တႈအိ္ဥသ့ဥနီဥထီဥထုကဖဥန႔ဥတႈလ႕ တလးပ႕ Abraham Than သံ၀ံၚပွဲၚထီဥ ၁ နံဥတႈကစီဥ

တလးပ႕ Abraham Thanသံ၀ံၚပွဲၚထီဥတနံဥအလီႈခံ မ့ႈလ႕အဟ့ဥလီၚ အတႈအိဥမူအိဥဂဲဲၚဒီးတႈဖံးတႈမၚ ဒီးမ့ႈစ့ႈကီးတလးပ႕အဆိကတ႕ႈတဂၚလ႕ Gebar အကလုႈအပူၚ ဒ္သိးကဖံးတႈမၚတႈလ႕ Kengtung လီႈကဝီၚအဂီႈ တႈထုကဖဥဘဥတႈမၚအီၚလ႕ တလးပ႕အံၚအတႈဟ့ဥလီၚသးအဂီႈ ဒီးကအိဥဘဥဝဲလ႕တႈအိဥဘွံးအပူၚ ဒီးကဒိးန႔ႈဘဥဝဲတႈအုဥက့ၚခီဥက့ၚလီၚထူလီၚဎိဏအဂီႈ ဘဥတႈဃ့ထုကဖဥန႔ႈအဂီႈလ႕ ဖဲလါအီကူး ၁၈ သီ ဂီႈခီ ၆ နဥရံဥအကတီႈန႔ဥလီၚ.

Kengtung တလးပ႕အလီႈကဝီၚ အတလးပ႕ John Saw Yaw Han ဃုဏဒီးသီဘူဥသီခါသ့ဥတဖဥယ ဖံဝါတပြဲဝါသ့ဥတဖဥ ဒီးပွၚဘါဎြၚဖိသ့ဥတဖဥ ထုကဖဥဃုဏသကိးတႈလ႕ တလးပ႕ Abraham Than အဂီႈန႔ဥလီၚ.

လ႕အတႈစံဥတဲဏတဲလီၚတႈအပူၚ တလးပ႕ John Saw Yaw Han အိဥသ့ဥနီဥထီဥဝဲ တလးပ႕ Abraham Than အတႈဖံးတႈမၚတႈလ႕ Kengtung လီႈကဝီၚအပူၚဎံဏဝဲ အနံဥ ၃၀ ဒီးမ့ႈစ့ႈကီးလီႈကဝီၚအံၚအဂီႈ တလးပ႕အဆိကတ႕ႈတဂၚန႔ဥလီၚ. ဟ့ဥလီၚဝဲအတႈအိဥ္မူအိဥဂဲဲၚလီၚဆီန႔ဥတႈလ႕ တႈလီႈတႈက်ဲအလီႈဆီဝဲသ့ဥတဖဥ လ႕တ႐ူးကီႈဆ႕န႔ဥလီၚ.

ဖဲတလးပ႕အံၚဖံးတႈမၚတႈအကတီႈ တႈလီႈတႈက်ဲအံၚ အိဥလ႕ပွဲၚဝဲဒီးတႈကီတႈခဲ အကလုႈအကလုႈ ဘဥဃးဒီးတႈအီဥတႈအီယ တႈကူဥဘဥကူဥသ့ယ တႈအိဥဆူဥအိဥခ့်ယ တႈစိဏဆွ႕တႈဖိတႈလံၚ ဒီးတႈစဲးက်ိးလိဏသးအကတီႈန႔ဥလီၚ.

စးထီဥဖဲ ၁၉၉၀ လါမ့ၚ ၃ သီအမုႈနံၚ တလးပ႕ Abraham Than ကြဲမုဥဝဲသီခါသ့ဥတဖဥယ ဖံဝါသ့ဥတဖဥ ဒီးတႈအိဥဖွိဥသရဥ သရဥမုဥသ့ဥတဖဥ ဒီးပွၚဎိဎိဖိလ႕အစိဏဆွွ႕တႈသးခုကစီဥသ့ဥတဖဥယ ကြဲမုဥဝဲပွၚလ႕အအိဥလ႕ လီႈကဝီၚအလီႈဆီဝဲသ့ဥတဖဥ ဒီးမၚဃုဏသကိးတႈလ႕ ကမၚသကိးတႈဖံးတႈမၚ လ႕တႈလီႈတႈက်ဲအကီအခဲဝဲအံၚအပူၚအဂီႈန႔ဥလီၚ.

