ဒ္တႈအိဥဖွိဥကရ႕အတႈဆဲးက်ိးလိဏသးအတႈဖံးတႈမၚအခီဥခါအသီခါထီဥဝဲအသိး ကြဲၚလ့လိၚတႈမ့ႈတႈတီအဝဲၚလီႈ ဒုးအိဥထီဥကဒီးဝဲကလုဏဒူဥခံခါလ႕အမ့ႈ Akha ဒီး Kayan အတႈဖံးတႈမၚန႔ဥလီၚ. တႈအိးထီဥတႈဖံးတႈမၚအံၚမ့ႈဝဲဖဲ ၂၀၂၆ လါမ့ၚ ၂၄ သီ လ႕ St. Mary Cathedral, ၀့ႈတကူဥန႔ဥလီၚ.

ကဥဒံဥနဲဥရွါလ္စဘိဥလ႕အမ့ႈကီႈပဎီၚသီခါကရ႕ခိဥသ့ဥတဖဥအခိဥအနႈ ဒီးမ့ႈစ့ႈကီး ပွၚလ႕အကြႈထြဲပ႕ဆွ႕ကြဲၚလ့လိၚတႈမ့ႈတႈတီကလုဏဒူဥလ႕ကီႈပဎီၚအပူၚသ့ဥတဖဥအဂီီီီႈ စံးဝဲလ႕တႈစးထီဥကလုဏဒူဥခံခါအံၚအတႈဖံးတႈမၚ မ့ႈဝဲဒဥတႈဆိဥဂ့ၚဆိဥဝါလ႕ကီႈပဎီၚ တႈအိဥဖွိဥကရ႕အဂီႈန႔ဥလီၚ.

ကလုဏဒူဥအသီသ့ဥတဖဥအတႈပညိဥမ့ႈဝဲဒ္သိးအတႈရဲဥလီၚက်ဲၚလီၚသ့ဥတဖဥ ကလဲၚတုၚ ဝဲဆူထံကီႈအကလုဏဒူဥသ့ဥတဖဥအအိဥန႔ဥလီၚ. Akaha အတႈရဲဥတႈက်ဲၚကမ့ႈဝဲလ႕ Akha အပွၚကလုဏႏြံကလီႈဃဏဃဏသ့ဥတဖဥလ႕အအိဥလ႕ဟီဥခိဥဒီဘ့ဥအပူၚအဂီႈ န႔ဥလီၚ. Kengtung တလးပ႕လီႈကဝီၚအပူၚ Akha ကဲးသလံးတႈအိဥဖွိဥကရ႕ဖိသ့ဥ တဖဥအိဥဝဲ ႏြံကလးသ႕ကထီ န႔ဥလီၚ. Kayan အတႈရဲဥလီၚက်ဲၚလီၚသ့ဥတဖဥမ့ႈဝဲလ႕ Kayan အကလုဏဒူဥ ခံကလီႈဎဲႈကလးသ့ဥတဖဥလ႕ကီႈပဎီၚအပူၚအဂီႈန႔ဥလီၚ. လ႕အဝဲသ့ဥအပွၚကလုဏဒူဥသ့ဥတဖဥအက်ါ ပွၚအမ်းကဎၚဃုဆံသ့ဥတဖဥ အိဥဝဲလ႕ Loikaw, Pekhon, Taungngu, ဒီး Taunggyi တလးပ႕လီႈကဝီၚသ့ဥတဖဥအပူၚ န႔ဥလီၚ.

လ႕ကီႈပဎီၚအပူၚကြဲၚလ့လိဏတႈမ့ႈတႈတီအတႈရဲဥလီၚက်ဲၚလီၚသ့ဥတဖဥမ့ႈဝဲ Myanmar, Pwo Karen, Kachin Jingpaw, Kachin Licu, Kachin Rawang, Hakha Chin, Falam, Tedim Chinယ K’Cho သ့ဥတဖဥန႔ဥလီၚ.

ကြဲၚလ့လိၚတႈမ့ႈတႈတီကလုဏဒူဥသ့ဥတဖဥ ဖံးတႈမၚတႈလ႕တႈရဲဥလီၚက်ဲၚလီၚသ့ဥတဖဥ ဒ္အမ့ႈဝဲ ကိးမုႈနံၚဒဲးတႈကြႈထံဆိကမိဥလ႕နီႈခိဒီးနီႈသးအဂီႈယ အိဥဘွံးနံၚအတႈစံဥတဲၚတဲ လီၚယ တႈအိဥဖွိဥကရ႕အတႈကစီဥယ ပွၚစီဆွံဒီးပွၚမံၚဟူသဥဖ်ါသ့ဥတဖဥအဂ့ႈအက်ိၚယ သူဥဘီဥသးစႈဒီးဒူဥဖိထ႕ဖိအတႈရဲဥလီၚက်ဲၚလီၚယ ပႈပါအတႈစံဥတဲၚတဲလီၚယ ခိဥဃ႕ၚန႔ဆ႕ဥယ တႈတီတႈလိၚတႈမုႈတႈခုဥ ဒီးသ႕ဆံမံးနံးတႈရၚလီၚတႈကလုဏဒ္အမ့ႈဝဲဒဥလ႕ညါတႈရဲဥလီၚ တႈကလုႈအတႈဟ့ဥသါန႔ဥလီၚ.

