မိႈ ၁၇၃ ဂၚလ႕ Myitkyina တလးပ႕လီႈကဝီၚအပူၚသ့ဥတဖဥ မၚသကိးဝဲ သ႕လါတဘ်ီတႈအိဥသဒ႕လ႕ တႈထုကဖဥအပူၚတႈကစီဥ
 တႈအိဥဖွိဥကရ႕ဖိ ဖိသဥအမိႈ ၁၇၃ သ့ဥတဖဥ လ႕ In Jang Dung သီခါလီႈကဝီၚ လ႕ Myitkyina တလးပ႕လီိႈကဝီၚဖးဒိဥအပူၚ အိဥဖွိဥရိဖွိဥသကိးဝဲ ၃ လါတဘ်ီ တႈအိဥသဒ႕လ႕တႈထုကဖဥအပူၚ ဒီးမ့ႈဝဲလ႕ခရံဏစီၚပၚ တႈဘါသရိဏလ႕ Rada Kawng ဒီးမ့ႈဝဲဖဲလါ September ၅ သီယ၂၀၂၆ ဒီးအတႈကြႈထံဥဆိကမိဥတႈဝဲလ႕ ပွၚစီဆွံနီႈ Teresa လ႕ Calcutta အတႈအိဥမူအိဥဂဲၚအဖီခိဥ ဒီးလ႕တႈမၚသီထီဥ အတႈအ႕ဥလီၚအီလီၚအသး ဘဥဃးဒီး လ႕တႈစူႈတႈနဏဒီး ဒူဥဖိထ႕ဖိအဂီႈန႔ဥလီၚ.

Fr. Joseph Chwar Thar လ႕အမ့ႈဝဲ RVA Lisu Coordinator ကဲခိဥကဲနႈဝဲ တႈကြႈထံဆိကမိဥလ႕ တႈအိဥသဒ႕အပူၚ ဒီးကတိၚတႈမ့ႈဝဲလ႕ တႈစုူႈတႈနဏဒီး မိႈသ့ဥတဖဥ အသူဥဂ့ၚသးက်ိၚ အဂ့ႈအက်ိၚလ႕ ဒူဥဖိထ႕ဖိအပူၚ ဒီးအိဥဒီးတႈသူဥတီသးလိၚလ႕ဎြၚအဖီခိဥ အကါဒိဥဝဲအဂ့ႈ လီၚဆီဒီးတႈဖဲတႈကီတႈခဲ အကတီႈန႔ဥလီၚ.

Fr.Chwar Thar ကတိၚဆူဥထီဥတႈလ႕ ဘဥဃးဒီးမိႈသ့ဥတဖဥ အိဥဝဲဒီးမူဒါလ႕အကါဒိဥဝဲ လ႕တႈလုႈအီဥ လုႈအီဖိသဥသ့ဥတဖဥ  အတႈစူႈတႈနဏ ဒီးတႈမၚဆူဥထီဥအဝဲသ့ဥ အတႈပဏသူဥပဏသးလ႕ ဒူဥဖိထ႕ဖိအပူၚန႔ဥ လီၚ.

သီခါအံၚစံံးဝဲလ႕ ပွၚကိးဂၚဒဲးအိဥဒီးသန႔ၚအသးလ႕ တႈဂ့ႈတခါန႔ဥလီၚ. ပွၚတနီၚနီၚသန႔ၚအသးလ႕ပွၚကညီယ ပွၚတနီၚ နီၚသန႔ၚအသးလ႕က်ိဥစ့ပူၚယ ပွၚတနီၚနီၚသန႔ၚအသးလ႕ တႈဟီဥခိဥခ်႕သ့ဥတဖဥန႔ဥလီၚ. တႈခဲလ႕ဏအံၚလဲလိဏအသးသ့ဝဲဘဥဆဥ ထဲဒဥဎြၚတဂၚဧိၚ အအိဥဂ႕ႈဆိးက်႕ၚဝဲထီဘိန႔ဥလီၚ. ဒီးတႈစံးကတိၚတႈအံၚမ့ႈဝဲဖဲ ဧ့ၚၾဘံ ၁၃း၈ ဒီးဒုးသ့ဥနီဥထီဥဝဲမိႈသ့ဥတဖဥလ႕ယ မဟါယဒီးမဆါတနံၚအံၚယ ဒီးအစိၚစိၚအဃဥဃဥန႔ဥယဎ့ဥရႉးခရံဏမ့ႈ တႈဒ္လီႈလီႈလီၚ.

ကတိၚဟ့ဥဂံႈဟ့ဥဘါဝဲမိႈသ့ဥတဖဥ ဒ္သိးအကြႈထြဲကဟုကဎဏ အနီႈသးအတႈအိဥမူအိဥဂဲၚ ဂ့ၚဂ့ၚဘဥဘဥ ဒ္အဝဲသ့ဥအကြႈထြဲလီၚက့ၚဝဲ တႈလ႕အလိဥလ႕နီဥခိအဂီႈန႔ဥလီၚ.

