ပႈပါလ့ဥအိဥကအီဥဝဲ မုႈဆါခီအတႈအီဥဃုဏဒီးပွၚဖွီဥဖိဎဥဖိ လ႕၀့ႈရိမ့ၚ Castel Gandolfo တႈကစီဥ

ဖဲလါဎူလံဥ ၁၁ သီ မုႈဃုနံၚ ပႈပါလ့ဥအိဥကမၚဝဲတႈအီဥဃုဏမုႈဆါခီအတႈအီဥဒီးပွၚဖွီဥဖိဎဏဖိအဂၚ ၂၀၀ ဃဥဃဥ ဖဲ Laudato si’ အသဝီ အိဥဝဲလ႕ပႈပါအတႈအိဥဘွံးအိဥသါဝဲအကရ႕ႈပူၚ (Pontifical Gardens of Castel Gandolfo) န႔ဥလီၚ.

တႈအီဥဃုဏမုႈဆါခီအတႈအီဥဒီးပႈပါ ကဘဥတႈစးထီဥအီၚ ခီဖ်ိတႈလုႈထီဥတႈလုႈမံးဆါဒီးလ႕တႈလုႈမံးဆါအပူၚ တႈဘူဥထီဥဘါထီဥ အတႈရဲဥလီၚက်ဲၚလီၚသ့ဥတဖဥ ကမ့ႈဝဲဒ္တႈကြႈထြဲကဟုကဎဏတႈဘဥတ့သ့ဥတဖဥန႔ဥလီၚ. ၀ံၚအလီႈခံ တႈတူႈလိဏခီဥဆ႕တႈ အတႈရဲဥလီၚက်ဲၚလီၚသ့ဥတဖဥ ကပိဏထြဲထီဥဝဲန႔ဥလီၚ.

ဖဲ ၂၀၂၅ နံဥ လါအီကူးအပူၚ ပႈပါအတႈအီဥဃုဏဝဲမုႈဆါခီအတႈအီဥဒီးပွၚဖွီဥဖိဎဏဖိသ့ဥတဖဥအကတီႈ ပွၚဖွီဥဖိဎဏဖိသ့ဥတဖဥမ့ႈဝဲ လ႕ကီႈ Italy, Albano တလးပ႕လီႈကဝီၚအပူၚ န႔ဥလီၚ. ကိးနံဥဒဲး ပွၚဖွီဥဖိဎဏဖိလ႕တလးပ႕လီႈကဝီၚအလီၚဆီဝဲသ့ဥတဖဥယ ပွၚဘဥကီ ဘဥခဲသ့ဥတဖဥယ ပွၚသုးလီႈသုးက်ဲသ့ဥတဖဥယ ဒီးပွၚလ႕အခီဖ်ိထံဥဘဥဝဲတႈကီတႈခဲအမေိမေိသ့ဥတဖဥ ဘဥတႈကြဲမုႈအီၚဒီး အကဒုးထံဥသ့ဥညါအဝဲသ့ဥလ႕ တႈအခိဥအဃ႕ၚအတႈဃံတႈလၚ ဒီးလ႕အဝဲသ့ဥအဂီႈကမ့ႈဝဲစ့ႈကီးတႈခြဲးတႈဎဏတမံၚလ႕ တႈထံဥလိဏသးဒီးပႈပါန႔ဥလီၚ.

တနံဥအံၚ ပႈပါအတႈအီဥဃုဏဝဲမုႈဆါခီအတႈအီဥဒီးပွၚဖွီဥဖိဎဏဖိသ့ဥတဖဥအံၚ ဘဥတႈကရ႕ကရိထီဥအီၚလ႕ ကူဥသ့ဝဲၚက်ိၚလ႕အပတီႈထီဝဲ လ႕အဘဥဃးဒီး Laudato si’ ဒီးတႈသးကညီၚမၚစ႕ၚတႈအကရ႕ခိဥနႈဝဲၚက်ိၚယ ၀့ႈရိမ့ၚတလးပ႕လီႈကဝီၚသ့ဥတဖဥ အတႈဖံးဃုဏမၚဃုဏတႈ ဒီးကရ႕ကရိလ႕အကြႈထြဲမၚစ႕ၚပွၚဘဥကီဘဥခဲ လ႕ကီႈ Italy အ၀့ႈခိဥဒီ၀့ႈန႔ဥလီၚ.

