ခ႕ဥစးလ႕တႈဘူဥတႈဘါအလီၚဆီ၀ဲသ့ဥတဖဥ ဆ႕ဂ့ၚဆိ၀ဲ ကဥဒံဥနဲဥ တခ်ဳးလ႕အိဥဖ်ဲဥမုႈနံၚ ဟဲတုၚဒ္၀ဲအကတီႈ တႈကစီဥ
ခ႕ဥစးလ႕တႈဘူဥတႈဘါအလီၚဆီ၀ဲသ့ဥတဖဥ ဆ႕ဂ့ၚဆိ၀ဲ ကဥဒံဥနဲဥ တခ်ဳးလ႕အိဥဖ်ဲဥမုႈနံၚ ဟဲတုၚဒ္၀ဲအကတီႈ တႈကစီဥ
ဒ္လ႕တႈဘူဥတႈဘါသ့ဥတဖဥ အတႈပဏဖွိဥ ဃူလိဏဖိးလိဏသးအပူၚယ တႈဘူဥတႈဘါအလၤီၚဆီ၀ဲသ့ဥတဖဥ အခ႕ဥစးကရ႕ လ႕ကီႈပဎီၚတႈမုဏတႈခုဥအဂီႈ လဲၚအိဥသကိး၀ဲ ၀့ႈတကူဥသီခါကရ႕ခိဥ ကဥဒံဥနဲဥခေါလ္စ္ဘိဥ ဖဲ ၂၀၂၅ လါအီးကထိဘ႕ဥ ၁၇ သီယ လ႕တႈဆ႕ဂ့ၚဆ႕၀ါဆိအီၚ တခ်ဳးလ႕ ၇၇ နံဥ ကဥဒံဥနဲဥအိဥဖ်ဲဥဆ႕က့ၚအလီႈ အမုႈနံၚ လ႕အမ့ႈ၀ဲဖဲ အီးကထိဘ႕ဥ ၂၉ သီ တခ်ဳးဟဲတုၚဒ္၀ဲအကတီႈနဥ့လီၚ’
တႈထံဥလိဏသးလ႕ သူဥဒီဖ်႕ဥသးဒီဖ်႕ဥအပူၚအံၚ မ့ႈ၀ဲလ႕ ကဥဒံဥနဲဥအိဥ၀ဲဟံဥ တႈလီႈတႈက်ဲအပူၚယ ဒီးမ့ႈ၀ဲပွၚအဂၚ ၂၀ ဃဥဃဥသ့ဥတဖဥ လ႕ကဲးသလံးတႈအိဥဖွိဥကရ႕ယ လ႕ကီႈပဎီၚခရံဏဖိကရူႈသ့ဥတဖဥအကီႈကးယ ဒီးခ႕ဥစးလ႕ Hindu ဒီးလ႕ Muslim အကရ႕ကရိသ့ဥတဖဥနဥ့လီၚ’ မ့ႈလ႕ ခ႕ဥစးသ့ဥတဖဥအံၚ တအိဥပူၚဖ်ဲးဒီးအတႈဖံးတႈမၚ အတႈရဲဥတႈက်ဲၚသ့ဥတဖဥ ဖဲကဥဒံဥနဲဥအအိဥဖ်ဲဥအမုႈနံၚ အလီၚတံႈလီၚဆဲးအပူၚအဃိ ရဲဥက်ဲၚဒိးလဲၚဆ႕ဂ့ၚဆိ၀ဲ ကဥဒံဥနဲဥနဥ့လီၚ’
တႈဘူဥတႈဘါအလၤီၚဆီ၀ဲသ့ဥတဖဥ အခ႕ဥစးကရ႕ လ႕ကီႈပဎီၚတႈမုဏတႈခုဥအဂီႈ အကိတိဏခိဥက်႕ႈ Dr. Yin Yin Maw ပဏဖ်ါထီဥ၀ဲ တႈထံဥလိဏသးအံၚအတႈပညိဏ ဒီးစံး၀ဲလ႕ ခ႕ဥစးကရ႕အံၚ လဲၚ၀ဲကိးနံဥဒဲး ဆူကဥဒံဥနဲဥအအိဥ ဒ္သိး အကဆ႕ဂ့ၚဆ႕၀ါအီၚ မ့ႈလ႕ ကဥဒံဥနဲဥ မ့ႈ၀ဲပွၚလ႕အကါဒိဥ၀ဲတဂၚ လ႕တႈဘူဥတႈဘါသ့ဥတဖဥ အကရ႕အံၚအဂီႈနဥ့လီၚ’ စံး၀ဲလ႕ ကဥဒံဥနဲဥ မ့ႈ၀ဲပွၚလ႕အအံးထြဲကြႈထြဲ ခ႕ဥစးကရ႕အံၚယ ဒီးမ့ႈစ့ႈကီးပွၚပ႕ၚလီႈဆ့ဥနီၚ ဖဲကရ႕အံၚဘဥတႈဒုးအိဥထီဥအီၚ ဖဲ ၂၀၁၂ အနံဥနဥ့လီၚ’