သီခါအံၚစံးဝဲလ႕ အိဥသ့ဥနီဥတႈလ႕နီႈခိ အတႈလိဥဘဥတႈလ႕ တႈအီဥတႈအီ အဂီႈကိးမံၚဒဲးဘဥဆဥ တဘ်ီဘ်ီ ပသးပ့ၚနီဥတႈလ႕ နီႈသးအတႈလိဥဘဥတႈသ့ဥတဖဥ အဂီႈန႔ဥလီၚ. သီခါအံၚကတိၚတႈဆူမိႈသ့ဥတဖဥအံၚဒီး စံးဝဲလ႕ တႈစူႈတႈနဏ အိဥဟဲဝဲလ႕ တႈဒိကနဥ ဎြၚနႈဟူတႈအဖီခိဥန႔ဥလီၚ.

Fr. Chwar ကတိၚဟ့ဥဂံႈဟ့ဥဘါဝဲမိႈသ့ဥတဖဥ ဆူ ဒ္သိးအကဒိကနႈဝဲဎြၚ အကလုႈကထါ ကဖးဝဲသကိးလံဏစီဆွံ လ႕ကိးမုႈနံၚဒဲးန႔ဥလီၚ. ထိဥသႀတီၚဝဲတႈဖးလံဏစီဆွံ လီၚဂၚဒ္တႈက်ဲးစ႕းဃုထံဥန႔ဥတႈ တႈလုႈဒိဥပွ့ၚဒိဥသ့ဥတဖဥန႔ဥလီၚ.

Fr. Chwar ကတိၚတႈ ဘဥဃးဒီး တႈႀတီမၚတံဏတဏတႈလ႕ တႈစူႈတႈနဏအဂီႈ လ႕မ့ႈဝဲဃုဏဒီး ပွၚကညီသ့ဥတဖဥ အတႈဆိကမိဥယ အတႈနးတႈဖွီဥဒီး အတႈသူဥဒ့ဒီသးဒ့ဒီသ့ဥတဖဥန႔ဥလီၚ. စံးဝဲဖဲပအိဥဒီးတႈသူဥဖွံသးညီအခါ လီၚဂၚဒ္ တႈစူႈတႈနဏမ့ႈဝဲလ႕ တႈအညီဘဥဆဥ ဖဲပတႈစူႈတႈနဏဘဥတႈမၚဘဥကြႈအီၚအခါ ဘဥဆဥပတႈစူႈတႈနဏဘဥတႈမၚကြႈအီၚ ဖဲလ႕တႈကီတႈခဲသ့ဥတဖဥအကတီႈန႔ဥလီၚ.

ပဏဖ်ါထီဥဝဲတႈစူႈတႈနဏလ႕အလီၚဂၚဒ္ ပွၚခရံဏဖိသ့ဥတဖဥ အတႈအိဥမူအိဥဂဲၚအပ်ိႈဃံ ဒီးစံးဝဲ ပပ်ိႈဃံအံၚမ့ႈတအိဥဒီး ဒီးပဟူးပဂဲၚ ဂ့ၚဂ့ၚဘဥဘဥတသ့ဝဲအသိး ပွၚခရံဏဖိသ့ဥတဖဥ အတႈအိဥမူအိဥဂဲၚ ကဘဥအိဥဆ႕ထ႕ဥထီဥအသးလ႕ တႈစူႈတႈနဏအဖီခိဥန႔ဥလီၚ. စံးဝဲလ႕ ပတႈစူႈတႈနဏပ်ဲဝဲ တႈအိဥဖွိဥကရ႕ဖိသ့ဥတဖဥဒ္သိး အကခီဖ်ိထံဥဘဥစိပဏစ႕ၚ ဎြၚအဘီအမုႈလ႕ မ့ႈလ႕အဝဲသ့ဥအိဥဝဲလ႕ တႈစူႈတႈနဏအပူၚလ႕ ဎြၚအိဥဒီးအဝဲသ့ဥ ထီဘိ္အပူၚန႔ဥလီၚ.

မိႈသ့ဥတဖဥအတႈအိဥဖွိဥအံၚ မ့ႈဝဲဖဲတႈမၚလၚကပီၚ ပွၚစီဆံွနီႈ Teresa လ႕ Calcutta ဒ္ပွၚသ့ဥညါအီၚလ႕ Mother Teresa အမုႈနံၚန႔ဥလီၚ. ဖဲတႈလုႈမံးဆါအပူၚ သီခါ Fr.Chwar ပဏဖ်ါထီဥဝဲ ပွၚစီဆံွအံၚ အတႈအိဥမူအိဥဂဲၚန႔ဥလီၚ.

