တႈထံဥ
တႈထံဥ
ပထံဥတႈမံဒ္သိးသိးဘဥဆဥ ပတႈထံဥတဒ္သိးလိဏအသးဘဥန႔ဥလီၚ.
ပထံဥဘဥခဲအံၚခဲအံၚ လ႕ Social Media အဖီခိဥ တႈအ့ဥလိဏဆိးက့လိဏသးလ႕ တႈကစီဥတမံၚမံၚ မ့တမ့ႈ တႈဂ့ႈတမံၚမံၚအဖီခိဥန႔ဥလီၚ. ပသးအိဥလူၚဖးကြႈ comment သ့ဥတဖဥလ႕ ပွၚစံးအါဝဲ Post သ့ဥတဖဥအဖီလဏန႔ဥလီၚ. တႈဂ့ႈတႈက်ိၚတခါအဖီခိဥ ပွၚအါဂၚထုးထီဥဝဲ အတႈထံဥသ့ဥတ ဖဥ အတႈဆိကမိဥသ့ဥတဖဥကိးမံၚကိးမေိန႔ဥလီၚ.
တႈကစီဥ မ့တမ့ႈ တႈဂ့ႈတႈက်ိၚ မ့ႈဒ္သိးသိးဘဥဆဥ ပွၚတဂၚမ့ႈထံဥဝဲလ႕ တႈဂ့ႈအံၚ အမ့ႈအတီအကတီႈ လ႕ခံတဂၚ ထံဥဝဲလ႕တႈကမဥန႔ဥလီၚ. တဂၚမ့ႈဆိကမိဥဝဲလ႕ တႈဂ့ႈအံၚ ၾက႕းဘဥဆဥ လ႕ခံတဂၚဆိကမိဥဝဲလ႕ တၾက႕းနီတစဲးဘဥန႔ဥလီၚ. ဘဥမႏုၚအဃိလ႕ တႈထံဥသ့ဥ တဖဥအံၚ တဒ္သိးလိဏအသးဘဥန႔ဥလဲဥ.
အနီႈနီႈတခီ ပွၚအါဂၚစ့ႈကီး တမ့ႈဝဲဒ္န႔ဥအသိးဘဥ. ပွၚခဲလ႕ဏစံးဘဥတဲဘဥ တႈတီတႈလိၚလ႕ထံဥဝဲ သ့ဥတဖဥန႔ဥလီၚ. ဆိကမိဥထီဥလ႕ ပွၚကိးဂၚဒဲးအိဥဒီးမဲဏဒိးတဂၚတဘ့ဥန႔ဥလီၚ. မဲဏဒိးအံၚ ဘဥတႈတ့အီၚလ႕ ပခိဥပဃ႕ၚလ႕ပဒိဥထီဥယ မိႈပႈအတႈသိဥတႈသီယ ပနီႈဆံးခါပတႈလဲၚခီဖ်ိသ့ဥ တဖဥယ ပတႈတူႈဘဥခီဥဘဥသ့ဥတဖဥယ ပမၚန႕ၚတႈသ့ဥတဖဥယ လံဏလ႕ပဖးသ့ဥတဖဥယ ပတႈဘူဥတႈဘါသ့ဥတဖဥန႔ဥလီၚ. ပမဲဏဒိးအလြဲႈမ့ႈဘီဒီး ပကထံဥဟီဥခိဥခ်႕လ႕ အလြဲႈဘီ တကပၚန႔ဥလီၚ. ပမဲဏဒိးအလြဲႈမ့ႈလါအဲးန႔ႈဒီး ပကထံဥဟီဥခိဥခ်႕လ႕အလြဲႈလါအဲးတကပၚန႔ဥလီၚ.
