တနံဥအတီႈပူၚ ၆ ႏြံတႏြံအိဥဘွံးနံၚ    Year A  ဖ့ႀဘဴၚအါရံၚ ၁၅ သီ ၂၀၂၆

မးသဲ ၅း၁၇”၃၇

မုႈတနံၚအံၚ လံဏတႈသးခုကစီဥ သိဥလိနဲဥလိပွၚလ႕ ပွၚဎူဒၚဖိသ့ဥတဖဥ အတႈဒိကနဥလူၚပိဏထြဲ၀ဲတႈသိဥတႈသီ ဒီးကစႈဎ့ဥရွဴးခရံဏအတႈသိဥလိနဲဥလိတႈ ဘ်းစဲလိဏအသး ဒ္လဲဥဒ္လဲဥအဂ့ႈနဥ့လီၚ’ ပွၚကြဲးလံဏတႈသးခုကစီဥ မးသဲ ဒုးနႈပ႕ႈ၀ဲပွၚလ႕အဖးအတႈကြဲးသ့ဥတဖဥ ဘဥဃးဒီး ကစႈဎ့ဥရွဴးခရံဏအတႈကတိၚလ႕အမ့ႈ၀ဲ တႈသိဥတႈသီမ့ႈဂ့ၚယ ၀ံသ့ဥတဖဥအကလုႈမ့ႈဂ့ၚယ တဟဲမၚဟးဂီၚ၀ဲဘဥဒီး မ့ႈလ႕အကဟဲမၚလ႕ထီဥပွဲၚထီဥ၀ဲနဥ့လီၚ’ ကစႈဎ့ဥရွဴးခရံဏစံး၀ဲယ မူခိဥဒီးဟီဥခိဥ တဒံမုႈဒံဖ်ိးကြံဏဒံးဘဥဒီး လံဏတႈမၚလိဏအဖ်႕ဥဆံးတဖ်႕ဥမ့ႈဂ့ၚယ အန႕ဥဖိတန႕ဥမ့ႈဂ့ၚယ တခ်ဳးလ႕ထီဥပွဲၚထီဥဒံးဘဥခဲလ႕ဏဒီးယ တဟးဂီၚဘဥ၀ဲဘဥ နဥ့လီၚ’

တမ့ႈလ႕ကစႈဎ့ဥရွဴးခရံဏ ဟဲဒီးမၚဟးဂီၚကြံဏတႈသိဥတႈသီဘဥ’ မ့မ့ႈတခီယ မ့ႈ၀ဲအတႈပဏဖ်ါထီဥ တႈဆိကမိဥအသီ ဘဥဃးဒီးတႈသိဥတႈသီ နဥ့လီၚ’ လ႕ကစႈဎ့ဥရွဴးခရံဏအဂီႈယ တႈလူၚပိဏထြဲဖီခိဥ တႈသိဥတႈသီ တမ့ႈတႈလ႕အ၀ံၚ၀ဲဘဥနဥ့လီၚ’ ဒ္သိးုပကမ့ႈ၀ဲ ကစႈဎ့ဥရွဴးခရံဏအပ်ဲဥအဘီဥနီႈနီႈအဂီႈယ ပတႈအိဥမူအိဥဂဲၚအတႈခီဥထံး ကဘဥမ့ႈ၀ဲလ႕ တႈအခီပညီဒိဥ၀ဲအဖီခိဥနဥ့လီၚ’ အအံၚယ မ့ႈ၀ဲ ပတႈအဲဥလိဏကြံလိဏပသး ဎဥခီဃဥခီ သူဥအိဥသးအိဥလိဏပသး ဎဥခီဎဥခီနဥ့လီၚ’ တႈလူၚပိဏထြဲတႈသိဥတႈသီ လ႕အတအိဥဒီးတႈသူဥတုၚလီၚသးတုၚလီၚ မ့ႈတႈလ႕အလီၚဂဏဒ္ နီႈခိမိႈပွႈလ႕ အသးသမူတအိဥ၀ဲအသိးနဥ့လီၚ’

