တႈကီၚသူဥကီၚသး ၁ တႏြံအိဥဘွံးနံၚ လါဖ့ႀဘဴၚအါရံၚ ၂၂ သီ ၂၀၂၆မးသဲ ၄း၁”၁၁
တႈကီၚသူဥကီၚသး ၁ တႏြံအိဥဘွံးနံၚ လါဖ့ႀဘဴၚအါရံၚ ၂၂ သီ ၂၀၂၆
မးသဲ ၄း၁”၁၁
တႈကီၚသူဥကီၚသးအဆ႕ကတီႈ မ့ႈ၀ဲ ဆ႕ကတီႈလ႕ တႈကတဲႈကတီၚပသး လ႕အဘဥဃးဒီးနီႈသး ဒ္သိးပကမၚန႕ၚကြံဏ တႈလ့တႈပစီသ့ဥတဖဥအဂီႈနဥ့လီၚ’ မ့ႈစ့ႈကီးဆ႕ကတီႈလ႕ တႈပီႈဎႈလီၚက့ၚပသး လ႕ပတႈဒဲးဘးအဂီႈ ဒီးမၚသီထီဥက့ၚ ပတႈအိဥမူအိဥဂဲၚယ ဒ္နဥ့ဒီးယ ပကသ့မၚလၚမၚကပီၚဃုဏတႈ လ႕အံဥစတ႕ႈ ခရံဏအတႈဂဲၚဆ႕ထ႕ဥသမူထီဥက့ၚ အမူးဖးဒိဥအပူၚယ ဒ္အမၚန႕ၚကြံဏ၀ဲ တႈဒဲးဘးဒီးတႈသံ ခီဖ်ိအတႈတူႈ၀ဲတႈနးတႈဖွီဥယ ဒီးတႈသံ ဒီးအတႈဂဲၚဆ႕ထ႕ႈသမူထီဥက့ၚအဃိနဥ့လီၚ’
မုႈတနံၚအံၚ လံဏဖးသ့ဥတဖဥ သိဥလိနဲဥလိပွၚလ႕ ပ၀ဲသ့ဥ ပဘဥတႈလ့တႈပစီပွၚလ႕ မုႈကီၚလံဥထီဘိယ ခီဖ်ိဟီဥခိဥခ်႕အတႈကြဲနႈ့လြဲနႈ့တႈယ ဒီးခီဖ်ိတႈကြႈဆိကမိဥလီၚဒဥထဲ ပကစႈဒဥ၀ဲအဂီႈနဥ့လီၚ’ အဃိယ ပကဘဥဖံးဃုဏမၚဃုဏတႈဒီးဎြၚအတႈဆိဥဂ့ၚ ဒ္သိးပကမၚန႕ၚကြံဏ တႈလ့တႈပစီအဂီႈနဥ့လီၚ’
၁) ပကဘဥကြႈဆ႕ဥမဲဏ ဒီးမၚန႕ၚကြံဏ တႈလ့ပစီသ့ဥတဖဥ ဒ္ကစႈဎ့ဥရွဴးခရံဏသူ၀ဲ တႈအပီးအလီ လ႕အအိဥဒီးအီၚသ့ဥတဖဥအသိးနဥ့လီၚ’ ပ၀ဲသ့ဥကိးဂၚဒဲး ပဘဥတႈလ့တႈပစီပွၚ ဒ္သိးပကဃုထံဥနႈ့ တႈမုဏတႈပေီႈ လ႕အအိဥဒီးတႈဒဲးဘးယ တႈမၚနႈ့တႈထုးတႈတီၚလ႕ တႈဘီဥတႈညီအပူၚယ ဒီးတႈက်ဲးစ႕းဃုထံဥနႈ့ လီႈဒိဥလၚထီ လ႕အအိဥဒိးတႈဒိဥစိဒိဥကမီၚလ႕ပွၚဂၚအဖီခိဥယ ဒီးတႈလၚတႈကပီၚ လ႕အဘဥဃးဒီးတႈဟီဥခိဥခ်႕သ့ဥတဖဥယ ခီဖ်ိပတႈသူ၀ဲတႈအပီးအလီ ဒီးက်ဲလ႕အတအိဥဒီးတႈတီတႈလိၚယ မ့တမ့ႈ က်ဲလ႕အဘဥဃးဒီးတႈဒဲးဘးယ ဒ္သိးပကမၚနႈ့ဘဥ တႈသ့ဥတဖဥအံၚ အဂီႈနဥ့လီၚ’ ကစႈဎ့ဥရွဴးခရံဏ မ့ႈ၀ဲဒိဂ့ၚတဲႈဘဥလ႕ပဂီႈ ဘဥဃးဒီးတႈမၚန႕ၚကြံဏတႈလ့တႈပစီ ခီဖ်ိအတႈမၚဆူဥထီဥအသးလ႕ တႈထုကဖဥယ ခီဖ်ိတႈပီႈဎႈလီၚက့ၚသး ဒီးလိးက့ၚတႈဒဲးဘးအဘူးအလဲယ ဒီးခီဖ်ိတႈအိဥမူထြဲ၀ဲဒ္ ဎြၚအကလုႈကထါအိဥ၀ဲအသိးနဥ့လီၚ’ တႈလ့တႈပစီသ့ဥတဖဥ ဒုးမၚနႈ့ပွၚတႈဂံႈတႈဘါ ခီဖ်ိအတႈမၚဆူဥထီဥ၀ဲ ပသူဥပသးနဥ့လီၚ’ ခီဖ်ိပတႈဂဲၚပ်ဳႈက်ဲးစ႕း၀ဲ ဒ္သိးပကခီဥဆ႕ႀတီဆ႕တႈလ့တႈပစီအသိးယ ပဂံႈဆူဥဘါဆူဥ အါထီဥဒီးအါထီဥ၀ဲနဥ့လီၚ’ ကိးဘ်ီဒဲး ဖဲပဘဥတႈလ့တႈပစီပွၚ ဒ္သိးပကမၚတႈအ႕အခါဒီး ပတမၚဘဥဒီးပမၚဒဥထဲ တႈအဂ့ၚသ့ဥတဖဥအခါ ပဂံႈဆူဥဘါဆူဥထီဥ၀ဲနဥ့လီၚ’ ပတဘဥတႈလ့ပစီပွၚ လ႕အတလ႕ကြံဏ တႈဂံႈတႈဘါလ႕အအိဥဒီးပွၚဘဥနဥ့လီၚ’ ဖဲတ႕ဎိၚဟဥ ၄း၄ အပူၚ ပဖး၀ဲယ”အဂ့ႈဒ္အံၚ ပွၚအိဥလ႕သုပူၚ ဒိဥနဥ့ ပွၚအိဥလ႕ဟီဥခိဥအပူၚတက့ႈလီၚ’ ၁ ကရံဥသူး ၁၀း၁၃ အပူၚ ပဖးကဒီး၀ဲယ” တႈလ့ပစီလ႕အဆူဥကဲဥဆိးယ လ႕သုဒိးတကဲဘဥနဥ့ယ တဒုးဒိးဘဥသုဘဥ’ မ့မ့ႈလ႕တႈလ့ပစီအပူၚယ ကမၚထီဥက်ဲ ဒ္သိး သုကပူၚဖ်ဲးလ႕အီၚလီၚ’ ဖဲတႈကီၚသူဥကီၚသးအဆ႕ကတီႈအံၚအပူၚ မ္ပကကြႈဆ႕ဥမဲဏသကိး တႈလ႕အမိဥကဲထီဥအသးဒီးပွၚ လ႕အတဂ့ၚ၀ဲသ့ဥတဖဥ ခီဖ်ိပတႈထုကဖဥတႈ လီၚဆီဒဥတႈလ႕ ပတႈဘူဥဘါဃုဏတႈလ႕ တႈလုႈမံးဆါအပူၚယ ခီဖ်ိတႈလိးက့ၚပတႈဒဲးဘးယ ဒီးခီဖ်ိတႈဖးဒီး ကြႈထံဆိကမိဥတႈလ႕ ထူကလုႈဎြၚကထါအဖီခိဥနဥ့တက့ႈ’