တခ်ဴးလ႕တႈအိးထီဥကလုဏဒူဥအသီခံခါအံၚအကတီႈ တႈမၚလိလ႕ပွၚမၚတႈဖိသ့ဥတဖဥ အဂီႈမ့ႈဝဲ ဖဲလါမ့ၚ ၁၁ သီ တုၚ ၂၀ သီလ႕ CBCM န႔ဥလီၚ. ပွၚဘဥမူဘဥဃးဒီးတႈရၚလီၚ တႈဆဲးက်ိးလိဏသး သီခါကရ႕ခိဥ Celso Ba Shwe လဲၚတုၚဝဲဆူတႈမၚလိအံၚ ဖဲလါမ့ၚ ၁၆ သီဒီးကတိၚဟ့ဥဂံႈဟ့ဥဘါတႈဒီးစံးဝဲလ႕ RVA အတႈရဲဥတႈက်ဲၚသ့ဥတဖဥသ့လဲၚတုၚ ဝဲဆူ လီႈဎံၚသ့ဥတဖဥန႔ဥလီၚ.

ကဥဒံဥနဲဥရွါလ္စ္ဘိဥစ့ႈကီးစံးဝဲလ႕ Akha ဒီး Kayan အတႈရဲဥလီၚက်ဲၚလီၚသ့ဥတဖဥ ကသ့လဲၚစိဏဆွ႕ဝဲတႈသးခုကစီဥဆူ ဒူဥဖိထ႕ဖိသ့ဥတဖဥယ သူဥဘီဥသးစႈသ့ဥတဖဥယ သူဥခ့သးပွႈသ့ဥတဖဥ ဒီးကရ႕ကရိသ့ဥတဖဥအအိဥန႔ဥလီၚ. ဒီးစံးဝဲလ႕ကြဲၚ လ့လိဏ တႈမ့ႈတႈတီအတႈဖံးတႈမၚလီၚဂဏဒ္ တိၚတဘိလ႕အဆဲးက်ိးတႈဖဲတႈကီတႈခဲအဆ႕ကတီႈ လီၚဆီဒဥထဲကီႈပဎီၚအတႈအိဥသး လ႕အအိဥဒီးတႈဂ့ႈကီသ့ဥတဖဥအကတီႈန႔ဥလီၚ. ဖဲတႈကစီဥလ႕အတတီတလိၚဝဲအကတီႈ RVA မ့ႈဝဲဒဥ တႈအပီးအလီလ႕အစိဏဆွ႕ဝဲ တႈသးခုကစီဥအဂ့ႈစံးဝဲန႔ဥလီၚ. တခ်ဳးလ႕ကစႈဎ့ဥရႉးခရံဏက့ၚထီဥဝဲဆူမူခိဥဘီမုႈ အကတီႈ ကတိၚတႈဆူအပ်ဲႈအဘီဥသ့ဥတဖဥအအိဥဒီးစံးဝဲ ဒ္သိးအကလဲၚဆူဟီဥခိဥဒီ ဘ့ဥညါ ဒီးစံဥတဲၚတဲလီၚတႈသးခုကစီဥအဂီႈအသိး ကြဲၚလ့လိဏတႈဖံးတႈမၚအံၚ တမ့ႈတႈလ႕ပဃုထ႕အီၚသ့ဘဥဒီး မ့ႈစ့ႈဝဲတႈဟ့ဥလီၚတႈကလုဏအဂ့ႈစံးဝဲန႔ဥလီၚ.

Msgr. Andrea Ferrante လ႕မ့ႈစ့ႈကီးပႈပါအခ႕ဥစးဆူကီႈပဎီၚ လဲၚတုၚဝဲဆူတႈမၚလိ အံၚ ဖဲလါမံၚ ၁၉ သီအကတီႈ မ႕န႔ႈဆီဥခံတႈဒ္သိးပွၚကမ့ႈဝဲတႈမုႈလႈအတႈကလုဏ ဖဲလ႕ တႈနးတႈဖွီဥဒီးတႈတလီၚတံႈလီၚဆဲးအကတီႈန႔ဥလီၚ. တႈဆဲးက်ိးလိဏသးအတႈဖံးတႈမၚ အံၚ ကဘဥဘဥထြဲလိဏအသးဒီးသကဲးပ၀ဏ ဒီးကဘဥမ့ႈစ့ႈကိီးတႈလ႕အဘဥလိဏဖိးဒ့လိဏ အသးဒီး AI န႔ဥလီၚ. တႈဆဲးက်ိးလိဏသးအံၚတမ့ႈထဲတႈရၚလီၚတႈကစီဥဘဥ. မ့ႈစ့ႈကီး တႈမၚဒိဥထီဥထီထီဥလုလႈဆဲးလၚ ဒီးမ့ႈစ့ႈကီးတႈလီႈတႈက်ဲလ႕တႈစံးကတိၚတ႕ဥပီဥ လိဏသးဒီးတႈထံဥလိဏသးအဂ့ႈ စံးဝဲန႔ဥလီၚ.