တလးပ႕အံၚ ဘဥတႈသ့ဥညါအါအီၚ ဒ္အဟ့ဥဂံႈဟ့ဥဘါသီဘူဥသီခါ ဒီးဖံဝါတပြဲဝါသ့ဥတဖဥ ဒ္သိးအကအိဥဂဲႈဆိးက်႕ၚဝဲလ႕ အတႈလဲၚတႈက့ၚ အတႈစံဥတဲဏတဲလီၚတႈသ့ဥတဖဥအပူၚ အဝဲသ့ဥကအ႕ဥလီၚအသးအဂီႈ ဒီးမ႕န႔ႈဆီဥခံဝဲ ဒ္သိးသီဘူဥသီခါယ ဖံဝါတပြဲဝါသ့ဥတဖဥ ကကူဝဲကၚဝဲအဝဲသ့ဥအဆ့ကၚ ထီဘိအဂီႈန႔ဥလီၚ.

တလးပ႕ John Saw Yaw Han စံးဝဲလ႕ တလးပ႕န႔ဥတဘဥအိဥဝဲလ႕ တႈပဏသူဥပဏသးတႈဒိဥဆိဒိဥကမီၚ တႈခြဲးတႈဎဏဘဥဒီး ကဘဥအိဥဝဲဒဥလ႕ဟီဥခိဥခ်႕ အတႈပဏသူဥပဏသး ဒီးတႈအိဥဖွိဥဖိသ့ဥတဖဥအဖီခိဥ လ႕တႈအဲဥတႈကြံ တႈအံးထြဲကြႈထြဲတႈသ့ဥတဖဥန႔ဥလီၚ. မ့မ့ႈတခီ တလးပ႕ဘဥတႈကိးအီၚ ဒ္သိးကမၚပွၚခ့ပွၚတဂၚ ဒီးက၀ံဝဲဎိးဝဲထူဥစုညါလ႕အဃ႕ လ႕အတႈပဏလီႈလ႕အဝဲသ့ဥအဖီခိဥန႔ဥလီၚ.

အိဥသ့ဥနီဥထီဥဝဲ ပွၚစီဆွံ John Chrysostom အတႈသိဥလိနဲဥလိတႈ ဒ္အမ့ႈဝဲပွၚလ႕အအိဥမူဒံးဝဲ အပူၚကြံဏအနံဥ ၄၀၀ အဂ့ႈန႔ဥလီၚ.

တလးပ႕သ့ဥတဖဥ မ့ႈတုႈလ႕မုႈနံၚခံကတ႕ႈ ကဘဥက့ၚအိဥဖွိဥအသးဆူပႈကစႈဎြၚအအိဥဒီး ကဘဥက့ၚအ႕ဥလီၚအီလီၚအသးလ႕ အတႈဖံးတႈမၚခဲလ႕ဏသ့ဥတဖဥအဂီႈန႔ဥလီၚ. တႈန႔ဥအဃိ တလးပ႕ John Saw Yaw Han စံးဝဲလ႕ သိအကရ႕မ့ႈဒိဥဒီး ပွၚကြႈသိအမူအဒါစ့ႈကီးဒိဥဝဲဒဥန႔ဥလီၚ.