ကစႈဎ့ဥရွဴးခရံဏစံးကဒီး၀ဲယ သုတႈတီတႈလိၚ မ့ႈတအါနႈ့ ပွၚကြဲးလံဏဒီးပွၚဖၚရံၚရွဲအတႈတီတႈလိၚဘဥဒီးယ သုတလဲၚႏုဏဘဥဆူ မူခိဥအဘီအမုႈအပူၚဘဥ’ နဥ့လီၚ’ ပွၚကြဲးလံဏ ဒီးပွၚဖၚရံၚရွဲသ့ဥတဖဥ မ့ႈ၀ဲပွၚသ့ဥတဖဥလ႕ အလူၚပိဏထြဲ၀ဲ တႈသိဥတႈသီ လီၚတံႈလီၚဆဲးနဥ့လီၚ’ ဒ္တႈသိဥတႈသီ အတႈမ႕နႈ့ဆီဥခံတႈအိဥ၀ဲအသိး အ၀ဲသ့ဥလူၚပိဏထြဲဖီိခိဥတႈ လီၚတံႈလီၚဆဲးယ ဘဥဆဥယ တမ့ႈတႈလ႕ အအိဥသူဥလီၚအသးလ႕ တႈသိဥတႈသီအတႈခီဥထံးလ႕အမ့ႈ၀ဲလ႕ ပွၚကညီအသူဥအသးအပူၚဘဥနဥ့လီၚ’ ဒီးအအံၚမ့ႈ၀ဲ တႈအဲဥဎြၚ ဒီးတႈအဲဥပွၚကညီ အတႈဘ်းစဲလိဏအသး နဥ့လီၚ’

ဒ္သိးပကမ့ႈ၀ဲ ဎြၚပကစႈအပ်ဲဥအဘီဥအမ့ႈအတီအဂီႈယ ပတႈဒိကနဥလူၚပိဏထြဲ၀ဲ တႈသိဥတႈသီ တမ့ႈတႈလ႕အ၀ံၚဒ္၀ဲဘဥနဥ့လီၚ’ ပတႈလူၚပိဏထြဲတႈသိဥတႈသီသ့ဥတဖဥ အသုတဘဥမ့ႈ၀ဲထဲ တႈလ႕အအိဥဖ်ါ၀ဲလ႕ ပတႈအိဥမူအိဥဂဲၚအဖီခိဥဘဥဒီး ကဘဥမ့ႈ၀ဲတႈလူၚပိဏထြဲတႈလ႕ ပသူဥပသးအပူၚနဥ့လီၚ’

လ႕အတႈဒိကနဥလူၚပိဏထြဲ၀ဲတႈသိဥတႈသီအပူၚယ ပွၚဖၚရံၚရွဲသ့ဥတဖဥ အဲဥဒိးပဏဖ်ါထီဥ၀ဲအလ႕ အဒိကနဥဎြၚယ ဘဥဆဥယ တကနဏဃုဏ၀ဲ ပွၚကညီသ့ဥတဖဥ အတႈလိဥဘဥတႈသ့ဥတဖဥဘဥ နဥ့လီၚ’ အ၀ဲသ့ဥယ အသးအိဥဒဥ၀ဲလ႕ အကစႈဒဥ၀ဲအတႈလ႕တႈပွဲၚအဂီႈနဥ့လီၚ’ (ပစံးတႈကလိဏယ ဖဲပလဲၚပ်ႈပတႈကမဥအခါယ မ့ႈလ႕ပမၚဘဥဒိဘဥထံးကစႈဎြၚအဃိ ပလဲၚပ်ႈပတႈကမဥနဥ့လီၚ’ မ့ႈ၀ဲပတႈ တကနဏဃုဏတႈယ မ့ႈ၀ဲပတႈလုႈသ့ဥခါပတဏ တႈသိဥတႈသီသ့ဥတဖဥနဥ့လီၚ’ ဘဥဆဥယ ပတႈကမဥယ ပတႈဒဲးဘးသ့ဥတဖဥအံၚ ဒုးအိဥထီဥ၀ဲ တႈဘဥဒိဘဥထံးလ႕ ပွၚဂၚသ့ဥတဖဥအဖီခိဥ ဆံးအါဆံးအါယ ပတႈကြႈထံဆိကမိဥလီၚက့ၚပသး ထဲနဥ့ဘဥ နဥ့လီၚ’

