စီၚပ့းတရူးဒီးစီၚပီလူးတႈဘါသရိဥ မၚလၚကပီၚ၀ဲအပွၚစီဆွံသ့ဥတဖဥ ဃုဏဒီး တႈစံးဘ်ဳးဎြၚဒီး တႈမၚဆူဥထီဥက့ၚသးလ႕ တႈသနၚ့ဎြၚအဂီႈ တႈကစီဥ
စီၚပ့းတရူးဒီးစီၚပီလူးတႈဘါသရိဥ မၚလၚကပီၚ၀ဲအပွၚစီဆွံသ့ဥတဖဥ ဃုဏဒီး တႈစံးဘ်ဳးဎြၚဒီး တႈမၚဆူဥထီဥက့ၚသးလ႕ တႈသနၚ့ဎြၚအဂီႈ တႈကစီဥ
စီၚပ့းတရူးဒီးစီၚပီလူးတႈဘါသရိဥ လ႕၀့ႈအ့စ့ဥ ၀့ႈတကူဥတလးပ႕လီႈက၀ီၚဖးဒိဥအပူၚ မၚလၚကပီၚ၀ဲ ပွၚတႈမ႕ဖိသ့ဥတဖဥအံၚ ဖဲလါဎူၚ ၂၈ သီယ အိဥဘွံးနံၚနဥ့လီၚ’ တႈမၚလၚမၚကပီၚတႈ အတႈလုႈမံးဆါ ဘဥတႈတီခိဥရိဥမဲ လုႈထီဥအီၚလ႕ Auxiliary Bishop Noel Saw Naw Aye ဒီးဘဥတႈစးထီဥအီၚဖဲ ဂီၚခီ ၉း၀၀ နဥရံဥယ ဖဲသီခါကရ႕ခိဥသ့ဥတဖဥယ သီခါသ့ဥတဖဥယ ပွၚလ႕အအိဥဒီးတႈအ႕ဥလီၚအီလီၚသးလီၚလီၚဆီဆီသ့ဥတဖဥယ ဒီးတႈအိဥဖွိဥကရ႕ဖိသ့ဥတဖဥ အတႈဘူဥဘါ မၚလၚကပီၚဃုဏတႈအပူၚနဥ့လီၚ’
လ႕ပွၚမၚလၚကပီၚဃုဏတႈအက်ါ မ့ႈ၀ဲဃုဏဒီး Mindat လီႈက၀ီၚအတလးပ႕ Bishop Augustine နဥ့လီၚ’
ဖဲအတႈစံဥတဲၚတဲလီၚတႈအပူၚယ Bishop Noel Saw Naw Aye စံး၀ဲလ႕ အစံးဘ်ဳးစံးဖွိဥ၀ဲ တႈအိဥဖွိဥကရ႕ဖိသ့ဥတဖဥ မ့ႈလ႕ အတႈဃုထုကဖဥစ႕ၚနႈ့တႈလ႕ သီခါကရ႕ခိဥသ့ဥတဖဥအဂီႈ ဒ္အ၀ဲသ့ဥ လဲၚ၀ဲဆူ၀့ႈရိမ့ၚ လ႕တႈထံဥလိဏသးဒီးပႈပါ ဖဲလါဎူၚ ၁ သီတုၚလ႕ ၇ သီ အတီႈပူၚယ ဒ္အမ့ႈ၀ဲ ဎဲႈနံဥတဘ်ီတႈမၚအသးနဥ့လီၚ’
ဖဲအတႈကြႈထံဆိကမိဥ၀ဲ စီၚပ့းတရူးဒီးစီၚပီလူးအဂ့ႈအပူၚယ Bishop Noel စံး၀ဲလ႕ ပွၚတႈမ႕ဖိခံဂၚအံၚ အတႈစံဥစိၚတဲစိၚ ဒီးအတႈအိဥအသးလ႕ညါ မ့ႈတႈလ႕အလီၚဆီလိဏအသးနဥ့လီၚ’ စီၚပ့တရူး မ့ႈ၀ဲပွၚမၚညဥဖိဎိဎိတဂၚယ ဒီးစီၚပီလူး မ့ႈ၀ဲပွၚကူဥဘဥကူဥသ့တဂၚ ဖဲဆ႕ကတီႈဖဲနဥ့အခါနဥ့လီၚ’ ပွၚခံဂၚအံၚ အိဥ၀ဲဒီးတႈလီၚဆီလိဏသး ဘဥဆဥ အ၀ဲသ့ဥဘဥတႈလဲလိဏကြံဏအီၚလ႕ အတႈအဲဥတႈကြံခရံဏကစႈအဃိ ဒီးအတႈကဲထီဥ၀ဲ ပွၚအုဥအသးလ႕ တႈသးခုကစီဥအဃိအဂ့ႈ Bishop Noel စံး၀ဲနဥ့လီၚ’
