (       Where are we now) ပတုၚတႈလီႈန႔ႈ မ့ႈ တဂ့ၚယတႈဂ့ၚယၾက႕းတၾက႕းန႔ဥ ဖဲန႔ဥခါ ပဆိမိဥလီၚက့ၚပသးဒီး ပဃဥတရံးက့ၚပသးဆူ တႈ အဂ့ၚတပၚန႔ဥ အိဥလ႕တႈပီႈဎႈလီၚက့ၚ ပသးန႔ဥလီၚ. အဃိန႔ဥ ပတဲလ႕တႈပီႈဎႈလီၚက့ၚ ပသးန႔ဥ တမ့ႈလ႕တႈကမဥအိဥဒီးပွၚ ထဲန႔ဥအမဲဏညါ အရ့ဒိဥတခါလ႕အမ့ႈဝဲ တႈလ႕ကဆွဲ က့ၚပွၚ ဃဥကဒါက့ၚပသးဆူတႈဂ့ၚတကပၚန႔ဥလီၚ. ပသူဥပသးတႈပဏသူဥပဏသး ဒီးပဃဏ က့ၚပသးဆူဎြၚအအိဥဒီး ပမၚဂ့ၚထီဥက့ၚပသးန႔ဥ မ့ႈဝဲပတႈပီႈဎႈလီၚက့ၚပသးန႔ဥလီၚ. ဒီးလ႕ခံတခါန႔ဥမ့ႈဝဲဒဥ ပဝဲခရံဏဖိပတႈအိဥမူ န႔ဥ တမ့ႈတႈလ႕တႈပွဲၚဘဥ. ဘဥဆဥမ့ႈဝဲဒဥ ပတႈပီႈဎႈလီၚက့ၚပသး ထီဘိ ထီဘိ ပတႈအိဥမူအပူၚ ပလဲၚဖံးက့ၚမၚက့ၚ ကမဥတႈကိးမုႈ နံၚဒဲးဘဥဆဥ တႈပီႈဎႈလီၚက့ၚန႔ဥလိီၚ. ပဆိကမိဥလီၚက့ၚပသး တႈလ႕ဎတႈအိဥမူအပူၚ တႈလ႕ဎဆီတလဲဎသးန႔ဥ မ့ႈတႈမႏူလဲဥယ ဒ္သိးဎြၚကပ႕တႈလ႕ဎပူၚ ဎြၚကအိဥဆိးလ႕ ဎပူၚကသ့အဂီႈန႔ဥ ဎဘဥဆီတလဲကြံဏဎတႈပဏသူဥပဏသးဒ္လဲဥယ ပတလ႕တပွဲၚ နီတဂၚ ဘဥယ ပကဘဥမၚလ႕ပွဲၚပသးထီဘိယ ပကဘဥဂုဏက်႕ၚစ႕ၚထီဘိန႔ဥလီၚ. ဖဲပအိဥအလီႈ ဖဲအံၚန႔ဥ ပတဲလ႕ဎြၚကိးပွၚ ဎြၚကြဲပွၚဒ္သိး ပကဟဲက့ၚဆူအအိဥန႔ဥ ပကဘဥဆိကမိဥ ထီဘိလီၚ. ပကဘဥနဥဟူထီဘိလီၚ. လ႕ဟီဥခိဥခ်႕အိဥထဲတႈကလုႈအါမး တႈဘွ႔ဥတႈဘွီဥ တအိဥဘဥအခါန႔ဥ ပဝဲပကနဥဟူဎြၚအကလုႈ အကထါဒ္လဲဥယ တႈဘဥတႈဂ့ၚ သ့ဥတဖဥ န႔ဥ ပနဥဟူအီၚကသ့ဒ္လဲဥယ တဘ်ီဘ်ီပနဥဟူထဲ တႈလ႕တဂ့ၚတဝါသ့ဥတဖဥ ဎြၚအက လုႈအကထါလ႕ အမ့ႈတႈမ့ႈတႈတိီန႔ဥ ပတနဥဟူ လဲၚအီၚဘဥ. အဃိန႔ဥ ပသးန႔ဥ ပကဆီ တလဲက့ၚအီၚန႔ဥ ပကဆိကမိဥလီၚက့ၚ တႈလ႕အ အိဥဒီးပွၚခဲအံၚ တႈလ႕ပဆိမိဥလ႕ တႈပဏသူဥပဏသးအပူၚန႔ဥ ပဘဥဆီတလဲကြံဏအီၚဒ္လဲဥ. အဝဲန႔ဥ ကစႈဎ့ဥရႉးခရံဏကြဲဝဲဒဥ အတႈမ႕ဖိသ့ဥတဖဥ (Come After Me) ဟဲပိဏဎခံ ဒ္သိးဎကဆွ႕သုန႔ဥလီၚ. ပွၚလ႕အဖီဥညဥဒီး ကဲထီဥက့ၚပွၚလ႕အဖီဥပွၚကညီ ဒ္သိးပကလဲၚတပူၚဃီဒီး ပကအိဥ တပူၚဃီဒီး တႈအိဥမူဎိဎိဒီး တႈအိဥမူဆူအမ့ႈဝဲဒဥ တႈစီတႈဆွံအက်ဲလ႕ တႈအိဥဒီးဎြၚ န႔ဥလီၚ. လ႕ကစႈဎ့ဥရႉးခရံဏ ပူၚကြံဏအနံဥ ၂၀၀၀ ဘ်ဲဥ ကိးဝဲအတႈမ႕ဖိသ့ဥတဖဥ (Come After Me) တႈကြဲမုႈသ့ဥတဖဥအံၚန႔ဥ လ႕မုႈမဆါတနံၚအံၚ အိဥဒီးပွၚန႔ဥလီၚ. အဃိန႔ဥ တုႈလ႕အဝဲကိးပွၚ ပလဲၚပိဏအခံန႔ဥ မ့ႈဝဲဒဥ တႈလ႕ပကဘဥအိဥမူ လဲၚပိဏထြဲဒ္ ခရံဏဖိအတႈအိဥမူအသိးန႔ဥလီၚ. (Service by Giving Life) ပဝဲတႈကိးပွၚဒ္သိး ပကဟ့ဥလီၚပသး ဟ့ဥလီၚပတႈအိဥမူ မၚတႈဂ့ၚန႔ဥလီၚ. အဃ္ိန႔ဥပတဲလ႕ (Vocation) တႈကိးန႔ဥ မ့ႈဝဲဒဥပဝဲကိးဂၚအဂီႈန႔ဥလီၚ. ဆ႕ကတီႈကိးကတီႈဒဲး ကစႈဎ့ဥရႉးခရံဏကိးပွၚ န႔ဥလီၚ. ကိးပွၚခဲအံၚန႔ဥ မ့ႈလ႕ပကဆ႕ထ႕ဥဒီး ပကဆီတလဲကြံဏပတႈအိဥမူ ပကလဲၚဆူအ အိဥ ပကလဲၚပိဏအခံန႔ဥလီၚ. ပတဲလ႕ တႈသ့ဥတဖဥ မ္ကဆိကမိဥလ႕ မုႈမဆါတနံၚညါအံၚ လ႕တႏြံညါအံၚအတီႈပူၚ ပဖးလံဏစီဆွံလ႕ ကစႈဎ့ဥရႉးခရံဏတဲလ႕ ပီႈဎႈလီၚက့ၚသး မူခိဥဘီမုႈဘူးထီဥလံ ဟဲပိဏဎခံ ဎကဒုကဲသုဆူပွၚဖီဥညဥသ့ဥတဖဥန႔ဥလီၚ.