ပွၚအကထိဒီးအကထိသ့ဥတဖဥ လဲၚအိဥဖွိဥရိဖွိဥဝဲလ႕ ကီႈပဎီၚယ (Maryland)အသဝီ လ႕တႈမၚလၚကပီၚ မုႈကနီၚနီႈမၚရံလ႕ ၀့ႈ (Maryland) တႈကစီဥ

တႈအိဥဖွိဥကရ႕အကထိဒီးအကထိလ႕၀့ႈပသံဥတလးပ႕လီႈကဝီၚပူၚသ့ဥတဖဥ လဲၚအိဥဖွိဥရိဖွိဥ သကိးဝဲလ႕ (Maryland) နီႈမၚရံအတႈလီႈစီဆွံဒီး တမ့ႈထဲလ႕တႈမၚလၚကပီၚ မုႈကနီၚနီႈမၚရံဘဥဒီး မ့ႈဝဲဃုဏဒီး တႈက်ဲးစ႕းဒိးန႔ႈတႈဎါဘ်ါကြံဏဒီး ဃ့ထုကဖဥန႔ႈတႈလ႕ ထံကီႈအတႈမုဏတႈခုဥအဂီႈ န႔ဥလီၚ.

ကိးနံဥဒဲးတႈမၚလၚကပီၚတႈအံၚ မ့ႈဝဲဖဲလါဖ့ၾဘဴးအါရံၚ ၁၀ သီဒီး ၁၁ သီန႔ဥလီၚ. ထုးန႔ႈဝဲပွၚလဲၚဘူဥ ဘါတႈဖိ လ႕၀့ဥပသံဥလီႈကဝီၚအပူၚ ဆူတႈလီႈစီဆွံလ႕ အဘဥတႈဒုးအိဥထီဥအီၚ ဖဲအပူၚကြံဏ ၂၅ နံဥအတီႈပူၚန႔ဥလီၚ. တႈမၚလၚကပီၚတႈအံၚ ဘဥတႈစးထီဥအီၚဖဲ လါဖ့ၾဘဴးအါရံၚ ၁၁ သီယ ဃုဏဒီးဟါလီၚခီတႈလုႈမံးဆါ လ႕အဘဥတႈလုႈထီဥအီၚလ႕ Msgr. Pius Win Than

ဃုဏဒီး၀့ႈပသံဥလီႈကဝီၚအတလးပ႕ Henry Eikhlein ဒီးသီဘူဥသီခါအါဒံအါဂၚသ့ဥတဖဥယ ပွၚလ႕ အပဏစီဆွံအသးသ့ဥတဖဥယ ဒီးတႈအိဥဖွိဥကရ႕ဖိအကထိဒီးအကထိသ့ဥတဖဥန႔ဥလီၚ. တႈလုႈမံးဆါ လ႕ တႈဎါဘ်ါပွၚဆူးပွၚဆါသ့ဥတဖဥအဂီႈလီၚလီၚဆီဆီ ထုးဖွိဥပဏဖွိဥဝဲပွၚဆူးပွၚဆါအါဒံအါဂၚ လ႕အအးလီၚသကိးအတႈလိဏဘဥတႈဆူ နီႈမၚရံအတႈထုကဖဥစ႕ၚန႔ႈတႈအအိဥန႔ဥလီၚ.

တႈမၚလၚကပီၚတႈအမုႈ ဖဲလါဖ့ၾဘဴးအါရံၚ ၁၁ သီအမုႈနံၚအပူၚ တလးပ႕ Henry Eikhlein တီခိဥ ရိဥမဲလုႈထီဥဝဲတႈလုႈမံးဆါ ဃုဏဒီးသီဘူဥသီခါအါန႔ႈအဂၚ (၃၀) သ့ဥတဖဥန႔ဥလီၚ. ဖဲအတႈကတိၚ အိးထီဥတႈအပူၚ တလးပ႕စံးဝဲလ႕ တႈမၚအသးအံၚမ့ႈဒဥဎြၚအတႈဆိဥဂ့ၚလီၚလီၚဆီဆီ  ဒီးကြဲမုႈဝဲ ပွၚခဲလ႕ဏဒ္သိးကဃ့ထုကဖဥတႈလ႕ တႈမုဏတႈခုဥအဂီႈန႔ဥလီၚ.မ္ပကဃ့ထုကဖဥသကိးလ႕ ကီႈပဎီၚဒီး ဟီဥခိဥဒီဘ့ဥအတႈမုဏတႈခုဥ ဒီးတႈအီဥကူးအီပွဲၚကအိဥဝဲအဂီႈန႔ဥလီၚ.

