RVA ကီႈအ့ရွ႕ဥကြဲးလ့လိၚအပွၚဘဥမူဘဥဒါသ့ဥတဖဥ အတႈထံဥလိဏတ႕ဥပီဥလိဏသး လ႕ကီႈ Philippines တႈကစီဥ

ကီႈအ့ရွ႕ဥကြဲးလ့လိၚတႈမ့ႈတႈတီ (Radio Veritas Asia) အ Workshop ဘဥတႈမၚအီၚဖဲ လါအီးကထိဘ႕ဥ ၅ သီတုၚလ႕ ၈ သီ ၂၀၂၆ယ ဒီးမ့ႈ၀ဲဖဲ Sisters of Mary School Girlstown အိဥလ႕ Biga, Silang, Cavite ကီႈ Philippines နဥ့လီၚ’ ကလုဏဒူဥအလီၚဆီ၀ဲသ့ဥတဖဥ အပွၚဘဥမူဘဥဒါ အဂၚ ၂၀ လ႕ကီႈအ့ရွ႕ဥ ထံကီႈအလီၚဆီ၀ဲယ ဃုဏဒီးပွၚဘဥမူဘဥဒါ ၉ ဂၚ လ႕ကီႈပဎီၚသ့ဥတဖဥ မၚဃုဏသကိးတႈ ဖဲတႈမၚအသးအံၚအပူၚနဥ့လီၚ’

Workshop အံၚယ ဘဥတႈစးထီဥအီၚ ဃုဏဒီး တႈထုကဖဥဒီးတႈကြႈထံဆိကမိဥတႈယ ဒီးဘဥတႈတီခိဥရိဥမဲအီၚလ႕ Bishop Junie Maralit လ႕အမ့ႈ FABC-OSC အခိဥအနႈ နဥ့လီၚ’ Bishop Junie ကတိၚပဏဖ်ါထီဥတႈဂ့ႈလ႕အဘဥဃးဒီး ပွၚကဘဥအိဥဒီးတႈပလီႈသး လ႕ Media အတႈဖံးတႈမၚအပူၚနဥ့လီၚ’

Bishop Junie စံး၀ဲလ႕ Media အတႈဖံးတႈမၚအံၚ အသုတဘဥတႈထိဥအီၚဒြးအီၚ ထဲဒဥလ႕ အတႈကဲထီဥလိဏထီဥအဖီခိဥဘဥနဥ့လီၚ’ ပပ်ီႈထံတႈကတိၚယ ပရၚလီၚတႈကလုႈယ ပပဏဖ်ါထီဥတႈလ႕ Online အဖီခိဥယ ပဖံးတႈမၚတႈအါ၀ဲဘဥဆဥယ မ့ႈပဖံးတႈမၚတႈလ႕ တႈအဲဥတႈကြံအပူၚ ဆံးအါဆံးအါလဲဥနဥ့ ပကဘဥကြႈထံဆိကမိဥ၀ဲအဂ့ႈ စံး၀ဲနဥ့လီၚ’ လ႕ပဖံးတႈမၚတႈအပူၚ ပကဘဥပဏဘူးပသးဒီး ဎြၚပကစႈအဂ့ႈ တလးပ႕ ကတိၚဆူဥထီဥတႈနဥ့လီၚ’ Media အ႔ပွၚမၚတႈဖိသ့ဥတဖဥ ဒုးဟူထီဥသါလီၚ၀ဲ ထူကလုႈဎြၚကထါ ခီဖ်ိလ႕တႈအပီးအလီအပူၚဘဥဆဥ အ၀ဲသ့ဥ ကဘဥဃဥကဒါက့ၚအသးဆူ ကစႈအအိဥ ဒီးကဘဥဒုးဟူထီဥသါလီၚ ခရံဏကစႈအဂ့ႈ ခီဖ်ိအတႈအိဥမူအိ္ဥဂဲၚ ဒီးလ႕အတႈဖံတႈမၚတႈအပူၚအဂ့ႈ တလးပ႕စံး၀ဲနဥ့လီၚ’

တလးပ႕စံးကဒီး၀ဲလ႕ တႈဆဲးက်ိးတႈသးခုကစီဥအပွၚမၚတႈဖိသ့ဥတဖဥ သ့ခီဖ်ိထံဥဘဥ၀ဲ တႈလီၚဘွံးလီၚတီၚ ဒီးတႈသူဥဟးဂီၚသးဟးဂီၚသ့၀ဲနဥ့လီၚ’ ဟ့ဥဂံႈဟ့ဥဘါ၀ဲ ပွၚမၚဃုဏသကိးတႈသ့ဥတဖဥ ဒ္သိးအကက်ဲးစ႕းဃုထံဥနႈ့ တႈရ့လိဏသးဒီးဎြၚ လ႕အဒိဥထီဥအါထီဥ၀ဲ အါနဥ့တႈဖံးတႈမၚတႈ ဆူဥဆူဥကလဲဏနဥ့လီၚ’

