၀့ႈတကူဥတလးပ႕လီႈကဝီၚဖးဒိဥအပူၚ တႈဟ့ဥတႈမၚလိဘဥဃးဒီး တႈဘူဥထီဥဘါထီဥအတႈရဲဥလီၚက်ဲၚလီၚ ဒ္သိးပွၚစူဏနႈတႈဖိသ့ဥတဖဥ ကနႈပ႕ႈမံးဆါတႈလုႈစီဆွံအခီပညီအဒိဥအဎိဏ တႈကစီဥ

ပွၚစူဏနႈတႈဖိအဂၚ (၂၅၀) သ့ဥတဖဥအိဥဖွိဥရိဖွိဥထံဥလိဏသကိးအသး ဖဲလါဎူလံဥ ၄ သီ လ႕ St. Mary Cathedral တႈဘါသရိဏဖးဒိဥဒီး မၚသကိးဝဲတႈဒိကနဥထူကလုဏဎြၚကထါ လီၚဆီဒဥတႈလ႕တႈဒုးသ့ဥညါနႈပ႕ႈတႈလုႈမံးဆါအဂ့ႈ တနံၚမုႈန႔ဥလီၚ. ပွၚကတိၚပဏဖ်ါထီဥတႈမ့ႈဝဲ ၀့ႈတကူဥတလးပ႕လီႈကဝီၚပွၚဘဥမူဘဥဒါဘဥဃးဒီး တႈဘူဥထီဥဘါထီဥ အတႈရဲဥလီၚက်ဲၚလီၚ Fr. Joseph Kyaw Thet န႔ဥလီၚ.

ဖဲတနံၚမုႈအကတီႈအံၚအပူၚ တႈမၚလိမၚဒိးတႈအဆ႕ကတီႈမ့ႈဝဲသ႕ဘ်ီ လ႕ဂၚီခီခံဘ်ီယ မုႈဆါခီတဘ်ီ ဃုဏဒီးတႈသံကြႈစံးဆ႕ သ့ဥတဖဥ ဒ္သိးပွၚလဲၚမၚဃုဏသကိးတႈသ့ဥတဖဥ ကသ့ဒိးန႔ႈဘဥဝဲတႈစံးဆ႕ ဒ္အမ့ႈတႈမၚဆူဥထီဥအဝဲသ့ဥအတႈနႈပ႕ႈ တႈသိဥလိနဲဥလိအဂီႈန႔ဥလီၚ. 

ဖဲလ႕အဆိအခါ Fr. Joseph Kyaw Thet ကတိၚနႈပ႕ႈတႈဘဥဃးဒီး တႈလုႈမံးဆါအဂ့ႈ ဒီးစံးဝဲလ႕တႈလုႈမံးဆါ တမ့ႈထဲ ပွၚတဂၚဧိၚအတႈဖံးတႈမၚတႈဘဥဒီး မ့ႈဝဲဒဥပွၚအါဒံအါဂၚဒီးတႈအိဥဖွိဥကရ႕လ႕ဟီဥခိဥဒီဘ့ဥအတႈမၚဃုဏတႈန႔ဥလီၚ.

ပွၚလ႕အဒိးန႔ႈတႈသ့စီကိးဂၚဒဲးသ့ဥတဖဥ အိဥဝဲဒီးအမူအဒါလီၚလီၚဆီဆီဒီးပွၚဘါဎြၚဖိသ့ဥတဖဥ ဘဥတႈကြဲမုႈအီၚ ဒ္သိး အကမၚဃုဏသကိးတႈလ႕တႈသူဥတုၚလီၚသးတုၚလီၚအပူၚ ဒီးလ႕တႈသ့ဥညါနႈပ႕ႈတႈအပူၚန႔ဥလီၚ. ပဏဖ်ါထီဥဝဲ ပွၚစီဆွံ St. John Vianney အတႈကတိၚလ႕အမ့ႈဝဲ ပမ့ႈနႈပ႕ႈတႈလုႈမံးဆါအလုႈအပ့ွၚဂ့ၚဂ့ၚဘဥဘဥဒီး ပကသံဝဲလ႕တႈသူဥဖွံသးညီ အပူၚန႔ဥလီၚ.

သီခါပဏဖ်ါထီဥဝဲ တႈလုႈလီႈမ့ႈဝဲဒဥ တႈလုႈမံးဆါအသးကံႈပူၚ လ႕အကဲခ႕ဥစးဝဲခရံဏအနီႈကစႈဒီးမ့ႈဝဲစ့ႈကီး ခရံဏ အတႈလုႈထီဥအသးဆူထူဥစုညါအလိၚ အိဥဝဲသပွႈကတ႕ႈလ႕တႈလုႈမံးဆါအပူၚန႔ဥလီၚ. တႈကတဲႈကတီၚတႈလုႈမံးဆါ ဂ့ၚဂ့ၚဘဥဘဥအကါဒိဥဝဲအဂ့ႈ ခီဖ်ိတႈထုကဖဥယ တႈကြႈထံဆိကမိဥလီၚက့ၚပကစႈဒဥဝဲပသးယ တႈလဲၚပ်ႈတႈကမဥ ဒီးတခ်ဳးလ႕ပဒိးန႔ႈကိဥဘူဥစီဆွံအကတီႈ ပကဘဥဒူဥတႈအီဥတႈအီတနဥရံဥအဂ့ႈသ့ဥတဖဥန႔ဥလီၚ.