တလးပ႕ John Saw Yaw Han စံးဝဲလ႕ တလးပ႕အတႈအိဥမူအိဥဂဲၚအံၚ တမ့ႈလ႕ဒိးန႔ႈဘဥတႈခြဲးတႈဎဏလီႈလီႈဆီဆီဘဥ မ့တမ့ႈ တဘဥသုဝဲတႈဆ႕ကတီႈ ထဲအကစႈဒဥဝဲအဂီႈဘဥ. အတႈအိဥမူအိဥဂဲၚ မ့ႈဝဲတႈအ႕ဥလီၚအသးလ႕ ပွၚညါဎြၚဖိသ့ဥတဖဥ အတႈအိဥမူသ့ဥတဖဥအဂီႈ မ့ႈဝဲတႈတီခိဥရိဥမ႕တႈပနီဥစီဆွံသ့ဥတဖဥ တႈသိဥလိနဲဥလိတႈစူႈတႈနဏအဂ့ႈအက်ိၚ တႈလဲၚဃုဏသကိးဒီး တႈအိဥဖွိဥဖိသ့ဥတဖဥ ဒီးသီဘူဥသီခါ ဖံဝါတပြဲဝါ ဒီးပွၚဘါဎြၚဖိသ့ဥတဖဥ ဒီးတႈမၚဃုလိဏဖိးလိဏသးလ႕ တႈတဘဥလိဏဖိးလိဏသးသ့ဥတဖဥအဂိီႈန႔ဥလီၚ.

ဒီးကဘဥက်ဲးစဲးဃုထံဥန႔ဥက်ဲ တႈကီတႈခဲအကလုႈအကလုႈ လ႕တႈအိဥဖွိဥကရ႕အပူၚန႔ဥလီၚ. တဘ်ီဘ်ီ တလးပ႕သ့ဥတဖဥ မ့ႈက်ဲးစဲးဝဲကမၚဃုလိဏဖိးလိဏက့ၚသး ဘဥဆဥ ဘဥတႈကဒုးကဒ့ႈအီၚသ့ဝဲန႔ဥလီၚ.

ဘဥဆဥ အဝဲသ့ဥအတႈဖံးတႈမၚအသုတဘဥမ့ႈဝဲ ကဘဥစံဥညီဥတႈအိဥဖွိဥကရ႕ဖိ သ့ဥတဖဥဘဥဒီး မ့မ့ႈတခီ အဝဲသ့ဥဘဥတႈကိးအီၚဒ္သိး အကထုးစုနဲဥက်ဲအဝဲသ့ဥ ဒီးကဘဥတီခိဥရိဥမ႕ဝဲ သီဘူဥသီခါသ့ဥတဖဥယ ဖံဝါတပြဲဝါသ့ဥတဖဥယ ပွၚဘါဎြၚဖိသ့ဥတဖဥ ဒ္သိးအဝဲသ့ဥအသုတလဲၚကမဥဝဲလ႕ တႈစူႈတႈနဏအက်ဲဖီခိဥ အဂီႈန႔ဥလီၚ.

ဖဲတႈအိဥဖွိဥကရ႕ခီဖ်ိထံဥဘဥဝဲ တႈဒိဥထီဥထီထီဥဒီးတႈကဲထီဥလိဏထီဥအခါ တလးပ႕သူဥဖွံသးညီဝဲဃုဏဒီး ပွၚဘါဎြၚဖိသ့ဥတဖဥယ တႈအိဥဖွိဥကရ႕ဖိသ့ဥတဖဥ န႔ဥလိီၚ. ဒီးတဘ်ီဃီ ဖဲတႈကီတႈခဲသ့ဥတဖဥအိဥထီဥဝဲအခါ တလးပ႕၀ံဝဲဎိးဝဲ တႈ၀ံတႈဎိးသ့ဥတဖဥလ႕အသူဥအသးအပူၚ ဒီးလ႕ဘွ့ဥတႈဘွီဥအပူၚ လဲၚဃုဏသကိးဝဲလ႕ တႈထုကဖဥတႈလ႕ဎြၚအအိဥန႔ဥလီၚ.

တလးပ႕ John Saw Yaw Han ပဏဖ်ါထီဥဝဲတလးပ႕အမူအဒါ လီၚဂၚဒ္ပွၚကြႈသိတဂၚ လ႕အအိဥဝဲဃုဏဒီးသိလ႕အလီၚမဥကြံဏဝဲတဖဥန႔ဥလီၚ. သိတကဎၚအက်ါတဒုလီၚမၚကြံဏဝဲ ဘဥဆဥ တပဏအသးလ႕တဒုဖိဘဥဒီး က်ဲးစဲးကြႈဃုဝဲသိလ႕အလီၚမၚကြံဏဝဲ တုႈအထံဥဝဲန႔ဥလီၚ.

