တႈကိႈခါတႈသိဥလိဎြၚအကလုဏကထါတႈမၚလိ ဘဥတႈမၚအီၚဖဲ ၀့ႈတကူဥ ပွၚစီဆွံစီၚပ့းတ႐ူးဒီးစီၚပီလူးတႈဘါသရိဏ တႈကစီဥ

ပွၚဖိဒံဖိသဥအဂၚ ဃုဆံဃဏဃဏသ့ဥတဖဥ အတႈမၚလိမၚဒိးထူကလုႈဎြၚကထါ လ႕အဎံဏဝဲ ခံလါအကတီႈအံၚ ဘဥတႈမၚကတ႕ႈကြံဏအီၚဖဲ ပွၚစီဆွံစီၚပ့းတ႐ူးဒီးစီၚပီလူးတႈဘါသရိဏ န႔ဥလီၚ. ဖဲတႈမၚကတ႕ႈကြံဏတႈမၚလိအတႈရဲဥလီၚက်ဲၚလီၚအံၚ မ့ႈဝဲဖဲ ၂၀၂၆ လါအ့ျဖ ့ ၂၆ သီ န႔ဥလီၚ.

တႈပ်ႈကံြဏတႈကိဏခါတႈမၚလိကေိအံၚ ဘဥတႈစးထီဥအီၚဃုဏဒီးတႈလုႈမံးဆါဖဲ ဂီၚခီ ၈း၀၀ နဥရံဥ ဒီးဘဥတႈတီခိဥရိဥမဲအီၚလ႕ St. Peter and St. Paul လီႈကဝီၚအသီခါ Fr. Hyginus Myint Soe ဒီးမ့ႈစ့ႈကီးပွၚလ႕အစံဥတဲဏတဲလီၚတႈ ဒ္အမ့ႈပွၚကြႈသိလ႕အဂ့ၚအမုႈဘူဥနံၚယ ဒီးမ့ႈစ့ႈကီးမုႈနံၚ လ႕တႈဃ့ဘါထုကဖဥန႔ႈတႈလ႕ပွၚလ႕အမၚတႈလ႕ဎြၚအဂီႈသ့ဥတဖဥန႔ဥလီၚ.

Fr. Hyginus Myint Soe စံးဝဲလ႕ ကစႈဎ့ဥရႉးခရံဏမ့ႈဝဲပွၚကြႈသိအမ့ႈအတီလ႕ အသ့ဥညါဝဲအသိ ဘူးဘူးတံႈတံႈဒီး ကိးအဝဲသ့ဥလ႕အကစႈဒဥဝဲအမံၚ ဒီးဟ့ဥလီၚအသးလ႕အသိသ့ဥတဖဥအဂီႈ န႔ဥလီၚ. ကတိၚပလီႈတႈဒီးစံးဝဲလ႕ ပွၚသးမ့ႈဒံ၀့ၚဒံဝီၚအါဝဲဒီး  ပွၚတနႈဟူဝဲပွၚကြႈသိလ႕အဂ့ၚအကလုႈ လီၚဆီဒဥတႈ ဖဲပွၚမ့ႈသုဝဲ Social Media အါအါဂီႈဂီႈအခါန႔ဥလီၚ.

အ႕ဥလီၚတူႈလိဏဝဲ Social Media အတႈန႔ႈဘ်ဴးန႔ႈဖွိဥတဖဥ ဘဥဆဥကတိၚပလီႈတႈဒီးစံးဝဲလ႕ ပွၚသ့သုကမဥဝဲတႈဖိတႈလံၚသ့ဥတဖဥအံၚ လ႕အမၚဎံၚပွၚဒီးဎြၚန႔ဥလီၚ. မ႕န႔ႈဆီဥခံဝဲမိႈပႈသ့ဥတဖဥ ဒီးတႈအိဥဖွိဥသရဥ၊သရဥမုဥသ့ဥတဖဥ ဒ္သိးအကထုးစုနဲဥက်ဲဖိဒံဖိသဥသ့ဥတဖဥ ဒ္သိးအနီႈသး အတႈအိဥအသးကလဲၚထီဥလဲၚထီဝဲယ ကအိဥသူဥလီၚအသးလ႕တႈရ ့လိဏသးဒီးခရံဏကစႈ ဒီး ကတိၚဆူဥထီဥတႈဘဥဃးဒီး ပွၚဒိဥတူႈခိဥပွဲၚသ့ဥတဖဥ အဆိကတ႕ႈ ကဘဥသ့ဥညါနႈပ႕ႈဝဲ ဎြၚအကလုႈ ဒီးကဘဥနဲဥက်ဲလ႕ပွၚဖိသဥသ့ဥတဖဥအံၚန႔ဥလီၚ.

ဖဲတႈလုႈမံးဆါ၀ံၚအလီႈခံ တႈရဲဥလီၚက်ဲၚလီၚလ႕အမ့ႈဝဲဃုဏဒီး ဖိဒံဖိသဥသ့ဥတဖဥအတႈသူဥ၀ံဥ သးဆ႕ယ တႈဂဲၚကလံဏသ့ဥတဖဥပိဏထြဲထီဥဝဲန႔ဥလီၚ. Fr. Hyginus Myint Soe ပဏဖ်ါထီဥကဒီး ဒူဥဖိထ႕ဖိအတႈအိဥမူအိဥဂဲၚ တုၚလီၚဝီလီၚဝဲဆူဖိသဥသ့ဥတဖဥအလုႈအလႈအဖီခိဥန႔ဥလီၚ. ဖိသဥသ့ဥတဖဥအိဥသ့ဥနီဥထီဥက့ၚဝဲတႈအဲဥတႈကြံဒီးတႈလုႈတႈပ့ွၚလ႕အထံဥဘဥဝဲ လ႕ဒူဥဖိထ႕ဖိ အပူၚန႔ဥလီၚ.

တႈကိႈခါအတႈမၚလိအံၚ တမ့ႈထဲလ႕အအိဥဒီးတႈပညိဥလ႕ တႈသိဥလိနဲဥလိထူကလုႈဎြၚကထါ ဘဥဒီး မ့ႈဝဲတႈဆီဥထြဲမၚစ႕ၚဖိဒံဖိသဥသ့ဥတဖဥဒ္သိးအကဒိဥထီဥထီထီဥဝဲလ႕ တႈဒိကနဥတႈသိဥ တႈသီယ တႈသ့ဥညါမူဒါယ တႈသ့ဥညါသကဲးပ၀းအလုႈအပ့ွၚအဂီႈယ ဒီးတႈသုတႈဆ႕ကတီႈသ့သ့ဘဥ ဘဥလ႕ Social Media အဖီခိဥယ ဒ္သိးအကဒိဥထီဥထီထီဥဝဲလ႕တႈထုကဖဥအလုအလႈအဖီခိဥ န႔ဥလီၚ.

Fr. Hyginus Myint Soe စံးဝဲလ႕ပဝဲသ့ဥတဖဥ ပတႈအိဥမူအိဥဂဲၚလီၚဂဏဒ္ လံဏလ႕ဖိသဥသ့ဥ တဖဥ ကဖးဝဲအဂီႈ ဒီးမ႕န႔ႈဆီဥခံဝဲမိႈပႈသ့ဥတဖဥ ဒ္သိးအကပဏဖ်ါထီဥဒိဂ့ၚတဲဏဘဥယ တႈစူႈတႈနဏယ ဒီးအတႈရ႔လိဏမုႈလိဏအသးလ႕အဂ့ၚဝဲ သ့ဥတဖဥအဂီႈန႔ဥလီၚ. ဒုးသ့ဥညါဝဲ တႈဒိးန႔ႈကိဏဘူဥစီဆွံ အဆိကတ႕ႈတဘ်ီ ကမ့ႈဝဲဖဲ လါဎူၚ ၇ သီ ဒီးမ႕န႔ႈဆီဥခံဝဲဖိဒံဖိသဥသ့ဥတဖဥ လီၚဆီဒဥတႈပွၚလ႕ အသးအိဥဝဲ ၁၂ နံဥဒီးအဖီခိဥသ့ဥတဖဥ ကမၚလိကဒီးအသးလ႕တႈသိဥလိထူကလုႈဎြၚကထါ အဂီႈန႔ဥလီၚ. တႈကိႈခါတႈမၚလိအံၚတမ့ႈတႈလ႕အ၀ံၚလံဘဥဒီး မ့ႈဝဲတႈစူႈတႈနဏအတႈလဲၚက်ဲ စးထီဥဝဲအကတီႈန႔ဥလီၚ.