၂) ပကဘဥဒိဥထီဥထီထီဥသကိး၀ဲလ႕ တႈစီတႈဆွံအပူၚ ခီဖ်ိတႈထုကဖဥယ ပမၚဃူလိဏဖိးလိဏက့ၚပသး ဒီးတႈဟ့့ဥမၚစ႕ၚတႈ ဖဲလ႕တႈကီးသူဥကီၚသးအကတီႈအံၚနဥ့လီၚ’ ခီဖ်ိပတႈက်ဲးစ႕းဃုထံဥနႈ့ တႈဆ႕ကတီႈ ဒ္သိးပကအိဥဃုဏဒီးဎြၚ ကိးမုႈနံၚဒဲး ဖဲတႈကီၚသူဥကီၚသးအဆ႕ကတီႈအံၚအပူၚယ ခီဖ်ိတႈစံးကတိၚတႈဒီးဎြၚ လ႕တႈထုကဖဥ အိဥဒီးတႈသူဥဆူဥသးဆူဥအပူၚယ ဒီးခီဖ်ိတႈဒိကနဥ ဎြၚကလုႈအကထါအပူၚ နဥ့လီၚ’ လ႕နဥ့အမဲဏညါ ပကဘဥအိဥဒီး တႈပီႈဎႈလီၚက့ၚပသး ကိးမုႈနံၚလ႕ မ့ႈလ႕ပတႈဒဲးဘးသ့ဥတဖဥအဃိယ ဒီးဎ့ကညးဎြၚအတႈပ်ႈကြံဏပွၚ ကိးမုႈဟါဒဲး တခ်ဳးလ႕ပမံဒ္၀ဲအခါနဥ့လီၚ’ ပကဘဥမၚဘဥလိဏက့ၚပသးဒီးဎြၚ လ႕တႈပ်ႈကြံဏတႈကမဥ အတႈပနီဥစီဆွံအပူၚနဥ့လီၚ’ လ႕နဥ့အမဲဏညါယ ပကဘဥမၚဘဥလိဏက့ၚပသးဒီး ပွၚအဂၚယ ဒီးပ်ႈကြံဏအ၀ဲသ့ဥအတႈကမဥလ႕ အမၚဘဥဒိတ့ႈလံပွၚသ့ဥတဖဥအဃိယ ဒီးဃ့ပ်ႈကြံဏပတႈကမဥ မ့ႈလ႕ပ၀ဲစ့ႈကီး ပမၚဘဥဒိတ့ႈလံ ပွၚအဂၚသ့ဥတဖဥအဃိနဥ့လီၚ’ ဒီးဖဲတႈကီၚသူဥကီၚသးအကတီႈအံၚအပူၚ, ပကဘဥဟ့ဥလီၚ ပတႈအဲဥဆူပွၚဂၚအအိဥ ခီဖ်ိတႈဖံးတႈမၚတႈလ႕ တႈကြႈဆိကမိဥလီၚက့ၚတႈလ႕ ပကစႈဒဥ၀ဲအဂီႈတအိဥ၀ဲအပူၚယ ခီဖ်ိတႈမၚခ့ပွၚအတႈမၚလ႕ တႈဆီဥလီၚသးအပူၚယ ဒ္အမ့ႈ၀ဲ တႈဟ့ဥမၚဘူဥတႈ တႈဟ့ဥမၚစ႕ၚတႈယ ဒီးမၚစ႕ၚပွၚလ႕ အတကူတလ႕ လိဥဘဥ၀ဲတႈမၚစ႕ၚသ့ဥတဖဥနဥ့လီၚ’ လ႕နဥ့အမဲဏညါယ ပကဘဥအိိဥမူအိဥဂဲၚဒ္ တႈသးခုကစီဥ အတႈသိဥလိနဲဥလိပွၚအသိး ဒ္အမ့ႈ တႈပဏဖ်ါထီဥ ဎြၚအတႈအဲဥယ ဎြၚအတႈသးကညီၚယ ဒီးဎြၚအတႈကြံဏပွၚနဥ့လီၚ’ ဒ္နဥ့ဒီး ကမ့ႈ၀ဲပတႈပဏဖ်ါထီဥ ပတႈအုဥပသးအတီအလိၚနဥ့လီၚ’
