တႈဆဲးက်ိးလိဏသးခီဖ်ိစဲးဖီကဟဥအတႈသ့တႈဘဥ ကဘဥမ့ႈတႈလ႕တႈမ့ႈတႈတီဒီးပွၚကညီအသူးအသ့ဥလၚကပီၚအဂီႈ ပႈပါစံးဝဲတႈကစီဥ

ပႈပါလ့ဥအိဥတဆံလြံႈဂၚတဂၚမ႕န႔ႈဆီဥခံဝဲ ကဲးသလံးတႈအိဥဖွိဥကရ႕အပွၚဆဲးက်ိးတႈသ့ဥတဖဥ ဒ္အဝဲသ့ဥအိဥဖွိဥရိဖွိဥ ထံဥလိဏသကိးအသး ဖဲ၀့ႈ Kigaliယ ဒ္သိးအကမၚဒိဥထီဥထီထီဥစဲးဖီကဟဥအတႈသ့တႈဘဥ ဒ္အအိဥသူဥလီၚအသးလ႕ တႈမ့ႈတႈတီ ဒီးပွၚကညီသူးသ့ဥလၚကပီၚယ တႈမုဏတႈခုဥဒီးတႈဃူတႈဖိးယ ဒီးတႈကြႈထြဲတႈဘဥတ့သ့ဥတဖဥအဂီႈန႔ဥလီၚ.

ပႈပါအတႈဃ့ကညးတႈမ့ႈဝဲ ပွၚလ႕အလဲၚထီဥသကိးတႈအိဥဖွိဥ လ႕အမ့ႈဝဲဆူ SIGNIS World Conference ဒ္အမ့ႈဝဲလ႕ကီႈ Rwanda အ၀့ႈ Kigali အပူၚန႔ဥလီၚ.

ပႈပါဆွ႕လီၚဝဲတႈဆ႕ဂ့ၚဆ႕ဝါ ဒီးအတႈပဏဘူးအသးဒီးပွၚသ့ဥတဖဥအံၚ ဒီးဆ႕မုႈလႈဝဲဒ္သိးပွၚသ့ဥတဖဥအံၚ အတႈတ႕ဥပီဥ တ႕ဥပီလိဏအသး ကသ့ဆီဥထြဲမၚစ႕ၚတႈဆဲးက်ိးလိဏသးအက်ိၚအက်ဲသ့ဥတဖဥ ဒ္သိးအကမ့ႈဝဲလ႕ပွၚခဲလ႕ဏသ့ဥတဖဥ အတႈန႔ႈဘ်ဴးန႔ႈဖွိဥအဂီႈန႔ဥလီၚ.

ပႈပါအ႕ဥလီၚတူႈလိဏဝဲလ႕ ဆ႕ကတီႈခ့ခါခဲအံၚ စဲးဖီကဟဥအတႈသ့တႈဘဥ (Digital technology) ဒီးလီတႈကစီဥ သ့ဥတဖဥ တုၚလီၚဝီလီၚဝဲလ႕ ပွၚကညီသ့ဥတဖဥအတႈအိဥမူအိဥဂဲၚအဖီခိဥန႔ဥလီၚ.

ဒ္အလံဏပရ႕လ႕အမ့ႈဝဲ Magnifica Humanitas အပူၚအသိး ပႈပါစံးဝဲလ႕ တႈဆဲးက်ိးလိဏသးခီဖ်ိလ႕ Online ဖီခိဥအံၚ တမ့ႈထဲတႈစိဏဆွ႕ဒုးသ့ဥညါတႈကစီဥသ့ဥတဖဥဘဥဒီး မ့ႈစ့ႈကီးတႈလ႕အတုၚလီၚဝီလီၚဒီးသ့ဒုးကဲထီဥ တႈလ႕အဘဥဃး ဒီးလုလႈ ဒီးပွၚကညီသ့ဥတဖဥအတႈထံဥဝဲဟီဥခိဥ ဒ္လဲဥဒ္လဲဥ ဒီးမ့ႈစ့ႈကီးတႈတုၚလီၚဝီလီၚလ႕ပွွၚကညီသ့ဥတဖဥအသး လ႕အနီၚဖးတႈဂ့ၚဒီးတႈအ႕အဖီခိဥန႔ဥလီၚ.

ပႈပါမ႕န႔ႈဆီဥခံဝဲ ပွၚလဲၚထီဥတႈအိဥဖွိဥသ့ဥတဖဥ ဒ္သိးအကမၚတႈဂ့ၚဂ့ၚဘဥဘဥလ႕တႈဂံႈမိႈပွႈ ဒ္အမ့ႈစဲးဖီကဟဥ အတႈသ့တႈဘဥလ႕ လုလႈဆဲးလၚသ့ဥတဖဥအတႈဘဥလိဏဖိးဒ့လိဏအသးအဂီႈ ဒီးလ႕တႈအခိဥအဃ႕ၚအတႈန႔ႈဘ်ဴး

န႔ႈဖွိဥအဂီႈန႔ဥလီၚ.

ပႈပါဆ႕မုႈလႈဝဲ ဒ္သိးပွၚလဲၚထီဥတႈအိဥဖွိဥသ့ဥတဖဥအံၚ အတႈကြႈထံဆိကမိဥတႈ ကဘဥတႈထုးစုနဲဥက်ဲအီၚဆူ တႈမ့ႈ တႈတီ ဒီးကမ့ႈစ့ႈကီးတႈလ႕အအိဥသူဥလၚီအသးလ႕ တႈပဏကဲပွၚကိးဂၚဒဲးအသူးအသ့ဥအဂီႈန႔ဥလီၚ.

ဒ္န႔ဥဒီး ပွၚဖံးတႈမၚတႈသ့ဥတဖဥအံၚကသ့ဆီဥထြဲမၚစ႕ၚ တႈတ့ဘွီထီဥလုလႈလ႕အဘဥထြဲလိဏအသးဒီးတႈသးခုကစီဥ အလုႈအပ့ွၚ လ႕အဘဥဃးဒီးတႈရ႔လိဏမုဏလိဏသးဒီးတႈမုဏတႈခုဥယ ဒီးမ႕န႔ႈဆီဥခံဝဲ တႈကြႈထြဲတႈအခိဥအဃ႕ၚ လ႕အမ့ႈဝဲ ဃုဏဒီးတႈသ့ဥညါနႈပ႕ႈလီၚက့ၚမူဒါအဂီႈန႔ဥလီၚ.

ပႈပါလ့ဥအိဥအးလီၚဝဲပွၚလဲၚထီဥတႈအိဥဖွိဥသ့ဥတဖဥ ဆူတႈအိဥဖွိဥကရ႕အအိဥယ မိႈမၚရံအတႈဃ့ထုကဖဥစ႕ၚတႈအပူၚ ဒီးစံးဝဲလ႕အထုကဖဥန႔ႈတႈလ႕ပၚွသ့ဥတဖဥအံၚ ဒ္သိးအဝဲသ့ဥအတႈဖံးတႈမၚ ကအိဥထီဥဝဲဒီးတႈအခ်ံအသဥလ႕ အအိဥဂ႕ႈဆိးက်႕ၚဝဲအဂီႈန႔ဥလီၚ.

Pope: Digital communication must serve truth and human dignity Vatican News 04 August 2026