ကူဥသ့ဝဲၚက်ိၚလ႕အပတီႈထီဝဲ လ႕ Laudato si’ အပွၚဒုးနဲဥတႈ Cardinal Fabio Baggio စံးဝဲလ႕ Laudato si’ အတႈလီႈတႈက်ဲအံၚ ဘဥတႈဒုးအိဥထီဥအီၚ ဒ္အမ့ႈတႈပဏဖ်ါထီဥတႈကြႈထြဲတႈဘဥတ့ဒီး တႈကြႈထြဲပွၚကညီ မ့ႈဝဲ တႈဖံးတႈမၚတမံၚအဂ့ႈစံးဝဲန႔ဥလီၚ. ပႈပါအတႈသုးဘူးအသး ဆူပွၚလ႕အဘဥတႈတကနဥဃုဏအီၚသ့ဥတဖဥအအိဥအံၚ မ့ႈဝဲ တႈမၚဂ႕ႈမၚက်႕ၚအါထီဥ တႈအိဥဖွိဥကရ႕အတႈဖံးတႈမၚလ႕အမ့ႈဝဲ တႈအိဥဖွိဥကရ႕ကဘဥပဏဘူးအသးဒီးပွၚကညီအသူးအသ့ဥ ဒီးတႈအိဥဖွိဥကရ႕ကဘဥဒိကနဥပွၚသ့ဥတဖဥအံၚအကလုဏယ ဒီးကဘဥဒုးမၚန႔ဥအဝဲသ့ဥလ႕တႈမုႈလႈန႔ဥလီၚ.

သီခါကရ႕ခိဥ Luis Martin de San Martin လ႕အမ့ႈပွၚဘဥမူဘဥဒါ ဘဥဃးဒီးတႈသးကညီၚတႈအဝဲၚက်ိၚ စံးဝဲလ႕ ဖဲတႈအိဥဖွိဥကရ႕ပဏဘူးအသးဒီးပွၚလ႕အဘဥကီဘဥခဲသ့ဥတဖဥ လ႕အသးကံႈပူၚအခါ မ့ႈဝဲအတႈပဏဖ်ါထီဥတႈသးခုကစီဥလ႕ ပွၚအါဂၚအမဲဏညါဒီးမ့ႈစ့ႈကီးတႈအုဥအသးလ႕ မတၚတဂၚမးတအိဥလ႕ဎြၚအသူအသးအခ်႕ဘဥန႔ဥလီၚ.

ပွၚလ႕အကရ႕ကရိထီဥတႈမၚအသးအံၚသ့ဥတဖဥ စံးဝဲလ႕ တႈကြႈထြဲကဟုကဎဏတႈအခိဥအဃ႕ၚယ တႈကြႈထြဲကဟုကဎဏ ပွၚကညီ အတႈဒိဥထီဥထီထီဥ ဒီးတႈကဟုကဎဏကြႈထြဲခရံဏဖိသ့ဥတဖဥအတႈအိဥမူအိဥဂဲၚ မ့ႈတႈတမံၚဃီ ခီဖ်ိတႈထံဥလိဏသးတဂၚဒီးတဂၚ တႈဖံးဃုဏမၚဃုဏတႈ ဒီးတႈစူႈတႈနဏတမံၚဃီအပူၚန႔ဥလီၚ.

ပႈပါအတႈထံဥလိဏအသးဒီးပွၚဖွီဥဖိဎဏဖိသ့ဥတဖဥအံၚ ဘဥတႈဆီဥထြဲမၚစ႕ၚအီၚလ႕ တႈသးကညီၚမၚစ႕ၚတႈအကရ႕သ့ဥတဖဥယ သီခါ လီႈကဝီၚသ့ဥတဖဥယ ပွၚမၚစ႕ၚကလီတႈအကရ႕ကရိလ႕အကြႈထြဲမၚစ႕ၚဝဲ ပွၚဘဥကီဘဥခဲလ႕၀့ႈရိမ့ၚအပူၚသ့ဥတဖဥယ ဃုဏဒီးတႈဖံးတႈမၚ အကရ႕ကရိသ့ဥတဖဥ အတႈမၚစ႕ၚတႈလ႕ဂီၚခီအတႈအီဥဒီးမုႈဆါခီအတႈအီဥန႔ဥလီၚ.

Pope to have lunch with 200 poor people from Rome in Castel Gandolfo     Vatican News      07 July 2026