မ့မ့ႈလ႕ကစႈဎ့ဥရွဴးခရံဏအဂီႈယ တႈရ့လိဏပသးဒီးဎြၚ ဒီးပတႈရ့လိဏပသးဒီးပွၚကညီ တမ့ႈတႈလ႕အလီၚဆီလိဏအသးဘဥအဂ့ႈ သိဥလိနဲဥလိပွၚနဥ့လီၚ’ (၁ ဎိၚဟဥ ၃း၁၄”၁၅) စံး၀ဲလ႕ ပမ့ႈတထံဥနႈ့ ကစႈဎြၚလ႕ ပဒီပုႈ၀ဲႈသ့ဥတဖဥအက်ါဘဥဒီး ပကစံးလ႕ပအဲဥဎြၚနဥ့ယ ပစံးတသ့၀ဲဘဥနဥ့လီၚ’

မၚကဒီးတဘ်ီယ လ႕တႈသိဥတႈသီအပူၚ တႈကြဲးအသးမ့ႈ၀ဲယ သုတမၚသံပွၚကညီတဂ့ၚ”နဥ့လီၚ’ ကစႈဎ့ဥရွဴးခရံဏတခီစံး၀ဲလ႕ ပသုတဘဥသူဥထီဥသးထီဥတႈ ပသုတဘဥအိဥဒီးတႈသူဥဒိဥသးဖ်ိးတဂ့ၚနဥ့လီၚ’ ပသုတဘဥဆိဥအ႕ဆိဥသီပွၚအဂၚတဂ့ၚ နဥ့လီၚ’ ကစႈဎ့ဥရွဴးခရံဏ သးအိဥဒုးနႈပ႕ႈပွၚလ႕ ပကဘဥ ပဏဒိဥပဏကဲ တဂၚဒီးတဂၚ အသူးအသ့ဥ လၚကပီၚနဥ့လီၚ’ ဘဥမႏုလဲဥ”ပွၚကိးဂၚဒဲး ဘဥတႈအဲဥကြံအီၚလ႕ဎြၚယ ဒီးလ႕အ၀ဲသ့ဥကိးဂၚဒဲးအဂီႈ ဖိကစႈ လုႈထီဥတ့ႈလံ၀ဲအသးသမူ လ႕ထူဥစုညါအလိၚ နဥ့လီၚ’ ပမ့ႈတပဏဒိဥပဏကဲ ပမ့ႈတပဏလုႈဒိဥပွၚ့ဒိဥ ပဒီပုႈ၀ဲႈသ့ဥတဖဥ လ႕ပသူဥပသးအပူၚဘဥဒီး ပကစံးလ႕ ပပဏဒိဥပဏကဲဎြၚ တသ့၀ဲဘဥနဥ့လီၚ’

တႈအိဥမူအိဥဂဲၚ ဒီးတႈဘူဥထီဥဘါထီဥတႈ မ့ႈ၀ဲတႈသ့ဥတဖဥလ႕ ပွၚပဏလီၚဆီအီၚ ပွၚပဏလီၚဖးအီၚ တသ့၀ဲဘဥနဥ့လီၚ’ မ့ႈ၀ဲတႈသ့ဥတဖဥလ႕ အဘဥဃး ဘ်းစဲလိဏအသး ဎႈခီဎႈခီနဥ့လီၚ’ တဘ်ီဘ်ီယ ပလဲၚ၀ဲဆူတႈလုႈမံးဆါယ ဘဥဆဥယ လ႕အဂၚတကပၚယ ပလိဥဘဥဒ္၀ဲလ႕ ပကဘဥမၚဘဥလိဏဖိးဒ့လိဏပသးဒီး ပွၚလ႕ပမၚဘဥဒိဘဥထံးအီၚနဥ့လီၚ’ ကဲထီဥဒ္အံၚ သ့၀ဲနဥ့လီၚ’ ပမ့ႈမၚဘဥဒိဘဥထံးပွၚအဂၚဒီး ပကစံး၀ဲလ႕ ပအဲဥကြံကစႈဎ့ဥရွဴးခရံဏ တသ့၀ဲဘဥနဥ့လီၚ’

