Lisu တႈအိဥဖွိဥကရ႕ဖိသ့ဥတဖဥ မၚလၚကပီၚသကိးတႈအိဥဃူအိဥဖွိဥပွဲၚထီဥ ၄ နံဥ ဃုဏဒီးတႈထုကဖဥ တႈကစီဥ

ခရံဏဖိတႈအိဥဖွိဥကရ႕ ၈ ခါ အတႈအိဥဖွိဥဖိ ၃၀၀ ဃဥဃဥသ့ဥတဖဥ အိဥဖွိဥရိဖွိဥသကိးဝဲလ႕ တႈထုကဖဥ ဃုဏသကိးတႈအဂီႈ လ႕ Lisu Baptist Bethlehem တႈဘါသရိဏတဖ်႕ဥအပူၚ ဖဲ ၂၀၂၆ လါစဲးပတ့ဘ႕ဥ ၄ သီန႔ဥလီၚ. တႈမၚအသးအံၚ မ့ႈဝဲလြံႈနံဥတနံဥ တႈအိဥဖွိဥထံဥလိဏအသးလ႕ တႈထုကဖဥအပူၚ ဒီးတႈပညိဥမ့ႈ ဝဲ ဒ္သိးအကမၚဆူဥထီဥခရံဏဖိသ့ဥတဖဥ အတႈဃူလိဏဖိးလိဏအသးဒီး အတႈရ႔လိဏမုဏလိဏအသးလ႕ Lisu အကရ႕ကရိအက်ါန႔ဥလီၚ.

တႈအိဥဖွိဥထံဥလိဏအသးအံၚ ဘဥတႈကရ႕ကရိအီၚလ႕ Lisu ခရံဏဖိတႈထုကဖဥအကရ႕ မ့ႈဝဲပွၚခရံဏဖိအကရ႕ဖိ လ႕အက႐ူႈလီၚဆီဝဲ ၃၀၀ ဃဥဃဥဒီး ခရံဏဖိခိဥနႈ ၁၂ ဂၚသ့ဥတဖဥ လ႕က႐ူႈအလီၚဆီ ၈ ခါန႔ဥလီၚ. RVA Lisu ပဏဖ်ါထီဥဝဲတႈဂ့ႈအံၚ လ႕အဝဲသ့ဥအတႈ Social media အဖိီခိဥစ့ႈကိီးန႔ဥလီၚ.

Rev. LE ME SI ကတိၚတူႈလိဏဝဲ ပွၚဟဲမၚဃုဏသကိးတႈဒီး ကတိၚနႈပ႕ႈဝဲလ႕ တႈအိဥဖွိဥရိဖွိဥလ႕ တႈထုက ဖဥအပူၚအံၚ မ့ႈဝဲဒ္သိး ခရံဏဖိက႐ူႈအလီၚဆီဝဲသ့ဥတဖဥ ကအိဥဖွိဥအိဥဘူးအိဥတံႈလိဏအသး ဒီးကမၚဆူဥထီဥဝဲ တႈနႈပ႕ႈလ႕ တဂၚဒီးတဂၚအက်ါ ဒ္သိးအကမ့ႈဝဲတႈဒုးအိဥထီဥ တႈခြဲးတႈဎဏလ႕ တႈထုကဖဥအဂီႈ လ႕ Lisu အကရ႕ဖိလိဥဘဥဝဲသ့ဥတဖဥန႔ဥလီၚ.

စံးဝဲလ႕ တႈအိဥဖွိဥထံဥလိဏအသးအံၚ မ့ႈစ့ႈကီး တႈခြဲးတႈဎဏလ႕ပွၚကထုကဖဥလ႕ ကေိဖိသ့ဥတဖဥ ဒ္အဝဲ သ့ဥက်ဲးစ႕းသကိးဝဲလ႕ တႈကူဥဘဥကူဥသ့အဂီႈယ ဒီးပွၚကမ်႕ႈဖိသ့ဥတဖဥလ႕ အက်ဲးစ႕းဃုမၚတႈလ႕ တႈလုႈ အီဥ အဒူဥဖိထ႕ဖိသ့ဥတဖဥအဂီႈယဒီးကဎဲႈပွၚလ႕ အဆီဥထြဲမၚစ႕ၚ Lisu အကရ႕ကရိကဒိဥထီဥထီထီဥအဂီႈလ႕ က်ဲအါဘိအပူၚသ့ဥတဖဥန႔ဥလီၚ.

ဖဲတႈအိဥဖွိဥ တ႕ဥပိီဥလိဏသးထံဥလိဏသးအပူၚ Rev. Dr.Ah Dee Wa Ya Zi  ကတိၚတႈ ခီဖ်ိလ႕လံဏစီဆွံအဆ႕အဖီခိဥ ဒီးဟ့ဥဂံႈဟ့ဥဘါဝဲ ပွၚဟဲမၚဃုဏသကိးတႈသ့ဥတဖဥ ဒ္သိးအကအိဥဘူးအိဥတံႈဒီးဎြၚ လ႕အဝဲသ့ဥအတႈအိဥမူ အတႈအိဥသး ကိးခါဒဲးသ့ဥတဖဥအပူၚန႔ဥလီၚ.