Fr. Bosco Saw Hlar Htoo စံဥတဲၚတဲလီၚတႈ ဘဥဃးဒီးခရံဏအကလုႈကထါလ႕ ထူဥစုညါအလိၚ လ႕အမ့ႈဝဲ ကြႈသုမိႈတက့ႈ. ဒ္အမ့ႈတႈကတိၚလ႕အဘဥတႈဟ့ဥလီၚဆူ ပွၚစူႈပွၚနဏဖိခဲလ႕ဏသ့ဥ တဖဥအအိဥ တမ့ႈထဲလ႕အပ်ဲႈအဘီဥလ႕အအဲဥအီၚတဂၚဘဥန႔ဥလီၚ. ဖဲအပဏဖ်ါထီဥဝဲ (Maryland) အတႈစံဥစိၚတဲစိၚအပူၚ စံးဝဲလ႕တႈလဲၚဘူဥဘါသကိးတႈဆူ တႈလီႈတႈက်ဲအံၚ ဘဥတႈစးထီဥအီၚလ႕ သီခါ ကရ႕ခိဥ Charles Bo ဖဲအနံဥ (၂၀၀၀) အကတီႈန႔ဥလီၚ.

သီခါ Bosco ပဏဖ်ါထီဥဝဲတႈဂ့ႈတႈက်ိၚဘဥဃးဒီး နီႈမၚရံအတႈလီႈစီဆွံအမံၚဆူသဥဖ်ါ ဒ္အမ့ႈတႈလီႈတႈက်ဲလ႕အဘဥဃးဒီးတႈဆိဥဂံၚအဂ့ႈန႔ဥလီၚ. ဖဲန႔ဥစံးဝဲလ႕ ပိဏမုႈသးစႈတဂၚလ႕ အတူႈဘဥဝဲတႈပူၚလီႈလ႕အမဲဏသဥ နးနးကလဲဏယ လ႕ပွၚဎါဘ်ါကြံဏအီၚတန႔ႈဝဲတဂၚ ထုကဖဥတႈ လ႕နီႈမၚရံအတႈဂီၚစိးပ်ၚ လ႕ပွၚဟဲစိဏအၚီလ႕ ကီႈ France အမဲဏညါ လ႕နဥရံဏအါဝဲန႔ဥလီၚ. အဝဲ ဘဥတႈဎါဘ်ါကြံဏအီၚလ႕ တႈလီၚလိဏလီၚလးအပူၚအဃိ ကဲထီဥဝဲတႈပနီႈတမံၚ ဒ္သိးပွၚကတ့ဘွီ ထီဥ နီႈမၚရံအတႈလီႈစီဆွံအဂီႈန႔ဥလီၚ.

အါန႔ႈ (၂၅) နံဥအတီႈပူၚ ကိးနံဥဒဲးတႈမၚလၚကပီၚနီႈမၚရံအမူးအံၚ ထူးဖွိဥ၀ဏဖွိဥဝဲပွၚဘါဎြၚဖိလ႕ ပဂံႈ ထီဥဒြးထီဥအီဥတလ႕ဏဝဲသ့ဥတဖဥန႔ဥလီၚ. ပွၚဟဲဝဲလ႕တႈလီႈစီဆွံအံၚ တမ့ႈထဲအကစံးဘ်ဳးစံးဖွိဥက့ၚ တႈလ႕ အဝဲသ့ဥတဖဥဒိးန႔ႈဘဥတႈဆိဥဂ့ၚသ့ဥတဖဥဘဥဒီး ဒ္သိးအကဃ့ကညးကဒီးတႈဆိဥဂ့ၚ အသီယ အကမၚဆူဥထီဥအတႈစူႈတႈနဏ ခီဖ်ိတႈထုကဖဥဒီး တႈလုႈထီဥတႈသ့ဥတဖဥအဂ့ႈ       Fr. Bosco စံးဝဲန႔ဥလီၚ.

ကတိၚဟ့ဥဂံႈဟ့ဥဘါဝဲပွၚဘါဎြၚဖိသ့ဥတဖဥ ဒ္သိးအကသန႔ၚသကိးအသး လ႕နီႈမၚရံအတႈထုကဖဥစ႕ၚတႈအပူၚ ဒီးစံးဝဲလ႕ တႈဆိဥဂ့ၚလ႕အဎြၚလီၚဆူတႈအိဥဖွိဥကရ႕အပူၚ မုႈမဆါတနံၚအံၚ မ့ႈတႈလ႕အဘဥထြဲလိဏအသးဒီး တႈဎူးဎီဥပဏကဲဎြၚအမိႈန႔ဥလီၚ. တႈမၚလၚကပီၚ နီႈမၚရံလ႕ (Maryland) အသဝီအံၚ အိဥဖ်ါဝဲဒ္တႈအိဥဖွိဥကရ႕ဖိသ့ဥတဖဥ အတႈအုဥအသးလ႕ အတႈစူႈတႈနဏအမူဝဲအဂီႈယ လီၚဆီဒဥတႈ အိဥဝဲဒီးတႈအခီပညီလ႕ ကီႈပဎီၚအံၚမုႈလႈဝဲ တႈမုဏတႈခုဥယ တႈဎါဘ်ါကြံဏတႈဒီး တႈမၚဃူမၚဖိးက့ၚတႈသ့ဥတဖဥန႔ဥလီၚ.