အအံၚယ တခ်ဳးလ႕ပဒိးနႈ့ဘဥဒ္၀ဲ ကိဥဘူဥစီဆွံအကတီႈ ပမၚ၀ဲ တႈဆ႕ဂ့ၚဆ႕၀ါလိဏသးတဂၚဒီးတဂၚ အခီပညီနဥ့လီၚ’ ဖဲနဥ့အကတီႈယ ပမ့ႈဆ႕ဂ့ၚဆ႕၀ါ ပွၚလ႕ပကဘဥမၚဘဥလိဏက့ၚပသးဒီးအီၚယ ပွၚလ႕အတဘဥသူဥတဘဥသးဒီးပွၚ သ့ဥတဖဥဒီး ကမ့ႈတႈလ႕အခီပညီဒိဥ၀ဲနဥ့လီၚ’

မၚကဒီးတဘ်ီယ တႈမၚလိဏအဂၚတထံဥမ့ႈ၀ဲ သုတဘဥအဲဥဘ႕မါအဲဥဘ႕၀ၚတဂ့ၚ နဥ့လီၚ’ လ႕ပွၚခံဂၚအက်ါ အစွၚကတ႕ႈတဂၚ အိဥလံ၀ဲဒီးအမါ မ့တမ့ႈအ၀ၚ ဒီး ပွၚခံဂၚအံၚ အတႈအိဥဃုဏ မံဃုဏဂဲၚဃုဏ မ့ႈ၀ဲတႈအဲဥဘ႕မါ မ့တမ့ႈ တႈအဲဥဘ႕၀ၚနဥ့လီၚ’ လ႕ပွၚဎူဒၚဖိသ့ဥတဖဥအပွၚတ၀႕အပူၚယ မ့ႈ၀ဲတႈကမဥလ႕ အဒိဥ၀ဲယ ဒီးႀက႕းလ႕ပွၚကြံဏသံ ပွၚလ႕အမၚကမဥတႈဒ္အံၚ လ႕လ႕ႈနဥ့လီၚ’ မ့မ့ႈလ႕ကစႈဎ့ဥရွဴးခရံဏတခီ တႈအဲဥဘ႕မါ မ့တမ့ႈ တႈအဲဥဘ႕၀ၚ ကဲထီဥလံ၀ဲဖဲ တႈဆိကမိဥဒ္အံၚ ဟဲအိဥထီဥလံ၀ဲလ႕ မတၚတဂၚ အသူဥအသး အတႈဆိကမိဥအပူၚ လံၚလံၚလံနဥ့လီၚ’ ဒီးပွၚတသ့ထံဥအီၚလ႕ မဲဏအတႈထံဥဘဥဒီး မ့ႈဒဥလ႕ ပကစႈဒဥ၀ဲပသ့ဥညါလီၚက့ၚ ပတႈအိဥအသးယ မ့ႈဒဥထဲဎြၚ ထံဥအီၚနဥ့လီၚ’

အခီပညီယ တႈကဲထီဥအသးလ႕ တႈခ်႕အမဲဏညါယ ပတႈပဏသူဥပဏသး မ့ႈ၀ဲဒ္လဲဥဒ္လဲဥနဥ့ မ့ႈတႈလ႕အကါဒိဥ၀ဲနဥ့လီၚ’ ပသုတဘဥထံဥပွၚအဂၚတဂၚလ႕ ပကစႈဒဥ၀ဲပတႈမုဏသူဥမုဏသးအဂီႈဘဥဒီး ပသုတဘဥသူ၀ဲပွၚအဂၚ ဒ္တႈအပီးအလီ လ႕တႈမၚမုဏသူဥမုဏသးပကစႈဒဥ၀ဲအဂီႈဘဥနဥ့လီၚ’

