ပတအိဥသဎုႈသတြၚဘဥလ႕ ကလံၚမုႈသီဥဂီၚမုႈအက်ါ ထဲတဂၚဧိၚဘဥအဂ့ႈ ကဥဒံဥနဲဥခေါစဘိဥစံးဝဲ တႈကစီဥ

ကဥဒံဥနဲဥခေါစဘိဥဒုးသ့ဥနီဥထီဥဝဲ ထံကီႈအပူၚတႈအိဥဖွိဥကရ႕ဖိသ့ဥတဖဥ လ႕တႈဘဥကြႈဆ႕ဥမဲဏတႈနးတႈဖွီဥသ့ဥတဖဥ အိဥအါဝဲဘဥဆဥ ပဝဲသ့ဥတဖဥပတအိဥသဎုႈသတြၚဘဥဒီး ခရံဏကစႈအိဥဒီးပွၚန႔ဥလီၚ. ကဥဒံဥနဲဥမ႕န႔ႈဆီဥခံဝဲသူဥဘီဥ သးစႈသ့ဥတဖဥ ဒ္သိးအကမ့ႈဝဲပွၚသ့ဥတဖဥလ႕ အအိဥဒီးသးလ႕အနီၚဖးတႈဂ့ၚဒီးတႈအ႕ကသ့ဝဲအဂီႈန႔ဥလီၚ.

ကဥဒံဥခေါစဘိဥစံးဝဲ တဘ်ီဘ်ီပဃ့ထုကဖဥတႈဒ္သိးကလံၚမုႈသ့ဥတဖဥ ကဘဥတႈသုးကြံဏအီၚလ႕ပတႈအိဥမူအပူၚ ဘဥဆဥ ကစႈဎ့ဥရႉးခရံဏတခီစံးဝဲလ႕ အအိဥဒီးပွၚလ႕ကလံၚမုႈအက်ါန႔ဥလီၚ. တႈစူႈတႈနဏအခီပညီ တမ့ႈလ႕ပကဘဥအိဥပူၚဖ်ဲးဒီး ကလံၚမုႈသ့ဥတဖဥဘဥ. အခီပညီမ့ႈဝဲပတကြႈဆ႕ဥမဲဏဝဲကလံၚမုႈ ထဲတဂၚဧိၚဘဥန႔ဥလီၚ. ကဥဒံဥနဲဥအတႈစံးကတိၚတႈအံၚ မ့ႈဝဲဖဲ တဆံခြံႏြံတႏြံအိဥဘွံးနံၚန႔ဥလီၚ.

ဖဲအတႈစံဥတဲၚတဲလီၚတႈအပူၚ ကဥဒံဥနဲဥခေါစဘိဥစံးဝဲ ဒ္သိးတႈအိဥဖွိဥကရ႕ဖိသ့ဥတဖဥ ကကြႈလိကြႈဒိးဝဲခရံဏအပ်ဲႈအဘီဥ သ့ဥတဖဥ မ့ႈလ႕အအိဥဝဲလ႕ ကလံၚမုႈတြၚဝဲအပူၚ ဘဥဆဥပဏတ့ႈကြံဏဝဲအတႈပ်ံၚတႈဖုးဒီးကဘဥအိဥဝဲဒီးတႈသူဥဒူသးဒူ မ့ႈလ႕အသ့ဥညါဝဲလ႕ ကစႈအိဥဒီးအဝဲသ့ဥအဃိန႔ဥလီၚ.