ပွၚတဂၚဂၚ မ့ႈပဏလုႈပဏပ့ွၚက်ိဏစ့ယ အသးတလီၚလ႕အကသူဝဲက်ိဏစ့သ့ဥတဖဥဘဥန႔ဥ ပဆိကမိဥလ႕ ပွၚတဂၚအံၚ အစဲဘူးန႔ဥလီၚ. တႈအံၚမ့ႈဝဲပမဲဏဒိးအတႈထံဥလ႕ ပွၚတဂၚအံၚအဖီခိဥန႔ဥလီၚ.
ပမ့ႈကြႈလ႕အဝဲအမဲဏဒိတခီ ဖဲအနီႈဆံးအခါ တူႈဘဥဝဲတႈကီတႈခဲတႈနးတႈဖွီဥအဃိ နႈပ႕ႈဝဲ က်ိဏစ့ အလုႈအပ့ွၚအါန႔ႈဒံးပွၚအဂၚန႔ဥလီၚယ ကတူႈဘဥတ့ႈဝဲ မ့ႈလ႕က်ိဏစ့တအိဥအဃိ တကူဆါဎါဘ်ါဘဥ အသးမ့ႈဂ့ၚယ ပွၚမၚန႕ၚအီၚမ့ႈဂ့ၚန႔ဥလီၚ. လ႕အဝဲအဂီႈတခီ က်ိဏစ့န႔ဥ မ့ႈတႈပူၚဖ်ဲးန႔ဥလီၚ.
ဒ္န႔ဥအသိး ပွၚဒီတႈအဲဥတီခံဂၚအဘ႕ဥစ႕ၚ တဂၚတူႈဘဥဝဲလ႕ အတႈအဲဥတီတကနဏဃုဏအီၚ ဘဥန႔ဥလီၚ. ခံတဂၚထံဥဝဲလ႕ အတႈအဲဥတီတနႈပ႕ႈန႔ႈအီၚ အတႈဖံးတႈမၚအါသ့ဥတဖဥအံၚ ဘဥန႔ဥလီၚ. အနီႈနီႈတခီ ပွၚလ႕အတႈမၚအါတဂၚအံၚ ထံဥဝဲဟီဥခိဥခ်႕လ႕ တႈမၚလ႕ပွဲၚမူဒါအဃိ အသးစ႕ႈဆ႕အါလ႕ အတႈဖံးတႈမၚအပူၚန႔ဥလီၚ. ပွၚလ႕အအဲဥဒိးလိဏဘဥ တႈကဟုကဎဏတဂၚတခီ ဆိကမိဥဝဲလ႕ မ့ႈလ႕အတႈအဲဥတီအတႈအဲဥစွၚလီၚဝဲလ႕အဖီခိဥအဃိ တဟ့ဥအီၚတႈဆ႕ကတီႈဘဥ န႔ဥလီၚ. ပွၚတီတႈအဲဥတီခံဂၚအံၚ အတႈထံဥသ့ဥတဖဥတကမဥဝဲဘဥန႔ဥလီၚ. မ့ႈလ႕အမဲဏဒိးသ့ဥ တဖဥ လီၚဆီလိဏအသးန႔ဥလီၚ.
တဂၚဒီးတဂၚ ပတႈထံဥသ့ဥတဖဥ မ့ႈတဒ္သိးလိဏအသးဒီး ပမ့ႈသးဖ်ိတႈလ႕ ဘဥမႏုအဃိ ပွၚအဂၚတထံဥဝဲ ဒ္သိးဎတႈထံဥလဲဥအခ႕ဥစး မ္ပကဆိကမိဥန႔ႈပွၚအဂၚ အတႈလဲၚခီဖ်ိထံဥဘဥတႈ သ့ဥတဖဥန႔ဥတက့ႈ. မ့မ့ႈဒ္န႔ဥဒီး တႈအ့ဥလိဏဆိးက့လိဏသးသ့ဥတဖဥအခ႕ဥစး တႈနႈပ႕ႈလိဏသး သ့ဥတဖဥ ကအိဥထီဥဝဲန႔ဥလီၚ.
