ပႈပါ လ့ဥအိဥ ၁၄ ဂၚတဂၚ စံးကတိၚတႈဖဲ မုႈအိဥဘွံးနံၚ ဖဲပွၚစီဆွံ စီပ့ဥၾတဴး အတႈလီၚပ်ီ ဖဲ Angelus အတႈထုကဖဥတႈအကတီႈန႔ဥလီၚ
ပႈပါ လ့ဥအိဥ ၁၄ ဂၚတဂၚ စံးကတိၚတႈဖဲ မုႈအိဥဘွံးနံၚ ဖဲပွၚစီဆွံ စီပ့ဥၾတဴး အတႈလီၚပ်ီ ဖဲ Angelus အတႈထုကဖဥတႈအကတီႈန႔ဥလီၚ
ပႈပါ လ့ဥအိဥ ၁၄ ဂၚတဂၚ စံးကတိၚတႈဖဲ မုႈအိဥဘွံးနံၚ ဖဲပွၚစီဆွံ စီပ့ဥၾတဴး အတႈလီၚပ်ီ ဖဲ Angelus အတႈထုကဖဥတႈအကတီႈန႔ဥလီၚ. ပႈပါစံးဝဲဖဲ လံဏတႈသးခုကစီဥအပူၚ ဘဥဃးဒီး စပံးအပွၚမၚတႈဖိတဖဥ အဒိအတဲဏ ဒီးဟ့ဥဂ့ႈဟ့ဥဘါဝဲ ပွၚဘါဎြၚဖိတဖဥလ႕ အကသ့ဥညါထီဥဝဲလ႕ ဎြၚအက်ဲတဖဥန႔ဥ ဒိဥန႔ႈဒံးပွၚကညီအတႈဆိကမိဥ ဒီးအတႈထိဥတႈထိဥသႀတီၚတဖဥန႔ဥလီၚ.
ဎြၚအတႈကတိဏပဏတဖဥန႔ဥ ဒိဥန႔ႈဒံး ပွၚကညီလ႕ တႈဒဲးလးပတႈအီၚတဖႈ အဆိပမိႈထီႈ ဒီးမၚလ႕ပွဲၚအသ့ဥတဖဥန႔ဥ အါမးလီၚ. ဒီးအဝဲသ့ဥန႔ဥ အိဥဒီး တႈသးကညီၚဒီး တႈအဲဥတႈကြံဏအါန႔ဥဒံး ပွၚဆိကမိဥတႈသ့ဥတဖဥန႔ဥလီၚ.
ပႈပါသ့ဥနီဥထီဥဝဲ စပံးအကစႈတဂၚ အဂ့ႈလ႕ အဟ့ဥလီၚဝဲ ပွၚမၚတႈဖိခဲလ႕ဏ လ႕အဘူးလဲၚတုၚသိး သိး ဒီးစးထီဥဟ့ဥဝဲ ပွၚလ႕အဟဲလ႕ခံကတ႕ႈတဖဥန႔ဥလီၚ. အဝဲတဲဖ်ါထီဥဝဲလ႕ ဎြၚအတႈဂ့ၚတႈဝါန႔ဥ တမ့ႈထဲပွၚစွၚဂၚအဂီႈဘဥ မ့ႈဝဲပွၚခဲလ႕ဏအဂီႈန႔ဥလီၚ.
ဖဲတႈအဲဥတႈကြံဏ အိဥဒိဥန႔ႈပွၚကညီအတႈထိဥတႈႀတီၚအခါ ဒီးဖဲတႈသးကညီၚ အိဥလဲႈန႔ႈ ပွၚကညီအတႈၾက႕းဒိးန႔ႈဘဥအီၚအခါန႔ဥ ပဝဲခဲလ႕ဏ ခါဆူညါအဂ့ၚန႔ဥလီၚ.
ပႈပါစံးဝဲ ပွၚဘါဎြၚဖိသ့ဥတဖဥလ႕ အပဏတ့ႈကြံဏ တႈနဏလီၚဖးလိဏသး တႈသူဥက့ဥသးကါ ဒီးတႈအက်ဲလ႕ တတီတလိၚဘဥ တဖဥန႔ဥလီၚ. အဝဲကိးဃီၚပွၚခဲလ႕ဏလ႕ ကတူႈလိဏ ဎြၚဟ့ဥလီၚပွၚတႈဘ်ဳးတႈဖွိဥလ႕ ပကမၚသကိးတႈလ႕ ဎြၚအစပံးအလီႈအပူၚန႔ဥလီၚ.
ဖဲအဝဲကတိၚတႈဝံၚအခါ ပႈပါ လ့ဥအိဥ ၁၄ ဂၚတဂၚ ကိးဃီၚပွၚခဲလ႕ဏလ႕ ကဃ့တႈထုကဖဥလ႕ မိႈစီဆွံ မၚစ႕ၚဆွးက့ၚတႈအဂီႈ ဒ္သိး ဎြၚအတႈဆိကမိဥ ဒီးအက်ဲတဖဥ ကကဲထီဥ ပွၚကညီအတႈဆိကမိဥ ဒီးပွၚကညီအက်ဲတဖဥ စ့ႈကီးန႔ဥလီၚ.