ပဏဖ်ါထီဥဝဲအတႈစံးဘ်ဳးစံးဖွိဥဎြၚ မ့ႈလ႕ Lisu အပွၚကမ်႕ႈဖိသ့ဥတဖဥအဂီႈ ဒီးဟ့ဥဂံႈဟ့ဥဘါဝဲခရံဏဖိခိဥနႈသ့ဥ တဖဥယ တႈအိဥဖွိဥသရဥသ့ဥတဖဥယ ပွၚဎိဎိသ့ဥတဖဥယ ဒီးကဎဲႈပွၚလ႕အမၚတႈလ႕ကရ႕ကရိအဂီႈသ့ဥတဖဥ ဒ္သိးအကအိဥစ႕ဖွိဥလီၚအသးဒီး ခရံဏကစႈအဂီႈန႔ဥလီၚ.

ဖဲတႈမၚသးအံၚအပူၚ ပွၚပဏဖ်ါထီဥဝဲသ့ဥထူဥတထူဥ လ႕အမ့ႈတႈပနီဥလ႕ နီႈသးအတႈအိဥမူအိဥဂဲၚအကါဒိဥဝဲ အဂ့ႈန႔ဥလီၚ. စံးဝဲလ႕ ပွၚလ႕အတအိဥဘူးအိဥတံႈဒီးယပွၚလ႕အတအိဥမူအိဥဂဲၚလ႕ ခရံဏကစႈအပူၚ လိီၚဂဏလ႕ သ့ဥထူဥလ႕အသံယလ႕တႈအံၚအဃိ တႈလ႕ခရံဏကစႈမ့ႈတႈလ႕အကါဒိဥဝဲအဂ့ႈ စံးဝဲန႔ဥလီၚ.

Lisu ခရံဏဖိသ့ဥတဖဥ အတႈထုကဖဥတႈအကရ႕ နဲႈရြဲဥခိဥက်႕ႈကတိၚဟ့ဥဂံႈဟ့ဥဘါဝဲ ပွၚဟဲမၚဃုဏသကိးတႈ ဒ္သိးအကပဏလုႈဒိဥပွဲၚဒိဥဝဲဎ့ဥရႉး အတႈလုလဏစဲးလၚယ ဒီးပဏဃ႕ႈပဏက်႕ၚစ့ႈကီးဎ့ဥရႉးအတႈစံးတႈကတိၚ အလံဏအလဲဏ လ႕ခါဆူညါသူဥဘီဥသးစဥသ့ဥတဖဥ အဂီႈန႔ဥလီၚ.

စံးဝဲလ႕ Lisu အတႈအထုးစု အတႈကတိၚလ႕ပွၚကြဲးအိီၚသ့ဝဲအိဥလံဝဲ အါန႔ႈအနံဥတကဎၚယဒီးစံးဝဲဒ္သိး ပွၚကသူကဒီးတႈကတိၚအံၚအဂီႈန႔ဥလီၚ.

ကြဲမုဏဝဲခရံဏဖိခဲလ႕ဏသ့ဥတဖဥ ဒ္သိးအကအိဥသ့ဥနီဥထီဥဝဲ ပွၚလ႕အတူႈဘဥတႈသ့ဥတဖဥ မ့ႈလ႕တႈကီတႈခဲ အိဥဝဲလ႕ ပထံပကီႈအံၚအပူၚ ဒီးပကထုကဖဥကဒီးဝဲဆူညါလ႕ တႈမုဥတႈခုဥအဂီႈန႔ဥလီၚ.

ခရံဏဖိသ့ဥအက႐ူႈအလီၚဆီဝဲသ့ဥတဖဥ အတႈထုကဖဥဃုဏသကိးတႈအံၚ ဘဥတႈစးထီဥအီၚဖဲ ၂၀၂၂ယလါစဲးပတ့ဘ႕ဥ ၁၃ သီန႔ဥလီၚ. တႈမၚအသးအံၚ ဘဥတႈမၚအီၚတလါတဘ်ီ ယဒီးတဘ်ီတဘ်ီ ခရံဏဖိအက႐ူႈအလီၚဆီဝဲ အတႈဘါသရိဏသ့ဥတဖဥအပူၚန႔ဥလီၚ.

ဖဲအပူၚကြံဏ ၄ နံဥ အတီႈပူၚ တႈထုကဖဥဃုဏသကိးတႈအံၚ ဆီဥထြဲမၚစ႕ၚဝဲယ ကဲထီဥဝဲတႈခြဲးတႈဎဏလ႕ Lisu ခရံဏဖိလ႕အက႐ူႈလီၚဆီဝဲသ့ဥတဖဥ ဒ္သိးအကထံဥလိဏသးတဂၚဒီးတဂၚယအကထုကဖဥဃုဏသကိးတႈ ဒီးဒုးကဲထီဥဝဲ တႈရ႔လိဏမုဏလိဏသးယဒီးတႈဖံးဃုဏမၚဃုဏတႈန႔ဥလီၚ.

နံဥဆဲးဆ႕တႈထံဥလိဏအသးအံၚ တမ့ႈထဲလ႕ခရံဏဖိသ့ဥတဖဥ အတႈဃူလိဏဖိးလိဏက့ၚအသးဘဥဒီး မ့ႈဝဲဒ္သိး ပွၚကသ့ဥညါနႈပ႕ႈဒီး ဖံးတႈမၚတႈလ႕ Lisu အပွၚကလုဏအတႈလိဥဘဥအဂီႈယ လ႕အမ့ႈဝဲဃုဏဒီး တႈကူဥဘဥကူဥသ့ယ တႈပ႕ၚဃဏတႈစံးတႈကတိၚယ လုႈလႈဆဲးလၚယ ဒီးတႈကြႈထြဲမၚစ႕ၚ ပွၚဖွီဥဖိဎဏဖိသ့ဥတဖဥယဒီးတႈမုဥတႈခုဥလ႕ ထံကီႈအဂီႈန႔ဥလီၚ.