ဖဲတႈကီၚသူဥကီၚသးအဆ႕ကတီႈအံၚအပူၚယ ၾက႕းလ႕ပပဏတႈလီႈတႈက်ဲလီၚလီၚဆီဆီ ဒီးတႈဆ႕ကတီႈလီၚလီၚဆီဆီ ဒ္သိးပကသ့အိဥဘဥဒီးဎြၚ ကိးမုႈနံၚဒဲးယ ဒီးပဏဎံၚပသးဒီး တႈအဂုႈအဂၚ လ႕အကါတဒိဥ၀ဲသ့ဥတဖဥ လ႕အဘ်ဳးတအိဥ၀ဲသ့ဥတဖဥ လ႕ကိးမုႈနံၚဒဲးပတႈအိဥမူအပူၚယ ဒ္သိးပကသ့နႈဟူဘဥ ဎြၚအကလုႈကထါယ ဒီးထံဥလီၚက့ၚပသး လ႕ဎြၚအခီဥထံးမဲဏညါယ ဒီးအ႕ဥလီၚအီလီၚပ၀ဲ ဒ္သိးပကတူႈလိဏတႈဘဥဎြၚအသး ဒီးညိကြံဏ မုႈကီၚလံဥအတႈကြဲနႈ့လြဲနဥ့တႈသ့ဥတဖဥ ဒ္ကစႈဎ့ဥရွဴးခရံဏ ညိကြံဏမုႈကီၚလံဥအတႈကြဲနႈ့လြဲနႈ့တႈသ့ဥတဖဥအသိး နဥ့လီၚ’
တခ်ဳးလ႕ကစႈဎ့ဥရွဴးခရံဏ စးထီဥဒ္၀ဲအတႈဖံးတႈမၚအကတီႈ သူ၀ဲတႈဆ႕ကတီႈလ႕ တႈဒုဥတႈအီဥယ ဒီးတႈထုကဖဥတႈယ ဒီးပဏဖ်ါထီဥနႈ့ပွၚလ႕ တႈတူႈလိဏတႈသိဥဃီဥသီဃီဥ လ႕အဘဥဃးဒီးနီႈသး (Spiritual Discipline) မ့ႈတႈလ႕အကါဒိဥ၀ဲယ ဒီးမ့ႈ၀ဲတႈအိဥကတဲႈကတီၚသး တခ်ဳးလ႕ အကြႈဆ႕ဥမဲဏဒ္၀ဲ တႈခီဥတႈရီဥတႈသ့ဥတဖဥအဂီႈနဥ့လီၚ’ ပကဘဥပဏလီၚဆီတႈဆ႕ကတီႈ လ႕တႈထုကဖဥအဂီႈ ဒီးလ႕တႈကြႈထံဆိကမိဥထူကလုႈဎြၚကထါအဂီႈယ ဒီးအိဥကတဲႈကတီၚပသးလ႕ တႈကြႈဆ႕ဥမဲဏ တႈလ႕ပကဘဥထံဥဘဥအီၚသ့ဥတဖဥ လ႕ခါဆူညါ အကတီႈနဥ့လီၚ’
တႈကီၚသူဥကီၚသးအဆ႕ကတီႈ ကဘဥမ့ႈတႈလ႕ အဒုးသ့ဥညါနႈပ႕ႈပွၚလ႕ ပမ့ႈပွၚတႈဒဲးဘးဖိယ ဒီးပကဘဥသ့ဥညါလီၚက့ၚ ပတႈဒဲးဘး ပတႈကမဥနဥ့လီၚ’ ဘဥဆဥယ ပတႈဂံႈစႈဘါစႈ ဒီးပတႈဒဲးဘးသ့ဥတဖဥ အသုတဘဥမ့ႈ၀ဲ တႈဂ့ႈလ႕ တႈသူဥဟးဂီၚသးဟးဂီၚအဂီႈတဂ့ၚ’ မ္ပကစံးဘ်ဳးစံးဖွိဥကစႈဎ့ဥရွဴးခရံဏယ မ့ႈလ႕အအိဥကတဲႈကတီၚအသးထီဘိ လ႕တႈပ်ႈကြံဏပတႈကမဥအဂီႈနဥ့လီၚ’