ဒုးသ့ဥနီႈထီဥဝဲမိႈသ့ဥတဖဥလ႕ တဘ်ီဘ်ီပွၚနႈပ႕ႈဘဥဆဥ ပဝဲသ့ဥတႈအိဥဖွိဥကရ႕ဖိ သ့ဥတဖဥ ပကဘဥကြဲမုႈပွၚဒ္ပကဘဥပ်ႈကြံဏပွၚအဂၚအတႈကမဥန႔ဥလီၚ. ပွၚကသံကြႈပွၚလ႕ပတႈပညိဥဒ္လဲဥဒ္လဲဥ ဘဥဆဥပကဘဥအိဥဒီးတႈသူဥဂ့ၚသးဂ့ၚ လ႕ပွၚအဂၚအဖီခိဥန႔ဥလီၚ. တဘ်ီဘ်ီပတႈအိဥမူအိဥဂဲၚလ႕ တႈမ့ႈတႈတီအဖီခိဥ ဘဥတႈမၚကြႈအီၚသ့ဝဲဘဥဆဥ ပကဘဥအိဥဒီး တႈသူဥဂ႕ႈသးက်႕ၚလ႕ တႈအိဥမူအိဥဂဲၚအဖီခိဥန႔ဥလီၚ.

ဖဲပမၚတႈဂ့ၚအခါ ပွၚတထံဥဝဲတႈအဂ့ၚဘဥဆဥ ပကဘဥမၚကဒီး တႈအဂ့ၚဆူညါန႔ဥလီၚ. တႈအိဥဖွိဥကရ႕ဖိသ့ဥတဖဥ ကဘဥမၚကဒီးတႈအဂ့ၚဆူညါဆူညါ တုၚဒဥလဲဥအတႈက်ဲးစ႕းတႈသ့ဥတဖဥ တဘဥတႈပဏလုႈဒိဥပွ႔ၚဒိဥအီၚအခါန႔ဥလီၚ. လ႕ခံစံးဝဲလ႕ တႈလ႕အကါဒိဥမ့ႈဝဲ ပတႈရ႔လိဏမုႈလိဏဎြၚ အါန့ႈပွၚကညီသ့ဥတဖဥ အတႈသ့ဥညါနႈပ႕ႈ ပတႈဖံးတႈမၚသ့ဥတဖဥန႔ဥလီၚ.

ဎြၚကြဲမုဏပွၚဒ္သိးတႈကဲထီဥလိဥထီဥ သုတအိဥဝဲအဂီႈဘဥဒီး မ့မ့ႈတခီဒ္သိးပကအိဥဝဲဒီး တႈသူဥတီသးလိၚအဂီႈန႔ဥလီၚ. ကတိၚဟ့ဥဂံႈဟ့ဥဘါဝဲမိႈသ့ဥတဖဥ ဒ္သိးအကအိဥမူအိဥဂဲၚဝဲလ႕တႈသူဥတီသးလိၚအပူၚယတတီႈမ့ႈဝဲလ႕ တႈဒုဥဖိထ႕ဖိအပူၚ ဒီးလ႕ကိးမုႈနံၚဒဲးလ႕မူဒါသ့ဥတဖဥအပူၚ ခီဖ်ိ အတႈအဲဥတႈကြံယအတႈပ်ႈကြံဏတႈယ အတႈမၚဝဲတႈခ့တႈပွႈအတႈမၚဒီး အမၚဝဲတႈအဂ့ၚ တုၚဒဥလဲဥ အတႈက်ဲးစ႕းတႈသ့ဥတဖဥ တုၚဒဥလဲဥပွၚတပဏလုႈဒိဥပွ႔ၚဒိဥဝဲအကတီႈဘဥန႔ဥလီၚ.

သ႕လါတဘ်ီတႈအိဥဖွိဥသ့ဥတဖဥ အတႈအိဥသဒ႕လ႕တႈထုကဖဥအံၚ မ့ႈဝဲ မိႈသ့ဥတဖဥလ႕ Myitkyina တလးပ႕လီႈကဝီၚအပူၚ အတႈမၚဆူဥထီဥ အတႈအ႕ဥလီၚအီလီၚအသးလ႕ ဒူဥဖိထ႕ဖိအပူၚ ဒီးမ့ႈစ့ႈကီးတႈမၚဆူဥထီဥ ပွၚပတီႈမုႈဖိ အတႈသူဥဂ့ၚသးက်ိၚ ဒီးမ့ႈစ့ႈကီးတႈသ့ဥညါ တူႈလိဏမိႈသ့ဥတဖဥ ဒ္အမ့ႈ မိႈသ့ဥတဖဥ မ့ႈတအိဥဒီးတသ့ဝဲ လ႕တႈစူႈတႈနဏ ဒီးလ႕အတႈရၚလီၚတႈစူႈတႈနဏဆူ ကရ႕ကရိအပူၚန႔ဥလီၚ.