St Joseph ဖံ၀ါအကရ႕လြံဥဂၚ မၚလၚကပီၚ၀ဲ အတႈအိဥမူဒီးမၚတႈဒ္ဖံ၀ါ ပွဲၚထီဥ ၂၅ နံဥ တႈကစီဥ
St Joseph ဖံ၀ါအကရ႕လြံဥဂၚ မၚလၚကပီၚ၀ဲ အတႈအိဥမူဒီးမၚတႈဒ္ဖံ၀ါ ပွဲၚထီဥ ၂၅ နံဥ တႈကစီဥ
St Joseph ဖံ၀ါအကရ႕ ကရ႕ဖိလြံဥဂၚသ့ဥတဖဥ မၚလၚကပီၚ၀ဲ အတႈအိဥမူ ဖံးတႈမၚတႈဒ္ဖံ၀ါသ့ဥတဖဥအသိး ပွဲၚထီဥ ၂၅ နံဥ ဒီးတႈမၚကပီၚတႈအံၚ မ့ႈ၀ဲဖဲ လါဎႏူၚအါရံၚ ၂၂ သီယ လ႕၀့ႈ (ျပင္ဦးလြင္) St Joseph’s Retreat House ဒီးတႈမၚလၚကပီၚတႈအံၚ ဘဥတႈတီခိဥရိဥမဲအီၚလ႕ မီဥလမေဲဥလီႈက၀ီၚအတလးပ႕ Bishop Maurice Nyunt Wai ဒီးမါဒလ့လီႈက၀ီၚဖးဒိဥအတလးပ႕ Archbishop Marco Tin Win လုႈထီဥဃုဏသကိး တႈလုႈမံးဆါနဥ့လီၚ’
ဖဲအတႈစံဥတဲၚတဲလီၚတႈအပူၚယ Bishop Maurice ပဏဖ်ါထီဥ၀ဲ ဖံ၀ါသ့ဥတဖဥအံၚ အတႈအိဥမူအတႈလဲၚက်ဲ လ႕အအိဥ၀ဲဒီးတႈစံးဘ်ဳးက့ၚ ဎြၚအဘ်ဳးအဖွိဥနဥ့လီၚ’ ဖဲပစံးဘ်ဳးစံးဖွိဥက့ၚတႈလ႕ တႈကိးမံၚဒဲးအဂီႈအခါ တႈကိးမံၚဒဲး လဲလိဏကြံဏအသးဆူ တႈအဂ့ၚနဥ့လီၚ’
ပွၚလ႕အမၚလၚကပီၚ အတႈအိဥမူဖံမၚတႈဒ္ဖံ၀ါသ့ဥတဖဥမ့ႈ၀ဲ Sr Maria Se Khaw Lam, Sr. Cecilia Kho Sen Lun, Sr. Lucia Thandar Aung ဒီး Sr Rose Mary Myint Myint Htwe နဥလီၚ’
Sr Maria Se Khaw Lam အိဥသ့ဥနီဥထီဥက့ၚ၀ဲ အတႈဖံးတႈမၚ ဒ္ပွၚကြႈထြဲတႈ ဘဥဃးဒီးကသံဥကသီအသိးယ ဘဥလဲၚတႈဆူ ခိဥခိဥသ၀ီပူၚ လ႕ Motorcycle မ့တမ့ႈ ဘဥလဲၚတႈလ႕ခီဥ လ႕မုႈဆါမုႈနၚ နဥ့လီၚ’
Sr Lucia Thandar Aung အိဥသ့ဥနီဥထီဥက့ၚ၀ဲ အတႈဖံးတႈမၚတႈ လ႕ကြဲၚလ့လိဏ တႈမ့ႈတႈတီ (RVA) အတႈမၚလီႈ အိဥ၀ဲ ၁၃ နံဥ ဒီးစံး၀ဲလ႕ အတႈအိဥမူအံၚ ဘဥတႈမၚဂ႕ႈမၚက်႕ၚအီၚ ခီဖ်ိဎြၚအတႈသုးတႈက်ဲၚယ လ႕အဆ႕တဘ်ီဘ်ီ ခဥတဘ်ီဘ်ီနဥ့လီၚ’ ပဏဖ်ါထီဥ၀ဲအတႈမုႈလႈတႈ လ႕ခါဆူညါ ဖိသဥသ့ဥတဖဥအတႈကူဥဘဥကူဥသ့ ဒီးအတႈလဲၚထီဥလဲၚထီအဂီႈနဥ့လီၚ’
Sr Rose Mary Myint Myint Htwe စံး၀ဲလ႕ အတႈလဲၚခီဖ်ိ၀ဲ တႈစံးတႈကတိၚ ဒီးလုႈလႈလီၚဆီလိဏအသး လ႕ကီႈ Philippines ၀ံၚအလီႈခံ က့ၚက့ၚ၀ဲဆူကီႈပဎီၚ လ႕တႈသိဥလိနဲဥလိဖိသဥသ့ဥတဖဥအဂီႈနဥ့လီၚ’ သ့ဥညါဘဥ၀ဲလ႕ အတႈသိဥလိနဲဥလိတႈသ့ဥတဖဥ ကဲဘ်ဳး၀ဲလ႕ ဖိသဥသ့ဥတဖဥအဂီႈအဃိ ကဲထီဥ၀ဲတႈသးမံဖးဒိဥလ႕အဂီႈအဂ့ႈ ဖံ၀ါအံၚစံး၀ဲနဥ့လီၚ’
Sr Cecilia Kho Sen Lun စံးဘ်ဳးစံးဖွိဥဎြၚယ မ့ႈလ႕အဒိနႈ့ဘဥ၀ဲတႈဖံးတႈမၚ လ႕အကဟ့ဥလီၚအသး လ႕ပွၚလ႕အလိဥဘဥတႈမၚစ႕ၚသ့ဥတဖဥအဂီႈယ ဒီးစံး၀ဲလ႕အဖံးတႈမၚတႈ တမ့ႈ၀ဲလ႕ တႈဆိကမိဥလီၚဒဥထဲ ကစႈဒဥ၀ဲအဂီႈဘဥဒီး ဒီးမၚသီထီဥက့ၚကဒီးအတႈအ႕ဥလီၚအီလီၚအသး လ႕အတႈဖံးတႈမၚအဂီႈနဥ့လီၚ’
တႈမၚလၚကပီၚတႈအံၚယ မ့ႈ၀ဲတႈပဏဖ်ါထီဥ ဖံ၀ါသ့ဥတဖဥ အတႈဖံးတႈမၚတႈလ႕ တႈကြႈထြဲမၚစ႕ၚတႈလ႕ တႈအိဥဆူဥအိဥခ့်ယ တႈကူဥဘဥကူဥသ့ ဒီးလ႕ တႈဆီဥထြဲမၚစ႕ၚ ပွၚကြႈသိအတႈဖံးတႈမၚ လ႕မါဒလ့တလးပ႕လီႈက၀ီၚဖးဒိဥအပူၚယ ဒီးအါတက့ႈမ့ႈ၀ဲလ႕ ပွၚလ႕အဘဥတႈတကနဥဃုဏအီၚသ့ဥတဖဥအက်ါနဥ့လီၚ’
Four Myanmar SJA Sisters Marks 25 Years of Service in Remote Clinics, Classrooms and Media