သီခါအံၚစံးကဒီးဝဲလ႕ တႈလုႈမံးဆါအကတီႈကိးခါဒဲးသ့ဥတဖဥ အကါဒိဥဝဲအဂ့ႈ ဒီးခရံဏကစႈအိဥဝဲသပွႈကတ႕ႈလ႕ အကလုႈကထါအပူၚယ ဒီးလ႕ကိဥဘူဥစီဆွံအပူၚအဂ့ႈန႔ဥလီၚ. မ႕န႔ႈဆီဥခံဝဲတႈအိဥဖွိဥကရ႕ဖိသ့ဥတဖဥဒ္သိးအကလဲၚတုၚဝဲ ဆူတႈလုႈမံးဆါ လ႕အဘဥဆ႕ဘဥကတီႈယ ဒီးဘူဥဘါဃုဏသကိးတႈလ႕တႈသူဥဆူဥသးဂဲၚအပူၚ လ႕တႈလုႈမံးဆါဒီကတီႈညါ အပူၚန႔ဥလီၚ.

ဖဲအတႈသိဥလိနဲဥလိတႈခံဘ်ီတဘ်ီအကတီႈ သိီခါအံၚပဏဖ်ါထီဥဝဲတႈအိဥဖွိဥကရ႕အတႈသိဥလိနဲဥလိတႈ ဘဥဃးဒီး တႈဘူဥထီဥဘါထီဥအတႈရဲဥလီၚက်ဲၚလီၚအတႈစီဆွံဝဲ ဒ္အမ့ႈ Second Vatican အတႈအိဥဖွိဥဖးဒိဥယ တႈအိဥဖွိဥကရ႕ အတႈသိဥလိထူကလုႈဎြၚကထါယ တႈဘူဥထီဥဘါထီဥအလံဏယဒီးပႈပါအလံဏပရ႕သ့ဥတဖဥန႔ဥလီၚ. ဒုးသ့ဥနီဥထီဥဝဲ ပွၚဘါဎြၚဖိသ့ဥတဖဥလ႕မ့ႈဝဲ တႈလ႕အဘဥဃးဒီးတႈအိဥဖွိဥကရ႕လ႕ဟီဥခိဥဒီဘ့ဥ ဒီးပွၚတသ့လဲလိဏကြံဏအီၚ ဖဲတႈဘဥ ပွၚအသးဘဥန႔ဥလီၚ.

Fr. Joseph Kyaw Thet မ႕န႔ႈဆီဥခံဝဲ သီဘူဥသီခါဒီးတႈအိဥဖွိဥဖိသ့ဥတဖဥဒ္သိးအကလူၚပိဏထြဲဒိကနဥသကိး တႈဘူဥထီဥဘါထီဥအတႈရဲဥလီၚက်ဲၚလီၚ ဒ္တႈအိဥဖွိဥကရ႕ပဏလီၚဝဲအသိး ဒီးပကဘဥသ့ဥညါနႈပ႕ႈအ႕ဥလီၚတူႈလိဏသကိးဝဲ သီခါကရ႕ခိသ့ဥတဖဥယ သီဘူဥသီခါသ့ဥတဖဥယ ပွၚလ႕အပဏစီဆွံအသးသ့ဥတဖဥယ ပွၚစူႈနဏတႈဖိသ့ဥတဖဥ ကသ့လုႈထီဥတႈလုႈမံးဆါတဂၚလ႕အသန႕ဥ တဂၚလ႕အသန႕ဥန႔ဥလီၚ.

လ႕ခံကတ႕ႈ သီခါအံၚပဏဖ်ါထီဥဝဲ တႈသူဥ၀ံဥသးဆ႕တႈလ႕တႈလုႈမံးဆါအပူၚ အဂ့ႈအက်ိၚန႔ဥလီၚ. ကတိၚဟ့ဥဂ့ႈဟ့ဥဘါ ပွၚသး၀ံဏတႈဖိသ့ဥတဖဥ  ဒ္သိးကအမၚဆူဥထီဥဝဲ အတႈဘူဥဃုဏဘါဃုဏသကိးတႈန႔ဥလီၚ.ဖဲပွၚဒိးန႔ႈကိဥဘူဥစီဆွံ၀ံၚအကတီႈ ပကဘဥအိဥဘ့ွဥအိဥဘီဥသကိးအဂ့ႈယ ပကဘဥမၚတႈထုကဖဥ ဒီးစံးဘ်ဳးစံးဖွိဥဎြၚအဂ့ႈ ပဏဖ်ါထီဥဝဲန႔ဥလီၚ.

တနံၚမုႈတႈရဲဥလီၚက်ဲၚလီၚသ့ဥတဖဥအံၚ မၚသီထီဥက့ၚ တႈအိဥဖွိဥဖိသ့ဥတဖဥအတႈသ့ဥညါနႈပ႕ႈ မံးဆါတႈလုႈစီဆွံအဂ့ႈ တုၚလီၚဝီလီၚဝဲယ ဒီးတႈပဏဖွိဥဃုဏသးဒီးဟီဥခိဥဒီဘ့ဥတႈအိဥဖွိဥကရ႕အဂ့ႈန႔ဥလီၚ.