အတႈစံဥတဲၚတဲလီၚတႈ လ႕မၚတႈ ၁၂း၁”၁၁ အဖီခိဥအပူၚယ တလးပ႕စံး၀ဲလ႕ စီၚပ့းတရူး ဘဥတႈဖ႕ႏုဏအီၚလ႕ဃိဏပူၚ လ႕စီၚပၚဟ့ဥရိဥနဥ့လီၚ’ ပွၚသုးဖိ ၁၆ ဂၚသ့ဥတဖဥ ဘဥအိဥခိးကြႈဎုႈတႈလ႕ဃိဏပူၚယ ဘဥဆဥယ စီၚပ့းတရူး အိဥဒဥ၀ဲခုဥခုဥမုဏမုဏ ဒီးမံဘဥအသးဂ့ၚဂ့ၚ မ့ႈလ႕အသနၚ့အသးလ႕ဎြၚ လ႕ဏလ႕ဏဆ့ဆ့အဃိနဥ့လီၚ’
စီၚပၚဟ့ဥရိဥပ႕ဆွ႕ရဲဥက်ဲၚတႈ လ႕စီၚပ့းတရူးအခိဥအဃ႕ၚ လ႕လ႕ပွဲၚပွဲၚ ဘဥဆဥ သးပ့းနီဥ၀ဲတႈတမံၚ လ႕အကါဒိဥကတ႕ႈ လ႕အမ့ႈ၀ဲ ဎြၚအိဥ၀ဲသပွႈကတ႕ႈနဥ့လီၚ’ ပမ့ႈဘဥကြႈဆ႕ဥမဲဏ တႈကီတႈခဲတမံၚလႈလႈ လ႕ပတႈအိဥမူအပူၚ ဘဥဆဥ ပသုတဘဥသးပ့ၚနီဥ၀ဲလ႕ ဎြၚအိဥ၀ဲဒီးပွၚထီဘိအဂ့ႈ တလးပ႕စံး၀ဲနဥ့လီၚ’
တႈမုဏတႈခုဥလ႕အအိဥဒီးစီၚပ့းတရူးအံၚ အိဥဟဲ၀ဲလ႕ အတႈသနၚ့အသးလ႕ဎြၚယ ဒီးပဏလီၚအသးလ႕ဎြၚအစုပူၚ အါနဥ့အတႈပဏလီၚအသးလ႕ စီၚပၚဟ့ဥရိဥအတႈစိတႈကမီၚအပူၚယ ဒီးမူခိဥကလူးအတႈဒုးပူၚဖ်ဲး စီၚပ့းတရူး လ႕တႈလီၚလးအပူၚ မ့ႈ၀ဲတႈပဏဖ်ါထီဥ ဎြၚအတႈစိတႈကမီၚ မ့ႈတႈလ႕အဒိဥနဥ့ ပွၚကညီသ့ဥတဖဥအတႈစိတႈကမီၚ ဒီးအတႈမၚကီမၚခဲတႈသ့ဥတဖဥအဂ့ႈ သီခါကရ႕ခိဥစံး၀ဲနဥ့လီၚ’
တလးပ႕မ႕နႈ့ဆီဥခံ၀ဲ တႈအိဥဖွိဥကရ႕ဖိသ့ဥတဖဥ ဒ္သိးအကကြႈထံဆိကမိဥလီၚက့ၚ ထးပ်ံၚမႏုသ့ဥတဖဥ ဒ္အမ့ႈ လုႈလႈလ႕အတဂ့ၚ၀ဲသ့ဥတဖဥယ တႈသူဥဒိဥသးဖ်ိးယ တႈပ်ံၚတႈဖုးတႈယ တႈသူကသံဥမူၚဘွီးတုၚဒဥလဲဥအကဲထီဥပလုႈပလႈယ တႈမဲဏဆွးယ တႈပ်ႈကြံဏပွၚဂၚအတႈကမဥတသ့လ႕ၚ၀ဲယ မ့တမ့ႈ တႈဒဲးဘးအဂုဏအဂၚသ့ဥတဖဥဧါယ ဒီးစံး၀ဲလ႕ယ ဎြၚသ့ဥညါ၀ဲ ပတႈဂဲၚပ်ဳႈက်ဲးစ႕းတႈသ့ဥတဖဥ ဒီးဆ႕မုႈလႈ၀ဲလ႕ ပကပူၚဖ်ဲးဒီးတႈသ့ဥတဖဥအံၚနဥ့လီၚ’
မ႕နႈ့ဆီဥခံ၀ဲတႈအိဥဖွိဥကရ႕ဖိသ့ဥတဖဥ ဒ္သိးအကစံးဆ႕က့ၚဎြၚအတႈကိး ခီဖ်ိအတႈပဏလီၚအသး ဂ႕ႈဂ႕ႈက်႕ၚက်႕ၚ ဒ္သိးအကပဏတ့ႈကြံဏ ကဎဲႈတႈလ႕အမ႕ကဲကုႈအီၚသ့ဥတဖဥ လ႕တႈလီႈခံ ဒီးသနၚ့သကိးအသးလ႕ ဎြၚအတႈထုးစုနဲဥက်ဲအဖီလဏ ဒ္ခါဆူပတထံဥသ့ဥညါတႈ လီၚတံႈလီၚဆဲးဘဥအဃိနဥ့လီၚ’