လ႕ဟီဥခိဥဒီဘ့ဥ တႈဘူဥတႈဘါသ့ဥတဖဥအကရ႕ လ႕တႈမုဏတႈခုဥအဂီႈ ကီႈပဎီၚ မ့ႈ၀ဲထံကီႈ ၉၀ ဘ့ဥတဘ့ဥ လ႕အဖံးတႈမၚတႈ ဒ္တႈဘူဥတႈဘါဒီးလုႈလႈဆဲးလၚ အ၀ဲၚက်ိၚ အတႈထုးစုနဲဥက်ဲအသိးယ ဒီးကရ႕အံၚ ပဏလီၚအသး ဒ္သိးအကမၚဒိဥမၚဆူဥထီဥ တႈအိဥဃုဏဆိးဃုဏလ႕တႈမုဏတႈခုဥအပူၚ ခီဖ်ိတႈစံးကတိၚတ႕ဥပီဥလိဏသး ဒီး တႈသးကညီၚမၚစ႕ၚတႈ အတႈဖံးတႈမၚသ့ဥတဖဥနဥ့လီၚ’
မ့ႈလ႕တႈဘူဥတႈဘါသ့ဥတဖဥအခ႕ဥစး အတႈလဲၚအိဥသကိးဒီးထံဥလိဏအသးဒီးအီၚအဃိ ကဥဒံဥနဲဥ ပဏဖ်ါထီဥအတႈစံးဘ်ဳးစံးဖွိဥက့ၚ ပွၚသ့ဥတဖဥအံၚနဥ့လီၚ’
ကဥဒံဥနဲဥစံး၀ဲလ႕ တႈထံဥလိဏသးဒီးတႈဘူဥတႈဘါအလီၚဆီ၀ဲသ့ဥတဖဥအကရ႕ဖိအံၚ မ့ႈ၀ဲတႈခြဲးတႈဎဏ လ႕တႈပဏဖ်ါထီဥ တႈပဏဒိဥပဏကဲအ၀ဲသ့ဥ ဒီးလ႕တႈသ့ဥညါအါထီဥအ၀ဲသ့ဥအဂ့ႈအက်ိၚအဂီႈနဥ့လီၚ’
ဖဲအမၚတ့ႈတႈလ႕ တလးပ႕လီႈက၀ီၚႏြံခါသ့ဥတဖဥ၀ံၚအလီႈခံ သ့ဥညါနႈပ႕ႈ၀ဲလ႕ တႈအိဥဃုဏဆိးဃုဏ ဖံးဃုဏမၚဃုဏတႈဒီး ပွၚလ႕အအိဥဒီးအတႈစူႈတႈနဏအလီၚဆီ၀ဲ ဒီးကလုဏဒူဥအလီၚဆီ၀ဲသ့ဥတဖဥ မ့ႈတႈလ႕အကဲထီဥ တႈဆီဥထြဲတႈအိဥမူလ႕တႈဃူတႈဖိးအပူၚအဂ့ႈ ကဥဒံဥနဲဥစံး၀ဲနဥ့လီၚ’ ကဥဒံဥနဲဥစံးကဒီး၀ဲလ႕ တႈစူႈတႈနဏဒီးကလုဏမ့ႈလီၚဆီလိဏသးဘဥဆဥ ပမ့ႈဒဥပွၚသ့ဥတဖဥလ႕ ဒူဥဖိထ႕ဖိတခါဃီအပူၚနဥ့လီၚ’
ခ႕ဥစးသ့ဥတဖဥအံၚ အတႈလဲၚအိဥသကိးကဥဒံဥနဲဥ လ႕တႈဆ႕ဂ့ၚဆ႕၀ါအီၚအဂီႈ မ့ႈ၀ဲတႈအက်ိၚအက်ဲတမံၚလ႕ တႈဆီဥထြဲ တႈဘဥလိဏဖိးဒ့လိဏသး ဒီးတႈပဏကဲလိဏသးတဂၚဒီးတဂၚအဂီႈနဥ့လီၚ’
Interfaith Delegation Extends Early Birthday Wishes to Myanmar Cardinal