ကဥဒံဥနဲဥအ႕ဥလီၚတူႈလိဏဝဲလ႕ ကီႈပဎီၚထံဖိကီႈဖိသ့ဥတဖဥ ဘဥကြႈဆ႕ဥမဲဏဝဲဒဥ တႈနးတႈဖွီဥသ့ဥတဖဥ ဘဥဆဥမ႕န႔ႈ ဆီဥခံအဝဲသ့ဥ ဒ္သိးအကထံဥဘဥဎြၚအတႈအိဥဒီးအဝဲသ့ဥလ႕ ခီဖ်ိပွၚအဂၚသ့ဥတဖဥအတႈဖံးတႈမၚတႈ လ႕ကိးမုႈနံၚဒဲး အပူၚန႔ဥလီၚ. ကလံၚမုႈသ့ဥတဖဥ ဒ္အမ့ႈတႈဖ့ဥဆ႕ဒီးတႈမၚဆူဥမၚစိးသ့ဥတဖဥယ ပွၚဘဥပဏတ့ႈကြံဏတႈအိဥတႈဆိးအလီႈ သ့ဥတဖဥယ ပွၚဘဥအိဥဒီးတႈဖွီဥတႈဎဏဒီးတႈပ်ံၚတႈဖုးယ တႈတလီၚတံႈလီၚဆဲးယ တႈသူဥအုးသးအုးယ တႈလီၚမုႈလီၚမႈ အကလံၚမုႈသ့ဥတဖဥအံၚ  မ့ႈလ႕အမၚလီၚမႈကြံဏဟံဥဃီယ တႈဖံးအီဥမၚအီဥ တုၚဒဥလဲဥပွၚလ႕ပအဲဥအီၚသ့ဥတဖဥ အသးသမူ လီၚမႈကံြဏဝဲဒဥန႔ဥလီၚ.

ဒူဥဖိထ႕ဖိအါဒံအါဂၚသ့ဥတဖဥသံကြႈဝဲ မ့ႈကလံၚမုႈသ့ဥတဖဥအံၚ ကလီၚမႈဝဲဆံးဎံဥလဲဲဥ. သူဥဘီဥသးစႈသ့ဥတဖဥသံကြႈဝဲ ပခါဆူညါကမ့ႈဝဲဒ္လဲဥ. မိႈပႈသ့ဥတဖဥစ့ႈကီးသူဥကိဏသးဂီၚလ႕ ဖိလံၚသ့ဥတဖဥအဂီႈန႔ဥလီၚ. တုၚဒဥလဲဥပွၚတနီၚနီၚစံးဝဲလ႕ ဎြၚအိဥဖဲလဲဥ. ဘဥဆဥကဥဒံဥနဲဥစံးဝဲလ႕ ဎြၚလဲၚဃုဏတႈဒီးအဖိအလံၚသ့ဥတဖဥလ႕ တႈဘ့ွဥတႈဘွီဥအပူၚန႔ဥလီၚ.

ဎြၚဘဥတႈသ့ထံဥန႔ႈအီၚလ႕ မိႈအတႈကြႈထြဲကဟုကဎဏအဖိယ ပႈအတႈကြႈထြဲကဟုကဎဏဒူဥဖိထ႕ဖိအသိးယ သီဘူဥသီခါ အတႈအိဥဝဲဆိးဝဲဒီးတႈအိဥဖွိဥဖိသ့ဥတဖဥလ႕ တႈကီတႈခဲအဆ႕ကတီႈယ ဒီးဖံဝါသ့ဥတဖဥအတႈဖံးတႈမၚတႈလ႕ ဒူဥဖိ ထ႕ဖိလ႕ အလီႈအက်ဲတအိဥလ႕ၚဝဲသ့ဥတဖဥအက်ါန႔ဥလီၚ.

ကဥဒံဥနဲဥစံးစ့ႈကီးဝဲလ႕ ဎြၚဘဥတႈသ့ထံဥန႔ႈအီၚလ႕ ပွၚလ႕အဟ့ဥနီၚလီၚအတႈအီဥတႈအီ ဆူပွၚလ႕အသဥ၀ံၚအသးအအိဥ န႔ဥလီၚ. ပတႈဖံးတႈမၚတႈသ့ဥတဖဥအံၚကမ့ႈတႈလ႕ အဆံးဆံးဖိဘဥဆဥ တဘ်ီဘ်ီဎြၚအတႈအိဥဝဲလ႕ကလံၚအူဝဲ ကဖီလီဖိ အက်ါ လ႕တႈအဲဥတႈကြံအတႈဖံးတႈမၚလ႕အဆံးဝဲသ့ဥတဖဥအပူၚန႔ဥလီၚ.

