တႈသူကမဥဎြၚအမံၚလ႕တႈဒုးတႈဎၚအဂီႈ မ့ႈ၀ဲတႈကမဥဖးဒိဥအဂ့ႈ Cardinal Pizzaballa စံး၀ဲ တႈကစီဥ

တႈသူကမဥဎြၚအမံၚ လ႕တႈဒုးတႈဎၚအပူၚ မ့ႈ၀ဲတႈကမဥဖးဒိဥ လီၚဆီဒဥတႈဖဲ ဆ႕ကတီႈအခဲအံၚ တႈဖ့ဥဆ႕သ့ဥတဖဥအိဥထီဥ၀ဲ ဖဲMiddle East အကတီႈအဂ့ႈ ကဥဒံဥနဲဥ Pizzaballa စံး၀ဲနဥ့လီၚ’

ဎြၚမ့ႈအိဥ၀ဲလ႕ တႈဒုးတႈဎၚအပူၚဒီး ကအိဥဒဥ၀ဲလ႕ ပွၚလ႕အဘူးကသံ၀ဲသ့ဥတဖဥအက်ါယ ပွၚလ႕အတူႈဘဥတႈနးတႈဖွီဥယ ပွၚအဘဥဒီးဘဥထံး၀ဲသ့ဥတဖဥယ ပွၚလ႕အဘဥတႈဎီႈတံႈဆီဥသနံးအီၚ လ႕က်ဲအါဘိသ့ဥတဖဥ လ႕ Middle East တႈလီႈတႈက်ဲအပူၚသ့ဥတဖဥအဂ့ႈ စံးကဒီး၀ဲနဥ့လီၚ’

ကဥဒံဥနဲဥအံၚစံး၀ဲလ႕ ပႈပါလ့ဥအိဥ အတႈဃ့ကညးတႈ ဒ္သိးပွၚကဆိကတီႈကြံဏ တႈဒုးလိဏဎၚလိဏသး ဒီးမၚသကိးတႈစံးကတိၚတ႕ဥပီဥလိဏသး ကမ့ႈတႈလ႕ ပွၚတဒိကနဥ ဒီးနႈဟူအီၚဘဥဆဥ တႈအိဥဖွိဥကရ႕ ကဘဥစံးကတိၚကဒီး တႈလ႕အၾက႕း၀ဲဘဥ၀ဲ ဒီးဖံးဃုဏမၚဃုဏသကိးတႈလ႕ ခါဆူညါ တႈအိဥအသးကဂ့ၚထီဥ၀ဲအဂီႈနဥ့လီၚ

တႈမၚဆူဥမၚစိးသ့ဥတဖဥ မ့ႈဒဥတႈလ႕ အမၚဟးဂီၚခါဆူညါဒီး ဒုးအိဥထီဥဒဥထဲ တႈပ်ံးတႈဖုးယ တႈသူဥဒိဥသးဖ်ိးယ တႈသူဥဟ့သးဟ့ယ ဒီးမ့ႈဒဥတႈလ႕အဘဥဃးဒီးတႈသံအဂ့ႈ ကဥဒံဥနဲဥအံၚ စံးကဒီး၀ဲနဥ့လီၚ’

ဎြၚ မ့ႈပွၚလ႕အအိဥ၀ဲဒီးပွၚလ႕ ပွၚလ႕အသံတ့ႈလံ၀ဲသ့ဥတဖဥအအိဥ ဒီးတမ့ႈပွၚလ႕အသူကမဥ ဎြၚအမံၚအသဥဘဥအဂ့ႈ စံး၀ဲနဥ့လီၚ’

Cardinal Pizzaballa      Abusing God’s name for war is the gravest sin    Vatican News      March 17, 2026