သီခါကရ႕ခိဥစံး၀ဲလ႕ စီၚပ့းတရူးဒီးစီၚပီလူး မ့ႈ၀ဲပွၚလ႕ အတလ႕တပွဲၚ၀ဲသ့ဥတဖဥ ဘဥဆဥ ဎြၚအတႈဆိဥဂ့ၚ လဲလိဏကြံဏပွးတႈဒဲးဘးဖိသ့ဥတဖဥအံၚနဥ့လီၚ’ ပွၚခံဂၚအံၚ မ့ႈပွၚသ့ဥတဖဥလ႕ အအဲဥကြံကစႈခရံဏ ဒီးသနၚ့အသးလ႕အီၚလ႕ဏလ႕ဏဆ့ဆ့အသိးယ မ႕နႈ့ဆီဥခံ၀ဲ တႈအိဥဖွိဥကရ႕ဖိသ့ဥတဖဥ ဒ္သိးအကသနၚ့အသးလ႕ဎြၚယ ဒီးအဲဥကြံဎြၚယလ႕တႈခဲလ႕ဏအမဲဏညါယ ဒီးလဲၚတႈဒီးဎြၚ လ႕တႈမုႈလႈ ဒီးလ႕တႈမုဏတႈခုဥအပူၚအဂီႈနဥ့လီၚ’
လီႈက၀ီၚအသီခါ Fr Hyginus Myint Soe ပဏဖ်ါထီဥ၀ဲ ဎြၚအတႈသုးတႈက်ဲၚ ဖဲတႈမၚလၚကပီၚတႈ Novena အကတီႈနဥ့လီၚ’ တခ်ဳးလ႕တႈလုႈမံးဆါအကတီႈ မူခိဥစူၚ၀ဲယ ဒီးတႈကဆွဲကဆွီထီဥက့ၚကဒီး ဖဲတႈဘူဥထီဥဘါထီဥတႈ အကတီႈနဥ့လီၚ’
တႈမၚလၚမၚကပီၚတႈ ဃုဏဒီး Novena အကတီႈ အတႈပညိဏသ့ဥတဖဥမ့ႈ၀ဲ တႈစံးဘ်ဳးစံးဖွိဥက့ၚဎြၚ မ့ႈလ႕တႈဆိဥဂ့ၚလ႕ လီႈက၀ီၚအံၚ ဒီး၀့ႈတကူဥလီႈက၀ီၚဖးဒိဥ ဒိးနႈ့ဘဥ၀ဲသ့ဥတဖဥအဃိယ မ့ႈစ့ႈကီးဆ႕ကတီႈလ႕ တႈဃ့ပ်ႈကြံဏတႈကမဥ လ႕တႈအိဥဖွိဥကရ႕ဖိသ့ဥတဖဥ မၚဘဥတ့ႈလံ၀ဲသ့ဥတဖဥအဃိယ မ့ႈစ့ႈကီးတႈဃ့ကညး တႈဆိဥဂ့ၚ လ႕အမ့ႈ၀ဲ တႈသူဥဒူသးဒူ ဒီးတႈသူဥဆူဥသးဂဲၚ လ႕တႈရၚလီၚတႈသးခုကစီဥအဂီႈယ ဒ္သိးပသူဥပသးသ့ဥတဖဥ ကလဲလိဏကြံဏအသးအဂီႈယ ဒီးဒ္သိးပကဒိဥထီဥထီထီဥ၀ဲလ႕ တႈလဲၚဃုဏသကိးတႈ ဒီးလ႕တႈဃူတႈဖိးအပူၚယ ဒီးမ့ႈစ့ႈကီးတႈဃ့ထုကဖဥနႈ့တႈလ႕ ထံကီႈအတႈဃူတႈဖိး ဒီးအတႈမုဏတႈခုဥအဂီႈအဂ့ႈ လီႈက၀ီၚအသီခါ Fr Hyginus စံး၀ဲနဥ့လီၚ’
စံး၀ဲလ႕ယ ပပဏလီၚတႈခဲလ႕ဏ လ႕ဎြၚအစုပူၚယ ပစူႈပနဏ၀ဲ ဎြၚအတႈဆိဥဂ့ၚ လ႕အလဲၚဃုဏတႈဒီးပွၚ ဒီးကထုးစုနဲဥက်ဲပွၚ လ႕ခါဆူညါအဂီႈနဥ့လီၚ’
စံးဘ်ဳးစံးဖွိဥ၀ဲ ပွၚမၚဘူဥမၚစ႕ၚတႈသ့ဥတဖဥယ ပွၚမၚစ႕ၚကလီတႈ ဒီးပွၚကရ႕ကရိထီဥတႈသ့ဥတဖဥနဥ့လီၚ’
Sts Peter and Paul Parish in Yangon Celebrates Patronal Feast with Thanksgiving and Call to Renew Trust in God