ကဥဒံဥနဲဥကတိၚတႈဘဥဃးဒီးတႈစူႈတႈနဏဒီးကတိၚဟ့ဥဂံႈဟ့ဥဘါဝဲသူဥဘီဥသးစႈ ဒ္အသ့ဥညါဝဲသူဥဘီဥသးစႈသ့ဥတဖဥ အိဥဝဲဒီး တႈ၀ံတႈဎိးဃကဝဲ လ႕မုႈမဆါတနံၚအံၚန႔ဥလီၚ. သူဥဘီဥသးစႈတနီၚနီၚအတႈကူဥဘဥကူဥသ့ ဘဥတႈမၚတံဏတဏ အီၚယ တံၚသကိးသ့ဥတဖဥလီၚမႈဝဲယ တနီၚနီၚ တႈလီၚတံႈလီၚဆဲးတအိဥဘဥလ႕အဝဲသ့ဥအခါဆူညါအဂီႈဘဥန႔ဥလီၚ. ပွၚတနီၚနီၚ ဘဥတႈခလ့ပစီအီၚလ႕ စိၚဆ႕ကတီႈအံၚခါဆူညါတအိဥလ႕ၚဘဥန႔ဥလီၚ.

ကဥဒံဥနဲဥမ႕န႔ႈဆီဥခံဝဲသူဥဘီဥသးစႈသ့ဥတဖဥ ဒ္သိးအသုတပဏဝဲအခါဆူညါလ႕တႈသူဥဟ့သးဟ့အပူၚတဂ့ၚ. စံးဝဲလ႕ အဝဲသ့ဥတမ့ႈထဲ ပွၚတူႈဘဥတႈလ႕တႈစံဥစိၚတဲစိၚအပူၚဘဥ. မ့မ့ႈတခီ သ့ကဲထီဥဝဲပွၚလ႕အတ့ဘွီဥထီဥတႈစံဥစိၚတဲစိၚအသီ ဒီးတႈမုဏတႈခုဥန႔ဥလီၚ. သူဥဘီဥသးစႈသ့ဥတဖဥ သ့ကဲထီဥဝဲကသံဥသရဥသ့ဥတဖဥယ ပွၚသ့ပွၚဘဥဘဥဃးဒီးစဲးဖီကဟဥ ပွၚထူစံဥမၚခုးဖိသ့ဥတဖဥယ ပွၚကြဲးလံဏတႈကစီဥသ့ဥတဖဥယ ပွၚမၚတႈလ႕တႈဘူဥတႈဘါ ဒ္အမ့ႈဖံဝါတပြဲဝါ သီဘူဥသီခါယ ပွၚလ႕အတ့ဘွီဥထီဥက့ၚ ကရ႕ကရိသ့ဥတဖဥ သ့ဝဲန႔ဥလီၚ. ဒ္သိးသူဥဘီဥသးစႈသ့ဥတဖဥ ကကဲထီဥဝဲပွၚသ့ဥတဖဥလ႕ အအိဥဒီးသးလ႕အနီၚဖးတႈဂ့ၚဒီးတႈအ႕သ့န႔ဥလီၚ. ဒုးသ့ဥနီဥထီဥဝဲ သူဥဘီဥသးစႈသ့ဥတဖဥအတႈသ့တႈဘဥ မ့ႈတႈလ႕အကါဒိဥဝဲ လ႕ထံကီႈအဂီႈ ဒီးကစႈဎ့ဥရႉးခရံဏစံးဝဲ ပ်ံၚတႈတဂ့ၚ အအံၚမ့ႈဎၚလီၚ.

ကဥဒံဥနဲဥစံးစ့ႈကီးဝဲလ႕ တႈအိဥအသးလ႕အအိဥဒီးတႈကထူဥဘးလီ ဘဥဃးဒီးထံဂံႈကီႈသဲးမ့ႈဂ့ၚယ လ႕ Social Media တဖဥအဖီခိဥမ့ႈဂ့ၚ ဒ္အမ့ႈတႈသ့ဥတဖဥလ႕အမၚဆူဥထီဥတႈပ်ံၚတႈဖုးယ တႈသူဥဒိဥသးဖ်ိး ဒီးတႈရၚလီၚတႈကစီဥအကမဥ သ့ဥတဖဥ မ့ႈလ႕တႈသ့ဥတဖဥအံၚအဃိ ပွၚကနဥဟူဘဥဝဲဎြၚအကလုႈကထါအဂီႈ ကီဝဲခဲဝဲန႔ဥလီၚ. ဘဥဆဥ ပကဘဥ သ့ထံဥသ့ဥညါနႈပ႕ႈဝဲဎြၚအကလုႈ လ႕တႈကထူဥသ့ဥတဖဥအံၚအက်ါန႔ဥလီၚ.

Cardinal Bo of Myanmar: We are not alone in ‘the storm’    Vatican News   11 August 2026