မ့မ့ႈဒ္နဥ့ဒီး ကဲထီဥ၀ဲတႈဘဥဒိဘဥထံးယ ကဲထီဥ၀ဲတႈမၚဟးဂီၚသူးသ့ဥလၚကပီၚလ႕ ပွၚခံခီဎႈဘးအဂီႈနဥ့လီၚ’ တႈအဲဥဘ႕မါ အဲဥဘ႕၀ၚယ မ့ႈ၀ဲတႈမၚကမဥတႈလ႕ အဒူဥခ်႕လိဏအသးဒီး တႈတ့တႈဖ်ီအတႈပနီဥစီဆွံယ မ့ႈ၀ဲတႈမၚကမဥ မၚဘဥဒိ ပွၚဂၚအမါ မ့တမ့ႈ ပွၚဂၚအ၀ၚ လ႕အတႈကမဥတအိဥ၀ဲတဂၚယ မ့ႈ၀ဲတႈမၚဘဥဒိ မၚကမဥ ပွၚဂၚအဒူဥဖိထ႕ဖိ အဟံဥဖိဃီဖိနဥ့လီၚ’ မ့ႈ၀ဲတႈမၚဘဥဒိ နီႈဒီမါ၀ၚ အတႈနဏနႈ့လိဏအသးယ မ့ႈ၀ဲတႈမၚဘဥဒိ ပွၚအဂၚအတႈသူဥတီသးတီလိဏအသးနဥ့လီၚ’

(ပတဆ႕မုႈလႈ၀ဲလ႕ နီႈဒီမါ၀ၚသ့ဥတဖဥ ကအိဥလီၚဖးလိဏအသးဘဥနဥ့လီၚ’”(        ) ပဖးဘဥ၀ဲနဥ့လီၚ’ ကမ့ႈတႈလ႕ အဘဥထြဲလိဏအသးဒီးတႈသိဥတႈသီနဥ့လီၚ’ ဘဥဆဥယ လ႕ကစႈဎ့ဥရွဴးခရံဏအဂီႈယ နီႈဒီမါ၀ၚသ့ဥတဖဥ အတႈအိဥလီၚဖးလိဏအသးယ မ့ႈ၀ဲတႈမၚဘဥဒိဘဥထံး ပိဏမုဥလ႕အထီဥပွႈလံတဂၚအံၚ အသူးသ့ဥလၚကပီၚယ ဒီးအတႈခြဲးတႈဎဏနဥ့လီၚ’ တႈပဏတ့ႈကြံမါ မ့တမ့ႈ တႈပဏတ့ႈကြံဏ၀ၚယ မ့ႈ၀ဲတႈကြႈဆိကမိဥလီၚဒဥထဲ ကစႈဒဥ၀ဲအဂီႈယ ဒီးတမ့ႈလ႕ၚတႈလ႕အအိဥဒီး တႈတီတႈလိၚလ႕ၚဘဥနဥ့လီၚ’

ပသုတဘဥဆိဥလီၚပသးဘဥနဥ့လီၚ’ မ့ႈ   မ့ႈ     တမ့ႈ   တမ့ႈဘဥ 

ဖဲကစႈဎ့ဥရွဴးခရံဏအဆ႕ကတီႈယ ဒ္သိးပွၚကပဏတီပဏလိၚပွၚသး လ႕ပွၚအါဂၚအမဲဏညါအဂီႈယ ပွၚဆိဥလီၚပွၚသး လ႕ဎြၚအမဲဏညါနဥ့လီၚ’ မုႈတနံၚအံၚ ကစႈဎ့ဥရွဴးခရံဏအတႈသိဥလိနဲဥလိပွၚမ့ႈ၀ဲယ ဎြၚဖိဎြၚလံၚလ႕အဂ့ၚ၀ဲယ တႈအိဥဖွိဥကရ႕ဖိလ႕အတီ၀ဲလိၚ၀ဲတဂၚအံၚယ တလိဥလ႕အကဘဥဆိဥလီၚအသးဘဥနဥ့လီၚ’ ဎြၚဖိဎြၚလံၚလ႕အတီ၀ဲ လိၚ၀ဲတဂၚလႈလႈယ မ့ႈပွၚလ႕ ပွၚနဏနႈ့အီၚသ့၀ဲယ မ့ႈပွၚလ႕ ပွၚသနၚ့အသးလ႕အီၚသ့၀ဲယ မ့ႈလ႕အမ့ႈ၀ဲ ပွၚတီပွၚလိၚသပွႈကတ႕ႈအဃိနဥ့လီၚ’ ဖဲပွၚတဂၚအံၚ စံးတႈကတိၚတႈအခါ ပွၚနဏနႈ့အီၚသ့၀ဲယ ဒီးတလိဥလ႕အကဘဥပဏဖ်ါထီဥ၀ဲ တႈနီတမံၚလ႕ၚဘဥနဥ့လီၚ’