ဒ္န႔ဥအသိးတလးပ႕စ့ႈကီး တပ်ဲပူၚဝဲပွၚထဲတဂၚဧိၚဘဥဒီး အသးအိဥလဲၚစိဏဆွ႕ဝဲသိဖိခဲလ႕ဏ ဆူဎြၚအခီဥထံးန႔ဥလီၚ. ကတိၚဒုးသ့ဥနီဥထီဥဝဲ တႈအိဥဖွိဥကရ႕ဖိသ့ဥတဖဥလ႕ ပတႈကဲထီဥဝဲတလးပ႕၀ံၚအလီႈခံ ပတမ့ႈဝဲပွၚလ႕ အအိဥဒီးတႈစိတႈကမီၚဖးဒိဥလ႕ အသ့ထုးကြံဏဝဲတႈဂ့ႈကီခဲလ႕ဏသ့ဥတဖဥဘဥ.

တလးပ႕စ့ႈကီးဒ္အမ့ႈပွၚကညီအသိး သ့ထံဥဘဥဝဲတႈလီႈဘွံးလီႈတီၚ တႈသဎုဏသတြၚ တႈဆူူးတႈဆါ ဒီးအကစႈဒဥဝဲဘဥဂဲၚပ်ဳၚတႈတဖဥန႔ဥလီၚ. သ့အိဥထီဥဝဲဒီးတႈဂံႈစႈဘါစႈ အကစႈဒဥဝဲတႈကီတႈခဲအိဥဝဲစ့ႈကီးန႔ဥလီၚ. လ႕အကဘဥဎိးဝဲစိဏဝဲ တႈသူဥစူၚသးစူၚအပူၚ ဒီးလ႕တႈသူဥတီသးလိၚအပူၚန႔ဥလီၚ.

တလးပ႕ဘဥ၀ံဝဲဎိးဝဲမူဒါလ႕အဒိဥဝဲအဃိ မ့ႈဝဲအဝဲသ့ဥဘဥတႈအးလီႈအီၚလ႕မူဒါဒိဥဝဲ သ့ဥတဖဥအဃိန႔ဥလီၚ.

တလးပ႕ John Saw Yaw Han စံးဝဲလ႕ တႈအိဥဖွိဥရိဖွိဥဘူဥဘါဃုဏသကိးတႈ ဖဲလ႕ တလးပ႕ Abraham Than သံ၀ံၚအပွဲၚထီဥ ၁ နံဥ၀ံၚအလီႈခံ မ့ႈအိဥဒီးတႈပညိဥ တမ့ႈထဲလ႕ပကဘဥအိဥသ့ဥနီဥထီဥ တလးပ႕အံၚဎိဎိဘဥ. တမ့ႈထဲလ႕ပကစံးဘ်ဳးစံးဖွိဥအတႈဖံးတ့ႈမၚတ့ႈတႈဘဥ. လ႕တႈဆိကမိဥထဲဒဥလ႕အဂီႈ တအိဥဝဲအဃိ ဒ္သိးပကအးလီၚနီႈသးဆူမုႈကနီႈနီႈမၚရံဎၚအအိဥ ဒီးဃ့ကညးသကိးမိႈအတႈထုကဖဥန႔ဥတႈလ႕အဂီႈန႔ဥလီၚ.

တလးပ႕မ႕န႔ႈဆီဥခံဝဲပွၚဘါဎြၚဖိသ့ဥတဖဥ ဒ္သိးအကဃ့ထုကဖဥန႔ႈတႈလ႕ တလးပ႕ခဲလ႕ဏယ သီဘူဥသီခါခဲလ႕ဏယ ဖံဝါတပြဲဝါခဲလ႕ဏယ တႈအိဥဖွိဥသရဥသ့ဥတဖဥခဲလ႕ဏဒီး ပွၚကဲခိဥကဲနဥတႈခဲလ႕ဏသ့ဥတဖဥ လ႕အဖံးတႈမၚတႈလ႕တႈအိဥဖွိဥကရ႕အပူၚခဲလ႕ဏသ့ဥတဖဥအဂီႈန႔ဥလီၚ.