ဖဲပွၚလီၚဘွံးလီၚတီၚ၀ဲအခါယ ပသုတဘဥမၚတႈဆူဥဆူဥကလဲဏဘဥဒီး ပကဘဥမၚဒိဥထီဥဎိဏထီဥ ပတႈထုကဖဥတႈ ဒီးပတႈဒိကနဥတႈယ ပကဘဥမၚဆူဥထီဥပတႈရ့လိဏပသးအဂ့ႈ တလးပ႕အံၚ စံး၀ဲနဥ့လီၚ’

မ႕နႈ့ဆီဥခံ၀ဲ RVA အပွၚဘဥမူဘဥဒါသ့ဥတဖဥ ဒ္သိးအကဒိကနဥ ပွၚလ႕အဘဥတႈတကနဏဃုဏအီၚသ့ဥတဖဥအကလုႈ ဒီးဟ့ဥဂံႈဟ့ဥဘါအ၀ဲသ့ဥ ဒ္သိး အကမ့ႈသကိး ပွၚလ႕တႈတနႈဟူအီၚ ပွၚလ႕အဘဥတႈသးပ့ၚနီဥကြံဏအီၚသ့ဥတဖဥအကလုႈ ဒီးမ႕နႈ့ဆီဥခံ၀ဲ RVA အပွၚမၚတႈဖိသ့ဥတဖဥ ဒ္သိးအကမ့ႈ၀ဲ ပွၚဆဲးက်ိးတႈလ႕ ပွၚခဲလ႕ဏ အတႈနႈ့ဘ်ဳးနႈ့ဖွိဥအဂီႈနဥ့လီၚ’

တႈထံဥလိဏတ႕ဥပီဥလိဏသး (Workshop) အံၚယ ဘဥတႈမၚဘီဥထီဥညီထီဥအီၚလ႕ CAMECO အပွၚဘဥမူဘဥဒ္ Mr. Michael Unland ဒီး ပွၚကြႈထြဲမၚစ႕ၚ RVA အခ႕ဥစးကရ႕သ့ဥတဖဥ အပွၚဘဥမူဘဥဒါ Mr. Frank Kraus နဥ့လီၚ’

ခ႕ဥစးလ႕ ကီႈပဎီၚသ့ဥတဖဥ ပဏဖ်ါထီဥသကိး အတႈစံးဘ်ဳးစံးဖွိဥ ပွၚလ႕အကြႈထြဲမၚစ႕ၚ RVA အတႈဖံးတႈမၚ လ႕ကီႈပဎီၚအပူၚ ဒီးထုကဖဥနႈ့တႈလ႕ ပွၚကြႈထြဲတႈသ့ဥတဖဥအဂီႈနဥ့လီၚ’

တႈထံဥလိဏတ႕ဥပီဥလိဏသး (Workshop) အံၚယ ဒုးသ့ဥနီဥထီဥ၀ဲ ပွၚမၚဃုဏသကိးတႈသ့ဥတဖဥလ႕ Media အတႈဖံးတႈမၚ တမ့ႈထဲ တႈလ႕အဘဥဃးဒီး စဲးဖီကဟဥအတႈသ့တႈဘဥ (Technology) ဘဥဒီးယ မ့ႈတႈလ႕အဘဥဃးဒီး တႈအဲဥတႈကြံယ တႈထုကဖဥယ ဒီးတႈရ့လိဏသးဒီးခရံဏကစႈနဥ့လီၚ’

တလးပ႕မ႕နႈ့ဆီဥခံ၀ဲ RVA အပွၚမၚတႈဖိသ့ဥတဖဥ ဒ္သိးအကမၚဒိဥမၚဆူဥထီဥ အတႈထုကဖဥယ အတႈဒိကနဥတႈယ ဒီးမၚဆူဥထီဥသကိး အတႈအ႕ဥလီၚအီလီၚ ဒ္သ္းအကရၚလီၚ တႈသးခုကစီဥအဂီႈနဥ့လီၚ’

ပွၚဘဥမူဘဥဒါ ဒီး ပွၚမၚဃုဏသကိးတႈသ့ဥတဖဥ က့ၚကဒါက့ၚ၀ဲဆူ အတႈဖံးလီႈမၚလီႈ ဃုဏဒီးတႈမၚသီထီဥက့ၚသးယ တႈမၚသီထီဥက့ၚ တႈအ႕ဥလီၚအီလီၚသး ဒ္သိးအကမ့ႈသကိး တႈမုႈလႈအတႈကလုႈ လ႕ပွၚကမ်႕ႈဖိသ့ဥတဖဥယ လ႕အ၀ဲသ့ဥအကစႈဒဥ၀ဲအထံလီႈကီႈပူၚ ဒီးလ႕တႈလီႈတႈက်ဲအဂုႈအဂၚသ့ဥတဖဥအဂီႈနဥ့လီၚ’

Go Deeper  Not Just Harder    RVA Workshop Unites Coordinators from Across Asia