ပကဘဥအိဥဒီးတႈပလီႈသူဥပလီႈသးနဥ့လီၚ’ တဘ်ီဘ်ီယ လ႕ပ၀ဲသ့ဥအက်ါတနီၚနီၚယ ပဆိကမိဥ၀ဲလ႕ယ တႈဒိကနဥလူၚပိဏထြဲတႈမၚလိဏသ့ဥတဖဥ ဒီးတႈသိဥတႈသီသ့ဥတဖဥ မ့ႈတႈလ႕အလ႕ပွဲၚလံ၀ဲလ႕ ပဂီႈလံနဥ့လီၚ’ တဘ်ီဘ်ီပစံး၀ဲလ႕ တႈကမဥတခါအံၚ မ့ႈတႈကမဥအဒိဥဧါယ မ့ႈတႈကမဥအဆံးဧါယ နဥ့လီၚ’ တႈကမဥမ့ႈဆံးဒီး ဎမၚသ့၀ဲလီၚ’ ပဆိကမိဥ၀ဲဒ္နဥ့လီၚ’

ဎြၚဖိဎြၚလံၚ မ့တမ့ႈ တႈအိဥဖွိဥကရ႕ဖိအတီအလိၚယ မ့ႈဒဥပွၚလ႕အအဲဥကြံဎြၚယ အဲဥကြံကစႈဎ့ဥရွဴးခရံဏယ အဲဥကြံ၀ဲ အဒီပုႈ၀ဲႈမုဥ ဒီပုႈ၀ဲႈခြါသ့ဥတဖဥနဥ့လီၚ’ လ႕အ၀ဲသ့ဥအတႈဆိကမိဥတႈအပူၚ အိဥဒဥလ႕ မ့ႈ”ဎကသ့မၚ ခ့ပွၚအတႈမၚလ႕ ဎြၚ ဒီးလ႕ဎဒီပုႈ၀ဲႈသ့ဥတဖဥအဂီႈ ဒ္လဲဥယ မ့ႈဎကသ့အဲဥကြံပွၚသ့ဥတဖဥအံၚ အါထီဥဒီးအါထီဥ ဒ္လဲဥ’ ဒီးလ႕အ၀ဲသ့ဥအသးပူၚ အိဥဒဥလ႕ အကသ့မၚဃုဏတႈဒီး ကစႈဎ့ဥရွဴးခရံဏယ မၚဃုဏတႈဒီးအဒီပုႈ၀ဲႈသ့ဥတဖဥ လ႕တႈတ့ဘွီထီဥ ဎြၚအဘီအမုႈအဂီႈ ဒ္လဲဥ နဥ့လီၚ’

တမ့ႈလ႕တႈသိဥတႈသီ အတႈမ႕နႈ့ဆီဥခံအီၚဘဥဒီးယ ဆိကမိဥဒဥ၀ဲလ႕ မ့ႈအကသ့မၚတႈ လ႕ဎြၚဘီဎြၚမုႈအဂီႈ ဆံးအါဆံးအါလဲဥ’ မ့ႈအသးကအိဥမၚတႈ လ႕အဒီပုႈ၀ဲႈ ပိဏမုဥပိဏခြါသ့ဥတဖဥအဂီႈ ဆံးအါလဲဥနဥ့လီၚ’